Министр иностранных дел Ирана Мохаммад Джавад Зариф, архивное фото

Эрон таҳримҳои Амрико бар зидди ин кишварро терроризми иқтисодӣ хонд

313
(Таҷдидшуда 10:24 16.03.2020)
Муҳаммадҷаводи Зариф, вазири умури хориҷаи Эрон дар як номаи худ ба дабири кулли СММ, таҳримҳои якҷонибаи Амрико дар масири таъмини лавозими беҳдоштӣ ва дармонии мавриди ниёзи Эрон барои муқобила бо коронавирусро терроризми иқтисодӣ хондааст

ДУШАНБЕ, 16 мар — Sputnik. Ахиран дастёрони вазири умури хориҷаи Эрон дар мулоқотҳои ҷудогона бо сафирон ва руасои намояндагиҳои хориҷии муқими Теҳрон, мушкилот ва монеаҳои ношӣ аз таҳримҳои якҷонибаи Амрико дар масири таъмини лавозими беҳдоштӣ ва дармонии мавриди ниёзи Эрон барои муқобила бо коронавирусро ташреҳ карданд, иттилоъ додааст хабаргузории “Parstoday”.

Бино бар иттилои манбаъ, дастёрони вазири умури хориҷаи Эрон дар дар ин дидорҳо, номаҳои Муҳаммадҷаводи Зариф хитоб ба ҳамтоёнаш дар кишварҳои мухталифро ба руасои намояндагиҳои хориҷии муқими Теҳрон, ҷиҳати таслим ба вазирони умури хориҷаи ин кишварҳо таҳвил доданд.

Зариф пеш аз ин низ дар паёме бо мӯҳтавои мушобеҳи ин номаҳо, хитоб ба Антонио Гуттереш, дабири кулли СММ бо таъкид бар лузуми рафъи ҳамаи таҳримҳои якҷониба ва ғайриқонунии Амрико зидди Эрон, хотирнишон кард.

“Бо вуҷуди тавонмандии илмии низоми саломати Эрон, таҳрим ва пешшартҳои Амрико барои мамониат аз фурӯши дору ва таҷҳизоти пизишкӣ, талошҳо барои мубориза бо коронавирус дар Эронро бо монеаҳои ҷиддӣ мувоҷеҳ кардааст”, - таъкид дошт Зариф.

Бар асоси ин гузориш, вазири умури хориҷаи Эрон дар номаҳои худ хитоб ба дабири кулли СММ ва ҳамтоёнаш дар дигар кишварҳо, бо интиқод аз беамалии ҷомеаи ҷаҳонӣ дар муқобили иқдомоти ғайриқонунии давлати Амрико, таваққуфи фаврии терроризми иқтисодии Вашингтон алайҳи мардуми Эронро илзомӣ донист.

313
Барчаспҳо:
иқтисодӣ, терроризм, вирус, муқобила, СММ, таҳрим, Амрико, Эрон
Подпись документов

Таъсиси ордени "Саломатӣ" барои беҳтарин табибон дар Ӯзбекистон

92
(Таҷдидшуда 11:45 27.05.2020)
Ҷоизаи ифтихорӣ ба ӯзбекҳо, хориҷиён ва инчунин шахсони бешаҳрванд дода мешавад. Барои барандагон маблағҳои пулӣ ва ҳамзамон  имтиёзҳо пешбинӣ шудааст.

ДУШАНБЕ, 27  май — Sputnik. Қарор дар бораи таъсиси ордени "Саломатлик" (“Саломатӣ”) аз сӯи президенти Ӯзбекистон Шавкат Мирзиёев рӯзи гузашта ба имзо расид, хабар медиҳад хадамоти матбуотии Вазорати тандурустии ин кишвар.

Гуфта мешавад, ҷоизаи ифтихорӣ барои хизматҳои барҷаста дар рушди системаи тандурустии кишвар, беҳбуд бахшидани саломатии мардум ва тақвияти ҳамкориҳои байналмилалӣ дар ин соҳа супурда мешавад. Онро метавон аз ҷумла хориҷиён ва шахсони бешаҳрванд низ ба даст оваранд.

Нишон аз ду дараҷа иборат аст. Ордени дараҷаи I ба шахсоне, ки барои саҳми назаррас дар рушд ва такмили соҳаи тандурустӣ ва мустаҳкамгардонии саломатии мардум, ордени дараҷаи II ба шахсоне дода мешавад, ки дар ҳифзи саломатии ҷамъиятӣ, пешгирии бемориҳои мухталиф ва рафъи онҳо фаъоланд, мукофотонида мешавад.

Ба иттилои манбаъ, барои ҳавасмандӣ ҳамзамон барандагонро маблағҳи пулӣ ва имтиёзҳо тақдим мешавад.

92
Карантин в Узбекистане

Ӯзбекистон бинобар афзоиши COVID-19 қарантинаро шадидтар мекунад

505
(Таҷдидшуда 13:02 27.05.2020)
Ӯзбекистон дар ояндаи наздик чораҳои карантиниро тақвият мебахшад ва санҷиши назоратиро барои коронавирус васеъ менамояд

ДУШАНБЕ, 27  май — Sputnik. Президенти Ӯзбекистон Шавкат Мирзиёев дастур дод, ки чораҳои карантинӣ дар минтақаҳои кишвар ва шумораи санҷишҳо барои COVID-19 бинобар зиёд шудани шумораи ҳодисаҳои дар рӯзҳои охир ошкоршуда таҳким дода шаванд.

Дар ин бора дафтари матбуотии раисиҷумҳур иттилоъ додааст.
Зимни мулоқот Мирзиёев қайд кард, ки роҳбарони аксари минтақаҳо ва корхонаҳои кишвар, инчунин шаҳрвандон чораҳои карантинро нодуруст қабул намуда, гумон мекунанд, ки ин беморӣ гузаштааст.

Дар робита ба ин, ӯ ба Комиссияи ҷумҳуриявӣ дар якҷоягӣ бо роҳбарони вилоятҳо супориш дод, ки минтақаҳое, ки вазъи эпидемиологӣ бадтар шудааст, баррасӣ кунанд ва оид ба тақвияти чораҳои карантинӣ пешниҳодҳо ирсол кунанд.

Вай инчунин аз Вазорати тандурустии кишвар даъват кард, ки санҷиши назоратиро барои COVID-19 дар муассисаҳои тиббӣ, бозорҳо, бонкҳо ва ҷойҳои серодам вусъат диҳад.

Ёдовар мешавем, ки қаблан мақомоти Узбакистон карантини зидди паҳншавии коронавирусро дар кишвар то 1 июн тамдид карда буданд.

Қарантина дар ин кишвар аз 8 май ҷорӣ карда шуда буд. 

Қаблан муовини вазири тандурустии ин кишвар Баҳодур Юсуфалиев гуфт, ки дар Узбакистон ахиран ҳар рӯз то 60 ҳолати нави сироятшавӣ ба қайд гирифта мешавад.

Ӯ гуфт, агар сатҳи беморӣ ба ҳамон суръат афзоиш ёбад, ҷумҳуриро зарур аст ба қарантинаи шадид баргардад.

Бар пояи додаҳои ахир теъдоди гирифторони коронавирус дар Ӯзбекистон ба 3290 нафар расида аз он 2636 каси шифо ёфтааст. Шумори фавтидагон аз ин беморӣ ба 14 нафар мерасад.

505
Свеча

Мотам дар хонаводаи Сатторовҳо, соҳибкорони хайрхоҳи тоҷик-акс

2619
Шамсулло Сатторов, яке аз бародарон Сатторовҳо, ки ахиран барои хайрашон ба табибони Ҳисор дар сархати расонаҳо қарор гирифта буданд, даргузашт

ДУШАНБЕ, 27  май — Sputnik. Раёсати ҷамъияти миллӣ-фарҳангии тоҷикони вилояти Иркутск, аз марги Сатторов Шамсулло Ҳикматуллоевич, ки дар синни 47-солагӣ аз бемории саратон даргузашт, изҳори андуҳ кардааст.

Садбарг Боқиева, рӯзноманигор ва фаъоли ҷамъиятӣ, дар бораи марги Сатторов дар саҳифаи фейсбукияш хабар дода, ҳамдардии ҷамъияти тоҷикони Иркутскро ба хонаводааш баён доштааст.

Ахиран бародарон Сатторовҳо ба маркази саломатӣ дар Ҳисор 16500 кило орд, 1650 кило биринҷ, 1650 литр равған, 1650 кило шакар, 1650 кило макарон, 3300 дона собун ва 3000 дона ниқоби тиббӣ дастрас кардаанд.

Бародарон Давронҷон, Баҳромҷон, Убайдулло, Рустамҷон, Шамсулло ва Суҳробшо Сатторовҳо - соҳибкорони тоҷик, зодаҳои шаҳри Ҳисор мебошанд, ки дар Русия ба соҳибкорӣ машғуланд.

Давронҷон Сатторов, яке аз шаш бародарон  дар пайи хайри охирашон изҳор дошта буд, ки  "ману бародаронам ятим калон шудем ва дар тарбияи модарамон  Хосиятбону Азизова, рӯҳаш шод бод, бузург шудем. Аз ин рӯ хуб медонам, ки кӯдакони ятим ба чӣ ниёз доранд ва қалби кӯчакашон чӣ мехоҳад".

2619
Барчаспҳо:
хайрхоҳӣ, Русия, Тоҷикистон