Сбербанк хизматрасонӣ бо забони тоҷикиро пиёда намуд

© Sputnik Банкомат Сбербанка
Банкомат Сбербанка - Sputnik Тоҷикистон
Обуна шудан
Хидматрасонӣ бо забони тоҷикӣ дар зиёда аз 80 дарсади банкоматҳои Сбербанк дастрас аст ва ҳамзамон шаҳрвандони Узбакистон низ метавонанд роҳат аз хизматрасонии ин бонк бо забони модарӣ истифода баранд

ДУШАНБЕ, 5 дек — Sputnik. Шаҳрвандони Тоҷикистон акнун метавонанд аз хизматрасонии банкоматҳои Сбербанк бо забони тоҷикӣ роҳат истифода баранд.

Ин бонк хизматрасонии ҷадид бо забони ноби тоҷикиро пиёда намудаст, хабар медиҳад котиботи бонки мазкур.

Мужчина со смартфоном в руках - Sputnik Тоҷикистон
Интиқоли маблағ аз Русия ба Тоҷикистон тариқи телефон имконпазир шуд

Ба иттилои котиботи бонк, феълан хизматрасонӣ аз қабили гирифтани пули нақд, тафтиши суратҳисоб ва пардохт барои алоқаи мобилӣ бо забони тоҷикӣ роҳандозӣ намудаст.

Интиқол манъ аст: чаро фиристодани маблағ аз Русия ба Тоҷикистон имкон надорад

Гузашта аз ин маълумотҳо дар мавриди истифодаи барномаи мобилии  Сбербанк Онлайн, маълумот дар мавриди кор бо кортҳо ва инчунин тарзи дуруст истифода бурдани барномаи "Ташаккур" ба забаони тоҷикӣ тарҷума шудааст.

"Шаҳрвандони хориҷӣ аз хизматрасониҳои бонкӣ фаъолона истифода мебаранд.  Маъмулан онҳо берун аз кишвар  аз хизматрасониҳое истифода мебаранд, ки барои онҳо қуллай, фаҳмо ва боэътимод аст. Аз ин рӯ бо дарназардошти эҳтиёҷоти онҳо тасмим гирифтем хизматрасонии бонкиро бо забони тоҷикӣ тарҷума намуда, ҳамкории муштариёнро бо бонк осонтар намудем", - гуфт мудири шӯъбаи "Ҳалҳои махсуси" Сбербанк Александр Алтухов.

Қайд гардид, ки феълан наздики 80 дарсади банкоматҳо аз хизматрасонӣ бо забони тоҷикӣ бархӯрдор буда, ҳамзамон хизматрасонӣ бо забони узбакӣ низ дастрас аст.

Лентаи хабарҳо
0