Водитель такси на одной из улиц Москвы

Дар Маскав як тоҷики гирифтори коронавирусро дастгир карданд

2117
(Таҷдидшуда 12:41 08.04.2020)
Духтурон ба марди тоҷик қатъиян таъкид кардаанд, ки дар хона монад. Аммо ӯ карантинро риоя накарда, атрофиёнро дар хатар гузоштааст

ДУШАНБЕ, 8 апр — Sputnik. Дар Маскав ронандае боздошт шуд, ки мубталои коронавирус гаштанашро дидаву дониста, дар шаҳр мошинронӣ мекард, хабар медиҳад телевизиони "360" дар истинод ба манобеи худ.

Тавре аз мақомоти ҳифзи ҳуқуқи Маскав гуфтаанд, мард шаҳрванди Тоҷикистон буда, дар вилояти Тула худро сабти ном кардаву дар Маскав истиқомат мекардааст.

Расона ному насаби ин шаҳрванди Тоҷикистонро ифшо накардаст, аммо менависад, ки ӯ 35-сола ва дар "Яндекс.Такси" кор мекард.

Гуфта мешавад, кормандони полис ӯро дар назди бинои истиқоматиаш боздошт кардаанд ва ӯ иқрор шудааст, ки гирифтори коронавирус аст.

Ба гуфтаи худаш, пизишкон аз мард қатъиян талаб карданд, ки то пурра сиҳат шуданаш дар хона монад, аммо ӯ ин талаботро риоя накардаст.

Мард гуфтааст, ки танҳо барои эҳтиёҷоташ ба берун мебаромад ва корашро дар таксӣ муваққатан қатъ карда буд.

Кормандони пулис нисбати  ӯ парвандаи маъмурӣ тартиб дода, мардро ба маркази назоратии "Царицыно" интиқол доданд.

2117

Путин аз беҳбуд шудани вазъи коронавирус дар Русия хабар дод

29
Раисҷумҳури Русия Владимир Путин мегӯяд, вазъияти феълӣ дар роибта ба авҷи маризии коронавирус, рӯ ба беҳбудӣ дорад

ДУШАНБЕ, 4  июн — Sputnik. Кишвардори Русия Владимир Путин мегӯяд, вазъият дар робита ба маризии коронавирус рӯ ба беҳбудӣ ниҳодааст.

Сомонаи Кремл хабар медиҳад, ки Владимир Путин бо аъзои Шӯрои Амнияти Федератсияи Русия дар бораи вазъи феълӣ мулоқот баргузор намудаст.

Ба гуфтаи Путин, бо вуҷуди беҳтар шудани вазъ, назорат дар ҳар минтақа бояд пурзӯр карда шавад "ва дар сурати мушоҳида кардани тағйироти кӯчак дар робита ба авҷи коронавирус фавран бояд чораҷӯӣ кард".

232 бемор: фавти рекордӣ аз коронавирус дар Русия давоми як рӯз

Зимнан, раисҷумҳури Русия аз афзоиши шумораи гирифторони коронавирус дар манотиқи Забайкал шадидан изҳори нигаронӣ кард.

Дар робита ба ин, Владимир Путин барои назорати вазъ дар ин манотиқ ба масъулини дахлдор дастуру супоришҳои нав дод.

Бар  тибқи тозатарин маълумотҳо, дар Федератсияи Русия ба ҳолати 4 - уми июн 441 ҳазор дардмандони маризии сироятии коронавирус ба қайд гирифта шудааст.

Аз ин маризӣ дар Русия 204 ҳазор бемор шифо ёфта, ҳамзамон 5384 нафар ҷон бохтанд.

29
Барчаспҳо:
маризон, вазъият, Владимир Путин, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Денежные купюры

Сад рубл барои як доллар: таҳлилгарон дар бораи бадтарин сенарияи пандемия гуфтанд

225
(Таҷдидшуда 17:03 04.06.2020)
Дар нимаи дуюми соли 2020 коҳишёбии назарраси рубл дар зери таъсири пастшавии нархи нафт интизор меравад

ДУШАНБЕ, 4  июн — Sputnik. Дар сурате, ки мавҷи дуввуми коронавирус дар ҷаҳон оғоз шавад ва кишварҳо дубора маҳдудиятҳо ҷорӣ кунанд, доллар метавонад ба 90-100 рубл бирасад.

Дар ин бора дар пешгӯии Маркази таҳлили макроиқтисодӣ ва дурнамои кӯтоҳмуддат  (ЦМАКП) зикр шудааст.

Тибқи гузориш, коҳиши назарраси рубл дар нимаи дуюми соли 2020 зери таъсири коҳиши нархи нафт ва афзоиши мавсимии талаботи дохилӣ ба асъори хориҷӣ дар назар аст.

Тавре ки Дмитрий Белоусов, роҳбари таҳлил ва пешгӯии равандҳои макроиқтисодӣ дар (ЦМАКП) шарҳ додааст, маҳдудиятҳои карантинӣ бояд дар тирамоҳ ва зимистони соли равон ба амал оянд.

Дар робита ба ин, интизор меравад нархи нафт хеле паст шавад.

Ба андешаи ӯ, аз семоҳаи чоруми соли 2020 то соли 2022, пули миллӣ ба ҳар як доллар тақрибан 87-91 рубл хоҳад буд.

Бо вуҷуди ин, то соли 2023 давраҳои бештар мусоид фаро мерасанд ва пули русӣ мустаҳкамтар гашта барои як доллар то 83-87 рубл баробар мешавад.

Коршиносон гуфтанд, ҳафтаи оянд бо доллар чи хоҳад шуд

Дар ин ҳолат, ба гуфтаи таҳлилгарон, доллар дар семоҳаи чоруми соли равон метавонад аз 85 рубл фаротар равад ва дар баттарин вазъ, 1 доллар 100 рубл хоҳад шуд.

225
Барчаспҳо:
нарх, коҳиш, арзиш, нафт, доллар, рубл