Флаг Ирана

Эрон барои пайвастан ба Иттиҳоди Иқтисодии АвруОсиё наздик шуд

257
(Таҷдидшуда 12:42 03.12.2019)
Иттиҳоди Иқтисодии АвруОсиё иҷроӣ шудани мувофиқатномаи муваққати ин иттиҳодия бо Ҷумҳурии исломии Эронро эълом кард

ДУШАНБЕ, 2 дек — Sputnik. Ба нақл аз хабаргузории “Parstoday”, Иттиҳоди  Иқтисодии АвруОсиё бо ирсоли ёддоште расмӣ ба Сафорати Ҷумҳурии исломӣ Эрон дар Русия иҷроӣ шудани мувофиқатномаи муваққати ин иттиҳодия бо Эронро эълом кард.

Дар ин ёддошти расмӣ, замони иҷроӣ шудани мувофиқатномаи муваққати Иттиҳодияи АвруОсиё бо Эрон бисту ҳафтуми октябри соли 2019 эълом шудааст.

Бо иҷроӣ шудани ин тавофуқнома 862 қалам коло байни кишварҳои узв ва Эрон аз мазиятҳо ва муофиятҳои гумрукии вижа баҳраманд мешаванд.

Ҳамзамон бо иҷрои расмии ин тавофуқнома, коргуруҳҳо ва комиссионҳое дар вазоратхонаҳо ва созмонҳои муртабит дар Эрон фаолияти худро оғоз карданд, то бар раванди иҷрои ин тавофуқнома назорат кунанд.

Ин иттиҳодия кори худро  ба таври расмӣ аз аввали январи 2015 оғоз кардааст.

Кишварҳои узви АвруОсиё ҳамакнун 20 миллион километри мураббаъ масоҳат ва беш аз 183 миллион нафар ҷамъият доранд, ки 5.2 дарсади ҷамъияти ҷаҳон аст.

Пайвастан ба ин иттиҳодия фурсате қобили тааваҷҷуҳ барои иқтисоди Эрон эҷод мекунад ва метавон аз ин тариқ бахше аз асари таҳримҳоро ҷуброн кард.

257
Барчаспҳо:
пайвастан, иқтисод, АвруОсиё, Эрон
Диего Марадона

Диего Марадона номвартарин ситораи ҷаҳонии футбол даргузашт: 61 сол дошт

162
(Таҷдидшуда 22:48 25.11.2020)
Номвартарин ситораи ҷаҳонии футбол, қаҳрамони ҷаҳон дар соли 1986, Диего Марадонаи 61 - сола аз олам гузашт

ДУШАНБЕ, 25 ноя — Sputnik. Ассосиатсияи футболи Аргина дар Twitter хабари даргузашти ситораи ҷаҳонии футболро тасдиқ намуд.

Бар хабари TN, санаи 30 - юми октябр Марадонаро барои гузаштан аз ташхиси тиббӣ ба бемористон оварда буданд, зеро ӯ қаблан ҷарроҳии мағзи сар шуда буд.

Манбаъ меафзояд, Марадона рӯзи 12 уми декабр пас аз ҷарроҳии мағзи сар, аз дармонгоҳ мураххас шуда буд.

Дар ҳамин ҳол, рӯзномаи Perfil сабаби марги ситораи ҷаҳониро, аз тапидан бозмондани қалбаш рабт медиҳад. Ин манбаъ меафзояд, ки фишори хуни Марадона ба якборагӣ пас шуд ва пизишкони Ёрии таъҷилӣ натавонистанд ӯро аз чанголи марг раҳонанд.

Дар дақиқаи чорум: Роналдо аллакай ҳисоби бозии Португалия ва Марокашро боз кард

Дар робита ба даргузашти Марадона, кишвардори Аргентина Алберто Фернандес дар қаламрави кишвараш се рӯзи мотам  эълон намуд.

Диего Армандо Марадона 30 октябри соли 1960 таваллуд шудааст. Дар синни 10 солагӣ ба тими наврасони "Лос Себолитас" пайваст.

Аз соли 1977 Диего ба ҳайати тими миллӣ шомил гардид.

Бозии охирони Марадона бо тими "Ривер Плейта" санаи 25 октябри соли 1997 сурат гирифта буд. Пас аз ин бозӣ, санаи 30 - юми октябр ситораи футбол аз анҷоми "карера"- и худ хабар дод.

Ӯ аз соли 2008 то 2010 мураббии тими миллии Аргентина буд.

162
Барчаспҳо:
даргузашт, Диего Марадона
Самолет на закате, архивное фото

Парвозҳо миёни Тоҷикистону Миср имкон аст, роҳандозӣ шавад

200
(Таҷдидшуда 18:38 24.11.2020)
Азсаргирии парвозҳо байни Душанбе ва Шарм-аш-Шайх масъалаи марказии мулоқоти намояндагони ду кишвар буд

ДУШАНБЕ, 24 ноя — Sputnik. Дар шаҳри Қоҳираи Миср сафири Тоҷикистон дар Миср Заробиддин Қосимӣ бо вазири туризм ва осори бостонии ин кишвар Холид Ал-Инонӣ мулоқот кард, хабар медиҳад хадамоти матбуотии Вазорати корҳои хориҷии Тоҷикистон.

Ба иттилои манбаъ, дар вохӯрӣ масоили ҳамкорӣ дар соҳаҳои сайёҳӣ, омӯзиши осори таърихию фарҳангӣ ва осорхонадорӣ баррасӣ шуданд.

"Бо дарназардошти имкону захираҳои фаровони мавҷуда ҳар ду ҷониб омодагии худро ба таҳким ва густариши ҳамкорӣ таъкид доштанд", - афзудааст манбаъ.

Вазорат ҳамзамон мегӯяд, зимни мулоқот зикр гардид, ки хатсайри ҳавоии Душанбе - Шармушшайх ва давраҳои кӯтоҳмуддати бозомӯзӣ дар Миср барои кормандони соҳаҳои сайёҳӣ ва осорхонадории Тоҷикистон бояд аз нав ба роҳ монда шаванд.

Дар поёни нишаст, Косимӣ ва Ал-Инонӣ омодагии худро барои таҳким ва тавсеаи ҳамкорӣ таъкид карданд. Ҳамин тариқ, Тоҷикистон ва Миср дар соҳаҳои сайёҳӣ, мероси таърихию фарҳангӣ ва корҳои осорхонаҳо ҳамкорӣ хоҳанд кард.

Хотиррасон мекунем, ки муносибатҳои дипломатии байни ҷумҳуриҳо 1 апрели соли 1993 барқарор карда шуд. Миср 1 январи соли 1992 истиқлолияти Тоҷикистонро эътироф кард. Дар давраи ҳамкориҳои байни кишварҳо нӯҳ санад ба имзо расидааст.

Рӯз ба рӯз: нашри ҷадвали нави парвозҳо аз Русия ба Тоҷикистон

Душанбеу Қоҳира дар соҳаҳои иқтисод, тиҷорат ва илму техника ҳамкорӣ мекунанд. Ғайр аз ин, дар соҳаи маориф табодули донишҷӯён сурат мегирад.

200
Барчаспҳо:
парвозҳо, ҳамкорӣ, Миср, Тоҷикистон