Глава Совета безопасности Беларуси Станислав Зась

Дабири нави СПАД маълум шуд

301
(Таҷдидшуда 14:50 28.11.2019)
Дар пойтахти Қирғизистон ҷаласаи сарони кишварҳои узви Созмони Паймони Амнияти Дастаҷамъӣ баргузор шуд. Зимни ҷаласа масоили сиёсати дохилӣ, амният ва рушди фаъолияти Созмон баррасӣ мешавад

ДУШАНБЕ, 28 ноя — Sputnik.  Аз санаи 1 январи соли 2020 Станислав Зас, намояндаи Белорус ба ҳайси роҳбари Созмони Паймони Амнияти Дастаҷамъӣ (СПАД) ба кори худ оғоз хоҳад кард, иттилоъ додааст хабарнигори Sputnik Тоҷикистон.

Эмомали Рахмон на заседании Совета глав государств – членов ШОС в Бишкеке
© Официальная страница пресс-службы президента РТ в Facebook

Исми ӯро иҷрокунандаи вазифаи роҳбари СПАД Валерий Семериков эълон кардааст. Намояндагии Станислав Зас аз тарафи тамоми сарони кишварҳои узви СПАД маъқул дониста шуд.

Ҷаласаи Шӯрои амнияти дастаҷамъӣ дар соли равон таҳти роҳбари раисҷумҳури Қирғизистон Сооронбой Жээнбеков баргузор мегардад.

Дар ин ҷаласа ҳамчунин Владимир Путин, раисҷумҳури Русия, Эмомалӣ Раҳмон, Президенти Тоҷикистон, Роҳбарони Қазоқистону Белорус, Қосим-Ҷомарт Тоқаев ва Александр Лукашенко, Инчунин нахуствазири Арманистон Никол Пашинян иштирок доранд.

Гуфта мешавад, иштирокчиёни ин ҳамоиш қабл аз ҳама тақвияти сарҳади Тоҷикистону Афғонистонро муҳокима мекунанд ва сипас ба мавзӯи нерӯи низомӣ ва таҳияи стратегияи глобалии зиддитеррористӣ таваҷҷӯҳ мекунанд.

Қобили зикр аст, ки дар рӯзномаи ҷаласа 17 масъала, аз ҷумла ҷашни қарибулвуқӯи 75-солагии Ғалаба дар Ҷанги Бузурги Ватанӣ баррасӣ мешавад.

301
Барчаспҳо:
маълумот, Дабири кулли СПАД, сиёсат, масоил, СПАД, Созмони Паймони Амнияти Дастаҷамъӣ

Ӯ то охири дунё қаҳрамон хоҳад монд: тоҷикон дар бораи пирӯзии Ҳабиб

67
(Таҷдидшуда 15:33 25.10.2020)
Муҳорибаи Ҳабиб Нурмуҳаммадовро дар саросари ҷаҳон аз ҷумла Тоҷикистон миллионҳо нафар тамошо кардаву ба он вокунишҳо карданд

ДУШАНБЕ, 25 октябр - Sputnik. Размикори доғистони шоми гузашта ҳарифи амрикоияш Ҷастин Гетҷиро бо як маҳорити зебои ба худ хос шикаст дод.

Ин рақобатро дар баробари миллионҳом мухлисони сайёра дар тоҷикистон низ тамошо карданд.

Сафҳаҳои расонаҳои иҷтимоӣ то оғози рақобат пур аз таманниёти пирӯзӣ бар размикори доғистонӣ буду баъдан табрикборон шуд.

Яке офаринаш мехонду дигаре аз маҳорат ва сеюми табрикаш мекарду шери майдон мегуфт.

Ҷонӣ Сафарзода аз корбарони фаъоли фейсбук аз одамият ва шахсияти размкиор ситоиш карда, навиштааст: “Суҳробе, ки бе падар дигар мубориза намебарад!

Шояд манро ҳам ба Ҳабибпарастӣ гунаҳгор кунед. Аммо шахсияте, ки миллати манро, расму ойни манро, забони манро эҳтиром мегузорад чаро эҳтиромаш накунам. Рафтору гуфтори Исломияш худ як инсоният аст. Охирон муҳориба ва ғалабааш ба кулли мухлисонаш муборак! Ӯ то охири дунё вуҷуд дорад қаҳрамон хоҳад монд!".

Аъзам Акбаров, журналит ва фаъоли ҷомеаи шаҳрвандӣ навиштааст, ки Ҳабиб Нурмуҳаммадов ба таърихи варзиши ҷаҳонӣ абадӣ ҳамчун муборизи боинтизом, боодобтарин ва мағлубнашавандаи UFC дохил шуд!

Ҳолати ғайриинтизор барои ҳама мухлисон ин эълони хотимаи корномаи варзишгар буд.

Ӯ гуфт, ба модараш ваъда додааст, ки ин охирин набардаш аст ва бо ҳамин тарки майдон мекунад

Сорбон Амонуллозода бошад навиштааст: “Бо сари баланд тарки майдон кардан ба мисли оне аст, ки ҳамеша қаҳрамони майдон боқӣ мемонӣ. Ҳабиб ту ҳамеша барои мо қаҳрамон будӣ, ҳастӣ ва хоҳӣ монд!”.

Азиз Нақибзод, рӯзноманигори тоҷик тарки майдон кардани размикорро қаҳрамонӣ хондааст. 

"Қаҳрамонии Ҳабиб дар айни шуҳрат тарки майдон карданаш аст! Бо сари боло ва обурӯ.
Бузургтарин ғалабааш ҳам ғалаба бар нафс ва васваса аст",- навиштааст Нақибзод.


Алӣ Ализод корбари дигар бошад навиштааст, ӯ меравад, меравад шикстнопазир. Ташаккур барои ҳама чиз, қаҳрамон!

Ёдовар мешавем ин нахустин рақобат ва пирӯзии Ҳабиб бидуни падараш буд, ки чанд моҳ меш фавтид.

Размикор пас аз пирӯзӣ дар майдон барои набуди падараш гирифт ва пирӯзияшро ба ӯ бахшид.

Завқибек Сайидаминӣ, фаъоли шабакаҳои иҷтимоӣ навиштааст дар ин ҳолат бо ӯ гирист.

"ОҲҲҲ БЕПАДАРӢ.... Дишаб вақти дидани ин лаҳзаҳо дар баробри Ҳабиб сахт гиристам Ин ҳолатро фақат инсоне дарк мекунад, ки аз сояву дасти Дуои Падар маҳррум аст Сахти сахт аст, вақте ба мушкилие рӯ ба рӯ мешавиву ба насиҳату ҳидояти Падар зор, вале Ӯ канорат нест Ё дар коре муваффақ мешаву Ӯ нест, то дар канорат шодиву фахр кунад. Ҳамин аст, ки набуданаш лаззати ҳар муваффақиятро берангу беарзиш мекунад".

Ҳабиб Нурмуҳаммадов рақиби амрикоии худ Ҷастин Гетҷиро аз роҳи буғӣ кардан шикаст дод. Аз 29 муҳорибае, ки Ҳабиб анҷом додааст, ягон маротиба ба шикаст мувоҷеҳ нашуд ва акнун бидуни мағлубият дар ин намуди варзиш, ба фаъолияти худ нуқта гузошт.

Ёдовар мешавем, соли 2019 дар Душанбе низ пирӯзии Ҳабиб Нурмуҳаммадов бар Дастин Пуареро таҷлил мекарданд. Шабе, ки рақобати ин ду размикор ба ғалабаи Ҳабиб анҷом ёфт, сокинони зиёд дар пойтахт ба хиёбонҳо баромада, ғалабаи Нурмуҳаммадовро якҷо қайд мекарданд.

67

Пирӯзии Ҳабиб бар Гедҷӣ мардуми Доғистонро ба по хезонд - навор

451
(Таҷдидшуда 13:49 25.10.2020)
Шаби гузашта кӯчаву хиёбонҳо ва роҳҳои мошингузар дар Доғистон пур аз одаму худрав буд. Ҳама пирӯзии Ҳабибро ба ҳамдигар таҳният мегуфтанд

ДУШАНБЕ, 25 октябр - Sputnik. Новобаста аз пандемия, шаби дирӯз, Доғистон ғалабаи Ҳабиб Нурмуҳаммадов бар Ҷастин Гедҷиро гарм таҷлил намуд. Хурду бузург, савораву пиёда ҳама ба кӯчаву роҳҳо баромада, ҳамдигарро барои пирӯз омадани размикори доғистонӣ таҳният мегуфтанд.

Посмотреть эту публикацию в Instagram

МАХАЧКАЛА ЛИКУЕТ 💪💥 29/0 @khabib_nurmagomedov @_obo_vsem__

Публикация от @ _obo_vsem__

Хиёбони марказии Махачқалъа пур аз одаму мошин буд. Сокинони маҳаллӣ ба як овоз "Ҳабиб қаҳрамон" гуфта, хурсандӣ мекарданд.
Дар Доғистон низ ваъият ҳамингуна буд.
Посмотреть эту публикацию в Instagram

Похоже весь Город вышел праздновать победу 😯🙏🔥

Публикация от 🅚🅐🅑🅐🅡🅓🅘🅝🅞 🅑🅐🅛🅚🅐🅡🅘🅐 (@kavkaz_mafia_07)

Ба назар чунин мерасад, ки дар шоми рақобати Ҳабиб бо Гедҷӣ ягон доғистонӣ хоб набуд ва ҳама ба кӯчаҳо рехтанд. Шодию хурсандии ҳамдиёрони Ҳабиб ҳадду канор надошт.

Ҳабиб, ки бори сеюм тавонист камарбанди қаҳрамонии худро ҳифз кунад, пас аз анҷоми муҳориба эълон намуд, ки куллан тарки UFC мекунад.

Маълум шуд, ки Ҳабиб Нурмуҳаммадов пас аз хатми “карера”-аш чӣ кор хоҳад кард-видео

Ӯ мегӯяд, ба модараш қавл дод, ки бори охирон бе ҳузури падар вориди октагон мешавад ва сипас тарки ин намуди варзиш мекунад.

Ҳабиб Нурмуҳаммадов рақиби амрикоии худ Ҷастин Гедҷиро аз роҳи буғӣ кардан шикаст дод. Аз 29 муҳорибае, ки Ҳабиб анҷом додааст, ягон маротиба ба шикаст мувоҷеҳ нашуд ва акнун бидуни мағлубият дар ин намуди варзиш, ба фаълияти худ нуқта гузошт.

Ёдовар мешавем, соли 2019 дар Душанбе низ пирӯзии Ҳабиб Нурмуҳаммадов бар Дастин Пуареро таҷлил мекарданд. Шабе, ки рақобати ин ду размикор ба ғалабаи Ҳабиб анҷом ёфт, сокинони зиёд дар пойтахт ба хиёбонҳо баромада, ғалабаи Нурмуҳаммадовро якҷо қайд мекарданд.

Посмотреть эту публикацию в Instagram

@khabib_nurmagomedov 🦅✊ 28-0 #dushanbe #tajikistan 🇹🇯

Публикация от ᴍᴀɴᴜᴄʜᴇʜʀɪ ᴅᴀᴠʟᴀᴛ🇹🇯 (@manuchehri_davlat)

 

451
Барчаспҳо:
навор, Ҳабиб Нурмуҳаммадов, пирӯзӣ, Доғистон

Гейҷӣ ҳангоми гиряи Ҳабиб дар майдон ба ӯ чӣ гуфт?

0
(Таҷдидшуда 15:18 25.10.2020)
Ҷастин Гейҷӣ, размикори амрикоӣ нақл кард, ки ҳангоми гиряи Ҳабиб Нурмуҳаммадов дар майдон бо кадом суханҳо ӯро дилбардорӣ кард

ДУШАНБЕ, 25 окт — Sputnik.  Гейҷӣ гуфт, баъди анҷоми сабқт ҳангоми гиряи Ҳабиб Нурмуҳаммадов ӯ ба қаҳрамони UFC дар вазни сабук изҳори ҳамдардӣ кард.

Гейҷӣ ба Нурмуҳаммадов гуфтааст, ки қаблан имкони муроҷиат кардан ба ӯро надоштаст ва илова намудааст, хеле мутаассиф аст, ки Ҳабиб падарашро аз даст дод.

"Коратро ман давом медиҳам": Макгрегор муҳорибаи Ҳабиб бо Гедҷиро баҳогузорӣ кард

“Ту дар ҳамин лаҳзаҳо падарро водор кардӣ, ки бо ту ифтихор дошта бошад”, - тавзеҳ дод Гейҷӣ суханҳои гуфтааш дар майдонро ба BT Sport.

Шаби 25 октябр Ҳабиб Нурмуҳаммадов дар даври дуюми сабқат бо Ҷастин Гейҷӣ бо истифодаи усули буғикунанда пирӯз шуд. Феълан Ҳабиб шикастнодида буда, дар 29 сабқаташ 29 пирӯзӣ дорад.

Дар пайи пирӯзӣ бар Гейҷӣ, Нурмуҳаммадов аз роҳбарияти UFC хост, ӯро дар садри беҳтарин размикорон ҷой диҳанд, чун ӯ арзанда бошад.  Дана Уайт, роҳбари UFC ба Ҳабиб Нурмуҳаммадов дар феҳрасти беҳтарин размикорони ҷаҳон мақоми аввалро дод.

Лаззат бар: Ҷонс ҷои аввалро дар рейтинги UFC ба Нурмуҳаммадов дод

Ҷон Ҷонс, ки то ҳол дар сархати беҳтарин размикорон қарор дошт, аз мақомаш ба фоидаи Нурмуҳаммадов даст кашид.

Pound-for-pound – нисбати размикоре кор бурда мешавад, ки новобаста аз вазн беҳтарини беҳтаринҳо эътироф шудааст.

0
Барчаспҳо:
Ҳабиб Нурмуҳаммадов, сабқат, Русия