Подсчет голосов на выборах в Афганистане

Омодагии СММ барои ҳали буҳрони интихобот дар Афғонистон

168
(Таҷдидшуда 18:03 19.11.2019)
Дафтари сиёсии Созмони Милали Муттаҳид дар Афғонистон рӯзи душанбе эълом кард, ки омодааст то барои ҳалли буҳрони интихоботи раёсатҷумҳурии ин кишвар ҳамкорӣ кунад.

ДУШАНБЕ, 12 ноя — Sputnik. Дафтари сиёсии Созмони Милали Муттаҳид гуфтааст, Комиссияи интихобот дар робита бо мудирияти шумориши оро ва натоиҷи интихобот бо мушкилоти печидае мувоҷеҳ шуда ва ин ниҳод омодаи ироаи машваратҳои фаннӣ барои ҳалли ин муъзал аст.

Муъзали интихоботи Афғонистон ин ҳафта замоне оғоз шуд, ки Комиссияи интихобот дастури бозшумории ду ҳазору 118 маҳаллро бидуни тавофуқи шуморе аз ситодҳои интихоботӣ аз ҷумла «Тими субот ва ҳамгароӣ» ба раҳбарии Абдуллоҳ Абдуллоҳ оғоз кард.

Абдуллоҳ рӯзи якшанбе дар гирдиҳамоӣ дар Кобул хостори таваққуфи фаврии бозшумории оро шуд ва ҳушдор дод, ки агар ба хоста вай ҷавоби рад дода шавад, иқдоми баъдиро анҷом хоҳад дод.

Бо ин вуҷуд, бозшумории оро идома дорад ва бар ҳамин асос расонаҳо ва бархе огоҳони сиёсӣ дар бораи бурузи як буҳрон ҳушдор додаанд.

Интихоботи раёсатҷумҳуири Афғонистон 28 сентябр баргузор шуд, аммо натиҷаи он ба далели мушкилоти зиёди Комиссияи интихобот токунун эълом нашудааст.

Қарор аст, натиҷаи аввалияи ин интихобот то се рӯзи дигар эълом шавад, аммо бархе гузоришҳо ҳокӣ аз он аст, ки бори дигар эъломи натиҷаи интихобот ба таъвиқ хоҳад афтод.

168
Барчаспҳо:
буҳрон, Интихоботи раёсатҷумҳурӣ, интихобот, Афғонистон, Созмони Милали Муттаҳид, СММ
Город Лондон. Великобритания

Мавҷи дуюми коронавирус дар Британия: сарвазир маҳдудиятҳои нав ҷорӣ кард

238
(Таҷдидшуда 20:05 23.09.2020)
Сарвазири Британия дар робита ба авҷ гирифтани мавҷи дуюми маризии коронавирус, маҳдудиятҳои нав ҷорӣ кард

ДУШАНБЕ, 23 сен - Sputnik. Британияро мавҷи дуюми маризи коронавирус фаро гирифтааст, хабар медиҳад РИА Новости.

Дар ин робита, сарвазири ин кишвар Борис Ҷонсон рӯзи сешанбе аснои баромади худ дар парлумон, маҳдудиятҳои нав барои ним соли оянда ҷорӣ кард.

"Коронавирус дар баробари гузариш аз фасли тирамоҳ ба зимистон зудтар паҳн мешавад. Аз ин рӯ, мо бояд аз ҳозир омодагӣ гирем", - таъкид намудаст Ҷонсон.

Бар тибқи қарори сарвазири Британия, коргарҳо бояд аз фосилаи дур кор кунанд, кори тарабхонаю майкадаҳо на дертар аз соати 10 - и бегоҳ тӯл кашад.

Ҳамчунин, Ҷонсон аз тамоми сокинон даъват намуд, ки маросимҳои хурсандӣ, аз ҷумла тӯю маъракаҳо танҳо бо иштироки 15 меҳмон баргузор шаванд. Дар маросими азодорӣ, ҳамоно на беш аз 30 нафар бояд иштирок кунанд.

Қазоқистон ҳам ваксинаи алайҳи коронавирусро сохт: СҶБ онро қабул кард

Қобили зикр аст, ки шабонарӯзи ахир дар Британия 4368 ҳолати ҷадиди гирифторшавӣ ба коронавирус сабт гардид. Инчунин давоми як рӯз аз ин беморӣ дар Британия 11 нафар ҷон бохт.

Дар умум, аз замони авҷ гирифтани коронавирус дар Британия 398 625 нафар мубтало шуда, 41 788 мариз ба ҳалокат расиданд.

238
Барчаспҳо:
маҳдудият, маризӣ, сарвазир, Британия
Полицейские возле места взрыва в Кабуле, Афганистан, 17 сентября

Дар Қундуз аз дасти ҷангиёни Толибон 7 низомӣ кушта шуд

54
(Таҷдидшуда 18:26 23.09.2020)
Низмиёни Афғонистон тавонистанд 4 ҷангии толибро маҳв кунанд ва ҳамзамон 4тани дигарро сахт маҷрӯҳ намуданд

ДУШАНБЕ, 23 сен — Sputnik. Бар асари ҳамалоти ҷангиёни гурӯҳи террористии Толибон ба ду музофот, дасти кам 7 низомии афғон кушта шуданд, хабар медиҳад агентии Синхуа.

Бар хабари волии Имом Соҳиб дар наздикии марз бо Тоҷикистон, ҷангиён нимашаб  ду гузаргоҳ дар музофоти Қундузро мавриди ҳамла қарор доданд. Дар натиҷаи задухӯрди шадид миёни ҷангиён ва мақомоти ҳифзи ҳуқуқи Афғонистон, 5 низомӣ кушта шуда, 8 нафари дигар ҷароҳатҳои ҷисмонӣ бардоштанд.

Зимнан,мақомоти қудратии Афғонистон 4 ҷангиро маҳв карда, чаҳор тани дигарро ҷароҳатдор намуданд.

Вокуниши давлати Афғонистон ба суханони Доналд Трамп дар бораи Толибон

Бар хабари сокинони маҳаллӣ, ҷангиёни Толибон як гузаргоҳро забт намуданд.

Дар ҳамин ҳол, як ҳамлаи дигарро ҷангиёни Ҷунбиши ҳаракати толибон дар музофоти Ҳирот гузаронданд. дар ин ҳамла ду корманди пулис кушта шуданд ва чандн нафари дигар ҷароҳат бардоштанд.

 

54
Барчаспҳо:
Толибон, даргирӣ, Афғонистон
Призыв, архивное фото

Мулоқоти ошкорои раисон бо даҳҳо наваскарон: Оё “облава” аз байн меравад?

0
(Таҷдидшуда 15:52 24.09.2020)
Дар оғози маъракаи даъвати тирамоҳии ҷавонон ба хизмати сарбозӣ, раисони аксар шаҳру навоҳии Тоҷикистон наваскаронро ба мулоқоти худ пазируфта, аз майли ихтиёран ба хизмат рафтани онҳо хуш истиқбол кардаанд

ДУШАНБЕ, 24 сен – Sputnik. Чанде пеш вохурии Зариф Мирдадо, раиси ноҳияи Ашт бо волидони наваскарони ноҳия баргузор гардида ва дар ин мулоқот аз ихтиёран ба хизмати сарбозӣ рафтани 150 ҷавон иттилоъ дода шуд.

Сулаймонзода Қурбоналӣ комиссари ҳарбии ноҳия изҳори умед намудааст, ки шумори ҷавононе, ки майли рафтан ба хизмати сарбозиро доранд сол аз сол зиёд мешавад.

“Мо бо ҷавонони ҷасуру нотарси худ фахр мекунем ва умед ба он дорем, ки сафи ҷавонони бо амри дил ба хизмат ҳозиршаванда зиёд мегардад”, гуфтааст Сулаймонзода, комиссари ноҳияи Ашт.

Дар ҳукумати шаҳри Хуҷанд низ мулоқоти Маъруф Муҳаммадзода, раиси ин шаҳр бо як гурӯҳ ҷавонон баргузор гардид. Дар ин вохурӣ шуморе аз ҷавонон аз омодагии худ, барои ихтиёран ба хизмат рафтанро баён намудаанд.

Зимнан дар дигар минтақаҳои Тоҷикистон низ мулоқоти роҳбарон бо наваскарон ва волидони онҳо ҷараён дорад.

Баъзе аз масъулин барои ҳавасмандӣ ба ҷавононе, ки бо хоҳиши худ нияти ба хизмат сафарбаршуданро доранд, ройгон додани шаҳодатномаи ронандагӣ ва бархеи дигар ҷудо намудани қитъаи замини наздиҳавлигиро ваъда кардаанд.

Маъракаи даъвати ҷавонон ба хизмати сарбозӣ дар Тоҷикистон ҳамасола дар ду давра, баҳору тирамоҳ баргузор мешавад. Даъвати тирамоҳии ҷавонон ба аскарӣ моҳҳои октябр ва ноябр давом мекунад. Фармони раисиҷумҳури Тоҷикистон, барои даъвати тирамоҳии наваскарон содир шудааст ва тибқи он ҷавонони синнашон 18 -27 сола ба хизмати ҳарбӣ даъват карда мешаванд.

"Моҳҳои октябр ва ноябри соли 2020 дар ҷумҳурӣ даъвати шаҳрвандони ҷинси мард, ки то рӯзи даъват ба синни 18 - солагӣ мерасанд, инчунин шаҳрвандони синну солашон калон, ки ҳуқуқи ба таъхир андохтани муҳлати даъват ё озод будан аз даъват ба хизмати ҳарбиро надоранд, барои хизмат ба сафҳои Қувваҳои мусаллаҳи Ҷумҳурии Тоҷикистон даъват карда мешаванд", - омадааст дар қарори раисиҷумҳур.

Чанд сол аст, ки дар ҷараёни иҷроиши нақшаи қабули наваскарон ба қисмҳои ҳарбӣ хабарҳо дар бораи ҳолатҳои сарбозгирӣ ва ё ба истилоҳ “облава” зиёд нашр мешаванд.

Ҳодисаи Зафарободро фаромӯш мекунанд, ё такрор?

Дар ҷараёни маъракаи даъвати баҳории ҷавонон ба хизмати сарбозӣ баҳори имсол як гурӯҳ волидони сарбозон дар ноҳияи Зафаробод иброз намуданд, ки писарони онҳоро, ки ҳама табиб ва дар бемористони ноҳия фаъолият мекарданд, ғайриқонунӣ ба хизмат бурдаанд.

Роҳила Ёдгорова, модари Бахтиёр Ҷумъаев, яке аз чор сорбоз дар ноҳияи Зафаробод ба Sputnik Тоҷикистон иброз намуда буд, ки масъулини комиссарияти ҳарбии ноҳия пеши худ рутбаи ҳарбии писарашро бекор намуда, ӯро ҳамроҳ бо ҳамкасбонаш ба хизмат фиристодаанд.

Ба ҳисоби Бахтиёр Ҷумъаев духтури сироятшинос, Аҳлиддин Ашрафов анастезиолог - реаниматолог, Дилшод Эшонқулов духтури асабшинос ва Шодӣ Шодиев, табиби ҷарроҳ ҳар яки онҳо баъди хатми Донишгоҳи тиббии Тоҷикистон, ки барои муҳассилин курси ҳарбиро низ фароҳам кардааст, бо дипломи олӣ ва билетӣ ҳарбӣ ба сифати табиб дар Беморхонаи ноҳияи Зафаробод аз рӯи касби худ ба фаъолият пардохта буданд, аммо кормандони комиссарияти ҳарбии ноҳия бо бекор кардани рутбаи ҳарбӣ, онҳоро пеши худ ба хизмат бурдаанд.

Дар оғози соли ҷорӣ дар ҷаласаи натиҷагирӣ аз ҷамъбасти маъракаи даъвати тирамоҳии шаҳрвандон ба сафи Қисмҳои низомии кишвар дар соли 2019, муовини сарвазири Тоҷикистон таъкид намуд, ки бо вуҷуди иҷрои саривақтии нақша зиёд камбудиҳо ошкор шудааст.

Ба ҳамин далел нисбати дасти кам 34 корманди комиссариатҳои ҳарбӣ аз ҷазоҳои интизоми ҳарбӣ то озод намудан аз вазифаи ишғолнамуда татбиқ карда шуд.

Эмомалӣ Раҳмон, раисиҷумҳури Тоҷикистон, ахиран дар ҷаласаи бахшида ба 27 - солагии таъсисёбии қувваҳои мусаллаҳ таъкид намуд, ки фарзандони вакилону вазирон бояд дар навбати аввал хидмат кунанд.

Раисиҷумҳур зикр кард, ки роҳбарони ҳамаи зинаҳо, аз аъзои Ҳукумат ва вакилони парлумон то раисони вилоят, шаҳру ноҳияҳо, ҷамоатҳои шаҳраку деҳот, ташкилоту муассисаҳо, хизматчиёни давлатӣ ва соҳибкорон бояд худашон намунаи риояи Конститутсия, Қонуни Тоҷикистон "Дар бораи уҳдадории умумии ҳарбӣ ва хизмати ҳарбӣ" бошанд.

Зимнан дар мулоқоту вохуриҳое, ки раисон бо наваскарон анҷом медиҳанд, сули матраҳ ин аст, ки чи теъдод аз ин ҷавонони бо майли худ ба хизмат раванда писарони нафарони мансабдор мебошанд? Ва ё кифоя аст, ки нақшаи тирамоҳии даъват аз ҳисоби ин теъдод ҷавонон иҷро шуда ва дигар “облава” аз байн меравад? – посухи ин суолро вақт нишон медиҳад, яъне ҷараёни маъракаи тирамоҳии ҷавонон ба хизмати ҳарбӣ.

0
Барчаспҳо:
сарбоз, наваскарон, истиқбол, мулоқот, тирамоҳ, Тоҷикистон