Медработники проверяют посетителя торгового центра в Тегеране на фоне вспышки коронавируса

Сабти беш аз 3000 мавриди ҷадиди сироятёбӣ дар Эрон

305
(Таҷдидшуда 16:46 28.03.2020)
Бар асоси омори расмӣ дар Эрон дар як шабонарӯзи гузашта 3076 мавриди ҷадиди гирифторӣ ба коронавирус сабт шудааст

ДУШАНБЕ, 28 мар— Sputnik. Хабаргузории Sputnik Эрон менависад, ки сухангӯи Вазорати беҳдошти ин кишвар, Киёнӯш Ҷаҳонпур рӯзи шанбе омори мубталоён ва ҷонбохтагон аз коронавирусро эълон кард.

Бар асоси гузориши мазкур то кунун 35 408 нафар ба вируси нав мубтало шуда ва 2517 кас ба иллати ин беморӣ фавтидааст.

Ҳамчунин, хушбахтона 11679 нафар шифо ёфтаанд.

Ёдрас мешавем, ки то 28 марти соли 2020, шумораи мубталоёни коронавирус дар ИМА аз 100 ҳазор нафар гузашта, теъдоди умумии онҳо дар ҷаҳон тақрибан ба 600 ҳазор расид.

Шумораи фавтидагон беш аз 27 ҳазор нафар ва теъдоди онҳое, ки аз коронавирус шифо ёфтаанд, зиёда аз 133 ҳазор нафар мебошад. 

Ҳамчунин аз рӯи шумораи одамоне, ки ба ин вирус мубтало шудаанд, ИМА дирӯз аз Чин, ки макони хуруҷи беморӣ мебошад, пеш гузашта, дар ҷои аввал қарор гирифт. Теъдоди мубталоён дар ИМА 104 205 нафарро ташкил медиҳад.

Италия низ Чинро пас гузошта, ба ҷои дуюм баромад. Дар он то имрӯз 86 498 ҳолат ба қайд гирифта шудааст. Италия мамлакати урупоиест, ки дар он шумораи фавти баланд аз коронавирус ба қайд гирифта шуда, он 9 134 нафарро ташкил медиҳад.

Чин аз рӯи шумораи сироятёфтагон дар ҷои сеюм буда, дар он 81 394 нафар мубталои коронавирус шудаанд.

305
Барчаспҳо:
вирус, Эрон

Масоҷиди Маскав боз мешаванд: пӯшидани ниқобу дастпӯшӣ ва риояи фосилаи иҷтимоӣ ҳатмист

68
(Таҷдидшуда 16:57 02.06.2020)
Шӯрои муфтиёти Русия санаи боз шудани дари масоҷид ба рӯйи намозгузоронро бо риояи тадбирҳои пешгирикунанда аз паҳншавии маризӣ эълон кард

ДУШАНБЕ, 2 июн - Sputnik. Интизор меравад сар аз 6 - уми июн дари масҷидҳои шаҳри Маскав ба рӯи намозгузорон боз шаванд, хабар медиҳад Шӯрои муфтиёти Русия.

Ба иттилои манбаъ, иҷозати кушодашавии масоҷидро пешвои руҳонии мусалмонони Русия муфтӣ Равил Гайнутдин эълон намудаст.

Зимнан, гуфта мешавад, ки ба намозгузорон танҳо дар сурати риоя кардани тадобирҳои пешгирӣ аз паҳншавии маризии коронавирус, иҷозати дар масҷид намоз гузоштан дода мешавад.

Бомдоди имрӯз дар Арабистон дари 90 ҳазор масҷид ба рӯйи намозгузорон боз шуд

Манбаъ тавзеҳ медиҳад, ки вуруди шаҳрвандони аз 65 - сола боло ба масоҷидҳо қатъиян манъ аст.

Ҳамзамон, ҳамаи намозгузорон бояд бо ниқоби тиббӣ ва дастпӯшӣ вориди толори намозгузорӣ шаванд. Инчунин риояи фосилаи иҷтимоӣ низ аз шартҳои асосӣ барои намозгузорон гуфта мешавад.

"Ба дуо бошед": муфтии Тоҷикистон дар бораи гирифториаш ба COVID-19

Ёдовар мешавем, ки дар пасманзари хуруҷи маризии сироятии коронавирус на танҳо равобити заминӣ ва ҳавоӣ миёни кишварҳо баста шуд, балки дари тамоми масҷидҳо ба рӯи намозгузорон маҳкам гардид. Аксари кишварҳо режими хонашиниро ҷорӣ намуданд.

Сар аз моҳи равон бештари кишварҳо маҳдудиятҳои қаблан ҷоришударо то андозае сабук намуданд.

68
Барчаспҳо:
ифтитоҳ, масҷид, Маскав
Мавзуҳо:
Пайомадҳои COVID-19 дар Тоҷикистон ва ҷаҳон

Мясников: дар Маскав аз COVID -19 бештар қафқозҳо ва осиёиҳо азият кашиданд

252
Феълан олимон дақиқ накарданд, ки чаро маризии коронавирус дар як қатор кишварҳо сабук мегузарад, аммо шаҳрвандони дигар давлатҳоро дар ҳолати ногувор қарор дод

ДУШАНБЕ, 2 июн - Sputnik. Дар доираи як мулоқоти онлайнӣ бо рӯзноманигорон, коршинос Александр Мясников гуфт, ки коронавирус афзалияти гендерӣ, синну солӣ ва нажодиро дорад.

"Ин маризӣ дар вуҷуди занон нисбати мардон камтар хуруҷ кард. Ҳамзамон аксари кӯдакон бемориро бо сабукӣ паси сар карданд. Муайян гардидаст, ки назди 80 дарсади қурбониёнро афроамрикоиҳо ташкил додаанд", - афзудааст Мясников.

Коршинос тавзеҳ додааст, ки дар қаламрави Маскав аз ин маризӣ бештар қафқозҳо ва шаҳрвандони Осиё азият кашиданд. Эҳтимол, ин далел ба ҳузури сафедаи муайян дар таркиби хун бошад, ки хусусан ба формулаи вирус ҳассос аст.

Аммо Мясников таъкид кард, ки то ҳол олимон дақиқан муайян накардаанд, ки чаро маризии сироятии коронавирус дар як қисмат кишварҳо ба таври даҳшат мегузарад, вале дар кишварҳои дигар баръакс сабук ва бидуни талафоти бузург.

Шаҳрҳои калон, аммо қатораҳои холӣ: чигуна метрои Маскав дар замони коронавирус тағйир ёфт

Александр Мясников мегӯяд, роҳи ягонаи пешгирӣ аз ин маризӣ ин риоя намудани фосилаи иҷтимоӣ аст. Ба ақидаи ӯ тадобирҳои дигар барои пешгирӣ аз паҳншавӣ ба мисли пӯшидани дастпӯш ва ниқоб на онқадар муасир ҳастанд.

252
Барчаспҳо:
Осиё, Қафқоз, шаҳрвандон, маризӣ, Маскав
Мавзуҳо:
Пайомадҳои COVID-19 дар Тоҷикистон ва ҷаҳон
Человек в защитной маске в городе Душанбе

Эълони нави Вазорат: рӯзҳои охир касе нафавтид, 54% гирифторони COVID-19 шифо ёфтанд

75
(Таҷдидшуда 17:37 02.06.2020)
Вазорати тандурустии Тоҷикситон эълон кард, ки то соати 17:00 дақиқаи 2 июн дар ҷумҳурӣ 4100 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар мамлакат 2217 нафар ё 54% шифо ёфтаанд

ДУШАНБЕ, 2 июн - Sputnik. Тибқи иттилои Вазорати тандурустӣ, то соати 17:00 дақиқаи 2 июн дар мамлакат аз ин беморӣ 47 нафар фавтидаанд. Теъдоди фавтидагон тайи рӯзҳои охир бетағйир аст. 

Бино ба иттилои манбаъ, то 2 июн дар мамлакат 1612 нафар зери назорати табибон қарор дошта, дар як шабонарӯзи охир 393 нафар пас аз шифо ёфтан ба хонаҳояшон рухсат дода шудаанд.

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Вазир дар бораи як моҳи мубориза бо COVID-19 ва омори маргумир : “худро намебахшам”

Вазорати тандурустии Тоҷикистон дар лаҳзаҳои ҳассос аз тамоми сокинони кишвар даъват карданд, ки барои пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд, зеро, дар урфият гуфтаанд, табиби ҳар шахс худи ӯст.

75