Юлдуз Усманова

Юлдуз Усмонова дар саҳнаҳои бузурги Маскав ва Петербург консерт баргузор мекунад

105
(Таҷдидшуда 13:00 17.10.2019)
Примадоннаи саҳнаи Узбакистон Юлдуз Усмонова дар бузургтарин толорҳои консертии Маскав ва Санкт-Петербург ҳунарнамоӣ мекунад

ДУШАНБЕ, 17 окт — Sputnik. Ҳунарманди саршиноси Узбакистон Юлдуз Усмонова бо сафари ҳунарӣ ба шаҳрҳои бузурги Русия Маскав ва Санкт - Петербург меравад.

Сарояндаи маъруфи Ҷумҳурии Узбакистон Юлдуз Усмонова рӯзи 13-уми ноябри соли ҷорӣ дар Русия бо консерти бошукӯҳи ҷашнӣ рӯи саҳнаи Crocus City Hall-и Маскав ва рӯзи 14 ноябр дар толори варзишии "Тинкофф арена" ҳунарнамоӣ хоҳад кард.

Консерти примадоннаи эстрадаи Узбакистон дар Маскав соати 20:00 оғоз мешавад. Нархи чиптаҳо ба консерти ҳунарманди маъруф аз 2000 рубли русӣ тақрибан (300 сомонӣ то 7000 рубли русӣ тақрибан 1000 сомонӣ қиммат дорад.

Гуфта мешавад, Юлдуз дар ин рӯз барномаи "Men seni sevaman"-ро намоиш медиҳад. 

Ба репертуари Юлдуз Усмонова, беш аз 600 тарона бо забонҳои ӯзбекӣ, русӣ, туркӣ, тоҷикӣ, қирғизӣ, ӯйғурӣ, қазоқӣ, тоторӣ, форсӣ ва дигар забонҳо дохил мешаванд.

Беҳтаринҳои онҳо дар консерти дар шаҳри Маскав ва Петербург садо хоҳад дод.

Юлдуз Усмонова бори охир соли 2016 дар Маскав ҳунарнамоӣ карда буд.

Миёни мухлисони тоҷик Юлдуз Усмонова бештар бо суруди “Биё, ҷонам, биё”, матни шоираи тоҷик Офоқ, ки соли 2008-ум эҷод шудааст, маъруф аст.

Ҳамчунин Юлдуз Усмонова суруди дигаре аз ашъори шоири шаҳири тоҷик Лоиқ Шералӣ - "Намекунӣ" хонда буд, ки низ хеле шӯҳратёраш кард.

Соли 2009 Юлдуз Усмонова ҳамроҳи маэстро Далер Назаров рӯи саҳнаи Кохи Борбад ҳунарнамоӣ  карда, суруди машҳури ин овозхон - "Чак чаки борони баҳор", - ро сароида буд.

Маврид ба зикр аст, ки Юлдуз Усмонова чанде қабл бо овозхони шинохтаи Тоҷикистон Шабнами Сурайё дар шаҳри Хуҷанд шоу - консерти муштарак баргузор намуданд ва суруди муштарак сабт карданд.

Ин сурудро дар соатҳои аввали нашраш дар саҳифаи Шабнами Сурайё беш аз 15 ҳазор нафар гӯш карданд.

“Tarolla Dalli”: Шабнам сурудаш бо Юлдуз Усмоноваро нашр кард - видео

Юлдуз Усмонова рӯзи 12 декабри соли 1963 дар Марғилони вилояти Фарғонаи Узбакистон ба дунё омадааст.

Ӯ ҳунарманди мардуми Узбакистон, Ҳунарпешаи шоисткаи ТОҷикистон, Туркманистон ва Қазоқистон мебошад.

105
Барчаспҳо:
Маскав, консерт, Юлдуз Усмонова
Солдат афганской национальной армии на контрольно-пропускном пункте в Кабул-Джелалабаде, архивное фото

Пентагон: коронавирус миёни низомиёни афғон густариши шадид ёфтааст

243
(Таҷдидшуда 02:18 28.05.2020)
Вазорати дифои Амрико эълом кардааст, ки эҳтимол дорад зиёд аз 50 дарсади неруҳои амниятии Афғонистон ба коронавирус мубтало шудаанд

ДУШАНБЕ, 28  май — Sputnik. Ба нақл аз рӯзномаи Нию-Йорк Таймз, Вазорати дифои Амрико - Пентагон ба далели шуйюи коронавирус миёни неруҳои амниятии афғон, амалиёти муштарак ва омӯзиши низомиёни Афғонистонро мутаваққиф карда ва ин мавзӯъ амалиёти алайҳи неруҳои террористӣ аз ҷумла ДОИШ-ро таҳти таъсир қарор додааст, иттилоъ додааст радиои Садои Хуросон.

Ба навиштаи ин рӯзномаи амрикоӣ, бо вуҷуди таваққуфи амалиёти низомии муштарак, ҳамлаҳои ҳавоӣ дар ин кишвар алайҳи неруҳои террористӣ идома хоҳад дошт.

Мақомоти Пентагон бар ин боваранд, ки 50 дарсади низомиёни Афғонистон ба коронавирус мубтало шудаанд.

Тибқи оморе, ки мақомоти Афғонистон санаи 25 май нашр карда буд, дар ин кишвар, шумораи мубталоён ба коронавирус марзи 11 ҳазор нафар гузашт.

Он замон гуфта шуда буд, ки аз лаҳзаи ворид шудани вирус дар Афғонистон то кунун, 1095 беморе табобат шуданд.

243
Барчаспҳо:
густариш, вазорати дифоъ, эҳтимол, вирус, Амрико, Афғонистон
Мавзуҳо:
Пайомадҳои COVID-19 дар Тоҷикистон ва ҷаҳон
Подпись документов

Таъсиси ордени "Саломатӣ" барои беҳтарин табибон дар Ӯзбекистон

104
(Таҷдидшуда 11:45 27.05.2020)
Ҷоизаи ифтихорӣ ба ӯзбекҳо, хориҷиён ва инчунин шахсони бешаҳрванд дода мешавад. Барои барандагон маблағҳои пулӣ ва ҳамзамон  имтиёзҳо пешбинӣ шудааст.

ДУШАНБЕ, 27  май — Sputnik. Қарор дар бораи таъсиси ордени "Саломатлик" (“Саломатӣ”) аз сӯи президенти Ӯзбекистон Шавкат Мирзиёев рӯзи гузашта ба имзо расид, хабар медиҳад хадамоти матбуотии Вазорати тандурустии ин кишвар.

Гуфта мешавад, ҷоизаи ифтихорӣ барои хизматҳои барҷаста дар рушди системаи тандурустии кишвар, беҳбуд бахшидани саломатии мардум ва тақвияти ҳамкориҳои байналмилалӣ дар ин соҳа супурда мешавад. Онро метавон аз ҷумла хориҷиён ва шахсони бешаҳрванд низ ба даст оваранд.

Нишон аз ду дараҷа иборат аст. Ордени дараҷаи I ба шахсоне, ки барои саҳми назаррас дар рушд ва такмили соҳаи тандурустӣ ва мустаҳкамгардонии саломатии мардум, ордени дараҷаи II ба шахсоне дода мешавад, ки дар ҳифзи саломатии ҷамъиятӣ, пешгирии бемориҳои мухталиф ва рафъи онҳо фаъоланд, мукофотонида мешавад.

Ба иттилои манбаъ, барои ҳавасмандӣ ҳамзамон барандагонро маблағҳи пулӣ ва имтиёзҳо тақдим мешавад.

104
Мавзуҳо:
Пайомадҳои COVID-19 дар Тоҷикистон ва ҷаҳон
Женщина в защитной маске на улице города Душанбе

Бидуни фавт: суръати афзоиши сироётшавӣ аз COVID - 19 дар Тоҷикистон сусттар шуд

0
(Таҷдидшуда 18:51 28.05.2020)
Вазорати тандурустии Тоҷикистон хабар медиҳад, ки дар давоми шабонарӯзи гузашта дар кишвар 139 ҳолати нави гирифторӣ ба COVID - 19 сабт шудааст

ДУШАНБЕ, 28 май – Sputnik. То соати 17:30 дақиқаи 28 май дар Ҷумҳурии Тоҷикистон 3563 нафар бо ташхиси сирояти коронавируси нави COVID-19 ошкор гардидаааст.

Бино ба гузориши Вазорати тандурустии Тоҷикистонто кунун аз ин беморӣ дар кишвар 1674 нафар шифо ёфтаанд. То рӯзи зикргардида дар кишвар аз ин беморӣ 47 нафар фавтидаанд.

Тибқи иттилои ин ниҳод, шабонарӯзи гузашта ягон ҳолати фавт аз ин беморӣ ба қайд гирифта нашудааст.

Бино ба иттилои манбаъ, то 28 май дар мамлакат 2322 нафар зери назорати табибон қарор дошта, дар як шабонарӯзи охир 423 нафар пас аз шифо ёфтан ба хонаҳояшон рухсат дода шудаанд.

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Ин ниҳод мегӯяд, дар ин лаҳзаҳои ҳассос аз тамоми сокинони кишвар даъват ба амал оварда мешавад, ки ҷиҳати пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

0
Барчаспҳо:
гирифторони беморӣ, вируси нав, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон