Поезд на железной дороге

500 миллион: Узбакистон мехоҳад ба Чобаҳор пайваст шавад

495
Узбакистон мехоҳад шаҳрҳои Мазори Шариф ва Ҳироти Афғонистонро бо як роҳи оҳани тақрибан 650 километра васл кунад

ДУШАНБЕ, 23 дек — Sputnik. “Экономик таймс”, як нашрияи бонуфузи ҳиндӣ дар шарҳи ин хабар навиштааст, ки и роҳи оҳан баъдан ба Кобул низ тамдид шуда, ин тарҳи бузург тавассути раисҷумҳури Узбакистон Шавкат Мирзиёев ва ҳамтои афғонаш Ашраф Ғанӣ тайид шудааст.

Созишномаи сохтмони роҳи оҳани Мазори Шариф – Ҳирот моҳи декабри соли 2017 ҳангоми сафари раисҷумҳур Ашраф Ғанӣ ва мулоқоташ бо ҳамтои ӯзбекаш Шавкат Мирзиёев дар Тошканд ба имзо расида буд. Узбакистон сохтмон ва Афғонистон ҷалби сармояро ба зимма гирифтанд.

“Ҳинд мутааҳҳид ба сохтани роҳи оҳан аз Чобаҳор то Зоҳидон дар марзи Эрону Афғонистон ва раисҷумҳур Шавкат Мирзиёев муштоқи пайвастан ба тавофуқномаи тиҷоратии транзит аст, ки тавассути Ҳинд, Афғонистон ва Эрон имзо шудааст”, - менависад “Экономик таймс”.

 Созишномаи тиҷоратӣ миёни Афғонистон, Ҳинд ва Эрон барои тавсеаи бандари Чобаҳор моҳи майи соли 2016 ба имзо расида буд. Ҳинд тавофуқ кардааст, ки барои ин бандар дар Эрон 150 миллион доллар сармоягузорӣ кунад.

Амрико ба ин далел, ки тарҳи тавсеаи бандари Чобаҳор ва роҳҳои оҳан ба он ба нафъи Афғонистон тамом мешаванд, онро аз таҳримҳои зиддиэронӣ озод кард.

Ҳинд бандари Чобаҳори Эронро фурсате барои дастёбии кишварҳои Осиёи Марказӣ ва Афғонистон ба “обҳои гарм” – и Уқёнуси Ҳинд ва ҳамчунон дур задани рақиби сарсахташ Покистон аз бозорҳои ин кишварҳо арзёбӣ мекунад. Бино ба иттилои нашрияи ҳиндӣ, Узбакистон аввалин кишвари Осиёи Марказӣ хоҳад буд, ки ба ин тарҳи бузург мепайвандад.

“Экономик таймс” менависад, раисҷумҳури Узбакистон Шавкат Мирзиёев моил аст, ки Ҳинд ба тарҳи роҳи оҳани Мазори Шариф - Ҳирот дар Афғонистон бипайвандад, то ин кишвари муҳосирашударо бо Авруосиёву Эрон васл кунад. “Баррасиҳои аввалия барои ин тарҳ анҷом шудааст. Манобеъ гуфтанд: "Узбакистон аз ҳузури бештар Ҳинд дар Осиёи Миёна ҳимоят мекунад, ки ба Афғонистон низ кумак хоҳад кард", - менависад нашрияи бонуфузи ҳиндӣ ва аз қавли манобеъи худ дар Тошканд меафзояд, Ҳинд собиқа ва таҷрибаи анҷоми тарҳҳо дар Афғонистонро собит кардааст ва Ӯзбакистон алоқа ба боз кардани масирҳои тиҷорӣ ва иртиботӣ то роҳи Уқёнуси Ҳиндро дорад”.

Ширкати “Узбакистон темир йуллари” – и Узбакистон ҳанӯз соли 2010 бо 165 миллион доллар сармоягузории Бонки осиёии рушд роҳи оҳани 75 - километрии Ҳайратон - Мазори Шариф дар Афғонистон бо зарфияти солона 9 миллион тон ба истифода дода буд.

Моҳи сентябри соли равон нахустин бор содироти транзитии Афғонистон аз тариқи Узбакистон ва Қазоқистон аз тариқи ин хати роҳи оҳан анҷом гирифт. Мавриди зикр аст, ки содироти 22 000 тон ҷалғӯзаи Афғонистон ба Чин тариқи тайёра дар гузашта 73 000 доллар арзиш дошт ва ҳоло ин ҳаҷми содирот тариқи роҳи оҳан 4 000 доллар тамом мешавад. Эрон пас аз суқути режими Толибон соли 2008 хати роҳи оҳани Хуф (Эрон) - Ҳирот (Афганистан) – ро 100% аз ҳисоби худ сохт.

Роҳи оҳани Мазори Шариф – Ҳирот Узбакистонро бо Эрон тариқи Афғонистон мепайвандад.

Ҳасани Руҳонӣ, раисиҷумҳури Эрон ва Ҳасани Руҳонӣ, раисиҷумҳури Тоҷикистон
дафтари матбуоти раисиҷумҳури Тоҷикистон

Соли 2007, замоне, ки равобити Тоҷикистону Узбакистон дар ҳоли сардӣ буд, Душанбе эълом дошта буд, ки бо эҳдоми хати роҳи оҳани Колхозобод – Панҷи Поён (Тоҷикистон) - Кундуз – Мазори Шариф - Ҳирот (Афғонистон) бо Машҳад (Эрон) васл хоҳад шуд. Ҳоло ки равобити ду кишвари ҳамсоя беҳбуд ёфтааст, маълум нест, ки Тоҷикистон кадом масирро интихоб хоҳад кард.

“Экономик таймс” менависад, дар тарҳи роҳи оҳани Мазори Шариф - Ҳирот то кунун Ӯзбакистон 500 миллион доллар тааҳҳуд кардааст ва он барои Ҳинд метавонад пас аз сохтмони шоҳроҳи Заранҷ - Дилором дар Афғонистон ва бандари Шаҳид Биҳиштӣ дар Чобаҳори Эрон, яке дигар аз тарҳҳои бузурги иртиботии минтақаӣ барои Ҳинд табдил шавад.

“Ҳафтаи гузашта Ҳинд тасмим гирифт бандарҳои бештареро дар Чобаҳор боз кунад ва мавзӯъи иртибот бо Чобаҳор яке аз нуктаҳои баҳсу гуфтугӯи сафари вазири хориҷаи Ҳинд ба Теҳрон дар рӯзҳои якшанбе ва душанбе хоҳад буд”, - навиштааст ин нашрияи бонуфузи ҳиндӣ.

Субраҳманям Ҷайшанкар, вазири корҳои хориҷии Ҳинд ҷиҳати ширкат дар ҷаласаи 19 – уми ҳамкориҳои иқтисодии Эрону Ҳинд бо як сафари дурӯза дар Теҳрон қарор дорад, ки мавзӯи аслиаш тавсиаи бандари Чобаҳор аст.

495
Барчаспҳо:
пайвастан, Мазори Шариф, роҳи оҳан, Афғонистон, Узбакистон

Русия аз рӯи теъдоди муҳоҷирон дар рӯйхати пешсафҳо ҷой гирифт

106
(Таҷдидшуда 19:17 17.01.2021)
Бино ба гузориши Созмони Милали Муттаҳид, феълан дар Русия дувоздаҳ миллион муҳоҷир кору зиндагӣ мекунанд

ДУШАНБЕ, 17 янв — Sputnik. Русия дар соли 2020 ба феҳристи топ 5 кишвар аз рӯи теъдоди муҳоҷирон ворид шуд.

Дар ин бора гузориши Шӯрои иқтисодӣ ва иҷтимоии Созмони Милали Муттаҳид нашр шудааст.

Омори муҳоҷират дар Тоҷикистон: чанд нафар омаду чӣ қадар кишварро тарк кард

Бино ба гузориши СММ, дар қаламрави Русия 12 миллион муҳоҷир аб сар мебарад. Аз рӯи ин нишондод Русия дар ҷаҳон дар ҷойи 4 - ум қарор дорад.

"ИМА макони асосии ҷолиб барои муҳоҷирон дар соли 2020 боқӣ мемонад. Дар ин кишвар 51 миллион муҳоҷир кору фаъолият мекунад. Ин миқдор 18 дарсади шумораи умумии муҳоҷирон дар ҷаҳонро ташкил медиҳад", - омадааст дар гузориш.

Дар баробари ИМА ва Русия ба панҷгонаи макони муҳоҷирпарвар - Олмон, Бритониё ва Арабистони Саудӣ ворид мешавад.

Тарҳи қонуни нав дар Русия: як гурӯҳи муҳоҷирон депорт нашаванд - кадом?

Манбаъ афзуда, ки аз се ду дарсади муҳоҷирон дар 20 кишвари дунё ба сар мебаранд.

106
Барчаспҳо:
ҷои аввал, Русия, муҳоҷират
Президент Дональд Трамп улыбается

Расонаҳо дурӯғҳои маҳзи Доналд Трампро ошкор карданд

490
(Таҷдидшуда 17:45 17.01.2021)
Масалан, боре президент эълон дошт, ки ба ӯ дар иёлоти Мичиган унвони "Одами сол" - ро додаанд, вале то ҳол ин хабар тасдиқи худро наёфтааст

ДУШАНБЕ, 17 янв — Sputnik. Шабакаи телевизионии CNN топ 15 дурӯғгӯиҳои Доналд Трампро дар давраи раҳбариаш нашр кард.

Ҳамин тавр, замони савгандёдкунии президент борон меборид. Ваел пас аз чанд соат сиёсатмадор изҳор дошт, ки то поёни суханронии ӯ ягон борон набуд.

Соли 2019 раисиҷумҳур аз хатаре тӯфони "Дориан" барои иёлати Албама ҳушдор дод. Хадамоти ҳавошиносии ИМА ин хабарро рад кардв онро бепоя хонд, вале президент пас аз чанд рӯз низ бо нашри харитаи хатар суханҳои худро рост бароварданӣ мешуд. Мушовири президент оид ба амният маҷбур буд, ба нафъи ӯ изҳорот кунад.

Бино ба гузориши манбаъ, Трамп боре гуфта буд, ки ӯро дар Мичиган хеле пеш аз раёсати ҷумҳурӣ бо унвони "Шахси сол" сарфароз карданд, аммо то ҳол тасдиқи ин суханон вуҷуд надорад.

Вай инчунин эълон кард, ки раиси Ҷунбиши Миллии Скаутҳо ба ӯ занг зада паёми президентро дар бораи онҳо, "бузургтарин суханронӣ" номидааст. Дар асл, чунин набуд, қайд мекунад CNN.

Трампро аз филми "Дар хона танҳо" ҳам хориҷ карданд - навор

Рӯзноманигорон инчунин изҳороти Трампро ба ёд оварданд, ки чӣ гуна ӯ аз пардохти ҷуброн ба ҳунарпешаи порнавӣ барои хомӯшӣ дар бораи алоқаашон, изҳори бехабарӣ кард.

Дар ин рӯйхат, иттиҳомоти бофтаи президент алайҳи рақибони сиёсӣ, аз ҷумла Ҷо Байден ва инчунин изҳорот дар бораи пирӯзии эҳтимолӣ дар интихобот ва вазъи коронавирус низ ҷой дода шудааст.

490
Барчаспҳо:
шабакаи телевизиони CNN, ИМА, Доналд Трамп, дурӯғ, дурӯғ

Афзоиши фавтидагон аз COVID-19 дар Эрон

0
Вазорати беҳдошти Эрон мегӯяд, теъдоди ҷонбохтагон аз COVID-19 дар ҷумҳурӣ ба 56 ҳазору 803 нафар расид

ДУШАНБЕ, 17 янв — Sputnik. Тибқи иттилои Вазорати беҳдошт, шабонарӯзи гузашта 86 нафар аз COVID-19 фавтида, теъдоди умумӣ ба 56 ҳазору 803 нафар расид.

Радиои тоҷикии Садои Хуросон аз қавли Вазорати беҳдошт, дармон ва омӯзиши пизишкии Эрон хабар додааст, ки дар 24 соати гузашта 6 ҳазору 16 бемори нави гирифтор ба корона дар Эрон шиносоӣ ва 631 нафар аз онҳо бистарӣ шуданд.

Бар асоси маҷмӯи беморони вируси  COVID-19 дар Эрон ба як миллиону 330 ҳазору 411 нафар расидааст, ки то кунун 1 миллиону 119 ҳазору 137 нафар аз ин беморон беҳбуд ёфта ва ё аз бемористонҳо ҷавоб шудаанд.

Манбаъ афзуд, бемории COVID-19бар асоси омори расмии кишварҳо то кунун беш аз наваду панҷ миллион нафарро дар дунё мубтало карда ва беш аз ду миллион нафар низ бар асари ин беморӣ ҷони худро аз даст додаанд.

0
Барчаспҳо:
Эрон