Президент Туркмении Гурбангулы Бердымухамедов на заседании Совета глав государств

Фармони раисҷумҳур: тамоми муассисаҳои давлатӣ дар интернет сомона таъсис диҳанд

734
(Таҷдидшуда 19:38 02.03.2020)
Роҳбари Туркманистон ба вазирон, сардорони вилоятҳо, шаҳрдори Ишқобод, муассисаҳои давлатӣ, роҳбарони корхонаву ташкилотҳо ва соҳибкорони инфиродӣ дастур додааст, ташкили низоми ҳуҷҷатгузории электронӣ ва таъсиси сомонаҳо дар интернетро таъмин намоянд

ДУШАНБЕ, 2 мар — Sputnik. Қурбонгулӣ Бердимуҳаммадов, раисҷумҳури Туркманистон ба тамоми муассисаҳои давлатӣ дастур додааст, ки то охири соли 2020 ба ҳуҷҷатгузории электронӣ гузаранду дар интернет сомонаи расмӣ таъсис диҳанд, иттилоъ додааст рӯзномаи "Нейтральный Туркменистан".

Қарори мазкурро дар ин бора роҳбари Туркманистон зимни маҷлиси ҳукумат, ки тариқи алоқаи видеоӣ сурат гирифт ба имзо расонд.

“Санади мазкур вазирон, сардорони вилоятҳо, шаҳрдори Ишқобод, муассисаҳои давлатӣ, роҳбарони корхонаву ташкилотҳо ва соҳибкорони инфиродӣ вазифадор мекунад, ки низоми ҳуҷҷатгузории электронӣ ташкил намоянд ва дар фазои интернет сомона таъсис диҳанд”

Тибқи қарори раисҷумҳур корҳо дар ин самт бояд моҳи марти соли равон оғоз ёбад ва дар моҳи январи соли 2021 ба анҷом расад.

734
Барчаспҳо:
корхона, сомона, интернет, Қурбонгулӣ Бердимуҳаммедов, Туркманистон

Ҷашнҳои рӯзи 6 август дар Тоҷикистон ва ҷаҳон

41
(Таҷдидшуда 19:42 05.08.2020)
Рӯзи шашуми август Рӯзи байналхалқии «табибон барои сулҳ» ва Рӯзи ҷаҳонии мубориза барои манъи силоҳи ҳастаӣ. буда, дар Русия – Рӯзи неруҳои роҳи оҳан дар Аргентина Рӯзи кӯдакон ва дар Боливия ва Ямайка Рӯзи истиқлолият мебошад

Рӯзи 6 август дар ҷаҳон чӣ рух дод

Соли 1889 дар ИМА охирин маротиба муҳорибаи бокс бидуни дастпӯш баргузор гашт.

© Sputnik / Стас Этвеш / Вишнякова Мария

Соли 1889 дар Лондон меҳмонхонаи «Савой» кушода шуд, ки аввалин маротиба дар таърихи ҷаҳон ҳамчун меҳмонхонаи ҳамаи ҳуҷраҳояш дорои ҳаммом ном баровард.

Соли 1914  Чин нисбат ба ҷанги якуми ҷаҳон бетарафии худро эълон кард.

Соли 1929 аввалин маротиба дар Британияи Кабир курсҳои омӯзиши ронандагӣ роҳандозӣ гардиданд.

Соли 1945  америкоиҳо ба шаҳри Хиросимаи Ҷопон бомбаи атомӣ партофтанд.

Соли 1991 Бангладеш аз шакли идоракунии президентӣ даст кашида, ба шакли идоракунии парламентӣ гузашт.

Соли 1991 пайдоши аввалин интернет-сервис WWW (World Wide Web).

Соли 2000 истгоҳи байналмилалии ҳавонавардӣ киштии кайҳонии борбарандаи «Прогресс»-ро ба кайҳон сар дод.

День 4 августа
© Sputnik / Стас Этвеш / Вишнякова Мария

Рӯзи 6 август дар Тоҷикистон чӣ рух дод 

Соли 2001 бо қарори Суди олӣ фаъолияти ҳизби сиёсии “Адолатхоҳ” қатъ гардид.

Соли 2003 баъд аз танаффуси дусола Тоҷикистон ба Қазоқистон дубора барқ дод.

Соли 2009 дар шаҳри Душанбе Президенти Ҷумҳурии Тоҷикистон Эмомалӣ Раҳмон ва Вазири корҳои хориҷии Ҷумҳурии Қирғизистон Қадирбек Сарбаев масоили ҳамкории дуҷонибаи Тоҷикистону Қирғизистонро баррасӣ карданд.

Соли 2011 дар Тоҷикистон қонун “Дар бораи масъулияти падару модар дар таълиму тарбияи фарзанд” қабул шуд.

Соли 2011  дар шаҳри Хуҷанд бо иштироки Эмомалӣ Раҳмон маҷмааи варзишии обӣ мавриди баҳрабардорӣ қарор гирифт.

Соли 2014 аз номи Федератсияи байналмилалии таэквондо (ITF) ба Президент Эмомалӣ Раҳмон ҳамчун нишони эҳтиром камарбанди сиёҳи дани 9-ум бо сертификати он ва кимоно супорида шуд.

Соли 2016 Эмомалӣ Раҳмон дар ноҳияи Варзоб аз иншооти Маҷмааи лижаронию сайёҳии «Сафеддара» боздид ба амал оварда, бо шароити ин мавзеи  варзишию  сайёҳӣ шинос шуда, аз ҷумла аз меҳмонхонаи 4-ошёнаи барҳавою замонавӣ, нуқтаи нигоҳдории барфгардҳо, тарабхонаю  марказҳои савдо ва  мавзеъҳои  лижаронию  барфгардӣ  дидан  карда, ба шароити муҳайёгардидаи ин маҷмаа баҳои баланд дод.

Ҷашнҳои рӯзи 6 август

  • Рӯзи байналхалқии «табибон барои сулҳ».
  • Дар Русия – Рӯзи неруҳои роҳи оҳан.
  • Рӯзи ҷаҳонии мубориза барои манъи силоҳи ҳастаӣ.
  • Рӯзи кӯдакон дар Аргентина.
  • Рӯзи истиқлолияти Боливия ва Ямайка.

Рӯзи 6 август дар Тоҷикистон кӣ ба дунё омадааст

Аюб Раҳим (1951) – шоир.

екзода Хушбахт (1945)- нависанда.

Дамир Дўстмуҳаммадов (1941 – 2003) – оҳангсоз, Ходими шоистаи ҳунари Тоҷикистон.

Имомназари Холназар (1952 – 2007) – нависандаи ҳаҷвнигор.

Виталий Колберг (1913-1989)- доктори илми тиб, профессор.

Нуриддини Амриддин (1956) – шоир.

Толиб Муинов (1932 – 2000) – доктори илмҳои физикаю математика.

Манзура Улҷабоева (1953) – рассом – ороишгар.

Абдураҳмон Ҳакимов (1940) – доктори илми иқтисод, профессор.

Юлдош Ҳоҷибоев (1945) – доктори илми химия.

41
Барчаспҳо:
Тоҷикистон, Ҷаҳон, ҷашн
Мавзуъ
Ҷашнҳои рӯзи 4 август дар Тоҷикистон ва ҷаҳон
Ҷашнҳои рӯзи 1 август дар Тоҷикистон ва ҷаҳон
Ҷашнҳои рӯзи 2 август дар Тоҷикистон ва ҷаҳон
Ҷашнҳои рӯзи 5 август дар Тоҷикистон ва ҷаҳон
Ҷашнҳои рӯзи 3 август дар Тоҷикистон ва ҷаҳон
Президент Республики Таджикистан Эмомали Рахмон

Андӯҳи Эмомалӣ Раҳмон аз таркиш дар Бейрут

128
(Таҷдидшуда 18:50 05.08.2020)
Эмомалӣ Раҳмон ба мардуми Лубнон бино бар таркиши мудҳиш дар Бейрут изҳори тасаллӣ кардааст ва ба ҷароҳатбардоштагон шифои комил хостааст

ДУШАНБЕ, 5 авг — Sputnik. Эмомалӣ Раҳмон бино бар инфиҷори бузург дар Бейрут ба президенти Лубнон Мишел Аун барқияи тасаллӣ ирсол кард. Дар ин бора дафтари матбуоти президент гузориш медиҳад.

Дар ин барқия раисҷумҳур бино бар қурбон гаштани даҳҳо тан дар пайи ин ҳодиса изҳори андӯҳ кардааст.

"Хабари ба амал омадани таркиш дар бандари шаҳри Бейрути Ҷумҳурии Лубнон, ки муҷиби ба ҳалокат расидани теъдоди зиёди шаҳрвандон, осеб дидани ҳазорҳо нафар ва хисороти бузурги моддӣ гардид, боиси ҳузну андӯҳи амиқи мо гашт", - изҳор доштааст Эмомалӣ Раҳмон.

Аз номи худ ва мардуми Тоҷикистон ҳамдардии амиқро ба Шумо ва тамоми сокинони кишвари дӯсти Лубнон изҳор намуда, ба наздикони қурбоншудагон сабри ҷамил ва ба зарардидагон шифои комил хоҳонам, гуфтааст вай ба Мишел Аун.

Ёдрас мешавем, шоми сешанбе дар минтақаи бандарии Бейрут таркиши  шадид рух дод. Нисфи биноҳои шаҳр осеб дидаанд, беморхонаҳо аз осебдидагон пур  гаштаанд.

Шумораи қурбониён 78 тан эълон шуда, дар ҳоли афзоиш аст.

Сарвазири Лубнон Ҳасан Дияб нигоҳдории номуносиби 2750 тонна селитраи аммиакро дар бандар дар тӯли шаш сол сабаби  таркиш  номид.

Изҳори тасаллияти Раҳмон ба Си Ҷинпин ва Синдзё Абэ дар робита ба обхезиҳои ахир

Бо сабаби ин фоҷиа дар Лубнон мотами серӯза эълон шудааст. Президенти кишвар Мишел Аун аз аъзои ҳукумат хоҳиш намуд, ки ба ҷаласаи изтирорӣ ҳозир шаванд, то ин ки дар мамлакат ба муддати ду ҳафта вазъи фавқулода эълон карда шавад.

 

 

 

128
Строительство аквапарка в Варзобе

Афзоиши бунёди манзил дар Тоҷикистон дар замони пандемия

0
(Таҷдидшуда 11:13 06.08.2020)
Кумитаи меъморӣ ва сохтмони Тоҷикистон аз афзоиши сохтмони манзилҳои истиқоматӣ давоми нимсолаи ҷорӣ хабар медиҳад

ДУШАНБЕ, 6 авг — Sputnik. Ба иттилои манбаъ, зиёдшавии сохтмон алахусус дар бахши хусусӣ, ки асосан хонаҳои истиқоматии 1 ва 2-ошёна сохта мешаванд, ба назар мерасад.

Тибқи иттилои Кумита, дар нимсолаи аввали соли равон бинои истиқоматӣ бо масоҳати умумии 469 ҳазор метри мураббаъ ба истифода дода шудааст, ки нисбат ба ҳамин давраи соли гузашта 16% зиёд мебошад.

Манбаъ мегӯяд, биноҳои бисёрошёна, асосан дар шаҳрҳо ва марказҳои вилоятҳо сохта мешаванд, ки дар онҳо системаи канализатсия мавҷуд аст. Аз ҷумла, дар шаҳри Душанбе дар ин давра 62,3 ҳазор метри мураббаъ манзил ба истифода дода шудааст.

Ба гуфти  Кумитаи меъморӣ, набудани системаи канализатсия дар бисёр шаҳрҳо ва минтақаҳои Тоҷикистон сохтани бинои бисёрошёнаро душвор мегардонад.

Иттилоияи Кумитаи меъмории Тоҷикистон дар ҳолест, ки коршиносон аз коҳиши сохтмонҳо бинобар пандемияи коронавирус мегӯянд.

Бинои парлумон ва роҳ месозанд: Тоҷикистон интизори коргарони чинӣ аст

Ба таъкиди коршиносон, агар қаблан дар Тоҷикистон одамон малағро барои хариди хонаҳо ба биноҳи навсох медоданд, ҳоло вазъ дигар шудааст ва сокинон кӯшиш мекунанд, ки пасандозҳои худро сарф накунанд.

Гуфта мешавад, камшавии якбораи интиқоли маблағҳои муҳоҷирони меҳнатӣ, асосан аз Русия, ба соҳаи сохтмон низ таъсир мерасонад.

Дар Тоҷикистон шумораи ширкатҳои сохтмонӣ 14% кам шудааст

Кумитаи давлатии меъморӣ ва сохтмонсозии Тоҷикистон ахиран аввали солӣ ҷорӣ гуфта буд, ки таи 7 соли ахир дар ин кишвар наздик ба 8 миллион метри мураббаъ манозили маскунӣ ба баҳрабардорӣ расида.

 

0