Скорая помощь в Афганистане, архивное фото

Террори собиқ мансабдори Толибон дар қарибии сафорати Русия дар Кобул

385
(Таҷдидшуда 13:40 21.11.2019)
Аҳмад Ваҳиди Мужда, маъруф ба Ваҳид Мужда, рӯзноманигор, нависанда, шоир ва таҳлилгари сиёсии афғон дар қарибии сафорати Русия дар Кобул кушта шудааст

ДУШАНБЕ, 21 ноя — Sputnik. Нусрат Раҳимӣ, сухангӯи вазорати корҳои дохилаи Афғонистон, дар як паёми катбӣ дар сафҳаи “Фейсбук”-аш хабар дод, ки ин куштор ҳаволии соати панҷи шоми имрӯз, 20 ноябр анҷом шудааст. Ба қавли ӯ, ду нафар мотосиклсавор ӯро бо зарби гулӯла аз по даровардаанд. “Таҳқиқот дар ин робита ҷараён дорад” – меафзояд ӯ.

“Ваҳид Мужда мехост ба тарафи масҷид барои адои намоз биравад ва дар ҳавзаи 7 – уми Кобул, соҳаи наздики сафорати Русия ба шаҳодат расидааст”, - хабар медиҳад яке аз дӯстони Мужда.

Огаҳони ҳол мегӯянд, манзили Ваҳид Мужда дар минтақаи Доруламон, дуруст дар канори бинои сафорати Русия дар Кобул ҷой гирифтааст ва фақат як роҳе ба паҳнои 4 – 5 метр онҳоро аз ҳам ҷудо мекунад.

Муҳаммад Акром Андешаманд, яке аз афроди ошно бо Ваҳид Мужда, ба “Спутник” фаъолиятҳои ӯро тафсир карда, гуфт, ӯ аз ҷавонӣ дар бахшҳои фарҳангии танзимҳои гуногуни ҷиҳодӣ дар шаҳри Пешовари Покистон кор кардааст.

“Дар солҳои нахусти даҳаи ҳаштоди милодӣ ӯ узви Ҳизб исломии Гулбиддин Ҳикматёр буд, ки дар кумитаи фарҳанги ин ҳизб кор мекард ва узви ҳайати таҳрири нашрияи “Шаҳодат” буд. Мужда дар он солҳо аз нависандагони маъруфи муҷоҳидин дар Пешовар шумурда мешуд. Ӯ сипас аз Ҳизб исломӣ фосила гирифт ва равобити наздик бо Иттиҳоди исломӣ ба раҳбарии Абураб Расули Сайёф ва сипас Ҷамъияти исломии Бурҳонуддини Раббонӣ барқарор кард. Пас аз суқути ҳукумати Доктор Наҷибуллоҳ то мизони соли 1375 (сентябри соли 1996) дар ҳукумати Раббонӣ корманди вазорати хориҷа буд, ки Кобул ба дасти Толибон суқут кард ва ӯ дар вазорати хориҷа ба кораш идома дод ва бо Толибон равобити наздик барқарор кард” – таъкид дошт Муҳаммад Акром.

Як ҳамсӯҳбати дигари “Спутник” гуфт, ки Мужда дар Пешовар ба тарҷумонӣ низ машғул буд.

“Вақте Абдулло Аззом соли 1988 ба шимоли Афғонистон сафар кард ва бо Аҳмадшоҳи Масъуд вохӯрд, тарҷумонашон ҳамин оқои Мужда буд”, – гуфт ӯ.

Дар замони Толибон Ваҳиди Мужда дар раёсати сеюми вазорати корҳои хориҷии Афғонистон шӯъбаи Осиёи Марказӣ ва Иттиҳоди давлатҳои муштаракулманофеъро раҳбарӣ мекард.

 Пас аз фурӯпошии режими Толибон дар ҳукумати Ҳомид Карзай як муддат сухангӯи Додгоҳи олии Афғонистон буд. Ӯро аз ҳаводорони Толибон ном мебурданд, аммо ба қавли дӯстонаш, толибона фикр намекард.

Дар Кобул зиндагӣ мекард ва гуфта мешавад, ки равобите низ бо аъзои аршади гурӯҳи Толибон дошт. Ваҳид Мужда дар расонаҳои Афғонистон зоҳир шуда, аз ҳукумати Афғонистон интиқод мекард, мухолифи ҳузур неруҳои амрикоӣ дар ин кишвар буд.

Мужда дар нишастҳои байнулафғонӣ дар Маскав ва Доҳаи Қатар низ ширкат дошт. Ин гуфтугӯҳо миёни намояндаҳои сиёсии Афғонистон ва Толибон дар ҷараён буд. Дар бораи сулҳи Амрико бо Толибон ӯ назари мутафовит дошт.

Вай ба яке аз расонаҳо гуфта буд ҳадафи аслии музокироти Залмай Халилзод (фиристодаи хоси Амрико дар умури Афғонистон) бо Толибон тағйири чеҳраи ҷангҷӯён аз толиб ба ДОИШ аст.

Ваҳид Мужда соли 1332 (1955) дар вилояти Бағлони Афғонистон таваллуд шудааст. Мактаби “Ҳабибия” – и Кобул ва Донишгоҳи Кобулро дар риштаи сиёсатшиносӣ хатм кардааст. Муаллифи китоби “Афғонистон ва панҷ соли Толибон” аст, ки пас аз суқути режими Толибон нашр шудааст.

385
Барчаспҳо:
рӯзноманигор, Кобул, кушта, Русия, сафорат, афғонӣ, Афғонистон

Лукашенко Лукашенкоро аз мансабаш барканор кард

1390
(Таҷдидшуда 18:55 26.02.2021)
Александр Лукашенко тасмим гирифтааст, ки дар дастгоҳи президенти Беларус тағйироти кадрӣ анҷом диҳад ва писарашро аз вазифа сабукдӯш кунад

ДУШАНБЕ, 26 фев - Sputnik. Писари калонии президенти Беларус, Виктор Лукашенко роҳбари Кумитаи миллии олимпии кишвар таъйин шуд, хабар медиҳад БелТА.

Бояд қайд кард, ки Виктор Александрович вазифаи ёвари президент оид ба амнияти миллиро ба ӯҳда дорад.

Тибқи изҳороти президенти Беларус, дар робита ба таъйиноти нав, писари калониаш аз вазифаи ёрдамчии президент барканор карда мешавад.

"Имрӯз вай бо тамоми оқибатҳои минбаъда аз вазифаи ёвари президент оид ба амнияти миллӣ озод карда мешавад", - гуфт президенти Беларус.

Писари калони Александр Лукашенко Виктор 28 ноябри соли 1975 таваллуд шудааст. Вай дар қисми махсуси нерӯҳои марзбонӣ хидмат кардааст.

Ӯ қаблан дар Вазорати корҳои хориҷӣ, аз соли 2005 ба ҳайси ёвари президент оид ба амнияти миллӣ корро оғоз карда, пас аз ду сол ба Шӯрои амнияти Беларус таъйин шуд. Аз соли 2019, ӯ ноиби президенти КМО буд ва ҳамакнун раҳбари он гардид.

Лукашенко дар бораи ояндаи писаронаш: ҳеҷ яке аз онҳо президенти Беларус нахоҳанд шуд

Бародари ӯ, Дмитрий Лукашенко, мансаби раиси шӯрои марказии иттиҳодияи ҷумҳуриявии ҷамъиятии "Клуби варзишии президентӣ" -ро дорад ва узви КМО Беларус мебошад.

Писари хурдии Лукашенко Николай 31 августи соли 2004 бидуни никоҳ таваллуд шудааст.

Ваъдаи Лукашенко ба мардумаш: ором шавед, тибқи Сарқонуни нав президент нахоҳам буд

Вай дар литсейи Донишгоҳи давлатии Беларус таҳсил карда, пас аз нооромиҳо дар кишвар ба муассисаи таълимии Маскав интиқол дода шудааст.

1390
Барчаспҳо:
КМО, мансаб, Александр Лукашенко, Беларус
Президент Белоруссии Александр Лукашенко (справа) со своими сыновьями Виктором, Николаем и Дмитрием (слева направо)

Лукашенко дар бораи ояндаи писаронаш: ҳеҷ яке аз онҳо президенти Беларус нахоҳанд шуд

904
(Таҷдидшуда 17:43 26.02.2021)
Президенти Беларус Александр Лукашенко ба мавзӯи ҳассоси интиқоли қудрат дар кишвар ва ба яке аз писаронаш додани вазифаи сарвари давлат дахл кард

ДУШАНБЕ, 26 фев - Sputnik. Пас аз он ки писари Лукашенко вазифаи нав гирифт, дар саросари кишвар овозаҳо паҳн карданд, ки Александр Лукашенко қасд дорад қудратро дар кишвар ба ихтиёри яке аз наздиконаш гузорад.

Александр Лукашенко ин гуна тахминҳоро ба таври дағалона шарҳ дод.

"Ман бисёр вақт мегуфтам, ки ин ҳеҷ гоҳ дар оилаи мо баррасӣ нашудааст ва онро муҳокима кардан мумкин нест. Азбаски пас аз ман ҳеҷ яке аз фарзандони ман дар Беларус президент нахоҳанд шуд", - гуфт Лукашенко пеш аз интихоби роҳбарияти Кумитаи милии олимпӣ, хабар медиҳад БЕЛТА.

Ёдовар мешавем, ки писари калонии президент Виктор Лукашенко ба ҳайси ёвари сарвари давлат ва аз 26 феврал раҳбари Кумитаи миллии олимпии Беларус аст.

Бисёриҳо бар онанд, ки номзади беҳтарин барои мақоми президенти оянда писари хурдии Лукашенко аст.

Николай дар байни занони Беларус маҳбуб аст.
Ғайр аз ин, Александр Лукашенко дар синни 12-солагӣ сар карда карда писарро бо худ ба ҳама чорабиниҳои муҳим мебарад.

Лукашенко: каме дар курсии раисҷумҳури Беларус зиёдтар нишастам

Хотиррасон мекунем, ки президенти Беларус дар мусоҳиба бо шабакаи телевизионии "Россия-1" эътироф кард, ки шояд ӯ ҳамчун сарвари давлат "каме бештар нишаста" бошад.

Аммо, Лукашенко илова кард, ки ӯ наметавонад ҳоло курсии президентиро тарк кунад.

904
Барчаспҳо:
президент, Александр Лукашенко, Беларус
Председатель ГБАО Ёдгор Файзов

Ёдгор Файзов аз баҳси забонҳои помирӣ ва пешниҳодҳо ба Ҳукумат гуфт

0
(Таҷдидшуда 14:29 27.02.2021)
Ёдгор Файзов, раиси Вилояти Мухтори Куҳистони Бадахшон аз баҳсу мунозираҳо атрофи забонҳои помирӣ гуфт, ки ба иттилои ӯ ҳамарӯза сурат мегиранд

ДУШАНБЕ, 27 фев — Sputnik. Файзов зимни ҳамоиш дар мавзӯи забони модарӣ гуфт, ҳамарӯза оид ба забонҳои маҳаллӣ дар вилоят баҳсу мунозираҳо рафта истодаанд. Ӯ таъкид намуд, ки ба мақомоти иҷроияи ҳокимияти давлатии вилоят ва тариқи шабакаҳои иҷтимоӣ муроҷиатномаҳо ва пешниҳодоти зиёд ворид мегарданд.

Тибқи иттилои котиботи ҳукумати ВМКБ, дар ин ҳамоиш масоили таърихӣ, таҳияи алифбоҳои забонҳои помирӣ, ҷанбаҳои қонунии ҳимоя ва инкишофи забонҳои помирӣ ва таълифи осори бадеӣ ба ин забонҳо мавриди баррасӣ қарор дода шуданд.

Муқбилшоҳ Аламшоев: забонҳои помирӣ ба хатт ниёз доранд

Дар мавриди пешниҳодҳое, ки ба ҳукумати вилоят ироа шудаанд, тафсилоти бештар дода нашуд, аммо забоншиносон борҳо таъкид кардаанд, ки забонҳои помирӣ ва яғнобӣ бояд дар дабистонҳои маҳалли корбурдашон ва ҳамчунин бахшҳои забоншиносӣ омӯзонда шаванд. 

Феълан дар ҳудуди ВМКБ ҳафт забон — рошорвӣ, шуғнонӣ, рӯшонӣ, хуфӣ, бартангӣ, язгуломӣ ва ишкошимӣ корбурд доранд, ки асосан шифоҳӣ буда, хат надоранд. Масъалаи таҳияи алифбо ва хат аз иқдоми дигари муҳим барои ҳифз ва рушди забонҳои помирию яғнобӣ арзёбӣ мешавад.

Қаблан Кумитаи забон ва истилоҳот тавсия дода буд, ки таҳқиқу омӯзиши забонҳои бадахшонӣ ва яғнобӣ ва таълими ин забонҳо ба соҳибзабонони ин минтақаҳо роҳандозӣ гардад, аммо то ҳол иқдоми амалие дар ин самт сурат нагирифтааст.

0
Барчаспҳо:
забон, Тоҷикистон