Шифо ёфтани 4 ҳазор бемор аз "вируси тоҷдор" дар Чин

722
(Таҷдидшуда 14:03 11.02.2020)
Феълан дар қаламрави Чин ҳудуди 42 638 нафар гирифтори маризии сироятии "вируси тоҷдор" мебошанд, ки аз ин миён 37 726 нафар таҳти табобат қарор гирифта, вазъи саломатии 7 333 нафар вазнин арзёбӣ мешавад

ДУШАНБЕ, 11 фев — Sputnik. Дар Чин дасти кам 3996 нафар пас аз гирифтор шудан ба маризии "вируси тоҷдор" комилан шифо ёфтанд, иттилоъ медиҳад Кумитаи тандурустии ин кишвар.

Манбаъ меафзояд, аз 42 638 нафар мубталоёни ин маризӣ аллакай 1016 нафар ба ҳалокат расиданд.

"То нимарӯзи 10 - уми феврал, Кумитаи давлатии тандурустӣ аз тамоми манотиқи ин кишвар маълумот дар мавриди теъдоди гирифторони ин маризӣ, шифоёфтагон ва фавти беморон дарёфт намудааст, ки бар тибқи он дар 31 манотиқи Чин ҳудуди 42 638 нафар маризии "вируси тоҷдор" мебошанд, ки аз ин миён 3996 бемор аллакай шифо ёфтанд ва аммо пизишкон ҷони 1016 маризро аз марг наҷот дода натавонистанд", - омадааст дар хабар.

Зимнан, 187,7 ҳазор нафар, ки бо мубталоёни ин маризӣ дар тамос буданд, таҳти назорати табибон қарор доранд.

Дар ҳамин ҳол, давоми шабонарӯзи гузашта, 2478 ҳолати нави сироятёбӣ ба қайд гирифта шуда, 108 нафар ҷон бохтанд. Ҳамзамон, шумораи беморон дар ҳолати вазнин дар як рӯз 849 нафар афзоиш ёфтааст.

Ёдовар мешавем, ки ҳукумати Чин рӯзи 31-уми декабр ба Созмони ҷаҳонии тандурустӣ аз бурузи маризии илтиҳоби шуш бо нишонаҳои номаълум дар шаҳри Вуҳан хабар доданд.

Ҳалокати 600 нафар аз "вируси тоҷдор": ҳамарӯза даҳҳо нафар сироят мешаванд

Сипас муайян шуд, ки барангезандаи ин маризӣ коронавирус - 2019-nCoV мебошад. Нахустин мубталоёни ин вируси навро дар шаҳри Вуҳани Чин пайдо карданд. 

Феълан гирифторони короноврус дар Фаронса, Италия, Олмон, ИМА, Австралия, Ветнам, Гонконг, Ҳиндустон, Малайзия, Макао, Непал, Канада, Сингапур, Таиланд, Тайван, Ҷопон, Филиппин, Финляндия, Кореяи Ҷанубӣ ва Украина ба қайд гирифта шудаанд.

722
Барчаспҳо:
сиҳатӣ, маризӣ, Чин
Cотрудники, проводящие дезинфекцию на северном железнодорожном вокзале Интан в Наньчане

Дар 24 соат мекушад: Чин аз таҳдиди нави бемории тоун ҳушдор дод

891
(Таҷдидшуда 17:51 06.07.2020)
Тоуни бубуникӣ ё хиёрикӣ метавонад бузургсолро, агар саривақт муолиҷа шурӯъ нашавад, дар камтар аз 24 соат бикушад

ДУШАНБЕ, 6 июл — Sputnik. Дар шимоли Чин хатари дараҷаи севуми тоуни бубуникӣ эълон шуд, хабар медиҳад расонаҳои чинӣ дар истинод ба Вазорати тандурустии кишвар.

Бино бар иттилои манобеъ, режими эпидемиологӣ бо далели таҳдиди шуюи маҳалли тоуни бубуникӣ ҷорӣ гардидаст.

Таъкид карда мешавад, ки назорати шадид дар шимоли Чин то авали соли 2021 идома меёбад.

Аз сокинон хоҳиш карда мешавад, ки тозагиро риоя кунанд ва ҷойҳое ки хояндагон ҳастанд, худро канор гиранд.

Мақомот пас аз тасдиқ шудани маризии тоун дар як сокини шимоли Чин бонги хатар задаанд.
Афзун бар ин, ду нафари дигар бо гумони ин беморӣ бистарӣ шуданд.

Сабаби олудашавӣ ба беморӣ хӯрдани гӯшти хоми мормут будааст. Пас аз сироятёбӣ як бемор бо 500 нафар иртибот доштааст.

Тоун бемории бактериологиест, ки дар дараҷаи аввал ба хояндагони ваҳшӣ таъсир мекунад. Он байни ҳайвонҳо ба воситаи кайкҳои заминӣ паҳн мешавад. Одамонеро, ки кайкҳои сироятёфта мегазанд, одатан ба бемории тоуни бубуникӣ гирифтор мешаванд.

Чин доруи зидди коронавирусро то авохири соли ҷорӣ вориди бозор мекунад

Бино бар иттилои Созмони ҷаҳонии беҳдошт, ин беморӣ одамро метавонад, агар сари вақт ёрии тиббӣ нарасад, дар 24 соат ба ҳалокат расонад. Нишонаҳои ин маризиро тасби баланд ва заифӣ гуфтаанд.

891

COVID - 19 дар ҷаҳон: коҳиши сироятёбӣ дар Русия ва афзоиш дар Ҳиндустон

241
(Таҷдидшуда 17:47 06.07.2020)
Шумораи умумии гирифторони коронавируси навъи COVID - 19 дар қаламрави Русия аз 687 ҳазор кас бештар шуд

ДУШАНБЕ, 6 июл – Sputnik. Русия аз рӯи шумораи гирифторони коронавируси навъи COVID - 19 дар ҷаҳон аз ҷойи сеюм ба чорум фаромад, омадааст дар торномаи таҳлилии Worldometers.

Бино ба додаҳои ситоди фаврии Русия дар 24 соати гузашта дар ҳудуди Русия 6,6 ҳазор кас олудаи коронавирус шуд. Ҳамин тавр шумораи умумии гирифторони ин вабои аср дар ин кишвар ба 687 862 нафар расид.

Дар баробари ин, тибқи гузориши Созмони беҳдошт дар Ҳиндустон то кунун 698 817 кас мубталои коронавирус шудааст. Тибқи иттилои ин ниҳод давоми ҳафта дар ин кишвар ҳар рӯз беш аз 20 ҳазор одам аз ин маризӣ сироят мешуд.

Ҳамин тариқ, Русия миёни кишварҳои дунё аз рӯи шумораи бештарини мариизони короно аз мақоми сеюм ба чаҳорум фаромад.

Олимон санҷиши се доруи зидди COVID-19 –ро бо қарори СҶТ қатъ карданд

То ҳол дар мақоми аввал ИМА тақрибан бо 3 миллион бемор ҷой гирифтааст. Дар ҷойи дуюм Бразилия бо бештар аз 1,6 миллион сироятшуда меистад.

Ҳамчунин ба даҳгонаи бештарин дардмандони коронавирус Перу, Испания, Чили, Бритониё, Мехико ва Италия ворид шудаанд.

Бояд гуфт, ки дар замони ҳамагирии коронавирус Русия чанд маротиба мавқеъи худро дар феҳрист иваз кард. Аз ҷумла моҳи май кишвар аз рӯи бештарин сироятшудагон ба мақоми дуюм баромада буд.

241
Барчаспҳо:
вируси нав, бемориҳои сироятӣ, Ҷаҳон
Мавзуҳо:
Пайомадҳои COVID-19 дар Тоҷикистон ва ҷаҳон
День 7 июля

Ҷашнҳои рӯзи 7 июл дар Тоҷикистон ва ҷаҳон

0
(Таҷдидшуда 20:53 06.07.2020)
Рӯзи ҳафтуми июл дар Танзания – Рӯзи кишоварзӣ буда, дар Осетияи Шимолӣ – Рӯзи ҷумҳурӣ дар Испания Рӯзи ҷумҳурӣ ва дар Қирғизистон Рӯзи кормандони молия мебошад

Рӯзи 6 июл дар ҷаҳон чӣ рух дод

Соли 1754 дар Ню-Йорк Коллеҷи Шоҳ таъсис дода шуд, ки ҳоло ҳамчун Донишгоҳи Колумбия машҳур аст.

День 6 июль
© Sputnik / Стас Этвеш / Вишнякова Мария

Соли 1917 аввалин маротиба дар Парлумони  Эстония интихобот сурат гирифтааст.

Соли 1914 Парлумони Австрия барои муқобили Сербия оғоз намудани  ҷанг қарор қабул намуд.

Соли 1993 дар Иёлати Висконсини Америка  ғолибияти аз ҳама бештари маблағи лоторея ба қайд гирифта шуд, ки маблағи бурд 111 миллион доллари америкоиро ташкил дод.

Соли 1960 дар Арабистони Саудӣ гирифтани маълумоти олӣ барои занон иҷоза дода шуд.

Соли 1972 аввалин бор ду зан ба сифати ҷосуси Маркази федералии ҷустуҷӯӣ савганд ёд кардаанд.

Рӯзи 7 июл дар Тоҷикистон чӣ рух дод

Соли 1993 кушодашавии корхонаи муштараки тоҷикӣ-амрикоии “Sano” дар шаҳри Хуҷанд.

Соли 2009 Ҳукумати Тоҷикистон  ва Бонки рушди Осиё барои дастгирии барномаҳои муҳими иҷтимоӣ ба маблағи 40 миллион доллари амрикоӣ созишномаи грантӣ ба имзо расониданд.

День 5 июль
© Sputnik / Стас Этвеш / Вишнякова Мария

Соли 2010 Гурӯҳи корӣ бо роҳбарии Сарвазири вақти Ҷумҳурии Тоҷикистон Оқил Оқилов ба як зумра шаҳру ноҳияҳои вилояти Хатлон сафар кард.

Соли 2012 Президенти  Ҷумҳурии Тоҷикистон муҳтарам Эмомалӣ Раҳмон машварати корӣ доир намуда, ба масъулин баҳри тезонидани корҳои сохтмонӣ, аз ҷумла, биноҳои маъмурӣ, муассисаҳои таълимиву фарҳангӣ ва иҷтимоиву тандурустӣ, вусъати минбаъдаи корҳои созандагию ободонӣ, бунёди пулу роҳҳо, 6 неругоҳи хурди барқию обӣ дар Вилояти Мухтори Кӯҳистони Бадахшон, таъмини аҳолӣ бо маводи ғизоӣ ва сӯзишворӣ дастуру супоришҳо доданд.

Соли 2013 дар маркази ноҳияи Ҷалолиддини Румӣ бо иштироки Эмомалӣ Раҳмон нахустин дармонгоҳ ва шифохонаи хусусӣ дари худро ба рӯи ниёзмандон боз намуд.

Соли 2013 маросими ифтитоҳи беморхонаи минтақавии сил дар ноҳияи Вахш.

Соли 2016 дар Бишкек ба муносибати 25-солагии Иттиҳоди Давлатҳои Мустақил ҷаласаи Шӯрои сайёҳии кишварҳои ИДМ баргузор гардид.

Ҷашнҳои рӯзи 7 июл

  • Дар Ҷазираҳои Кайман – Рӯзи Конститутсия.
  • Дар Танзания – Рӯзи кишоварзӣ.
  • Дар Осетияи Шимолӣ – Рӯзи ҷумҳурӣ.
  • Рӯзи ҷумҳурӣ дар Испания.
  • Рӯзи кормандони молия дар Қирғизистон.
  • Рӯзи парчам дар Перу.
  • Рӯзи истиқлолият дар Норвегия.
  • Рӯзи шаҳидон дар Малта.

Рӯзи 7 июл кӣ ба дунё омадааст

Соли 1746 — астрономи итолиёӣ Ҷузеппе Пиатси, ӯ нахустин сайёраи хурди  — Тсерерро кашф карда буд.

Соли 1936 — математик ва физики советӣ, профессор, академик Юрий Осипов, ӯ солҳои (1991—2013) президенти Академияи илмҳои Русия буд.

Соли 1962 — сарояндаи русиягӣ, овозхони пешини гурӯҳи "Браво" Жанна Агузарова.

Рӯзи 7 июл дар Тоҷикистон кӣ ба дунё омадааст

Мирмуъмин Абдулов (1958) – сароянда, Ҳунарпешаи шоистаи Тоҷикистон.

Турдихон Бердиева (1942 – 2008) – доктори илми филологӣ, профессор.

Неъматҷон Бобоҷонов (1939 – 1992) – доктори илми ҳуқуқ, профессор.

Назаршо Назаршоев (1954) – доктори илми таърих, профессор.

Ҳофиза Наимова (1923) – журналист, Корманди шоистаи маданияти Тоҷикистон.

Азиз Ниёзмамадов (1941 – 1995) – дирижёр, Ходими шоистаи ҳунари Тоҷикистон.

Равсаниёр Мавлуда (1968)- шоира.

Шоҳвалӣ Саидҷаъфаров (1944) – адабиётшинос, профессор.

Гулузор Тўраева (1941) – меъмор – сохтмончӣ, дорандаи Ҷойизаи давлатии ба номи Рўдакӣ.

Ҷумъақул Ҳамроев (1947)- доктори илми филологӣ, профессор.

Шокирзода Замон (1941) – нависанда.

 

Рӯзи 7 июл кӣ вафот кард

Соли 1718 — подшоҳ Алексей, писар ва меросхӯри Петри I.

Соли 1930 — нависандаи англис, офаринандаи симои Шерлак Хомс Артур Конан Дойл.

Соли 1967 — ҳунарпешаи англис, дорандаи дукаратаи "Оскар".

0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 6 июл дар Тоҷикистон ва ҷаҳон
Ҷашнҳои рӯзи 5 июл дар Тоҷикистон ва ҷаҳон
Ҷашнҳои рӯзи 3 июл дар Тоҷикистон ва ҷаҳон
Ҷашнҳои рӯзи 30 июн дар Тоҷикистон ва ҷаҳон
Ҷашнҳои рӯзи 4 июл дар Тоҷикистон ва ҷаҳон