Шумораи қурбониёни тӯфони "Хагибис" аз марзи 66 нафар гузашт

108
(Таҷдидшуда 12:42 15.10.2019)
Тӯфони шадиди "Хагибис" дар Ҷопон боиси ба ҳалокат расидани 66 нафар ва ҳамзамон беному нишон шудани 15 тани дигар гардид

ДУШАНБЕ, 15 окт — Sputnik. Бар хабари шабакаи NHK, теъдоди умумии қурбониёни ин офати шадиди табиӣ дар Ҷопон ба 66 нафар расида, ҳамзамон 15 нафари дигар то ҳол беному нишон ҳастанд.

Встреча президента Таджикистана Эмомали Рахмона с премьер-министром Японии Синдзо Абэ. Архивное фото
© Официальная страница пресс-службы президента РТ в Facebook.

Манбаъ меафзояд, бар асари офати табиӣ 212 нафар ҷароҳатҳи гуногуни ҷисмонӣ бардоштанд. Ҳалокати 66 нафар сокинони Ҷопон аз тӯфони шадид дар ҳолест, ки қаблан аз фавти 61 нафар хабар дода мешуд. Зикр мегардад, ки шояд теъдоди қурбониён боз ҳам афзоиш ёбад.

Ёдовар мешавем, ки тӯфони "Хагибис" авозири ҳафтаи гузашта дар Ҷопон сар зад, ки бо худ шамоли сахт ва боронгарии шадид ба бор  овард.

Тарсовартар аз марг: дар Амрико 7 милюн кас аз туфон осеб дид

Зимнан бар асари боронгардиҳои зиёд даҳҳо манзилҳои истиқоматӣ пурра зери об монданд ва ҳамчунин дар 19 манотиқи Ҷопон лағжиши замин рух дод.

Аз ҳама беш аз ин офати табиӣ манотиқи чун Фукусима, Мияги, Канагава, Тотиги, Саитама, Нагана ва Сидзуока хисорот диданд.

Гузашта аз ин то ҳол беш аз 133 ҳазор манзилҳои истиқоматӣ аз оби ошомиданӣ маҳрум гардиданд ва 34 ҳазор хона бе неруи барқ монданд.

Феълан дар минтақаҳои осебдида, дасти кам 110 ҳазор кормандони наҷотбахшӣ, оташнишонон, пулис ва кормандони Хадамоти амниятӣ дар баҳру дарёҳо, барои наҷот ва ҷустуҷӯӣ бедаракшудагон фаъолият мебаранд.

Маврид ба зикр аст, ки дар робита ба пайомадҳои фоҷеабори офати табиӣ дар Ҷопон, раисҷумҳури Тоҷикистон Эмомалӣ раҳмон ба ҳамтои худ Синдзо Абэ барқияи таслият ирсол кард.

"Хабари дар кишвари дӯсти Япония сар задани тӯфони "Хагибис", ки боиси ба ҳалокат расидани даҳҳо нафар шаҳрвандон ва осеб дидани теъдоди зиёди одамон гардида, харобиҳои калонро ба бор овард, моро хеле андуҳгин кард", - гуфта мешавад дар мактуби изҳори ҳамдардии раисҷумҳур.

Эмомалӣ Раҳмон ба пайвандону наздикони қурбониён ва ҳукумати Ҷопон таслияти амиқи худро изҳор намудааст.

108
Барчаспҳо:
тӯфон, Ҷопон
Скорая помощь в Афганистане, архивное фото

Таркиши минаи сарироҳӣ дар марзи Тоҷикистону Афғонистон 4 кушта барҷой гузошт

134
(Таҷдидшуда 18:55 28.09.2020)
Музофоти Қундузи Афғонистон, ки ҳаммарз бо Тоҷикистон аст, минаи сарироҳӣ инфиҷор шудааст. Дар натиҷа чанд кас бар асари таркиш ҷон бохтанд

ДУШАНБЕ, 28 сен — Sputnik. Бар асари таркиши минаи сарироҳӣ дар марзи Тоҷикистону Афғонистон дасти кам 4 нафар ба ҳалокат расиданд, хабар медиҳад шабакаи Shamshad News.

Ба иттилои манбаъ, таркиш дар вулусволии Алиобод дар музофоти Қундуз, ки бо Тоҷикистон ҳаммарз аст, рух додааст.

Бар хабари маълумоти расмӣ, минаи сарироҳӣ асное ба кор даромад, ки воситаи нақлиёт убур кард. Ба эҳтимоли зиёд, минаро Ҷангиёни ҳаракати Толибон гузошта буданд.

Ҳушдори гурӯҳи Толибон ба ширкатҳои ҳавопаймоии Афғонистон

Пизишкон фавти чаҳор нафаро расман тасдиқ намуданд, аммо мақомоти ҳифзи ҳуқуқи ин кишвар аз ҳалокати 6 нафар хабар доданд.

Алъон ҷангиёни Толибон масъулияти ин ҳамларо бар ӯҳда нагирифтанд.

134
Барчаспҳо:
мина, таркиш, Афғонистон
Вакцина от коронавируса

Чин мегӯяд, ваксинаи сохти онҳо масунияти инсонро тӯлонитар ҳифз мекунад

104
Чин мегӯяд то соли 2021 зиёда аз 1 миллиард воя истеҳсол мекунад ва ҳамаи шаҳрвандонашро марҳила ба марҳила эм мекунад

ДУШАНБЕ, 28 сен — Sputnik. Чин то охири соли 2020 610 миллион вояи ваксинаи зидди  коронавирус ва соли 2021 зиёда аз 1 миллиард воя истеҳсол хоҳад кард, хабар медиҳад Казинформ бо такя ба маълумоти директори Маркази рушди илми тиб ва технологияҳои Комиссияи давлатии тандурустии Ҷумҳурии Мардумии Чин Чжэн Чжунвэй.

"Иқтидори Чин ҷиҳати истеҳсоли  ваксинаҳои зидди коронавирус то охири соли 2020 610 миллион ва соли 2021 беш аз 1 миллиард воя арзёбӣ мешавад",- иброз намуд Чжен Чжунвэй.

Ҳамзамон ин масъули соҳаи тиб зикр кард, ки эм намудани аҳолӣ бо ваксина марҳила ба марҳила сурат мегирад ва дар қадами аввал, одамоне, ки хатари баландтари сироятёбӣ аз коронавирус доранд, хусусусан кормандони тиббии "дар хатти пеш" буда ва намояндагони гурӯҳҳои осебпазири аҳолӣ (аз ҷумла, пиронсолон, занҳои ҳомиладор ва кӯдакон) афзалият хоҳанд дошт.

61 фавт ва беш аз 8 ҳазор гирифтори ҷадид: омори коронавирус дар Русия

Ба гуфтаи Тсзэн Гуан, сухангӯи Маркази назорат ва пешгирии бемориҳои Чин, ваксинаҳои зидди коронавируси чинӣ метавонанд системаи эминии инсонро дар муддати нисбатан тӯлонитар ҳифз кунанд.

104
Мавзуҳо:
Пайомадҳои COVID-19 дар Тоҷикистон ва ҷаҳон
Деятельность МВД в борьбе с коронавирусом в Таджикистане

Омори нави гирифторӣ, шифо ва фавт аз COVID-19 дар Тоҷикистон

0
Вазорати тандурустии Тоҷикистон мегӯяд, шабонарӯзи гузашта дар ҷумҳурӣ 39 ҳолати нави сироятёбӣ ба COVID-19 ошкор гардид

ДУШАНБЕ, 28 сен — Sputnik. Тибқи иттилои Вазорати тандурустӣ, шумораи умумии гирифторони ин беморӣ аз 30 апрел то 28 сентябр ба 9 ҳазору 685 нафар расид.

Манбаъ афзуд, ки то имрӯз дар мамлакат 8483 нафар ё худ 87,5%-и гирифторони COVID-19 шифо ёфта, аз ин беморӣ 75 нафар фавтидаанд.

“Шабонарӯзи охир 79 нафар гумонбарон зери назорати табибон қарор дошта, 53 нафар баъд аз муолиҷа ба хонаҳояшон рухсат дода шуданд”, - омадааст дар иттилоияи расмӣ.

Ахиран Созмони Миллал гузориш дод, ки коҳиши теъдоди беморон дар Тоҷикистон метавонад ба далели "камбуди зарфияти озмоиш дар ин кишвар" бошад. Аммо Вазорати тандурустии Тоҷикистон ин иддаоро рад намуда, таъкид кардааст, ки тавони кофии ташхис дар кишвар фароҳам аст.

Бархе дар Тоҷикистон омори вазорати тандурустии ин кишвар марбут ба “вируси корона” - ро ба боди интиқод кашида, онро ғалат ва ғайривоқеӣ мехонанд. Ба иддаои онҳо, теъдоди гирифторону фавтидагон аз ин маризӣ аз он чӣ дар омори вазорат оварда мешавад, зиёд аст. Сабаби марги аксари онҳое, ки дар замони мубориза бо “вируси корона” дар Тоҷикистон фавтидаанд, расман илтиҳоби шуш, ишемияи дил, қанд ва дигар маризиҳои ҳамроҳ гуфта мешавад.

Аммо Александр Семёнов, раҳбари ҳайати “Роспотребнадзор” – и Русия, ки ба намояндагӣ аз Созмони ҷаҳонии тандурустӣ дар Тоҷикистон якуним моҳ ба ин сӯ қарор дорад, мегӯяд, усули ҳисобдорӣ ё сабти мавридҳои “вируси корона” дар ин кишвар дуруст роҳандозӣ шудааст.

0
Барчаспҳо:
фавт, таманнои шифои комил, беморӣ, Тоҷикистон