Гумонбар ба куштори полковники тоҷик муовини фармондеҳи пулиси Кобул таъин шуд

1744
(Таҷдидшуда 11:28 08.04.2020)
Вазорати корҳои дохилии Афғонистон хабари тақаррури як нафар, ки бино ба манобеъи амниятии дигар дар ин кишвар, ба куштори полковники нерӯҳои марзбонии Тоҷикистон муттаҳам мешавад, таъйид кард

ДУШАНБЕ, 8 апр — Sputnik. Ториқ Ориён, сухангӯи Вазорати корҳои дохилии Афғонистон, ба Sputnik Тоҷикистон гуфт, Мавлавӣ Муҳаммад Набӣ Баён, собиқ муовини фармондеҳи амнияти вилояти Бадахшон, сарпарасти муовини фармондеҳи амнияи Кобул, пойтахти он кишвар таъйин шудааст.

“Ин фард тоза муаррифӣ шудааст ва ҳанӯз маълумоти кофӣ дар бораи ӯ дар дастраси мо нест” – гуфт Ториқ Ориён.

Дар ҳамин ҳол, як фарди чандон ношинохта нест ва фақат як ҷустуҷӯ дар шабакаи интернет иттилои густардаеро, минҷумла аз манобеъи мувассақ ва расонаҳои мӯътабар ба даст медиҳад. Мавлавӣ Муҳаммад Набӣ Баён яке аз фармондеҳони ҷиҳодии мансуб ба ҳизби Ҷамъияти исломӣ, танзими умдатан тоҷикии муҷоҳидини Афғонистон, зодаи вулусволии Шаҳри Бузурги вилояти Тахор аст.

Толибон дар Афғонистон нерумандтар мешаванд: оё онҳо ба Тоҷикистон мераванд

Ӯ дар замони ҳукумати Ҳомид Карзай фармондеҳи пулис ва баъдҳо вулусволи Шаҳри Бузург будааст. Баъдтар дар Раёсати шиносномадиҳии вазорати корҳои дохилии Афғонистон кор кард ва дар пайи шикояти мардум соли 2012 боздошт шуд.

Соли 2016 муовини фармондеҳи амнияти Бадахшон таъин гардид ва соли 2018 дигарбора боздошт, аммо ба зудӣ раҳо шуд. Дар интихоботи парлумонии соли 2018 ӯ мехост номзади Вулуси Ҷирга (палатаи поёнии парлумони Афғонистон) шавад, аммо Комиссияи баррасии шикоятҳои интихоботӣ номзадии ӯро ҳазф намуд.

Дар интихоботи президентии соли 2019 дар Афғонистон ба тими Ашраф Ғанӣ Аҳмадзай пайваст. Тақарруриву боздоштҳои мукаррари Муҳаммад Набӣ Баёнро як манбаъи амниятӣ дар вилояти Тахори Афғонистон ба Sputnik Тоҷикистон шарҳ дода, гуфт, мавсуф дар ҷиноятҳои мухталиф, назири қочоқи созмонёфтаи маводи мухаддир, таҷовузи ҷинсӣ, куштори афроди мулкӣ, ғасби моликияти мардуму давлат муттаҳам мешавад.

“Ӯ як гурӯҳи қочоқбаронро раҳбарӣ мекунад, ки шуруъ аз солҳои 1990 борҳо ба хоки Тоҷикистон таҷовуз карда, ба куштору гаравгонгирии шаҳрвандони он кишвар машғул буд. Соли 2017 афроди ӯ як сарҳанги марзбонии Тоҷикистонро ба қатл расониданд ва ҳукумати Тоҷикистон зимни як номаи расмӣ аз Афғонистон боздошти ӯро тақозо кард. Дар пайи ин дар соли 2018 ӯ бо дастури раисҷумҳур Ашраф Ғанӣ боздошт, аммо дере нагузашта раҳо шуд”, - гуфт ҳамсӯҳбати мо.

Сухан дар бораи ҳамлаи як гурӯҳи 12 – нафараи қочоқбарон аз Афғонистон ба отряди сарҳадии "Шӯрообод" дар ноҳияи Шамсиддини Шоҳин меравад, ки 2 декабри соли 2017 иттифоқ афтода буд. Бино ба иттилои Кумитаи давлатии амнияти миллии Тоҷикистон, дар пайи ин ҳамла сардори отряд полковник Хайриддин Аҳтамов кушта, чаҳор марзбони дигар захмӣ шуданд.

Бино ба ин манбаъ, се қочоқбари ҳамлавар низ кушта шуда, бақия чор автомати “Калашников” ва беш аз 33 кило маводи мухаддирро дар майдони ҷанг раҳо ва ба Афғонистон фирор мекунанд. Вазорати умури хориҷии Тоҷикистон фардои он рӯз, 3 декабр, тариқи сафорати Афғонистон дар Душанбе як ёддошти расмӣ ё нота фиристода, хостори таҳқиқи ҷиддии ҳамла ва омилони он шуд.

Аммо ба назар мерасад, ин тақозо Тоҷикистон аз сӯи Афғонистон нодида гирифта шуд ва тавре дида мешавад, Муҳаммад Набӣ Баён ҳарчанд як маротиба боздошт шуд, ба зудӣ раҳо гардид ва боз сари кор қарор гирифт.

Сулҳ ба Афғонистон меояд? хуруҷи низомиёни Амрико аз хоки ин кишвар - видео

Талошҳои мо барои ба даст овардани шарҳи мақомоти Тоҷикистон ва ҳамчунин худи Муҳаммад Набӣ Баён натиҷае надоданд.

1744
Самолет на закате, архивное фото

Парвозҳо миёни Тоҷикистону Миср имкон аст, роҳандозӣ шавад

120
(Таҷдидшуда 18:38 24.11.2020)
Азсаргирии парвозҳо байни Душанбе ва Шарм-аш-Шайх масъалаи марказии мулоқоти намояндагони ду кишвар буд

ДУШАНБЕ, 24 ноя — Sputnik. Дар шаҳри Қоҳираи Миср сафири Тоҷикистон дар Миср Заробиддин Қосимӣ бо вазири туризм ва осори бостонии ин кишвар Холид Ал-Инонӣ мулоқот кард, хабар медиҳад хадамоти матбуотии Вазорати корҳои хориҷии Тоҷикистон.

Ба иттилои манбаъ, дар вохӯрӣ масоили ҳамкорӣ дар соҳаҳои сайёҳӣ, омӯзиши осори таърихию фарҳангӣ ва осорхонадорӣ баррасӣ шуданд.

"Бо дарназардошти имкону захираҳои фаровони мавҷуда ҳар ду ҷониб омодагии худро ба таҳким ва густариши ҳамкорӣ таъкид доштанд", - афзудааст манбаъ.

Вазорат ҳамзамон мегӯяд, зимни мулоқот зикр гардид, ки хатсайри ҳавоии Душанбе - Шармушшайх ва давраҳои кӯтоҳмуддати бозомӯзӣ дар Миср барои кормандони соҳаҳои сайёҳӣ ва осорхонадории Тоҷикистон бояд аз нав ба роҳ монда шаванд.

Дар поёни нишаст, Косимӣ ва Ал-Инонӣ омодагии худро барои таҳким ва тавсеаи ҳамкорӣ таъкид карданд. Ҳамин тариқ, Тоҷикистон ва Миср дар соҳаҳои сайёҳӣ, мероси таърихию фарҳангӣ ва корҳои осорхонаҳо ҳамкорӣ хоҳанд кард.

Хотиррасон мекунем, ки муносибатҳои дипломатии байни ҷумҳуриҳо 1 апрели соли 1993 барқарор карда шуд. Миср 1 январи соли 1992 истиқлолияти Тоҷикистонро эътироф кард. Дар давраи ҳамкориҳои байни кишварҳо нӯҳ санад ба имзо расидааст.

Рӯз ба рӯз: нашри ҷадвали нави парвозҳо аз Русия ба Тоҷикистон

Душанбеу Қоҳира дар соҳаҳои иқтисод, тиҷорат ва илму техника ҳамкорӣ мекунанд. Ғайр аз ин, дар соҳаи маориф табодули донишҷӯён сурат мегирад.

120
Барчаспҳо:
парвозҳо, ҳамкорӣ, Миср, Тоҷикистон
Никита Мендкович

Мендкович: Рустами Эмомалӣ бо сафараш ба Маскав дар пайи эҷоди сарусадоҳо нест

699
Роҳбари Клуби таҳлилии Авруосиё Никита Мендкович сафари нахустини раиси палатаии болоии парлумони Тоҷикистон Рустами Эмомалиро ба Русия шарҳ дод

ДУШАНБЕ, 24 ноя — Sputnik. Рустами Эмомалӣ дар садри як ҳайати парлумонӣ барои мулоқот бо Валентина Матвиенко ва музокироти байнипарлумонӣ ба Маскав омад.

Ин сафар бо сабаби он нахустин аст, ки Рустами Эмомалӣ бори аввал мансаби давлатиро ишғол кардааст, ки он муносибатҳои байналмилалиро дар бар мегирад, шарҳ дод роҳбари Клуби таҳлилии Авруосиё Никита Мендкович дар муколама бо Sputnik Тоҷикистон.

“Мансабҳои қаблии ӯ чунин робитаҳои ин сатҳро дар бар намегирифтанд. Ман боварӣ дорам, ки ба эҳтимоли зиёд, президенти феълӣ мӯҳлати ҳозираи худро танҳо ба сабаби синну сол ва вазъи саломатии худ охирин мешуморад, аз ин рӯ мехоҳад, ки вориси эҳтимолии ӯ тадриҷан ба ин масъала ворид шавад”, - гуфт Мендкович.

Ба гуфтаи коршинос, сафар ба Маскав ба Рустами Эмомалӣ кӯмак мекунад, ки бо шарикон робитаҳои шахсӣ барқарор кунад, вазъро дарк кунад ва дар музокироти байналмилалӣ таҷриба гирад.

Рустами Эмомалӣ бо нахустин сафари расмӣ вориди Маскав шуд

Сиёсатшинос афзудааст, ки сафар ба Маскав қаблан эълом нашуда буд, эҳтимол аз он сабаб, ки Рустами Эмомалӣ аз таблиғот канорагирӣ мекунад, бинобарин дар атрофи ин нишасти сиёсӣ сарусадоҳо эҷод намекунад, мехоҳад аз таваҷҷӯҳи расонаҳо канорагирӣ кунад.

"Дар ҷараёни мулоқот метавон масоили марбут ба ҳамкориҳои омӯзишӣ ва башардӯстонаро баррасӣ кард. Он инчунин метавонад дар бораи робитаҳои фарҳангӣ низ бошад",- гуфт Мендкович.

Азбаски роҳбари Шӯрои Федератсия Валентина Матвиенко масъалаҳои марбут ба ҳузури омӯзгорони рус дар Тоҷикистонро назорат мекунад, ин мавзӯъро дар ҷаласа баррасӣ кардан имкон дорад, афзуд коршинос.

699
Барчаспҳо:
Валентина Матвиенко, Эмомалӣ Раҳмон, Рустами Эмомалӣ, Русия, Тоҷикистон
Асозода Дилшод Алимурод глава города Нурек  посетил ветерана ВОВ  Гулов Малах

Мақомоти шаҳри Норак ба иштирокчии Ҷанги Бузурги Ватанӣ хона сохт

0
(Таҷдидшуда 19:28 24.11.2020)
Мақомоти шаҳри Норак эълон кардааст, ки ахиран ба Гулов Малах, ки иштирокчии Ҷанги Бузурги Ватанӣ мебошад манзили нави зист иборат аз 3 ҳуҷра сохта тақдим карда шуд

ДУШАНБЕ, 24 июн — Sputnik. Бино бар иттилои дафтари маӣбуоти раиси шаҳри Норак ахиран раиси шаҳр Асозода Дилшод Алимурод ба аёдати иштирокчии Ҷанги Бузурги Ватанӣ Гулов Малах рафт.

Раиси шаҳри Норак бо вазъи зисту зиндагонии пири хирад Гулов Малах ошно гардидааст.

Манбаъ қайд кардааст, ки бо ташаббуси мақомоти шаҳр манзили нави зист иборат аз 3 ҳуҷра, ошхона барои аҳли оилаи Гулов Малах сохта, ба истифодаи онҳо супорида шуд.

Ҳамзамон раиси шаҳри Норак барои мавсими зимистонгузаронӣ ба иштирокчии ҶБВ маблағи пулӣ тақдим кардааст.

Бояд гуфт, ки солҳои ҶБВ аз аҳолии 1,5 милюнии Тоҷикистон камубеш 300 ҳазор кас ба ҷанг рафта, беш аз 100 ҳазор кас аз онҳо шаҳид шудаанд. Аз ин шумор 55 ҳазор сарбозу афсар бо нишону медолҳо ва 54 кас бо болотарин унвони кишвар - Қаҳрамони Иттиҳоди Шуравӣ сарфароз гардиданд.

0
Барчаспҳо:
ҶБВ, куҳансарбоз, собиқадорон, Норак, Тоҷикистон