Британский принц Чарльз

Вориси шоҳигарии Бритониё шоҳзода Чарлз низ мубталои коронавирус шуд

275
(Таҷдидшуда 19:40 25.03.2020)
Шоҳзода Чарлз аз озмоиши коронавирус гузаштаст, ки натиҷаи мусбӣ будааст, аммо нишонаҳои беморӣ то ҳол заифанд

ДУШАНБЕ, 25 мар — Sputnik. Вориси мустақими тахти Бритониёи Кабир, шоҳзода Чарлз ба коронавирус мубтало гаштааст, хабар додааст The Guardian бо такя ба манобеяш аз қаср.


Хабари мазкурро хадамоти матбуотии Қасри Букингем низ тасдиқ карда, гуфтааст, шоҳзода  аз озмоиши гузашт, ки натиҷаи он мусбӣ  шуд.

Ба иттилои манбаъ, нишонаҳои беморӣ дар шоҳзода ҳоло заиф будаанд.

Гуфта мешавад, ҳоло шоҳзодаи 71-сола худро хуб ҳис мекунад ва ҳатто давоми чанд рӯзи ахир дар хона кор мекард.

Ташхиси ҳамсари шоҳзода бошад, манфӣ баромада, тибқи тавсияи табибон ҳамсарон аз ҳам ҷудо дар хона меистанд.

Дар хусуси аз ташхиси коронавирус гузаштан ё нагузаштани  малика Элизабет бошад то ҳол иттилое нест.

Бино бар омори охирин, шумори мубталоён коронавирус дар Бритониё ба 6650 нафар мерасад.

275
Барчаспҳо:
беморӣ, вирус, Британиё