Сотрудники медицинской службы в аэропорту Душанбе

Ҳайвоне нест, ки ташхис гузаронем: профессор гуфт, чаро то ҳол ваксини коронавирус нест

545
(Таҷдидшуда 19:00 06.04.2020)
Намояндаи Хадамоти федералии назорати ҳифзи ҳуқуқи истеъмолкунандагони Русия гуфт, ки самараноктарин чораҷӯии пешгирикунандаи коронавирус кадом аст

ДУШАНБЕ, 6 апр — Sputnik.  Воситаи самараноктарини пешгирии бемориҳои инфексионӣ ваксина ё эмкунӣ мебошад, мегӯяд коршинои рус, профессор Александр Горелов.

Горелов таъкид кард, ки дар пешгирии коронавирус низ истифода аз ваксина натиҷа хоҳад дод.

"Самараноктарашро то ҳол одамият ихтироъ накардааст. Ваксина то 25 сол умри одамро дароз мекунад", - таъкид мекунад ӯ.

Аммо, феълан зидди коронавирус ваксинае ихтироъ нашудааст. Ба гуфтаи профессори рус, пизишкон дар сохтани он ба як қатор мушкилӣ дучор шудаанд.

"Наздики 20 ширкат, аз ҷумла ширкатҳои русӣ ба коркарди ваксинаи зидди коронаиврус сар кардаанд. Мушкилии асосӣ дар набудани ҳайвони лабараториест, ки ба коронавирус ҳассос бошад", - қайд мекунад профессор.

Ба гуфтаи вай, дар сохтани ваксина коршиносони кишварҳои гуногун мусобиқа мекунанд.

"Бист ширкат дар сайёраи Замин ваксинаи худро пешниҳод мекунанд, аммо мо ҳамонашро интихоб хоҳем кард, ки натиҷаи беҳтарин дошта бошад. Фикр мекунам, ки мо даст ба даст бо пандемияи коронавирус мубориза хоҳем бурд", - мегӯяд вай.

Дар Русия озмоиши ваксинаи зидди коронавирус оғоз ёфт

Пизишки рус афзуд, ки ваксинаи зуком аз коронавирус муҳофизат намекунад.

545
Верующий на намазе в мечети, архивное фото

Масоҷид ва марказҳои мусалмонӣ дар вилояти Маскав дубора ба кор даромаданд

23
Ҳоло масҷидҳо танҳо барои ташрифи инфиродӣ дастрасанд ва бо риояи қатъии қоидаҳои санитарӣ ба роҳ монда шуданд

ДУШАНБЕ, 4  июн — Sputnik. Дар вилояти Маскав  пас аз сабукгардонии чораҳои маҳдудсозӣ вобаста ба пандемия масҷидҳо ва марказҳои мусалмонӣ боз шуданд, хабар медиҳад хадамоти матбуоти Шӯрои Муфтиёни Русия.

Аммо, ҳоло онҳо танҳо барои боздидҳои инфиродӣ дастрасанд ва бо риояи қатъии қоидаҳои санитарӣ амалӣ карда мешаванд.

Қайд карда мешавад, ки намози ҷумъа танҳо дар ҳавои кушод дар Ногинск, Старая Купавна, Орехово-Зуево, Шелково, Солнечногорск, Наро-Фоминск, Звенигород, Родники, Коломна, Яхрома, Зарайск, Домодедово, Тучково ва Шаховский баргузор мешавад.

Дар ҷамоаҳои боқимондаи мусулмонони вилояти Маскав намози ҷумъа баргузор нахоҳад шуд.

То беҳтар шудани вазъи эпидемиологӣ онҳо онлайнӣ баргузор карда мешаванд.

Гуфта мешавад, ҳамзамон риояи қатъии меъёрҳои санитарӣ ҳатмӣ мебошад. Мӯъминон бояд бо худ ниқобҳои тиббӣ ва дастпӯшак дошта бошанд ва инчунин пешниҳод мешавад, ки бояд масофаи иҷтимоӣ риоя шавад.

Ёдрас мешавем, қаблан маълум шуда буд, ки аз 6 июн дар Маскав масҷидҳо боз хоҳанд шуд. Ва ду рӯз пеш  1 июн, дар пойтахти Русия, дар реҷаи озмоишӣ, Масҷиди марказӣ дарҳои худро барои намозгузорон боз кард.

23
Барчаспҳо:
макони ибодати мусулмонон, мусалмонон, кушодашавӣ, масоҷид, Русия
Вспышка коронавируса в Китае

Associated Press: Чин додани маълумот оид ба коронавирусро ба СҶБ рад кард

130
(Таҷдидшуда 10:36 04.06.2020)
Созмони ҷаҳонии беҳдошт дар нахустин лаҳазот аз мақомоти Чин дар бораи паҳншавии коронавирус ва ҳолати беморон маълумот гирифта натавонист

ДУШАНБЕ, 4  июн — Sputnik. Дар оғози авҷи шиддати нави коронавирус, Чин пешниҳоди иттилооти муҳимро дар бораи ин беморӣ ба Созмони Умумиҷаҳонии Тандурустӣ қасдан таъхир кард, хабар додаастхабар медиҳад Associated Press бо истинод ба сабти гуфтугӯҳои дохилии ТУТ.

Мушкилот бахусус дар ҳафтаи аввали моҳи январ шадид буд.

"Онҳо (мақомоти Чин - таҳрир.) онро (маълумот - таҳрир) ба мо 15 дақиқа пеш аз он ки он дар (телевизиони чинӣ – таҳрири) CCTV пайдо шавад, доданд",- гуфт Годен Галеа намояндаи ТУТ дар Чин, дар як маҷлиси дохилӣ.

Дар ҷаласаи дигари ТУТ, эпидемиолог Мария ван Керчов қайд кард, ки ин ташкилот ҳадди аққали маълумот дар бораи коронавирус ва сар задани беморӣ дорад. Аз ҷумла, дар бораи шумораи мубталоён ва ҳолати онҳо маълумоте набуд.

Вобаста ба вазъ дар миёнаи моҳ, намояндаи СҶТ оид ба ҳолатҳои фавқулода  Майкл Райан пешниҳод намуд, ки ба Чин фишор оварда шавад, то такрори вазъияти соли 2002 ҳангоми сар задани синдроми шадиди роҳи нафаскашӣ (SARS) пешгирӣ карда шавад.

"Дақиқ  ҳамон сенарияи пешина, талошҳои бепоён барои дарёфти иттилоъ аз Чин, ки чи рух дода итсиодааст", гуфт ӯ.

Associated Press ҳамчунин қайд мекунад, ки дар аввал, Чин ба Созмони Умумиҷаҳонии Тандурустӣ маълумот дар бораи геноми коронавирус, ки аз ҷониби якчанд лабораторияҳои ҳукумат рамзкушоӣ  карда шудаанд, пешниҳод накардааст.

Қаблан низ Доналд Тарам, президенти Амрико Чинро дар маҳфуз нигоҳ доштани иттилоъ дар бораи коронавирус муттаҳам карда, гуфт, агар маълум шавад, ки Пекин "дидаю дониста" маълумоти марбут ба коронавирусро пинҳон кардааст, Чин "ба ҷавобгарӣ кашида мешавад".

Раҳбари Амрико таъкид кард, ки ин вируси хатарнокро пеш аз пандемия дар Чин метавонист қатъ кард, аммо ҳоло тамоми ҷаҳон аз он дар азоб аст.

Нахустин мубталоёни ин вируси навро дар шаҳри Ухани Чин пайдо карданд.

Охирҳои моҳи декабр пизишкони шаҳри мазкур аз зуҳури бемории илтиҳоби шуши шубҳанок хабар доданд, ки пештар ба қайд гирифта нашуда буд.

Дертар маълум гардид, ки манбаи бемории мазкур вируси нави навъи 2019-nCoV будааст, ки сирояткунанда мебошад.

Вирус зуд берун аз шаҳр ва кишвар паҳн гардид. Феълан гирифторони короноврус қариб  дар саросари ҷаҳон ба қайд гирифта шудаанд.

Бар пояи оморҳо ахир, дар саросари ҷаҳон зиёда аз 6,46 миллион нафар ба коронавирус гирифтор шудаанд ва 382 ҳазор бемор аз сироят вафот карданд.

130