Афганские талибы, архивное фото

Намояндаи ҷунбиши Толибон дақиқ гуфт кай тавофуқномаи сулҳ бо Амрико ба имзо мерасад

469
(Таҷдидшуда 10:29 18.02.2020)
Дар пайи эъломи мақомоти амрикоӣ бар асоси тавофуқи ин кишвар бо Толибон сарони ин гуруҳ имрӯз эълом карданд, ки моҳи феврал ин тавофуқ ниҳоӣ мешавад ва ба имзои тарафайн мерасад

ДУШАНБЕ, 18 фев — Sputnik. Ба нақл аз хабаргузории Форс, пас аз баргузории 9 давра музокирот миёни Амрико ва Толибон, имрӯз мақомоти ин гуруҳ аз поёни гуфтугӯҳо хабар дода ва эълом карданд ин тавофуқнома ба зудӣ имзо хоҳад шуд.

Глава политического совета движения Талибан , архивное фото
© Sputnik / Владимир Астапкович

Дар ҳамин ҳол Абдусалом Ҳанафӣ муовини раиси Дафтари сиёсии Толибон дар Қатар аз поёни музокироти ин гуруҳ бо Амрико хабар дод ва гуфт, ки то поёни ин моҳ тавофуқномае миёни ду тараф имзо хоҳад шуд.

Ёдрас мешавем, ки ахиран Доналд Трамп, раисҷумҳури Амрико эълон карда буд, дар пайи хуруҷи нерӯҳои амрикоӣ аз Афғонистон аст ва қасд дорад ба тӯлонитарин ҷанги Амрико поён диҳад.

Трамп эътироф кард ҷанги Афғонистон ҳазинаи сангинеро бар хонаводаҳои Амрико таҳмил кардааст.

Пас аз он ки соли гузашта Трамп музокироти миёни Амрико ва Толибонро ба далели кушта шудани як сарбози амрикоӣ дар Кобул мутаваққиф кард, Толибон эълом кард, ки ҷанг то хуруҷи комили нерӯҳои амрикоӣ аз Афғонистон идома хоҳад дошт.

Ба гуфтаи рӯзномаи амрикоии Нию-ЙоркТаймз, Трамп ба сурати машрут тавофуқ бо Толибонро пазируфта ва дар сурате, ки ин гуруҳ ба Тарҳи ҳафтрӯзаи коҳиши хушунатҳо байни Амрико ва Толибон пойбанд бошад, ин тавофуқ имзо хоҳад шуд.

Дар ҳамин ҳол, дафтари раёсатҷумҳурии Афғонистон (АРГ) низ дар баёнияе эълом кард бар асоси гуфтаи мақомоти амрикоӣ тамоми бандҳои тавофуқ бо Толибон машрут буда ва ин гуруҳ дар музокирот пазируфтааст даст аз ҷангу хушнат бардорад ва як ҷомеаи касратгароро дар Афғонистон бипазирад.

469
Барчаспҳо:
Амрико, имзо, тавофуқнома, сулҳ, Толибон, Афғонистон

Ҷашнҳои рӯзи 6 август дар Тоҷикистон ва ҷаҳон

45
(Таҷдидшуда 19:42 05.08.2020)
Рӯзи шашуми август Рӯзи байналхалқии «табибон барои сулҳ» ва Рӯзи ҷаҳонии мубориза барои манъи силоҳи ҳастаӣ. буда, дар Русия – Рӯзи неруҳои роҳи оҳан дар Аргентина Рӯзи кӯдакон ва дар Боливия ва Ямайка Рӯзи истиқлолият мебошад

Рӯзи 6 август дар ҷаҳон чӣ рух дод

Соли 1889 дар ИМА охирин маротиба муҳорибаи бокс бидуни дастпӯш баргузор гашт.

© Sputnik / Стас Этвеш / Вишнякова Мария

Соли 1889 дар Лондон меҳмонхонаи «Савой» кушода шуд, ки аввалин маротиба дар таърихи ҷаҳон ҳамчун меҳмонхонаи ҳамаи ҳуҷраҳояш дорои ҳаммом ном баровард.

Соли 1914  Чин нисбат ба ҷанги якуми ҷаҳон бетарафии худро эълон кард.

Соли 1929 аввалин маротиба дар Британияи Кабир курсҳои омӯзиши ронандагӣ роҳандозӣ гардиданд.

Соли 1945  америкоиҳо ба шаҳри Хиросимаи Ҷопон бомбаи атомӣ партофтанд.

Соли 1991 Бангладеш аз шакли идоракунии президентӣ даст кашида, ба шакли идоракунии парламентӣ гузашт.

Соли 1991 пайдоши аввалин интернет-сервис WWW (World Wide Web).

Соли 2000 истгоҳи байналмилалии ҳавонавардӣ киштии кайҳонии борбарандаи «Прогресс»-ро ба кайҳон сар дод.

День 4 августа
© Sputnik / Стас Этвеш / Вишнякова Мария

Рӯзи 6 август дар Тоҷикистон чӣ рух дод 

Соли 2001 бо қарори Суди олӣ фаъолияти ҳизби сиёсии “Адолатхоҳ” қатъ гардид.

Соли 2003 баъд аз танаффуси дусола Тоҷикистон ба Қазоқистон дубора барқ дод.

Соли 2009 дар шаҳри Душанбе Президенти Ҷумҳурии Тоҷикистон Эмомалӣ Раҳмон ва Вазири корҳои хориҷии Ҷумҳурии Қирғизистон Қадирбек Сарбаев масоили ҳамкории дуҷонибаи Тоҷикистону Қирғизистонро баррасӣ карданд.

Соли 2011 дар Тоҷикистон қонун “Дар бораи масъулияти падару модар дар таълиму тарбияи фарзанд” қабул шуд.

Соли 2011  дар шаҳри Хуҷанд бо иштироки Эмомалӣ Раҳмон маҷмааи варзишии обӣ мавриди баҳрабардорӣ қарор гирифт.

Соли 2014 аз номи Федератсияи байналмилалии таэквондо (ITF) ба Президент Эмомалӣ Раҳмон ҳамчун нишони эҳтиром камарбанди сиёҳи дани 9-ум бо сертификати он ва кимоно супорида шуд.

Соли 2016 Эмомалӣ Раҳмон дар ноҳияи Варзоб аз иншооти Маҷмааи лижаронию сайёҳии «Сафеддара» боздид ба амал оварда, бо шароити ин мавзеи  варзишию  сайёҳӣ шинос шуда, аз ҷумла аз меҳмонхонаи 4-ошёнаи барҳавою замонавӣ, нуқтаи нигоҳдории барфгардҳо, тарабхонаю  марказҳои савдо ва  мавзеъҳои  лижаронию  барфгардӣ  дидан  карда, ба шароити муҳайёгардидаи ин маҷмаа баҳои баланд дод.

Ҷашнҳои рӯзи 6 август

  • Рӯзи байналхалқии «табибон барои сулҳ».
  • Дар Русия – Рӯзи неруҳои роҳи оҳан.
  • Рӯзи ҷаҳонии мубориза барои манъи силоҳи ҳастаӣ.
  • Рӯзи кӯдакон дар Аргентина.
  • Рӯзи истиқлолияти Боливия ва Ямайка.

Рӯзи 6 август дар Тоҷикистон кӣ ба дунё омадааст

Аюб Раҳим (1951) – шоир.

екзода Хушбахт (1945)- нависанда.

Дамир Дўстмуҳаммадов (1941 – 2003) – оҳангсоз, Ходими шоистаи ҳунари Тоҷикистон.

Имомназари Холназар (1952 – 2007) – нависандаи ҳаҷвнигор.

Виталий Колберг (1913-1989)- доктори илми тиб, профессор.

Нуриддини Амриддин (1956) – шоир.

Толиб Муинов (1932 – 2000) – доктори илмҳои физикаю математика.

Манзура Улҷабоева (1953) – рассом – ороишгар.

Абдураҳмон Ҳакимов (1940) – доктори илми иқтисод, профессор.

Юлдош Ҳоҷибоев (1945) – доктори илми химия.

45
Барчаспҳо:
Тоҷикистон, Ҷаҳон, ҷашн
Мавзуъ
Ҷашнҳои рӯзи 4 август дар Тоҷикистон ва ҷаҳон
Ҷашнҳои рӯзи 1 август дар Тоҷикистон ва ҷаҳон
Ҷашнҳои рӯзи 2 август дар Тоҷикистон ва ҷаҳон
Ҷашнҳои рӯзи 5 август дар Тоҷикистон ва ҷаҳон
Ҷашнҳои рӯзи 3 август дар Тоҷикистон ва ҷаҳон
Президент Республики Таджикистан Эмомали Рахмон

Андӯҳи Эмомалӣ Раҳмон аз таркиш дар Бейрут

134
(Таҷдидшуда 18:50 05.08.2020)
Эмомалӣ Раҳмон ба мардуми Лубнон бино бар таркиши мудҳиш дар Бейрут изҳори тасаллӣ кардааст ва ба ҷароҳатбардоштагон шифои комил хостааст

ДУШАНБЕ, 5 авг — Sputnik. Эмомалӣ Раҳмон бино бар инфиҷори бузург дар Бейрут ба президенти Лубнон Мишел Аун барқияи тасаллӣ ирсол кард. Дар ин бора дафтари матбуоти президент гузориш медиҳад.

Дар ин барқия раисҷумҳур бино бар қурбон гаштани даҳҳо тан дар пайи ин ҳодиса изҳори андӯҳ кардааст.

"Хабари ба амал омадани таркиш дар бандари шаҳри Бейрути Ҷумҳурии Лубнон, ки муҷиби ба ҳалокат расидани теъдоди зиёди шаҳрвандон, осеб дидани ҳазорҳо нафар ва хисороти бузурги моддӣ гардид, боиси ҳузну андӯҳи амиқи мо гашт", - изҳор доштааст Эмомалӣ Раҳмон.

Аз номи худ ва мардуми Тоҷикистон ҳамдардии амиқро ба Шумо ва тамоми сокинони кишвари дӯсти Лубнон изҳор намуда, ба наздикони қурбоншудагон сабри ҷамил ва ба зарардидагон шифои комил хоҳонам, гуфтааст вай ба Мишел Аун.

Ёдрас мешавем, шоми сешанбе дар минтақаи бандарии Бейрут таркиши  шадид рух дод. Нисфи биноҳои шаҳр осеб дидаанд, беморхонаҳо аз осебдидагон пур  гаштаанд.

Шумораи қурбониён 78 тан эълон шуда, дар ҳоли афзоиш аст.

Сарвазири Лубнон Ҳасан Дияб нигоҳдории номуносиби 2750 тонна селитраи аммиакро дар бандар дар тӯли шаш сол сабаби  таркиш  номид.

Изҳори тасаллияти Раҳмон ба Си Ҷинпин ва Синдзё Абэ дар робита ба обхезиҳои ахир

Бо сабаби ин фоҷиа дар Лубнон мотами серӯза эълон шудааст. Президенти кишвар Мишел Аун аз аъзои ҳукумат хоҳиш намуд, ки ба ҷаласаи изтирорӣ ҳозир шаванд, то ин ки дар мамлакат ба муддати ду ҳафта вазъи фавқулода эълон карда шавад.

 

 

 

134
Парламентские выборы в Таджикистане

Замони баргузории интихоботи президентӣ дар Тоҷикистон эълон шуд

0
(Таҷдидшуда 12:12 06.08.2020)
Замони баргузории интихоботи президентӣ дар Тоҷикистон имрӯз зимни баргузории ҷаласасаи навбатии порлумони кишвар дақиқ шуд

ДУШАНБЕ, 6 авг — Sputnik. Интихоботи президентӣ дар Тоҷикистон 11 октябри соли 2020 баргузор мешавад, хабар дод Наврӯз Қурбонзода, сухангӯи парлумон ба Sputnik Тоҷикистон гуфт.

Ба иттилои манбаъ, бар асоси қаророри қабулгашта интихоботи навбатии президентӣ дар кишвар рӯзи 11 октябри соли 2020 баргузор мешавад.

Гуфта мешавад, иҷлосия таҳти раёсати раиси Маҷлиси миллии Тоҷикистон Рустами Эмомалӣ сурат гирифт.

Дар пайи қабули қарори баргузории интихоботи президентӣ аҳзоби сиёсӣ, иттифоқҳои касаба, вилоятҳои Суғду Хатлон, ВМКБ ва шаҳри Душанбе метавонанд номзадҳои худ ба курсии президенти Тоҷикистон пешниҳод кунанд.

Ёдовар мешавем, интихоботи пешини сарвари давлати Тоҷикистон рӯзи 6 ноябри соли 2013 баргузор шуда буд, ки Эмомалӣ Раҳмон дигарбораи раисиҷумҳур интихоб гардид.

0