Портрет Альфреда Нобеля. Архивное фото

Гирандагони ҷоизаи Нобелӣ дар соҳаи физика маълум гардиданд

134
(Таҷдидшуда 12:08 09.10.2019)
Кумитаи Нобели назди Институти тиббии Каролин ғолибонро дар ришта физика барои соли 2019 эълон намуд

ДУШАНБЕ, 8 окт — Sputnik. Дар шаҳри Стокголм гирандагони ҷоизаи Нобел дар риштаи физика барои соли 2019 эълон гардид.

Ғолибонро рӯзи сешанбе Кумитаи Нобели назди Институти тибби Каролин эълон кард.

​Мувофиқи қарори комисия ҷоизаи Нобелро дар соҳаи физика Ҷеймс Пиблз, Мишел Майор ва Диде Келоз соҳиб шуданд.

Иттилоъ дода мешавад, ки ҷоизаи Нобел ба Ҷеймс Пибл барои ихтироъи назариявӣ дар соҳаи космологияи физикӣ ва Мишел Майор ва Диде Келоз барои кашфи планетаи экзотикӣ, ки дар гирди ситораҳои офтобшакл давр мезанад дода мешавад.

Чорабинии супурдани ҷоизаҳои Нобел чун анъана дар рӯзи 10 декабр муайян шудааст , яъне дар рӯзи марги таъсисдиҳандаи ин туҳфаи қиматбаҳо, соҳибкори шведсиягӣ ихтироъкор Алфред Нобел.

Ҷоизаи Нобел яке аз ҷоизаҳои қиматбаҳои байналмилдалӣ дар дунё шинохта шудааст.

Ин ҷоиза ҳарсол ба олимони соҳаҳои гуногун барои ихтироъкориҳо ва навовариҳои намоён дода мешавад.

Дар васиятномаи Нобел ҷудо намудани ҷоиза барои ихтироот дар соҳаҳои физика, химия, физиология ва ё тиб, адабиёт пешбинӣ шуда буд.

Ҳамчунин ин ҷоиза барои пойбарҷо гузоштани сулҳ дар рӯи замин дода мешавад. 

134
Барчаспҳо:
ихтироъ, олим, Ҷаҳон, физика, Ҷоизаи Нобел
Всемирный банк, офис в Вашингтоне

Зарари бесобиқаи коронавирус ба иқтисоди ҷаҳон: 5 сол барои барқароршавӣ лозим

149
(Таҷдидшуда 16:58 19.09.2020)
Бонки ҷаҳонӣ моҳи июн гузориш дод, ки соли 2020 коҳиши рекордии иқтисоди ҷаҳонро пас аз ҷанги дуввуми ҷаҳонӣ интизор аст

ДУШАНБЕ, 17 сен — Sputnik. Кармен Рейнхарт сармутахассиси Бонки ҷаҳонӣ мегӯяд, барқароршавии иқтисоди ҷаҳон аз буҳроне, ки дар натиҷаи пандемияи коронавирус ба амал омад, метавонад то панҷ солро дар бар гирад. 

"Эҳтимол, дар пасманзари лағви ҳама чораҳои маҳдудкунандаи марбут ба карантин ҷаҳиши фаврӣ ба амал ояд, аммо барқароршавии пурра то панҷ солро дар бар хоҳад гирифт", - изҳор доштааст Рейнхайтер.

Ҳамзамон Рейнхарт интизор дорад, ки пас аз буҳрон сатҳи камбизоатӣ дар ҷаҳон бори аввал дар 20 соли охир боло хоҳад рафт.

Ба гуфтаи иқтисодчӣ, буҳроне, ки дар натиҷаи пандемия ба вуҷуд омадааст, нобаробариро дар ҷаҳон афзоиш хоҳад дод, "зеро табақаҳои камбизоати аҳолӣ аз буҳрон дар кишварҳои сарватманд аз ҳама сахттар зарар мебинанд ва кишварҳои камбизоат нисбат ба сарватманд бештар хисорот хоҳанд дид", - менависад Арменпресс бо истинод ба РИА Новости.

Гуттерреш мегӯяд, коронавирус аз назорат берун омад ва ваксин ин буҳронро рафъ намекунад

Бонки ҷаҳонӣ моҳи июн гузориш дод, ки соли 2020 коҳиши рекордии иқтисоди ҷаҳонро пас аз ҷанги дуввуми ҷаҳонӣ интизор аст.

Ёдовар мешавем, Созмони ҷаҳонии беҳдошт хуруҷи сирояти нави коронавируси COVID-19-ро пандемия эълон кард. Тибқи маълумоти охирини СҶБ, дар ҷаҳон зиёда аз 29,1 миллион ҳолати сироятёбӣ ошкор гардида, беш аз 926 ҳазор нафар фавтидаанд.

149
Барчаспҳо:
иқтисод, БҶ

Пирӯзӣ бар вируси корона?: марзҳои Ӯзбекистон аз аввали моҳи октябр боз мешаванд

166
(Таҷдидшуда 14:16 19.09.2020)
Давлати Ӯзбекистон аз аввали октябр маҳдудиятҳои вуруд ва хурӯҷ ба ин кишварро дар бахшҳои ҳавоӣ, роҳи оҳан ва заминӣ бо риояти муқаррароти қарантина ва беҳдоштӣ лағв мекунад

ДУШАНБЕ, 19 сен — Sputnik. Бар асоси тасмими Комиссияи вижаи мубориза бо вируси корона дар Ӯзбекистон, маҳдудият барои тараддуди шаҳрвандон ва васоили нақлия аз тариқи гузаргоҳҳои марзӣ коҳиш меёбад, иттилоъ додааст хабаргузории Форс.

Бино бар иттилои манбаъ, афроде, ки аз тариқи гузаргоҳҳои заминӣ аз Тоҷикистон, Қазоқистон, Туркманистон ва Афғонистон ба ин кишвар ворид шаванд пас аз тести вируси корона барои қарантинаи 14 рӯза ба меҳмонхонаҳо эъзом хоҳанд шуд.

Парвозҳо низ ба дараҷаҳои “қирмиз”, “зард” ва “сабз” тақсимбандӣ шудааст ва афроди ворид шуда бо парвоз аз тариқи кишварҳои “сабз” шомили Чин, Таиланд, Малайзия, Кореяи Ҷанубӣ, Гурҷистон, Венгрия, Финляндия, Латвия, Утриш ва Япония метавонанд бидуни маҳдудият вориди Ӯзбекистон шаванд.

Афрод муқими кишварҳои “зард” монанди Озарбойҷон, Беларус, Имороти Муттаҳидаи Арабӣ ва кишварҳои Иттиҳоди Аврупо ғайр аз Англия ва Испания ва низ манотиқи қирмиз, ки соири кишварҳои ҷаҳонро дар бар мегирад фақат дар сурати надоштани бемории вируси корона метавонанд вориди Ӯзбекистон шаванд.

166
Барчаспҳо:
лағв, беҳдоштӣ, роҳи оҳан, ҳавоӣ, марз, маҳдудият, Ӯзбекистон
День 20 сентября

Ҷашнҳои рӯзи 20 сентябр дар Тоҷикистон ва ҷаҳон

0
(Таҷдидшуда 19:25 19.09.2020)
Рӯзи бистуми сентябр ҳамчун Рӯзи байналмилалии варзиши донишҷӯён ба ҳисоб меравад. Ҳамчунин Ҷумҳурии Қирғизистон дар ин рӯз аз Рӯзи соҳибкорон ҷашн мегирад

Рӯзи 20 сентябр дар ҷаҳон чӣ рух дод

Соли 1802 дар Россия аввалин маротиба вазоратҳои мудофиа, корҳои хориҷӣ ва корҳои дохилӣ таъсис дода шуданд.

Соли 1902 дар натиҷаи сӯхтор дар калисои шаҳри  Бирмингеми Англия зиёда аз 100 нафар ба ҳалокат расиданд.

День 18 сентября
© Sputnik / Стас Этвеш / Вишнякова Мария

Соли 1917 Парлумони Канада ба модар, ҳамсар ва хоҳари аскари дар майдони ҷанг муборизабаранда ҳуқуқи овоздиҳӣ пешниҳод кард.

Соли 1992 аксарияти аҳолии Фаронса  дар раъйпурсӣ барои шомил шудани кишварашон ба ҳайати Иттиҳоди Аврупо овоз доданд.

Соли 1993 Парлумони Озарбойҷон барои шомил шудан ба Иттиҳоди Давлатҳои Мустақил қарор қабул кард.

Рӯзи 20 сентябр дар Тоҷикистон чӣ рух дод

Соли 2010  Эмомалӣ Раҳмон дар Маҷлиси умумии сатҳи олии Маҷмаи кулли СММ бахшида ба масъалаҳои Ҳадафҳои Рушди Ҳазорсола суханронӣ намуд.

Ҷашнҳои рӯзи 17 сентябр дар Тоҷикистон ва ҷаҳон

Соли 2013 Сарвари давлат ҷиҳати иштирок дар ҷаласаи сарони давлатҳои узви Созмони Аҳдномаи амнияти дастаҷамъӣ ба шаҳри Сочии Федератсияи Русия сафар кард.

Соли 2016 Агентии омори назди Президенти Ҷумҳурии Тоҷикистон аввалин маҷаллаи стратегии "Тоҷикистон: 25 соли истиқлолияти давлатӣ"-ро нашр намуд.

День 15 сентября
© Sputnik / Стас Этвеш / Вишнякова Мария

Соли 2016 узви собиқи дастаи мунтахаби Тоҷикистон оид ба бокс Сергей Харитонов дар рӯйхати навшудаи беҳтарин муборизони ҷаҳон шомил шуд.

Соли 2017 дар шаҳри Ню-Йорк Эмомалӣ Раҳмон дар мубоҳисаҳои умумии Иҷлосияи 72-юми Маҷмаи Умумии Созмони Милали Муттаҳид иштирок намуда, яке аз аввалинҳо шуда, суханронӣ карданд.

Соли 2018 Раисҷумҳури Тоҷикистон Эмомалӣ Раҳмон ва Раиси шаҳри Душанбе Рустами Эмомалӣ дар ноҳияи Шоҳмансури пойтахт Муассисаи таълимии таҳсилоти умумии ғайридавлатии "Академияи умумиҷаҳонии Кембриҷ" - ро дар вазъияти тантанавӣ ифтитоҳ карданд.

Ҷашнҳои рӯзи 20 сентябр

  • Рӯзи байналмилалии варзиши донишҷӯён.
  • Дар Белорус – Рӯзи гумрукчиён.
  • Дар Қирғизистон – Рӯзи соҳибкорон.
  • Дар Осетияи Ҷанубӣ – Рӯзи истиқлолият.

Рӯзи 20 сентябр дар Тоҷикистон кӣ ба дунё омадааст

Солҳои (1909-1993)  Нависандаи халқии Тоҷикистон, дорандаи ҷоизаи ба номи А. Рӯдакӣ Ҷалол Икромӣ.

Солҳои (1916-1986)  Ҳунарманди театр ва халқии Тоҷикистон Тӯтӣ Ғафорова.

Соли 1945 Шоири халқии Тоҷикистон, дорандаи ҷоизаи ба номи А. Рӯдакӣ, муаллифи суруди миллии Тоҷикистон Гулназар Келдӣ.

Солҳои (1946-2010) дорандаи ҷоизаи ба номи А.Рӯдакӣ Музаффар Неъматов.

Соли 1947 Профессори илмҳои иқтисодӣ Амир Катаев.

0
Барчаспҳо:
ҷашн, ҷаҳон, Тоҷикистон