Марги 66 нафар аз “коронавирус”: тими Созмони ҷаҳонии тандурустӣ ба Теҳрон омад

269
(Таҷдидшуда 16:31 03.03.2020)
Созмони ҷаҳонии тандурустӣ хабар дод, ки тиме аз коршиносони ин созмон барои ҳимоят аз посухи мудовим ба шуйӯъи бемории “вируси тоҷдор” ё “коронавирус – 2019” (COVID-19) ба Теҳрон, пойтахти Ҷумҳурии Исломии Эрон омадааст

ДУШАНБЕ, 3 март — Sputnik. Бино ба иттилои Созмони ҷаҳонии тандурустӣ (СҶТ) то ба соати 15.00 ба вақти Қоҳира, дар Эрон 1501 мавриди гирифторӣ ба COVID-19, ба шумули 66 мариди фавт сабт шудааст.

 Вазорати беҳдошти Эрон гуфтааст, ки қабл аз ин 291 нафар сиҳат ёфта, аз бемористонҳо мураххас шудаанд.

“Ҳавопаймои ҳомили аъзои тими фаннӣ бо маҳмулае аз таҷҳизоти пизишкӣ ва ҳифозатӣ барои пуштибонӣ аз 15 000 корманди соҳаи тандурустии Эрон, ки бо “вируси тоҷдор” дасту панҷа нарм мекунанд ва ҳамчунин ба ҳадафи интиқоли бастаҳои озмоишгоҳии кофӣ барои озмоишу ташхиси ҳудуди 100000 нафар вориди Эрон шудааст”, - мегӯяд Созмони ҷаҳонии тандурустӣ.

 Эрон тайи чанд рӯзи ахир пас аз Чин ба дуввумин кишваре табдил меёбад, ки аз қаламрави он “вируси тоҷдор” ба кишварҳои дигар густариш меёбад.

 Тибқи иттилои Созмони ҷаҳонии тандурустӣ, афроди гирифтори ин вирус аз Афғонистон, Канада, Лубнон, Покистон, Кувайт, Баҳрайн, Ироқ, Уммон, Қатар ва Имороти Муттаҳидаи Арабӣ собиқаи сафар ба Ҷумҳурии Исломии Эронро доштаанд.

Дар гузашта расонаҳо аз гирифтории як фард дар Гурҷистон навишта буданд, ки аз Эрон вориди ин кишвар шудааст.

Созмони ҷаҳонии тандурустӣ аз Имороти Муттаҳидаи Арабӣ барои таҳияи ҳавопаймое, ки бо муваффақият тим ва таҷҳизоти пизишкии созмонро ба Ҷумҳурии Исломии Эрон интиқол додааст, самимона изҳори сипос кардааст.

269
Барчаспҳо:
тим, тандурустӣ, беморӣ, Теҳрон, вирус, Эрон
Фонтан из денег лишил Жахонгира Атаджанова лицензии

Овозхони ӯзбек Ҷаҳонгир Отаҷонов тасмим гириф, ки президенти кишвар шавад

63
(Таҷдидшуда 17:22 20.01.2021)
Овозхони маъруфи ӯзбек Ҷаҳонгир Отаҷонов гуфт, ки дигар суруд нахоҳад хонд, аммо тасмим гирифт, ки барои номзад шудан ба мақоми президентии соли 2021 тамоми имконоти худро ба кор барад

ДУШАНБЕ, 20 январ - Sputnik. Овозхони Ӯзбекистон Ҷаҳонгир Отаҷонов дар сафҳаи Инстаграми худ дар бораи таъсиси як ҳизби сиёсӣ ва мубориза барои мансаби сарвари давлат ба мухлисон эълони ғайриинтизор кард.

Дар паёми нави видеоӣ ба Отаҷонов ба ҳаводоронаш гуфт, ки ният дорад дар интихоботи навбатӣ ба курсии президенти Узбакистон номзад шавад.

Аллакай маълум аст, ки омодагӣ ба як рӯйдоди муҳими сиёсӣ моҳи марти соли 2021 оғоз хоҳад ёфт.

Илова бар ин, сарояндаи собиқ нақл кард, ки чаро тасмим гирифтааст ҳаёташро дигар кунад ва ба сиёсат равад.

Дар тасмими худ Отаҷонов аз он далолат мекунад, ки мехоҳад ватани худро рушд диҳад ва ин изҳорот набояд ҳамчун киноя аз бесамарии президенти кунунӣ дониста шавад.

"Ман мардумро обод хоҳам кард. Албатта, бо ин изҳорот ба "сарвари кунунӣ" ҳеҷ гуна "даъво" намекунам ва ҳақ надорам. Онҳо низ бо тамоми қувваашон талош мекунанд. Барори кор",- гуфт ва овозхон ва таъкид кард, ки ин видео шӯхӣ набуда, як изҳороти ҷиддист.

Дар ҳамин ҳол, Отаҷонов афзуд, ки ҳоло дар хориҷа дар рухсатии оилавӣ қарор дорад ва баробари бозгашт ба Тошканд, ба таблиғи номзадӣ шурӯъ мекунад.

Ӯзбекистониҳоро овозаҳо дар бораи рахнашавии обанбори Қайроққум ба таҳлука андохт

Дар ин миён овозхони собиқ ба мардуми Ӯзбекистон барори кор ва дар интихоботи соли 2021 - "ҷонибдорони оқилу тавонмандро" орзу кард.

63
Барчаспҳо:
ҳизб, интихобот, президент, овозхон, Ӯзбекистон
Президент США Джо Байден

Сиёсатшиноси ҳарбӣ: вектори ҳамкорӣ миёни Русия ва Амрико тағйир меёбад

52
(Таҷдидшуда 16:48 20.01.2021)
Маъмурияти кишвардори тозаинтихоби Амрико Ҷо Байден қасд дорад пас аз маросими савгандёдкунӣ, фавран ба баррасии эҳтимолияти тамдид додани Созишномаи коҳиши яроқи стратегии СНВ - 3 пардозанд. Тасмими маъмурияти Байденро сиёсатшиноси ҳарбӣ Андрей Кошкин шарҳ додааст

ДУШАНБЕ, 20 янв – Sputnik. Маъмурияти раисҷумҳури Амрико пас аз анҷоми маросими савгандёдкунӣ билфосила ба баррасии тамдид намудани Созишномаи СНВ - 3 шурӯъ кунанд, хабар медиҳад Энтони Блинкен номзад ба курсии котиби генералии ин кишвар.

"Ҳадди аққал бояд кӯшиш кард": коршинос дар бораи тамдиди созишномаи СНВ-3

Ба изҳори ӯ, тими нави Қасри сафед бар он мекӯшанд, ки созишномаи мазкур ҳатман давом дода шавад.Номзад ба котиби давлатӣ итминон дод, ки маъмурият ба ҳама гуна маҳдудиятҳо дар системаи дифои зиддимушакӣ розӣ нахоҳад шуд.

Дар ҳамин ҳол, сиёсатшиноси ҳарбӣ, мудири кафедраи сиёсатшиносӣ ва ҷомеашиносии донишгоҳи ба номи Плеханов, Андрей Кошкин аснои мусоҳибае дар барномаи радиои Sputnik Тоҷикистон вобаста ба ҳамин мавзӯъ ибрози назар кард.

"Бояд ба тасмимгириҳои маъмурияти Байден аҳсан гуфт, ки қасд доранд Созишномаи коҳиши яроқи стратегии СНВ - 3 - ро тамдид кунанд. Ин кор то як андоза вектори ҳамкориҳо миёни Русия ва Амрикоро тағйир медиҳад. Ин - хоҳиши нигоҳ доштани механизми нигоҳ доштани мусобиқаи силоҳи ҳастаӣ - эҳтимолан оғози сиёсати гуногуни маъмурияти Иёлоти Муттаҳида дар воситаҳои дорои силоҳи стратегӣ хоҳад буд. Ва, ба эҳтимоли зиёд, он бояд ба эҷоди созишномаҳои дигаре оварда расонад, ки метавонанд назоратро аз болои дороиҳои ҳастаии давлатҳо, аз ҷумла ИМА пурра фароҳам оранд", - шарҳ дод Кошкин.

Бояд зикр намуд, ки созишномаи СНВ - 3 миёни Русия ва Амрико 5 феврали соли 2011 эътибор пайдо кард. Бар асоси мӯҳтавои созишномаи мазкур, ҳар кадоме аз ин ду давлат бояд арсеналҳои ҳастаии худро ба ҳадде коҳиш диҳанд, ки бо гузашти ҳафт сол ва дар оянда низ шумораи умумии силоҳ  аз 700 мушаки баллистикии минтақавӣ, мушакҳои баллистикӣ дар киштиҳои зериобӣ ва бомбаандозҳои вазнин, инчунин аз 1550 пайкон ва аз 800 дастгоҳи сардидиҳанда бештар набошад.

Дар айни замон, СНВ -3 ягона шартномаест, ки миёни Русия ва Амрико эътибор дорад, ки дар самти маҳдуд кардани силоҳ равона мебошад. Эътибори созишномаи мазкур 5 феврали соли 2021 ба анҷом мерасад.

52
Барчаспҳо:
ҳамкорӣ, Амрико, Русия
Праздничный намаз на Иди Курбон в Душанбе

Расман: рӯзи бозкушоии масҷидҳо дар Тоҷикистон эълон шуд

0
Ситоди ҷумҳуриявӣ оид ба пурзӯр намудани чораҳои зиддиэпидемиявӣ барои пешгирӣ аз бемории сироятии коронавирус дар бораи бозкушоии масҷидҳо қарор қабул кард

ДУШАНБЕ, 20 янв — Sputnik. Аз 1-уми феврали соли 2021 дар Тоҷикистон баргузории ибодати дастаҷамъона дар иттиҳодияҳои динӣ, аз ҷумла намозҳои ҷумъа дар масҷидҳо бо риояи қатъии қоидаҳои беҳдоштии шахсию чамъиятӣ иҷозат дода мешавад.

Дар ин бора имрӯз Ситоди ҷумҳуриявӣ оид ба пурзӯр намудани чораҳои зиддиэпидемиявӣ барои пешгирӣ аз бемории сироятии коронавирус дар Ҷумҳурии Тоҷикистон қарор қабул намуд.

Дар қарори Ситоди ҷумҳуриявӣ оид ба пурзӯр намудани чораҳои зиддиэпидемиявӣ барои пешгирӣ аз бемории сироятии коронавирус, ки АМИТ "Ховар" нашр кардааст, гуфта мешавад:

  • бо дарназардошти тадриҷан ба эътидол омадани вазъи эпидемиологӣ вобаста ба сирояти коронавирус- COVID-19 аз 1-уми феврали соли 2021 дар қаламрави мамлакат баргузории ибодати дастаҷамъона дар иттиҳодияҳои динӣ, аз ҷумла намозҳои ҷумъа дар масҷидҳо бо риояи қатъии қоидаҳои беҳдоштии шахсию чамъиятӣ иҷозат дода шавад;
  • Кумитаи дин, танзими анъана ва ҷашну маросим ва Маркази исломӣ якҷо бо Вазорати тандурустӣ ва ҳифзи иҷтимоии аҳолӣ вазифадор карда мешаванд, ки вобаста ба амалӣ шудани қарори мазкур тадбирҳои зарурӣ андешида, дар иттиҳодияҳои динӣ ва масҷидҳо риояи қатъии қоидаҳои гигенаи шахсию ҷамъиятиро ҳангоми баргузории ибодати дастаҷамъона таъмин намоянд.

Ҳамчунин Ситоди ҷумҳуриявӣ ба таваҷҷуҳи шаҳрвандони мамлакат мерасонад, ки бо вуҷуди тадриҷан ба эътидол омадани вазъи эпидемиологӣ қоидаҳои гигиенаи шахсиву ҷамъиятиро қатъиян риоя намуда, ҳангоми ибодати дастаҷамъона дар иттиҳодияҳои динӣ, аз ҷумла дар масҷидҳо махсусан дар намозҳои ҷумъа ҳатман аз ниқобҳои тиббӣ истифода намоянд.

Дар масҷидҳое, ки талаботи гигиенаи шахсию ҷамъиятӣ вобаста ба пешгирии бемориҳои сироятӣ риоя намегардад, фаъолияташон манъ карда мешавад".

0
Барчаспҳо:
боз, масҷидҳо, Тоҷикистон