Мақомоти Амрико барои хуруҷи низомиёнаш аз Афғонистон тасмим гирифт

CC BY 2.0 / Lt. Chad A. Dulac / Headed homeБатальон солдат США загружается в военный самолет
Батальон солдат США загружается в военный самолет - Sputnik Тоҷикистон
Обуна шудан
Амрико тасмим дорад дар рӯзҳои оянда барномаи хуруҷи чаҳор ҳазор нерӯи низомии худро аз Афғонистон эълом кунад

ДУШАНБЕ, 16 дек — Sputnik. Шабакаи Н.Б.С-Нюз бомдоди якшанбе ба нақл аз се мақоми давлати Амрико гузориш дод, ки дар паи хуруҷи ин чаҳор ҳазор низомӣ ҳудуди ҳашт то 9 ҳазор нерӯи дигар дар Афғонистон боқӣ мемонанд, иттилоъ додааст хабаргузории “Parstoday”.

Президент Афганистана Мохаммад Ашраф Гани, архивное фото - Sputnik Тоҷикистон
Ашраф Ғанӣ: Артиши Афғонистон бе ёриҳои Амрико 6 моҳ ҳам намепояд

Мақомҳои амрикоӣ ҳануз нагуфтаанд, ки раванди хуруҷи чаҳор нерӯи ин кишвар чи замоне оғоз мешавад, аммо онро бахше аз ақибнишинии марҳила ба марҳилаи Амрико аз Афғонистон медонанд.

Марк Аспер вазири дифои Амрико ҳафтаи гузашта гуфт, ҳатто агар Толибон дар бораи сулҳ музокира ва тавофуқ накунад, Амрико нерӯҳояшро дар Афғонистон коҳиш хоҳад дод.

Аспер дар моҳи октябр гуфта буд, ки Амрико метавонад шумори нерӯҳояшро ба ҳашт ҳазору 600 нафар коҳиш диҳад бидуни он ки силсилаи амалиёти зидди террори Иёлоти Муттаҳида таҳти таъсир қарор гирад.

Доналд Трамп раиси ҷумҳури Амрико дар муборизаҳои интихоботии соли 2016 ваъда дода буд ба ҷанг дар Афғонистон поён ва ҳузури нерӯҳои амрикоӣ дар хориҷ аз ин кишварро коҳиш диҳад.

Аз соли 2001 то кунун беш аз 775 ҳазор нерӯи амрикоӣ ба Афғонистон рафтаанд, ки дар миёни онҳо бархе чандин бор ба ин кишвар фиристода шудаанд.

Бар асоси омори Вазорати дифои Амрико аз миёни ин нерӯҳо ҳудуди 2 ҳазору 300 нафар кушта ва 20 ҳазору 589 нафари дигар захмӣ шудаанд.

Лентаи хабарҳо
0