Президент РФ Владимир Путин и президент Турции Реджеп Тайип Эрдоган, архивное фото

Созиши сарнавиштсози Путину Эрдуғон дар масоили Сурия

337
(Таҷдидшуда 11:08 23.10.2019)
Владимир Путин, раисҷумҳури Русия шоми 22 октябри соли равон бо Раҷаб Эрдуғон, раисҷумҳури Туркия дар шаҳри Сочӣ дидору гуфтугӯ карданд. Мулоқоти ду роҳбар кишвар шаш соат идома ёфт

ДУШАНБЕ, 23 окт — Sputnik. Мавзуи меҳварии мулоқоти Владимир Путин, раисҷумҳури Русия бо ҳамтои туркиаш Раҷаб Тайиб Эрдуғон амалиёти Туркия дар шимоли Сурия буд.

Бино бар иттилои хабаргузории РИА Новости роҳбарони ду кишвар 22 октябр дар шаҳри Сочӣ ба созиш расиданд, ки марзи муштараки Сурия ва Туркияро Анқара ва Москав бо ҳам назорат мекунанд.

Ин созишро Владимир Путин, як “созиши муҳим ва сарнавиштсоз” эълон кард.  

Бар асоси созиш, ки матни онро вазири умури хориҷии Русия Сергей Лавров қироат кард, низомиёни турк минтақаи 30-километриеро назорат хоҳанд кард, ки дар натиҷаи амалиёти ахири худ ишғол намудаанд.

Ҳамчунин тибқи созиши мазкур ба минтақаи 30-километрии боқӣ нируҳои рус ворид мешаванду, гуруҳҳои мусаллаҳи курд бояд он минтақаро тарк кунанд. Сипас назорати муштараки марз аз сӯи низомиёни рус ва турк сурат мегирад.

Владимир Путин, зикр намудааст, ки тарафҳо зимни мулоқот тавонистанд, равиши муштараки ба эътидол овардани вазъ дар шимоли Сурияро интихоб кунанд. Путин ин созишро “хеле муҳим ва сарнавиштсоз” донист.

Зубайдулло Зубайдов: Тоҷикистон аз ҳокимият ва истиқлоли Сурия ҳимоят мекунад

Ёдрас мешавем, ки ахиран Туркия дар хоки Сурия аз оғози амалиёт зидди ҷангҷӯёни курд ва террористон эълон карда буд. Амалиёти Туркия пас аз он шурӯъ шуд, ки Доналд Трамп, раисҷумҳури Амрико аз хуруҷи нерӯҳои кишвараш аз шимол-шарқи Сурия эълон кард.

Пас аз эъломи хуруҷи нерӯҳои амрикоӣ амалиёти низомии Туркия оғоз шуд ва Туркия онро “ҷанг бо терроризм” унвон кард. Туркия хостори таъсиси як “минтақаи амн”-и то 30-километрии дохили қаламрави Сурия аст. Аммо амалиёти Туркия боиси интиқоди аксарияти кишварҳои ҷаҳон шудааст.

337
Барчаспҳо:
мулоқот, Раҷаб Тайиб Эрдуғон, Владимир Путин, Путин ва Эрдӯғон, Путин, созиш, Туркия, Русия
Хабиб Нурмагомедов, боец смешанного стиля, чемпион абсолютного бойцовского чемпионата (UFC) в легком весе

Маълум шуд, ки Ҳабиб барои як баромади оммавияш чанд пул мегирад

321
(Таҷдидшуда 14:43 03.07.2020)
Алӣ Абдул-Азиз, мененҷери Ҳабиб Нурмуҳаммадов гуфт, қаҳрамони UFC барои як баромади оммавӣ чанд пул мегирад

ДУШАНБЕ, 3 июл — Sputnik. Ба гуфтаи Алӣ Абдул-Азиз, ҳазинаи Ҳабиб Нурмуҳаммадов барои суханронӣ дар назди мардум ҳадди аққал 300 ҳазор доллар дар як рӯз аст.

Ин нуктаро менеҷери размикор дар шарҳи матлаби нашрияи Forbes, ки ҳазинаи Ҳабибро барои як баромади оммавӣ 78 ҳазор доллар гуфт.

"Падарам маро мешиносад, аммо ҳарф намезанад": Ҳабиб вазъи Абдулманапро шарҳ дод

"Ин каме маълумоти нодуруст аст. Музди ӯ барои суханронии оммавӣ дар як рӯз ҳадди аққал 300 ҳазор аст”,-гуфт Абдeл-Азиз.

Қаблан падари размикор низ дар бора дороиҳо ва даромади писараш аз муҳорибаҳо гуфта буд.

Ба гуфтаи ӯ калонтарин маблағро Ҳабиб Нурмуҳаммадов дар рақобат бо варзишкори амрикоӣ Дастин Поре ба даст овардааст.

"Дороии ӯ наздики 100 миллион доллар аст. Дар ҷаҳон одамоне ҳастанд, ки дороияшон аз ин бештар аст", - гуфт падари Ҳабиб.

Бояд қайд кард, ки моҳи июли соли 2019 рӯзномаи Forbes Ҳабибро миёни доротарин ашхоси аз 40 сола поёни Русия, дар мақоми аввал ҷой дода буд.
Ҳабиб Нурмуҳаммадов 28 бор аз рӯи муҳорибаҳои омехта ба октагон баромадааст ва боре ҳам мағлуб нашудааст.

Нунздаҳ рақобати Ҳабиб таҳти сарпарастии UFC баргузор шудааст. Рақобати охирин бо Дастин Поре ба Ҳабиб калонтарин музд - 6 миллион доллар овард. Ин бештарин ҳаққи музд дар фаъолияти Ҳабиб Нурмуҳаммадов мебошад.

321
Сотрудники погранслужбы на контрольно-пропускном пункте на границе Кыргызстана и Казахстана

Дар сарҳади Қазоқистон тақрибан 1000 нафар тоҷикону узбекҳо ҷамъ шудаанд: видео

119
(Таҷдидшуда 10:36 03.07.2020)
Шаҳрвандони Тоҷикистон ва Узбакистон сарфи назар аз муроҷиати вазорату идораҳо ҷамъ шуданро дар сарҳади Қазоқистон идома медиҳанд

ДУШАНБЕ, 3 июл — Sputnik.  Дар сарҳади Қазоқистон тақрибан 900 шаҳрванди хориҷӣ дар мондаанд, гуфт муовини раиси вилояти Туркистон Секен Калкаманов дар як видео дар Facebook.

"Тақрибан 500 шаҳрванди Тоҷикистон ва 300-400 шаҳрванди Ӯзбекистон ҷамъ омадаанд. Аз лаҳзаи сар шудани карантин, мо ба 800 нафар шаҳрвандон Тоҷикистон барои рафтан ба кишварашон иҷозаи гузар додем", гуфт мансабдор.
Калкаманов қайд кард, ки ин як раванди хеле мушкил аст, зеро гузариши транзитии нақлиёт бо шаҳрвандони Тоҷикистон бояд бо Ӯзбекистон ҳамоҳанг карда шавад.

Намояндаи мақомоти минтақавӣ илова намуд, ки ҳукумати шаҳри Сариағаш дар якҷоягӣ бо сарпарастон хӯроки гарм, ҷойи махсуси ист барои ҳифзи мардум аз офтоб ва дастрасӣ ба оби ошомиданӣ ташкил кардааст.

Инчунин ҳангоми будубоши муваққатӣ ҳолати санитарӣ риоя карда мешавад. Тақрибан 20 корманди шӯъбаи полиси минтақавӣ посбонҳо мекунанд ва табибон инчунин дар маркази будубоши муваққатии шаҳрвандони хориҷӣ шабонарӯзӣ навбатдорӣ мекунанд.

Калкаманов илова намуд, ки мақомоти маҳаллӣ ҳамеша бо намояндагиҳои Тоҷикистон ва Ӯзбекистон дар тамос ҳастанд.

119
Тонущий человек, архивное фото

Ҷавони 26 - сола, ки гирифтори бемории рӯҳӣ буд, дар канали Чузӣ ғарқ шуд

0
(Таҷдидшуда 15:02 03.07.2020)
Кумитаи ҳолатҳои фавқулодаи Тоҷикистон аз ғарқшавии сокини 26 - солаи ноҳияи Шаҳринав хабар медиҳад. Марҳум гирифтори бемории рӯҳӣ будаст

ДУШАНБЕ, 3 июл — Sputnik. Дар канали Чузӣ як сокини 26 - солаи деҳаи Селбури ноҳияи Шаҳринав ғарқ шудаст, хабар медиҳад Кумитаи ҳолатҳои фавқулодаи Тоҷикистон.

Ба иттилои манбаъ, марҳум ба хотири нӯшидани об ба канал фаромадаст, аммо мувозинати худро нигоҳ дошта натавонист ва ба об сарозер шудаст.

Наздикони ин ҷавон изҳор доштаанд, ки номбурда гирифтори бемории рӯҳӣ будааст.

Фоҷиа: ҷавони тоҷик дар Уфа кӯдакеро аз марг наҷот доду худ ғарқ шуд

Тибқи маълумоти сардори бахши Кумитаи ҳолатҳои фавқулода дар ноҳияи Шаҳринав афсарони бахш ҳамроҳ бо аҳолии маҳаллӣ дар ҷустуҷӯи ғарқшуда афтода, соати 22:22 дақиқа ҷасадро дар мавзеъи тахминан 500 метр дуртар аз маҳалле, ки ғарқ шуда буд, пайдо карданд ва ба наздиконаш супурданд.

Дар ҳамин ҳол, КҲФ сар аз авоили сол то 19 - уми июн теъдоди ғарқшудаҳо дар кӯлу дарёҳоро 28 нафар арзёбӣ намуд.

Аз миёни 28 нафари ғарқшуда, 9 нафарашон аз 16 - сола поён мебошанд.

0
Барчаспҳо:
ғарқ, ҷавон