Хадж в Мекке

Арабистони Саудӣ вуруди зоирин ба Хонаи Худоро муваққатан манъ кард

1437
(Таҷдидшуда 13:10 27.02.2020)
Арабистони Саудӣ ба хотири пешгирӣ кардан аз паҳншавии маризии сироятии коронавирус вуруди зоирин барои адои Ҳаҷи Умра, муваққатан манъ кардааст

ДУШАНБЕ, 27 фев — Sputnik. Арабистони Саудӣ барои ҷилавгирӣ намудан аз паҳншавии маризии коронавирус, як қатор маҳдудиятҳо барои зиёраткунандаҳои Хонаи Худо ҷорӣ намудаст.

Аз ҷумла, то як муддат вуруди афрод ба хотири адои Ҳаҷи Умра ва зиёрати хонаи Пайғамбар манъ карда шудаст.

Ба иттилои Вазорати умури хориҷии ин кишвар, додани раводиди сайёҳӣ ба шаҳрвандоне, ки кишварашон дар гирдоби маризии сироятии "вируси тоҷдор" қарор дорад, комилан манъ карда шудааст.

ВУХ - и Арабистони Саудӣ гуфтааст, ин тадобир муваққатӣ аст, вале замони муайяне барои поёни он то ҳол маълум нест.

Русия 5 намунаи ваксинаи зидди коронавирусро омода кард

Бар тибқи маълумоти ахир, шумораи дардмандони маризии коронавирус ба 80 ҳазор нафар расидааст. Ҳамзамон бар асари ин маризӣ дасти кам 2770 нафар ҷон бохтанд.

Аз лиҳози шумораи афзуни мубталоёни ин маризӣ Чин дар феҳрастӣ аввал қарор дошта, Эрон, Кореяи Ҷанубӣ ва Италия дар зинаҳои баъдӣ ҷой гирифтаанд.

Алъон маризии сироятии коронавирус дар 29 кишвари қора доман паҳн кардааст.

1437
Барчаспҳо:
маҳдудият, Ҳаҷ, Арабистони Саудӣ

Туркия ба истеҳсоли ваксинаи "Спутник V" шурӯъ мекунад

23
(Таҷдидшуда 18:12 23.01.2021)
Интизор меравад, пас аз истеҳсоли ваксин он ҳам дар дохили бозори ин кишвар ба ҳам ба дигар давлатҳо интиқол меёбад

ДУШАНБЕ, 23 янв — Sputnik. Фонди сармоягузории мустақими Русия бо як истеҳсолкунандаи пешбари маҳсулоти дорусозии Туркия оид ба истеҳсоли ваксинаи коронавируси "Спутник V" дар Туркия шартнома ба имзо расонидааст, хабар медиҳад РИА Новости.

"Ҳаҷми эҳтимолии истеҳсол миллионҳо дозаи ваксинаи "Спутник V" дар як сол аст. Масъалаи тавсеаи эҳтимолии истеҳсолот дар оянда низ баррасӣ мешавад. Ваксина ҳам ба бозори дохилии Туркия ва ҳам ба кишварҳои дигар интиқол меёбад", - таъкид мешавад дар хабар.

Фонди сармуягузории мустақими Русия мегӯяд, шарикони туркӣ ба ваксинаи сохти русӣ, ки 90 дарсади сареҳияти он собит шудааст, таваҷҷӯҳ зоҳир намуданд.

Ваксинаи "Спутник V", ки аллакай аз озмоиши пурраи клиникӣ баромадааст ва мавриди истифода қарор гирифтааст, дар кишварҳое чун  Беларуссия, Аргентина, АМА, Маҷористон, Сербия, Боливия, Алҷазоир, Фаластин, Венесуэла, Парагвай ва Туркманистон роҳ ёфтааст.

Ҳоло бошад раванди сабти ном шудани он дар Иттиҳоди Аврупо идома дорад.

Ёдовар мешавем, ки рӯзи 19 январ тавассути ҳавопаймо ваксинаи мазкур ба низ Тоҷикистон интиқол ёфт ва маъракаи эмгузаронӣ бар зидди коронавирус дар пойгоҳи низомии 201-уми Русия дар Тоҷикистон оғоз ёфтааст.

Эмгузаронии низомиёни рус дар Тоҷикистон оғоз шуд – видео

Нахустин маъракаи эмгузаронӣ аз пизишкони беморхонаи 451-уми ҳарбии Русия шурӯъ шуда буд. Сипас эмгузаронӣ миёни ҳайати фармондеҳон, қувваҳои навбатдории пойгоҳ ва сарбозон, идома ёфт.

Дар маҷмӯъ, ба ҷумҳурӣ 1100 адад воя воксина расонида шуд. Барои амн нигоҳ доштани воксинаҳо, онҳо дар сандуқҳои махсус интиқол ёфтанд.

23
Барчаспҳо:
Русия, истеҳсол, Туркия
Ҷо Байден кишвардори феълии Амрико бо Ллойд Остин. 8 апрели соли 2009

Бори нахуст сиёҳпӯст роҳбари Пентагон шуд: Ллойд Остин кист?

630
(Таҷдидшуда 13:48 23.01.2021)
Ллойд Остин 67 сол дорад ва дорои рутбаи генерали чаҳорситора аст. Ӯ ҳанӯз соли 2016 ба нафақа баромада буд

ДУШАНБЕ, 23 янв — Sputnik. Сенати Амрико номзадии Ллойд Остинро ба мақоми раҳбари Пентагон тасдиқ кард, хабар медиҳад РИА Новости.

Бар хабари манбаъ, ба ҷонибдорӣ аз Остин 93 сенатор раъй дода танҳо ду нафар мухолиф баромаданд. Як рӯзи пеш, аз номзадии ӯ кумитаи соҳавии сенатҳо пуштибонӣ кард.

Зимнан, ба довталабони ҳарбие, ки камтар аз ҳафт сол пеш ба нафақа баромадаанд, тасдиқи махсуси Конгресс зарур аст. Остин бошад, соли 2016 ба нафақа баромада буд.

Ллойд Остин 67 сол дорад ва дорои рутбаи генерали чаҳорситора аст. Остин аввалин сиёҳпӯст мебошад, ки ба вазорати мудофиаи ИМА роҳбарӣ мекунад.

Номбурда дар Олмон ва сартосари Амрико хидмат намуда, дар ҳайати фармондеҳи дивизия буд ва то соли 2006 ба рутбаи генерал-лейтенант расид.

Пентагон: коронавирус миёни низомиёни афғон густариши шадид ёфтааст

Соли 2010 Остин фармондеҳи қувваҳои Амрико дар Ироқ таъйин шуд ва масъули аз қаламрави ин кишвар берун овардани низомиёни амрикоӣ буд. 

Моҳи декабри соли 2011, ӯ муовини фармондеҳи Ситоди артиш таъин шуд ва аз соли 2013–2016 фармондеҳии марказии Амрикоро раҳбарӣ кард. Вай дар ин вазифа дар таҳияи стратегияи Вашингтон дар мубориза бо "Давлати Исломӣ" нақши калидӣ дошт.

Пас аз ба нафақа баромадан дар 2016, ӯ дар ҳайати Шӯрои директорони бузургтарин истеҳсолкунандаи силоҳ Raytheon кор мекард.

630
Барчаспҳо:
роҳбар, Амрико, Пентагон
Госпиталь для больных COVID-19

Дар Қирғизистон 93 ҳолати сироятшавию дар Тоҷикистон 0: омори нави коронавирус

0
(Таҷдидшуда 19:11 23.01.2021)
Қирғизистон қабл аз Тоҷикистон домангири коронавирус шуда буд ва то ҳол ҳам вируси COVID - 19 қаламрави ин кишварро тарк намекунад

ДУШАНБЕ, 23 янв — Sputnik. Ситоди фаврӣ оид ба коронавирус дар Қирғизистон хабар медиҳад, ки шабонарӯзи гузашта боз 93 нафар мариз шуда, ҳамчунин 2 нафар ҷон аз даст доданд.

Қирғизистон ҳарчанд қабл аз Тоҷикистон ба ин вабо рӯбарӯ шуд, аммо ҳамоно алайҳи ин вирус дар набард аст ва ҳамарӯза теъдоди  зиёди одамон сироят мешаванду мефавтанд.

Дар Тоҷикистон бошад коронавирус 30 апрел роҳ ёфт ва ҳамакнун муддати беш аз 10 рӯз мешавад, ки ягон ҳолати сироятшавии шаҳрвандон ба қайд гирифта намешавад.

Вазорати тандурустӣ бо нашри омори нави коронавирус хабар медиҳад, ки дар Тоҷикистон шабонарӯзи гузашта ҳам ягон мавриди беморшавии шаҳрвандон сабт нагардид.

Афзоиши мубталоёни коронавирус дар Қирғизистон: аз 69 ҳазор гузашт

Манбаъ меафзояд, аз 13 ҳазору 308 гирифтори коронаиврус аллакай 13 ҳазору 218 нафар шифо ёфтанд.

Шумораи умумии қурбониёни коронавирус 90 нафар аст, дар Қирғизистон бошад 1398 нафар ҷон аз даст доданд.

0
Барчаспҳо:
маризӣ, омор, Тоҷикистон, Қирғизистон