Подпись документа, архивное фото

Санади ниҳоӣ имзо шуд: мақомоти Узбакистону Қирғизистон масъалаи марзиро ҳал карданд

395
(Таҷдидшуда 14:36 24.11.2019)
Музокироти давраии Узбакистон ва Қазоқистон дар бораи нишонагузориҳои марзҳо дар шаҳри Нукус бо ҳузури мақомоти марзбонии ду кишвар баргузор шуд

ДУШАНБЕ, 24 ноя — Sputnik. Дар чорчуби ин музокирот, ки рӯзи шанбе баргузор шуд, тарафайн  асноди ниҳоии таини марзҳои давлатӣ дар вилояти Навоӣ ва Ҷумҳурии худмухтори Қара Қалпоқистон-и Узбакистон муҷовир бо вилоятҳои Оқтеппа ва Қизил Урда ва Минқишлоқ-и Қазоқистонро танзим карданд, иттилоъ додааст хабаргузории “Parstoday”.

Дар ин дидор ҳамчунин ҷадвали нишастҳои ҳайатҳои давлатии Узбакистон ва Қазоқистон барои соли 2020 тасвиб шуд.

Узбакистон ва Қазоқистон ду ҳазору 203 километр марзи муштарак доранд.

Номаи эътирозии Тоҷикистон ба Қирғизистон барои тирпарронӣ дар марз

Таин ва нишонагузории марзҳои Узбакистон ва Қазоқистон дар соли 2003 оғоз шуд.

Равобити ҷумҳуриҳои Тоҷикистон, Узбакистон, Қирғизистон, Туркманистон ва Қазокистон ба хотири мушкилоти марзӣ, ҳар аз чанд гоҳе дастхуши таниш мешавад ва ин мавзӯъ баҳонае барои дахолати муғризонаи қудратҳои минтақаӣ ва фароминтақаӣ дар Осиёи Марказӣ шудааст.

395
Барчаспҳо:
имзо, санад, марз, Қирғизистон, Узбакистон
Вакцинация против COVID-19 в Москве

Марги 55 нафар дар Амрико пас аз гирифтани ваксина

56
(Таҷдидшуда 17:00 17.01.2021)
Тибқи иттилои расмӣ, даҳҳо нафар дар Амрико пас аз гирифтан алайҳи маризии вирус ҷони худро аз даст доданд

ДУШАНБЕ, 17 янв — Sputnik. Системаи ҳисоботдиҳии федералии ваксинаҳои Vaccine Adverse Event Reporting System гузориш медиҳад, ки 55 нафар пас аз ваксинаи Moderna ва Pfizer гирифтан, фавтидаанд.

Дар байни фавтҳо, онҳое низ сабт шуданд, ки пас аз ду соат ваксина гирифтанд. Марги як пизишки амрикоӣ бошад, ки  низ ваксина гирифта буд, резонанс шуд.

Доктор Григорий Майкл рӯзи 18 декабр эм карда шуд ва пас аз се рӯз дастҳо ва пойҳояш бо доғҳои сурх пӯшида шуданд. Пас аз муоина маълум шуд, ки ӯ гирифтори бемории Верлхоф шудааст, яъне вақте организм ба тромбоситҳо ҳамла карда, онҳоро хаёли ҷисмҳои бегона мекунад. Ба ҳамин минвол, пизишк 3 январ аз хунравии мағзӣ даргузашт.

Дар ҳамин ҳол, хадамоти матбуоти Pfizer таъкид кард, ки онҳо ин қазияро таҳқиқ мекунанд, аммо то ҳол иртиботи мустақим байни ваксина ва марги табибро дақиқ накардаанд.

Ваксинаи Трамп: чаро дар нокомиҳои тибби ИМА президенти равандаро айбдор мекунанд

Нашрияи исроилии Ynet бо такя ба Вазорати тандурустии кишвар, дар бораи аломати нохуш пас аз эмкунӣ бо Pfizer хабар дод.

Пас аз ворид кардани ваксина, 13 исроилӣ ба фалаҷи рӯй гирифтор шуданд. Таъсири манфии дору пас аз чанд соат хотима ёфт, гарчанде ки дар якчанд нафар он бештар аз як рӯз тӯл кашид.

56
Мавзуҳо:
Пайомадҳои COVID-19 дар Тоҷикистон ва ҷаҳон
 Криштиану Роналду

Роналду бо "бандит" - ҳо меҷангад: ӯ дар навори тарғиботӣ нақш офарид

72
(Таҷдидшуда 16:10 17.01.2021)
Дар ин навори тарғиботӣ футболбоз бо пӯшоки вижа пайдо мешаваду дорои қувваи фавқуллоад мебошад. Барои истифодаи қуввааш Роналду чун пас аз голзанӣ, хурсандӣ карда аз ҷояш мепарад

ДУШАНБЕ, 17 янв — Sputnik. Ситораи футбол, ҳамлагари дастаи итолиёии "Ювентус" Криштиану Роналду бо образи қаҳрамоне дар рекламаи бозии мобилӣ "Legend of the bounty hunter: part 2", нақш офарид, хабар медиҳад Eurosport.

Дар навори тарғиботӣ футболбоз либоси махсус пӯшидааст ва аз намудҳои ғайриоддии силоҳ истифода мекунад. Вай бо "бандитон" мубориза мебарад ва онҳоро бо таркишҳои лазерӣ ва маҳорати ҳарбӣ мағлуб мекунад.

Посмотреть эту публикацию в Instagram

Публикация от Cristiano Ronaldo (@cristiano)

Дар охири реклама, Роналду бо истифода аз нерӯ аз миёни тӯдаи душманон мегузарад ва кӯдаки дар асорат бударо наҷот медиҳад.

Барои истифодаи қувваи фавқуллодааш, ӯ ҳамон гуна меҷаҳад, ки одатан голҳои дар майдон задаашро ҷашн мегирад.

Роналду аз рӯи голҳои задааш аз Пеле пеш гузашт: ду гол то шикасти рекорди Йозеф Бикан

Бозингари португалӣ қаблан дар рекламаҳои ғайриоддӣ нақш бозидааст. Дар 2019, ӯ бо Неймар дар Бразилия дар як рекламаи тарғиботӣ либосҳои асримиёнагӣ пӯшиданд ва бо шамшер мубориза бурданд. Дар мавсими футболи 2020–2021, Роналду дар 13 вохӯрӣ 15 гол зад.

Вай панҷ тӯби тиллоӣ дорад, ки ин  баландтарин ҷоиза барои ҳар футболбози ҷаҳонӣ аст.

72
Барчаспҳо:
Ҷаҳон, реклама, ҷанг, Криштиану Роналдо
Даст ба дуо, акс аз бойгонӣ

Даргузашти Дӯстмурод Уроқов, иқтисодшиносу адиби тоҷик-акс

0
(Таҷдидшуда 16:11 17.01.2021)
Дӯстмурод Уроқов, иқтисоддони тоҷик, ки ба эҷоди асарҳои бадеӣ низ шуҳрат дошт, дар синни 78-солагӣ даргузашт

ДУШАНБЕ, 17 янв — Sputnik. Дар шаҳри Душанбе яке аз донишварони пуркори иқтисоддон ва адиби соҳибдилу соҳибқалам Дӯстмурод Уроқов дар синни 78-солагӣ чашм аз ҷаҳон пӯшид, хабар додааст Фаридун Раҳнавард, рӯзноманигори тоҷик.

Дӯстмурод Уроқов, соли 1942 таваллуд шуда, доктори илми иқтисод, профессор, ходими шоистаи илми Тоҷикистон мебошад.

Дар бораи сабаби фавти Уроқов иттилое ироа нашудааст. Раҳнавард дар саҳифааш аз хизматҳои Уроқов барои илму адабиёт гуфтааст.

“Равоншод умри худро вақфи хидмат ба илму маориф ва адабиёт намуда, аз худ як силсила осори арзишманди илмиву адабӣ ба ёдгор гузоштанд. Академики Академияи иқтисодии Авруосиё, Арбоби илму техникаи Тоҷикистон ва Раиси Ассосиатсияи муҳосибон ва аудиторонии Тоҷикистон буд”, - изҳор дошт Раҳнавард.

Таъкид шудааст, ки марҳум дар баробари таълифи осори илмӣ ва фаъолияти пурсамар дар соҳаи иқтисод ба эҷоди асарҳои бадеӣ низ рағбат дошт.

Дар феҳрасти асарҳои бадеияш "Муҳофиз", "Қиссаҳои марғуби зиндагӣ", "Овора", "Диёри файзбори ман", "Меҳрона" ва ғайра зикр шудаанд, ки дар радифи осори илмӣ номашонро зинда медоранд.

0
Барчаспҳо:
даргузашт, Тоҷикистон