Сотрудница поликлиники измеряет температуру посетительницы, архивное фото

Русия пешқадам: шумори мубталоён ба COVID-19 дар ИДМ ба 3,4 ҳазор нафар расид

913
(Таҷдидшуда 12:06 30.03.2020)
Шумораи шахсони гирифторон ба коронавирус дар Русия ба 1534 нафар расид. Шумораи беморони шифоёфта ва фавтида низ дар ин кишвар зиёд шуда, мутаносибан ба 64 ва 8 нафар расид

ДУШАНБЕ, 30 мар — Sputnik. Вазорати тандурустии Тоҷикистон хабар додааст, ки бино бар оморҳои ахири  Созмони ҷаҳонии беҳдошт (СҶБ) дар дигар давлатҳои ИДМ, аз ҷумла дар Украина шумораи беморони гирифтор ба COVID-19 ба 475 нафар, дар Арманистон ба 424,  Қазоқистон ба 284,  Молдова ба 263, Озарбойҷон ба 209, Ӯзбекистон ба 144 ва  Қирғизистон ба 84 нафар расид.

Дар ҳамин ҳол, дар Беларус шумораи гирифторон бетағйир боқӣ монда, 94 нафарро ташкил медиҳад.

Ҳамзамон манбаъ хабар додааст, ки дар бархе аз кишварҳои ИДМ шумори нафарони шифоёфта низ рӯз аз рӯз дар ҳоли рушд аст.

“Масалан, то имрӯз дар Русия 64 нафар, Беларус — 32, Арманистон — 30, Қазоқистон — 20, Озарбойҷон — 15, Ӯзбекистон – 7, Украина — 6 ва Молдова — 2 нафар шифо ёфта, ба манзили зист баргаштанд”, - таъкид шудааст дар гузориши СҶБ.

Илова бар ин, дар Русия 8 ҳолати фавт бар асари коронавирус, Украина – 10, Озарбойҷон – 4, Арманистон – 3, Молдова – 2, Ӯзбекистон — 2 ва Қазоқистон — 1 ҳолат ба қайд гирифта шуд.

Ҳамзамон қайд шудааст, ки миёни кишварҳои Осиёи Марказӣ ва ИДМ танҳо дар Тоҷикистон ва Туркманистон то имрӯз ягон ҳолати сирояти коронавирус ба қайд гирифта нашудааст.

Ҳамин тавр СҶБ қайд кардааст, ки дар кишвари ҳамсояи Тоҷикистон Афғонистони шумори мубталоён ба коронавирус зиёд шуда, 120 нафарро ташкил дода,  то имрӯз танҳо ду нафари онҳо шифо ёфта ба хонаҳои худ ҷавоб ҳуданд. Аммо манбаъ бо таасуф зикр кардааст дар ин кишвар ба сабаби ин вирус то имрӯз чаҳор нафар ҷони худро аз даст додааст.

Мувофиқи маълумоти нави СҶБ, дар ҷаҳон беш аз 722 ҳазор нафар ба коронавирус гирифтор шудаанд, ки аз ин шумора беш аз 33 ҳазор нафар вафот карда, зиёда аз 151 ҳазор кас шифо ёфтаанд ва беш аз 26 ҳазор тан дар ҳолати вазнин қарор доранд.

Бояд қайд кард, ки 11 март СҶБ хуруҷи COVID-19-ро пандемия эълон кард.

913
Барчаспҳо:
фавтида, Русия, беморон, вирус, ИДМ
Люди в защитных масках в Душанбе, архивное фото

Чанд иштибоҳи асосӣ ҳангоми пӯшидани ниқоби тиббӣ

213
(Таҷдидшуда 12:19 26.10.2020)
Коршиносон чанд иштибоҳ ҳангоми пӯшидани ниқоби тиббиро номбар карданд, ки дар натиҷа пӯшидани ниқоб барабас хоҳад рафт

ДУШАНБЕ, 26 окт — Sputnik. Барои пешгирӣ аз коронавирус бояд пеш аз ҳама ниқоби тиббиро дуруст ба рӯй пӯшид, мегӯяд коршинос, номзади илмҳои тиббӣ Владимир Зайтсев.

Ба гуфтаи вай, ниқобро ҳеҷ вақт набояд ба манаҳ пӯшид. Ӯ таъкид кард, ки он бояд ҳатман даҳон ва биниро пӯшонад.

Пизишк қайд кард, ки бархе шаҳрвандон як ниқобро рӯзҳо ва ҳатто ҳафтаҳо мепӯшанд. Одамон онро на барои муҳофизат аз коронавирус, балки барои ҷарима нашудан дар нақлиёт ё мағозаҳо ба рӯй мекашанд.

Коршинос таъкид кард, ки ин амал тамоман нодуруст аст. Ба гуфтаи вай, як ниқобро бояд якчанд соат ифтифода карду халос. 

Ҷаримаи беш аз 100 сокини Хуҷанд: бе ниқоб гашта, фосилаи иҷтимоиро риоя накардаанд

Табиб ҳамчунин ёдрас шуд, ки пас аз расидани дастон ба ашёҳои гуногун чи дар ҷои кор ва чи нақлиёт қапидани рӯй мамнӯъ аст. 

Зайтсов таъкид кард, ки роҳи беҳтарини муҳофизат аз коронаиврус нигоҳ доштани фосилаи якним, думетрӣ дар ҷойҳои ҷамъиятӣ аст.

213
Дети катаются на качелях в Кабуле, Афганистан

Роҳандозии нахустин маркази ҷарроҳии дил барои кӯдакон дар Кобул

61
(Таҷдидшуда 11:36 26.10.2020)
Дар ҳоли ҳозир ҳудуди 120 ҳазор кӯдак дар Афғонистон гирифтор ба бемории дил ҳастанд, ки аз ин шумор ҳар моҳ ҳудуди 100 нафар дар дохилу хориҷи ин кишвар таҳти амали ҷарроҳӣ қарор мегиранд

ДУШАНБЕ, 26 окт — Sputnik.  Нахустин маркази ҷарроҳии дил барои кӯдакон дар Кобул, пойтахти Афғонистон роҳандозӣ шуд, хабар медиҳад "Парс тудэй" дар истинод ба гузориши радиои тоҷикии Садои Хуросон, ба нақл аз хабаргузории ОВО.

Манбаъ менависад, доктор Аҳмад Ҷаводи Усмонӣ-сарпарасти вазорати тандрустии Афғонистон рӯзи сешанбе дар ин бора изҳорот кардааст.

"Оғоз ба кори ин марказ гоми нек дар ҷиҳати пешрафти кишвар ва тавсеъаи хадамоти пизишкӣ дар бахши кӯдакон барои амали ҷарроҳии дил аст", - таъкид кардааст вай.

 Дар ҳоли ҳозир ҳудуди 120 ҳазор кӯдак дар Афғонистон гирифтор ба бемории дил ҳастанд, ки аз ин шумор ҳар моҳ ҳудуди 100 нафар дар дохилу хориҷи кишвар таҳти амали ҷарроҳӣ қарор мегиранд.

Устондори Кобул: эҳтимол дорад зиёда аз миллион нафар гирифтори коронавирус бошанд

Пештар дар Тоҷикистон низ, дар шимоли кишвар барои табобати бемории саратон Маркази табобати нурӣ ифтитоҳ шуда буд.

61

Шикори шабона: низомиёни русиягӣ дар Тоҷикистон бо "душман" даргир шуданд - видео

0
(Таҷдидшуда 19:41 26.10.2020)
Низомиёни пойгоҳи 201-уми Русия дар кӯҳҳои Тоҷикистон тамрин карда, душмани шартиро дар паи амалҳои вижа нобуд карданд

Тамриноти низомиёни пойгоҳи 201-ум дар размоишгоҳи Лоҳур шабона баргузор шуд.

Анҷоми тамриноти низомии панҷ ҳазор сарбоз дар Тоҷикистон

Дар тамриноти омӯзишӣ беш аз 500 низомиёни бахши туфангпаронии пойгоҳи 201-ум ширкат карданд.

Бино ба гузориши Округи марказии ҳарбӣ ҳамалот бар "душман" бо ёрии мушаки "Град" анҷом дода шуд.

"Душман нобуд шуд": Тирпарронии чархболи Ми - 24 дар Тоҷикистон - навори диданӣ

Дар баробари ин, дар ин тамринот мошинҳои зиреҳпӯши БТР-82А, АГС-17 ва РПГ-7В ба кор бурда шуданд.

Ба ҳайати шахсӣ даст дод, то душмани шартиро хаста намуда, бо талафоти бузург аз ҷониби душман амалиётро анҷом диҳанд.

0
Барчаспҳо:
пойгоҳи 201, низомиён, тамринот, Тоҷикистон