Абдулла Абдулла и Мухаммед Ашраф Гани

Як давлат ду президент: дар Афғонистон Ғанӣ ва Абдуллоҳ ҷудогона савганд ёд хоҳанд кард

2418
(Таҷдидшуда 17:29 25.02.2020)
Ашраф Ғанӣ Аҳмадзай ва Абдуллоҳ Абдуллоҳ маросими ҷудогонаи савгандёдкунии раёсатҷумҳурӣ баргузор мекунанд

ДУШАНБЕ, 25 фев — Sputnik. Ашраф Ғанӣ Аҳмадзай, раисиҷумҳурии феълӣ, ки Камиссиони мустақили интихобот ахиран ӯро ғолиби интихоботи раёсатҷумҳурии Афғонистон эълом кард, комиссиюнеро барои баргузории маросими савгандёдкунии худаш ташкил додааст, иттилоъ додааст хабаргузории “Parstoday”.

Дар муқобил, Абдуллоҳ Абдуллоҳ рақиби интихоботии Ашраф Ғанӣ, ки худро ғолиби интихоботи президентӣ медонад, дар идомаи муаррифии вилоятдорони нав барои ташкили давлати фарогираш, эълом кард, ки маросими савгандёдкунӣ баргузор хоҳад кард.

Манбаъ қайд намудааст, ки бо эҷоди Камиссиюни баргузории маросими савгандёдкунӣ тавассути Ашраф Ғанӣ Аҳмадзай яке аз аъзои тими Абдуллоҳ Абдуллоҳ, раиси феълии иҷроии Давлати ваҳдати миллии Афғонистон ва рақиби интихоботии вай имрӯз ба расонаҳо гуфт, ки маросими таҳлифи оқои Абдуллоҳ то се рӯзи дигар дар Қасри Сипидор баргузор хоҳад шуд.

Абдуллоҳ Абдуллоҳ пирӯзии Ашраф Ғаниро напазируфт 

Абдуллоҳ Абдуллоҳ баъд аз муаррифии Муҳаммаднур Раҳмонӣ ба унвони раиси вилояти нави Сарпул рӯзи якшанбе мавлавӣ Абдулҳай Ҳаёт, узви Шурои вилоятии Ҷавзҷонро ба унвони раиси нави ин вилоят таъин кард.

Дар ҳамин ҳол, Идораи мустақили нерӯҳои маҳаллӣ дар вокуниш ба муаррифии волиҳои нав аз сӯи Абдуллоҳ Абдуллоҳ мегӯяд, ки эътирозҳо ва ҳаракатҳои мадании мардум ҳаққи ҳар афғон аст, аммо агар касе назари оммаро бар ҳам занад, сармояҳои миллиро бо таҳдид рубару кунад ва монеи кори идораҳои давлатӣ шавад, аз сӯи ниҳодҳои адлӣ ва қазоӣ таъқиб хоҳад шуд.

Дастаи интихоботии субот ва ҳамгароӣ ба раҳбарии Абдуллоҳ Абдуллоҳ пас аз онки натиҷаҳои ниҳоии интихоботи раёсатҷумҳуриро напазируфта ва давлати "Ҳама шумул"-ро эълом кард, рӯзи шанбе, ин  ҳафта Муҳаммаднур Раҳмонӣ яке аз ашхоси наздик ба генерал Абдурашид Дустумро ба унвони волии вилояти Сарпул ва Иноятхон Ҳабибӣ аз ашхоси наздик ба Муҳаммад Муҳаққиқро ба ҳайси муовини молӣ ва идории ин вилоят таъин кард.

2418
Барчаспҳо:
савгандёдкунӣ, маросими савгандёдкунӣ, буҳрон, Афғонистон, Абдуллоҳ Абдуллоҳ, Абдуллоҳ, Ашраф Ғанӣ, Ғанӣ
Молния

Футболбозро аснои тамрин раъду барқ зад - навор

50
(Таҷдидшуда 18:52 07.07.2020)
Футболбози 16 - сола аз вилояти Маскавро, ҳангоми тамрин оташак зад ва ӯро дар ҳолати вазнин ба беморхона интиқол доданд. Феълан ӯ дар шӯъбаи эҳёгарӣ қарор дорад ва табибион мегӯяд ба ҷони ӯ хатаре таҳдид намекунад

ДУШАНБЕ, 7 июл — Sputnik. Иван Заборовский футболбози 16 - солаи дастаи "Знамя труда" аз ҳисоби оташак сахт ҷароҳатдор шуд.

Номбурда авохири ҳафтаи гузашта ба тамрини футбол дар варзишгоҳ машғул буд, ки банохост ӯро раъду барқ зад. Иванро дар ҳолати вазнин ба беморхона интиқол доданд ва табибон ӯро ба беҳушкунии сунъӣ (ком) гузаронданд.

Бар хабари RT, алъон вазъи саломатии варзишгари ҷавон мӯътадил буда, пизишкон мегӯянд ба ҷони ӯ дигар хавфе таҳдид намекунад.

50
Барчаспҳо:
раъду барқ, футболбоз
Тонущий человек, архивное фото

Ғарқи об шудани шаҳрванди Тоҷикистон дар Русия: ҳамагӣ 30 сол дошт

121
Шаҳрванди 30 - солаи Тоҷикистон дар Серпухова аснои шиноварӣкардан дар канал ғарқи об шудааст. Мақомоти тафтишотӣ дар Подмосковие аз ин ин ҳодиса тафтишот мебаранд

ДУШАНБЕ, 7 июл — Sputnik. Дар Серпухова шаҳрванди Тоҷикистон ғарқи об шудааст, хабар медиҳанд расонаҳои маҳаллӣ.

Бар хабари расонаҳо, ҳодисаи нохуш субҳи рӯзи 6 - уми июл дар минтақаи Калиновские Висилки рух додааст. Шаҳрванди 30 - солаи Тоҷикистон дар канал танҳо оббозӣ карда, ногаҳон зери об рафт ва ғарқ шуд.

КҲФ: дар кӯлу ҳавзҳои Тоҷикистон 28 нафар ғарқ шуданд: 9 ноболиғ

Гурӯҳи наҷотбахшон бо дарёфт намудани ин хабар фавран ба  ҷойи ҳодиса ҳозир шуданд ва ҷасади беҷони муҳоҷири тоҷикро аз дохили об берун оварданд.

Феълан, мақомоти тафтишотӣ аз рӯи ин ҳодиса тафтишот мебаранд.

121
Барчаспҳо:
ғарқ, тоҷик, шаҳрванд, Русия, Тоҷикистон
Гипермаркет Ашан в Душанбе, архивное фото

Сигоркашӣ дар ҳоҷатхонаи занона: сабаби сӯхтор дар Ашан маълум шуд

28
(Таҷдидшуда 19:46 07.07.2020)
Омили сар задани сӯхтор дар бузургтарин фурӯшгоҳи маркази пойтахт "Душанбе - Мол" маълум гардид. Маъмурияти фурӯшгоҳ мегӯяд, сигоре, ки дар ҳоҷатхонаи занона кашида шуд, вале пурра хомӯш нашуда буд, ба сӯхтор оварда расонд

ДУШАНБЕ, 7 июл — Sputnik. Сигоре, ки дар ҳоҷатхонаи занона пас аз дуд задан пурра хомӯш нашуда буд, ба оташсӯзӣ дар бузургтарин фурӯшгоҳи пойтахт "Душанбе - Мол" оварда расонд. Дар ин бора маъмурияти фурудгоҳ дар сафҳаи расмии худ дар Фейсбук хабар доданд.

"Сӯхтор ба иллати дар ҳоҷатхонаи занона дар ошёнаи сеюм хомӯш нагардидани сигор сар задааст", - гуфта мешавад дар сафҳаи расмии ин марказ дар Фейсбук.

Қайд гардидааст, ки кормандони маркази савдо фавран барои хомӯш кардани сӯхтор чораандешӣ намуданд. Аммо дуд тавонист тавассути вентилятсия то қабатҳои поён ва ҳатто то таваққуфгоҳ паҳн шавад.

Маъмурияти марказ таъкил намуданд, ки дар зудтарин фурсат "Душанбе - Мол" ба қабули муштариён шурӯъ мекунад.

28
Барчаспҳо:
маркази савдо, сӯхтор