Салом бо пой ва оринҷи даст: коронавирус тарзи дурусти салом карданро иваз намуд - видео
(Таҷдидшуда 14:57 05.03.2020)
Маризии сироятии коронавирус феълан дар тамоми дунё ҷони даҳҳо ҳазор нафарро рабудаст. Сабабгори лағв шудани чорабиниҳои бузурги варзишӣ ва дигар маъракаҳои муҳими ҷаҳонӣ гардидааст. Ҳамзамон ин маризӣ тарзи дурус салом карданро низ иваз кардДУШАНБЕ, 5 марта – Sputnik. Дар аксар кишварҳои ҷаҳон ба хотири пешгирӣ аз маризии сироятии коронавирус одамон ба ҳамдигар бо даст салом намекунанд. Алъон, ҷойи дастфишориро тарзҳои нави салом кардан иваз намудааст.
Дар Эрон, ки ҳудуди 2,9 ҳазор нафар дардманди коронавирус мебошанд, аз дастфишорӣ бо ҳам худдорӣ мекунанд.
Шаҳрвандони ин ҷумҳурӣ, ки акнун бо пой ба ҳам салом мекунанд, ин тарзи нави саломро сабт карда, дар шабакаҳои иҷтимоӣ паҳн намудаанд.
How to meet and greet in the age of the #Coronavirius - Made in Iran. pic.twitter.com/ZOKUOLNSXt
— Arshin Adib-Moghaddam (@Adib_Moghaddam) February 23, 2020
Зимнан, чанде пеш Вазири умури хориҷии Олмон, Хорст Зеехофер низ изҳор дошта буд, ки дар робита ба маризии коронавирус тасмим гирифтааст, бо нафаре дастакӣ салом намекунад.
Далели ин гуфтаҳои Хорст дар вохӯрии ӯ бо канслери Олмон Ангела Меркел баръало дида шуд.
Ҳарчанд Меркел барои салом кардан бо Вазири умури хориҷии Олмон даст дароз кард, аммо вазир танҳо саломи ӯро бо сарҷунбонӣ алейк гуфт ва аз дастфишорӣ бо Меркел худдорӣ кард.
Эрон аз беҳбуд ёфтани ҳолати саломатии 552 нафар аз мубталоён ба коронавирус хабар дод
Губернатори иёлати Небраскаи Амрико, Пит Рикеттс аз шаҳрвандон даъват намудааст, ки ба ҳамдигар бо оринҷ салом кунанд. Худи ӯ аснои мулоқот бо нафароне, ки ба карантин фаро гирифта шудаанд, мазҳ бо оринҷи даст салом кард.
Rather than shaking hands, Nebraska Gov. Pete Ricketts is encouraging people to bump elbows to help stop the spread of the coronavirus. The governor demonstrated it in a video of himself greeting people leaving quarantine at a facility in Omaha. https://t.co/eBxMPZ4odv pic.twitter.com/Fx0A2tJ4aj
— CNN (@CNN) March 4, 2020
Қобили зикр аст, ки дар робита ба хуруҷи ин маризӣ дар Арабистони Саудӣ, адои Ҳаҷҷи Умра муваққатан боздошта шуд. Ҳамзамон, дар Тоҷикистон ва чанд кишвари дигар ба хотири пешгирӣ аз маризии сироятии коронавирус, баргузории намози ҷамоатӣ комилан манъ гардид.
Хушбахтона дар Тоҷикистон ҳоло мавориди гирифторӣ ба маризии коронавирус сабт нашудаст ва ҳукумати ҷумҳурӣ низ, ба хотири роҳ наёфтани ин беморӣ ба Тоҷикистон чандин тадобирро пиёда намудааст.
Барчаспҳо:
Лукашенко Лукашенкоро аз мансабаш барканор кард
(Таҷдидшуда 18:55 26.02.2021)
Александр Лукашенко тасмим гирифтааст, ки дар дастгоҳи президенти Беларус тағйироти кадрӣ анҷом диҳад ва писарашро аз вазифа сабукдӯш кунадДУШАНБЕ, 26 фев - Sputnik. Писари калонии президенти Беларус, Виктор Лукашенко роҳбари Кумитаи миллии олимпии кишвар таъйин шуд, хабар медиҳад БелТА.
Бояд қайд кард, ки Виктор Александрович вазифаи ёвари президент оид ба амнияти миллиро ба ӯҳда дорад.
Тибқи изҳороти президенти Беларус, дар робита ба таъйиноти нав, писари калониаш аз вазифаи ёрдамчии президент барканор карда мешавад.
"Имрӯз вай бо тамоми оқибатҳои минбаъда аз вазифаи ёвари президент оид ба амнияти миллӣ озод карда мешавад", - гуфт президенти Беларус.
Писари калони Александр Лукашенко Виктор 28 ноябри соли 1975 таваллуд шудааст. Вай дар қисми махсуси нерӯҳои марзбонӣ хидмат кардааст.
Ӯ қаблан дар Вазорати корҳои хориҷӣ, аз соли 2005 ба ҳайси ёвари президент оид ба амнияти миллӣ корро оғоз карда, пас аз ду сол ба Шӯрои амнияти Беларус таъйин шуд. Аз соли 2019, ӯ ноиби президенти КМО буд ва ҳамакнун раҳбари он гардид.
Лукашенко дар бораи ояндаи писаронаш: ҳеҷ яке аз онҳо президенти Беларус нахоҳанд шуд
Бародари ӯ, Дмитрий Лукашенко, мансаби раиси шӯрои марказии иттиҳодияи ҷумҳуриявии ҷамъиятии "Клуби варзишии президентӣ" -ро дорад ва узви КМО Беларус мебошад.
Писари хурдии Лукашенко Николай 31 августи соли 2004 бидуни никоҳ таваллуд шудааст.
Ваъдаи Лукашенко ба мардумаш: ором шавед, тибқи Сарқонуни нав президент нахоҳам буд
Вай дар литсейи Донишгоҳи давлатии Беларус таҳсил карда, пас аз нооромиҳо дар кишвар ба муассисаи таълимии Маскав интиқол дода шудааст.
Барчаспҳо:
Лукашенко дар бораи ояндаи писаронаш: ҳеҷ яке аз онҳо президенти Беларус нахоҳанд шуд
(Таҷдидшуда 17:43 26.02.2021)
Президенти Беларус Александр Лукашенко ба мавзӯи ҳассоси интиқоли қудрат дар кишвар ва ба яке аз писаронаш додани вазифаи сарвари давлат дахл кардДУШАНБЕ, 26 фев - Sputnik. Пас аз он ки писари Лукашенко вазифаи нав гирифт, дар саросари кишвар овозаҳо паҳн карданд, ки Александр Лукашенко қасд дорад қудратро дар кишвар ба ихтиёри яке аз наздиконаш гузорад.
Александр Лукашенко ин гуна тахминҳоро ба таври дағалона шарҳ дод.
"Ман бисёр вақт мегуфтам, ки ин ҳеҷ гоҳ дар оилаи мо баррасӣ нашудааст ва онро муҳокима кардан мумкин нест. Азбаски пас аз ман ҳеҷ яке аз фарзандони ман дар Беларус президент нахоҳанд шуд", - гуфт Лукашенко пеш аз интихоби роҳбарияти Кумитаи милии олимпӣ, хабар медиҳад БЕЛТА.
Ёдовар мешавем, ки писари калонии президент Виктор Лукашенко ба ҳайси ёвари сарвари давлат ва аз 26 феврал раҳбари Кумитаи миллии олимпии Беларус аст.
Бисёриҳо бар онанд, ки номзади беҳтарин барои мақоми президенти оянда писари хурдии Лукашенко аст.
Николай дар байни занони Беларус маҳбуб аст.
Ғайр аз ин, Александр Лукашенко дар синни 12-солагӣ сар карда карда писарро бо худ ба ҳама чорабиниҳои муҳим мебарад.
Лукашенко: каме дар курсии раисҷумҳури Беларус зиёдтар нишастам
Хотиррасон мекунем, ки президенти Беларус дар мусоҳиба бо шабакаи телевизионии "Россия-1" эътироф кард, ки шояд ӯ ҳамчун сарвари давлат "каме бештар нишаста" бошад.
Аммо, Лукашенко илова кард, ки ӯ наметавонад ҳоло курсии президентиро тарк кунад.
Барчаспҳо:
Шарҳи сафир Ағбар дар бораи сафари ҳайъати бузурги парлумони Афғонистон ба Тоҷикистон
(Таҷдидшуда 15:12 27.02.2021)
Интизор меравад, дар рафти ин сафар чанд мушкилоте ки дар ҳамкориҳои иқтисодиву тиҷории Тоҷикистон мавҷуд аст, баррасӣ ва ҳал шавандДУШАНБЕ, 27 фев — Sputnik. Сафири ҷумҳурии исломии Афғонистон дар Тоҷикистон Муҳаммад Зоҳир Ағбар дар сӯҳбат бо хабарнигори Sputnik Тоҷикистон сафари ҳайъати бузурги парлумони Афғонистонро бо роҳбарии раиси он Мирраҳмон Раҳмонӣ тавзеҳ дод.
Бино бар иттилои ҷаноби Ағбар, интизор меравад ҳамин рӯз ҳайъати 34-нафараи парлумони кишвар вориди Тоҷикистон шаванд.
"Ин ҳайъат аз раиси парлумон ва аъзои комисияҳои мухталифи парлумон иборат аст", - таъкид кард сафир.
Вай афзуд, ки дар ҳошияи ин сафар мулоқотҳои гуногунҷанбаи мақомоти Тоҷикистон бо ин ҳайъат дар назар аст.
"Ман бовар дорам, ки ин мулоқотҳо боиси густариши равобити иқтисодӣ мешавад", -гуфт вай ва таъкид кард, ки дар натиҷа чанд мушкилоте ки садди роҳи ин ҳамкориҳо гаштаанд, ҳал хоҳанд шуд.
Ҳамчунин Муҳаммад Зоҳир Ағбар тавзеҳ дод, ки мушкилоти мазкур дар қонунгузорӣ мавҷуд аст.
"Умедворам, ки дар қавонун як қатор мушкилоте ки мавҷуд аст, ҳал мекунем, то сармоягузориҳои хубе дар Тоҷикистон суръат бигирад", - таъкид кард сафир.
Ба гуфтаи Ағбар, феълан Тоҷикистону Афғонистон дар соҳаи иқтисодиву тиҷорӣ бештар аз 7 тавофуқномаву қарордод имзо кардааст.
Баъди ҳамла: мулоқоти Ятимов бо Амруллоҳ Солеҳ ва Абдулло Абдулло дар Кобул
Вай афзуд, ки феълан сарҳади ҳарду кишвар ҳам барои интиқоли коло ва ба рӯйи тоҷирон боз аст.
Барчаспҳо: