Новый президент Азиатского банка развития Масацугу Асакава 

Президенти нав: раҳбари Бонки Осиёии рушд иваз шуд

158
(Таҷдидшуда 11:34 18.01.2020)
Ба ин курсӣ Масатсугу Асакава, ки то ин дам дар якқатор мансабҳои раҳбарикунанда дар Ҷопон фаъолият кардааст, такя зад

ДУШАНБЕ, 18 янв — Sputniк. Масатсугу Асакава дар ин мақом Такехико Накаоро  иваз намуд, ки ӯ 16 январи соли 2020 ба истеъфо рафт, хабар медиҳад маркази матбуоти БОР дар Тоҷикистон.

"Барои ман шарафи бузург аст, ки президенти БОР бошам ва фаъолияти худро дар ҳамкории зич бо 68 кишвари аъзо оғоз намоям. БОР беш аз ним аср шарики боэътимод дар минтақа буда,  рушди устувор ва некӯаҳволии одамонро дар минтақаи Осиёву Уқёнуси Ором беҳтар  месозад. Ман ба он мекӯшам, ки БОР ҳамоно аз ҷониби мизоҷон ва шарикон  хуб пазируфта шавад",- гуфт Асакава.

Дар давоми чор даҳсолаи фаъолияти корӣ Масатсугу Асакава як қатор мансабҳои роҳбарикунандаро дар Вазорати молияи Ҷопон, аз ҷумла вазифаи муовини вазири молия оид ба корҳои байналмилалиро  ишғол менамуд ва таҷрибаи васеи касбиро дар соҳаи сиёсати  рушд, бозорҳои  асъор ва сиёсати андозу молия касб намудааст.

Ӯ соли 2019 вазифаи  муовини вазири молияро дар саммити  G20 дар Осака ва дар вохӯрии вазирони молия ва раисони бонкҳои марказии кишварҳои  G20   дар  Фукуоке иҷро мекард.

Ба ҷуз ин, дарҳол пас аз бӯҳрони ҷаҳонии молиявӣ ӯ дар ҷаласаи аввалини роҳбарони G20 ба ҳайси ёвари ҳамонвақтаи сарвазир  Таро Асо  ширкат намуда буд. 

Масатсугу Асакава борҳо бо Созмони ҳамкории иқтисодӣ ва рушд, аз ҷумла ба ҳайси раиси Кумита оид ба масъалаҳои молиявӣ дар солҳои  2011 ва 2016 саҳмгузорӣ намуда буд. Таҷрибаи калони  байналмилалии М.Асакава фаъолияти ӯро ба ҳайси сармушовири президенти БОР Кимимас  Тарумидзо дар давраи солҳои 1989 то 1992 дар бар мегирад, ки вай дар ин муддат роҳбарии чорабиниҳоро оид ба таъсиси идораи нав дар БОР, ки  бо банақшагирии стратегӣ машғул буд, ба уҳда дошт.

Масатсугу Асакава ба ҳайси профессор дар Донишгоҳи Токио аз соли 2012 то 2015 ва дар Донишгоҳи Сайтама аз соли 2006 то 2009 фаъолият намудааст.

Ӯ унвони бакалаврро соли 1981 дар Донишгоҳи Токио ва дараҷаи магистрро соли 1985 дар Донишгоҳи Принстон гирифтааст.

158
Барчаспҳо:
президент, раҳбар, БОР
Президент Дональд Трамп

Намояндаи мусулмони Амрико ба изҳороти нажодпарастонаи Трамп посухи тунд дод

254
(Таҷдидшуда 20:05 24.09.2020)
Намояндаи мусулмони иёлати Меннесота вокуниши тунде ба изҳороти нажодпарастонаи Трамп нишон дод

ДУШАНБЕ, 24 сен — Sputnik. Илҳон Умар, намояндаи мусулмони иёлати Меннесота дар паёми твиттериаш ба изҳороти нажодпарастонаи Трамп вокуниши тунде нишон додааст, иттилоъ додааст хабаргузории ИРНА.

“Нахуст кишвари ман Амрико аст ва ман яке аз аъзои Маҷлиси намояндагони Амрико ҳастам, ки шуморо бозхост кард. Дувум ман дар синни ҳаштсолагӣ аз ҷанги дохилии Сомалӣ фирор кардам. Як кӯдаки ҳаштсола кишварро идора намекунад; ҳарчанд ки ту кишвари моро мисли як бачҷаи ҳаштсола идора ме‌кунӣ”, - таъкид доштааст Илҳон Умар.

Дар ҳамин ҳол, раисҷумҳури Амрико ахиран ҳамлаҳои нажодпарастонае алайҳи Илҳон Умар матраҳ кард ва бо масхара кардани маҳалли таваллуди вай ба у гуфт, ки Амрико кишвари вай нест.

 Трамп дар ҷамъи ҳаводорони худ дар Пенсилвания гуфт: “Ӯ  ба мо мегуяд, ки чӣ гуна кишварамонро идора кунем. Ту аз куҷо омадаӣ? Вазъияти кишвари худат чӣ гуна аст?”

Трамп дар як соли гузашта борҳо ҳамлаҳои нажодпарастонаеро ба хонуми Умар ва се зани рангинпӯсти дигари намояндаи Конгресс анҷом додаааст.

254
Барчаспҳо:
мусалмонон, намоянда, Амрико

Лукашенко ба иттиҳомот дар барои инаугуратсияи пинҳонӣ посух гуфт

134
(Таҷдидшуда 17:21 24.09.2020)
Инаугуратсия субҳи чоршанбе баргузор шуд, вале аз ин маросим хабар надода буданд. Лукашенко имрӯз вокуниши бархе аз кишварҳоро дар ин робита шарҳ дод

ДУШАНБЕ, 24 сен — Sputnik. Президенти Белорус Александр Лукашенко ба иттҳиомот дар бораи инаугуратсияи пинҳонӣ посух гуфт, хабар медиҳад Sputnik Белорус.

Дар вохӯрӣ бо сафири Чин Тсуй Тсимином ӯ изҳор дошт, ки "кишвар вазифадор нест касеро аз баргузории инаугуратсия огаҳ кунад".

Инаугуратсия субҳи чоршанбе баргузор шуд. Ожонсии давлатии БелТА бидуни анонс хабар дод, ки Лукашенко ба президентӣ шурӯъ кард ва маросими савгандёдкунӣ дар Қасри истиқлол баргузор шуд.

Вазорати адлия гуфт дар баргузории маросим ягон қонунвайронкунӣ рух надодааст ва ҳамааш мутобиқи қавонин иҷро шудааст.

Ба гуфти Лукашенко бархе аз давлатҳо нисбати Белорус мавқеъи ғайри созандаро пеша кардаанд.

"Аҷибаш ин ки ҳамсояҳо. Ҳамсояҳо атои Худоянд, онҳоро интихоб намекунанд ва мо тақдиран бояд бо дӯстӣ ба сар барем. Вале, на ҳамеша чунин мешавад. Шумо медонед, давлатҳои ҳамсоя бахусус Полша чӣ мавқеъгирӣ кардааст", - гуфт президент ба сафири чинӣ.

Ӯ ҳадз зад, ки ҳамсояҳо муттаҳид шудаанд, ки ҳукумати Белорус "ба лаҳистониҳо, литвагиҳо, украиниҳо ва боз ба ким -киҳо" аз баргузории инаугуратсия хабар надод. Дар баробари ин раҳбари кишвар қайд кард, ки тибқи қонун, ҳукумати Минск вазифадор нест намояндгони дигар кишварҳоро аз савгандёдкунӣ хабар кунад.

"Ин кори дохилии кишвари мо аст. Нақд танҳо як аст: пинҳонӣ буд... Медонед, ба маросими савгандёдкунӣ наздики 2 ҳзаор нафар аз ҷумла низомиён даъват шуда буданд. Дар пинҳонӣ нигоҳ доштани ин номумкин аст", - изҳор дошт Лукашенко.

Интихоботи президентӣ дар Белорус 9 август доир шуд. Бино ба гузориши КМИ дар ин раъйдиҳӣ 5,8 миллион нафар ширкат кард.

Бар асоси эълони натоиҷи  интихоботӣ Александр Лукашенко, президенти кунунии ин кишвар бо ба даст овардани 80,23% овозҳо дар интихобот пирӯз шуд.

Бетартибиҳо дар ин кишвар пас аз эъломи намтоиҷи интихобот оғоз шуд, ки то кунун идома дорад.

134
Барчаспҳо:
инаугуратсия, маросими савгандёдкунӣ, савгандёдкунӣ, Белорус, Александр Лукашенко

Амрико ба хотири қатъи сохтмони “Маҷрои шимолӣ-2” шарик меҷуяд

0
(Таҷдидшуда 21:15 24.09.2020)
Мақомоти Амрико эълон кардааст, ки эътилофи зидди “Маҷрои шимолӣ-2”- ро ташкил хоҳад кард

Нашрияи Die Welt  навиштааст, ки Амрико фишорашро бар зидди ширкатҳое, ки дар лоиҳаи “Маҷрои шимолӣ-2” иштирок доранд зиёд кардааст.

Вазири хорҷаи Амрико Майк Помпео, ахиран эълон кардааст, ки кишвараш барои қатъи сохтмони “Маҷрои шимолӣ-2” эътилоф ташкил хоҳад дод.

Ба гуфтаи вай, ин лоиҳа метавонад вобастагии Аврупоро аз Русия зиёд намояд ва ба амнияти Украин хатар ворид кунад. Ба ҳамин хотир амрико набояд гузорад ин лоиҳа иҷро шавад.

Бояд гуфт, ки Русия борҳо таъкид кард, ки тарҳҳои энержии ин кишвар, аз ҷумла "Маҷрои шимолӣ-2" дар Аврупо бо ҳадафҳои сиёсӣ дучори монеа шудаанд.

Лоиҳаи “Маҷрои шимолӣ-2” бунёди ду лӯлаи газ бо иқтидори умумии 55 миллиард метри мукааб газ дар як сол аз соҳили Русия тавассути баҳри Балтика то Олмонро дар бар мегирад.

Владимир Путин борҳо таъкид кардааст, ки Русия ба лӯла танҳо ба унвони як лоиҳаи иқтисодӣ ишора мекунад. Маскав даъват мекунад, ки онро ҳамчун воситаи таъсирот қабул накунед. Сохтмони “Маҷрои шимолӣ-2” аз ҷониби Олмон, Австрия ва Норвегия фаъолона дастгирӣ карда мешавад.

0
Барчаспҳо:
мақомот, ташкил, эътилоф, Амрико, Русия