В Москве введен режим самоизоляции для всех жителей

Ба мағоза ҳам бо иҷозат: тартиботи нав дар Маскав

878
(Таҷдидшуда 17:53 12.04.2020)
Сар аз 15 апрел сокинони Маскав барои ба кӯча баромадан, бояд иҷозатномаи махсуси рақамӣ фармоиш диҳанд

ДУШАНБЕ, 12 апр — Sputnik. Дар робита ба паҳншави коронавирус дар Маскав маҳдудуиятҳои нав ҷорӣ гардид. 

Бино бар қарори раиси пойтахт Сергей Собянин, дар шаҳр низоми нави вижа ҷорӣ мешавад: мувофиқи он, ба пойтахт танҳо ба воситаи иҷозатнома роҳ медиҳанд.

Мувофиқи фармони раиси шаҳр, аз 15 апрел сокинони Маскав барои ба кӯча баромадан, бояд иҷозатномаи махсуси рақамӣ фармоиш диҳанд.  Дар ҳуҷҷати мазкур рамзи чоррақама қайд карда мешавад.

Дар он мӯҳлат, маълумот дар бораи соҳиби иҷозатнома ва мақсади сафари ӯ низ ҷой дода хоҳад шуд.

Мақомоти Маскав мехоҳанд се намуди чунин иҷозатномаҳоро ба истифода диҳанд: барои кор, барои ба қабули пизишк рафтан ва барои дигар эҳтиёҷот, ба монандиба  мағоза ё дорухона баромадан.

Намуди аввал, иҷозатнома барои берун баромадан барои корро танҳо як маротиба метавон фармоиш дод. Мӯҳлати истифодааш то 30 апрел аст. Иҷозатномаи тиббиро бошад, ҳар дафъа бояд фармоиш дод. 

Ба феҳристи намуди севуми иҷозатнома, ба мағоза рафтан, ба минтақаи дигар сафар кардан ва ба манзили  хешу наздикон рафтан, дохил мешавад. Он ҳам ҳамагӣ як рӯз истифода мешавад, аммо ин иҷозатномаро метавон танҳо дар ду ҳафта як маротиба ба даст овард.

Чунин иҷозатномаҳо ҳангоми ҳаракат дар дучархаву нақлиёти ҷамъиятӣ заруранд, аммо барои пиёда аз ҷо ба ҷое рафтан, лозим нестанд.

Кормандони давлатӣ, низомиён, рӯзноманигорон, муҳофизон, кормадони мақомоти ҳифзи ҳуқуқ аз ин тартиботи нав озоданд.

Иҷозаномаро метавон дар вебгоҳи шаҳрдории Маскав (mos.ru), ё тариқи паёмак ба рақами 7377 ва Хадамоти ягони маълумотдиҳии Маскав тариқи телефони +7 (495) 777-77-77 фармоиш дод.

Вазир: барои роҳандозии қарантинаи саросарӣ дар Тоҷикистон асосе нест

Гуфта мешавад, барои ҳаракат дар дохили Маскав бе иҷозатномаи мазкур то 30 ҳазор рубл ҷарима баста мешавад.

878
Врач Фазила Файзмамадова

"Иродаи қавӣ": пизишки ҷавони тоҷик худ ва фарзандашро аз коронавирус дар Маскав наҷот дод

552
(Таҷдидшуда 12:51 04.06.2020)
Фазила мегӯяд иродаи қавӣ ва рӯҳан афтода нашудан дар пирӯз шудан бар ин маризӣ бисёр нақши муассир дорад. Некбин будан бисёр зарур аст  ва ба сиҳат шудани худ бояд боварӣ дошт

ДУШАНБЕ, 4  июн — Sputnik. Фазила Файзмамадова худ пизишки гушу бинӣ буда дар яке аз муассисаҳои тиббиӣ ғайридавлатӣ дар Русия аз рӯи ихтисоси худ фаъолият мекунад. Замоне, ки маризии сироятии коронавирус ба ин кишвар расид, Фазила ҳамарӯза ба қабули беморон машғул буд. Фаъолияти муассисаи онҳо пас аз баромади кишвардори Русия Владимир Путин бобати эълони рӯзҳои ғайрикорӣ мутафаққиф шуд.

Ин пизишки тоҷик дар қатори садҳо шаҳрвандони Русия ва ҳамзамон даҳҳо муҳоҷирони корӣ гирифтори вируси COVID – 19 шуд. 

Фазила дар сӯҳбат ба Sputnik Тоҷикистон аз рӯзҳои аввали гирифторшавӣ ба ин маризӣ ва то пирӯз шудан бар беморӣ қисса кард.

Маризӣ

Пизишки тоҷик мегӯяд, ба эҳтимоли зиёд ба ин маризӣ на дар ҷойи кори худ, балки дар манзили иқоматаш  мубтало шуд.

Ӯ ба мисли даҳҳо муҳоҷирон ҳамроҳ бо пайвандони ҳамсари худ дар минтақаи "Булвар Ракосовская"  дар хонаи иҷора мешинад.

Таъсири коронавирус ба ҳамкориҳои  Маскав, Вашингтон ва Пекин

"Яке аз пайвандони ҳамсари ман дар мағозае ба ҳайси фаррош кор мекунад ва ба фикри ман ин маризиро маҳз ӯ ба хонаводаи мо ворид кард. Тасб дошт ва аҳволаш вазнин буд. Ман ҳар бегох ба ӯ чак - чак ва сӯзандору мегузарондам. Як рӯз вақти сӯзандорӯ гузарондан нӯги сӯзан нохост ба дасти ман халид ва вазъи ман аз рӯзи баъдӣ бад шудан гирифт", - ба ёд овард Фазила аз гирифтор шудани худ ба ин маризӣ.

Ӯ мегӯяд, шояд ин вирус тавассути сӯзан ба баданаш  ворид шуд ва ҷараёни паси сар кардани маризӣ дарозу вазнин тӯл кашидаст.

"Се рӯзи аввал тасб мекардам, сулфаи хушк доштам, аммо вазнин набуд".

Фазиларо аз ҳама беш бемадорӣ ва дарди устухонҳои дасту пой азият додааст. Ҳамчунин сӯзиши қафаси сина ва пушти гарданаш низ ҳафтаҳо давом мекард.

Ӯ мегӯяд, аз рӯзи аввали гирифтор шудан ба беморӣ даррав ба табобати худ шурӯъ кард, аммо на духтур рафту на пизишконро назди худ хонд.

"Шояд гузарондани сӯзандору ва истеҳмоли доруҳои зиддӣ вирусӣ то ҳадде роҳи паҳншавии ин маризиро дар бадани ман боз дошт" - мегӯяд ӯ.

Фазила мегӯяд, аҳволи беморонро бештар хабару маълумотҳое, ки бобати ин маризӣ дар шабакаҳои иҷтимоӣ паҳн мекунанд, вазнинтару бадтар мегардонад.

“Ман пас аз тамошои як навор, ки дар он маризи вируси COVID – 19 аломатҳои бемории худ ва то пайваст шудан ба  дастгоҳи нафасдиҳии сунъӣ нақл мекард, якбора бемадор шудам. Зеро ҳамаи аломатҳое, ки ӯ номбар мекард ман ҳам аз онҳо ранҷ мебурдам. Маро даҳшате фаро гирифт”.

Аммо ба хотири кӯдаки 7 – солаи худ, набардашро аз ҳуҷуми вируси COVID – 19 идома медод.

Супоридани ташхис

Нафастангиро Фазила дар ҳафтаи дуюм ҳис кард ва пас аз ин даррав пеши духтур шитофт.

"Аз танг шудани нафасам дар ҳарос мондам. Агар қаблан ба гирифтор будани худ ба маризии сироятии коронавирус шиква медоштам, пас аз мушкил шудани нафаскашиям боварӣ ҳосил кардам, ки дар ҳақиқат ман ҳам ба доми ин вирус афтодам".

Дар муолиҷахона (поликлиника), пизишки навбатдор аввал тасби ӯро санҷида, фаъолияти шушҳояшро гӯш кард.

Ба дархости Фазила барои гузаштан аз ташхиси компютерӣ табиб ҷавоби рад додаст. Танҳо пешниҳод намудаст, ки метавонад ташхис аз бинӣ ва гулӯи ӯро барои гирифтор будан ва ё набуданаш ба коронавирус бигарад.

Пас аз як ҳафта ба ин табиби тоҷик натиҷаи ташхисашро тариқи занги телефонӣ расонданд ва гуфтанд, ки ӯ гирифтори вируси COVID – 19 мебошад.

Власова дар бораи боз кардани сарҳади Русия: бе муҳоҷирон намешавад

Дар ин асно кӯдаки 7 – солаи ӯ низ тасб кард ва нишонаҳои бемадорӣ дар ӯ зуҳур мекарданд. Пас аз ташхиси табибон маълум гардид, ки духтарчаи ӯ низ гирифтори ин вирус аст.

"Кӯдакам хушбахтона бо сабукӣ ин бемориро паси сар кард", - мегӯяд ӯ.

Бо дақиқ шудани ташхиси ӯ аз Маркази COVID – 19 дар Маскав ҳамарӯза ба телефони Фазила занг зада, аз вазъи саломатии ӯ пурсон мешуданд.

"Ин маризӣ бо гузашти як моҳ маро ба ҳолам гузошт. Дигар хастагӣ ва сӯзиши қафаси сина ва пуштамро эҳсос намекардам. Ба хулоса омадам, ки иродаи қавӣ ва рӯҳан афтода нашудан дар пирӯз шудан бар ин маризӣ бисёр нақши муассир дорад. Некбин будан бисёр зарур аст  ва ба сиҳат шудани худ бояд боварӣ дошт".

Дар Русия ба мисли Фазила даҳҳо шаҳрвандони Тоҷикистон ба ин маризӣ гирифтор шуданд. Хушбахтона қисмати зиёди беморон ин вирусро бо сабукӣ паси сар карданд, аммо сафи тоҷикистониёне, ки бар  асари гирифтор шудан ба ин беморӣ ҷон аз даст додаанд, мутаасифона кам нест.

Бар хабари Вазорати умури хориҷии Тоҷикистон танҳо аз санаи 19 то 30 – юми май аз Федератсияи Русия 58 тобути шаҳрвандони кишвар ба ватан интиқол дода шуд.

Ин ҳам дар ҳолест, ки муддати беш аз 1 моҳ равобити ҳавоӣ миёни Тоҷикистону Русия баста буд. Ҷасади аксар шаҳрвандони Тоҷикистон, ки бар асари ин маризӣ дар Русия ҷон бохтанд, имкони ба ватан мунтақил намудан мавҷуд набуд. Аз ин рӯ, онҳоро дар қаламрави Русия ба хок супурданд.

552
Барчаспҳо:
маризӣ, тоҷик, пизишк, Маскав
Мавзуҳо:
Пайомадҳои COVID-19 дар Тоҷикистон ва ҷаҳон
Верующий на намазе в мечети, архивное фото

Масоҷид ва марказҳои мусалмонӣ дар вилояти Маскав дубора ба кор даромаданд

173
(Таҷдидшуда 10:53 04.06.2020)
Ҳоло масҷидҳо танҳо барои ташрифи инфиродӣ дастрасанд ва бо риояи қатъии қоидаҳои санитарӣ ба роҳ монда шуданд

ДУШАНБЕ, 4  июн — Sputnik. Дар вилояти Маскав  пас аз сабукгардонии чораҳои маҳдудсозӣ вобаста ба пандемия масҷидҳо ва марказҳои мусалмонӣ боз шуданд, хабар медиҳад хадамоти матбуоти Шӯрои Муфтиёни Русия.

Аммо, ҳоло онҳо танҳо барои боздидҳои инфиродӣ дастрасанд ва бо риояи қатъии қоидаҳои санитарӣ амалӣ карда мешаванд.

Қайд карда мешавад, ки намози ҷумъа танҳо дар ҳавои кушод дар Ногинск, Старая Купавна, Орехово-Зуево, Шелково, Солнечногорск, Наро-Фоминск, Звенигород, Родники, Коломна, Яхрома, Зарайск, Домодедово, Тучково ва Шаховский баргузор мешавад.

Дар ҷамоаҳои боқимондаи мусулмонони вилояти Маскав намози ҷумъа баргузор нахоҳад шуд.

То беҳтар шудани вазъи эпидемиологӣ онҳо онлайнӣ баргузор карда мешаванд.

Гуфта мешавад, ҳамзамон риояи қатъии меъёрҳои санитарӣ ҳатмӣ мебошад. Мӯъминон бояд бо худ ниқобҳои тиббӣ ва дастпӯшак дошта бошанд ва инчунин пешниҳод мешавад, ки бояд масофаи иҷтимоӣ риоя шавад.

Ёдрас мешавем, қаблан маълум шуда буд, ки аз 6 июн дар Маскав масҷидҳо боз хоҳанд шуд. Ва ду рӯз пеш  1 июн, дар пойтахти Русия, дар реҷаи озмоишӣ, Масҷиди марказӣ дарҳои худро барои намозгузорон боз кард.

173
Барчаспҳо:
макони ибодати мусулмонон, мусалмонон, кушодашавӣ, масоҷид, Русия
Тонущий человек, архивное фото

Ғарқшавии ду ҷавон дар Хатлону Ҳисор: ҷасади яке ёфт ва дигаре то ҳол бедарак аст

0
(Таҷдидшуда 16:04 04.06.2020)
Кумитаи ҳолатҳои фавқулодаи Тоҷикистон аз ду ҳодисаи ғарқшавии сокинони Хатлон ва Ҳисор хабар медиҳад

ДУШАНБЕ, 4 июн — Sputnik. Наҷотбахшони Кумитаи ҳолатҳои фавқулодаи Тоҷикистон давоми ду рӯз ҷасади дар об ғарқшудаи як сокини  23 - солаи деҳаи Пахтакори ноҳияи Кушониёнро меҷӯянд.

Ба иттилои котиботи КҲФ, Дониёр Азизов сокинои ноҳия Кушониён ҳангоми оббозӣ дар дарёи Вахш аз беэҳтиётӣ ғарқ шудааст.

"Хабари ғарқи дарё шудани ӯ ба Раёсати КҲФ дар Хатлон рӯзи 3-уми июн расид ва худи ҳамон лаҳза кормадони наҷот, ба ҷойи ҳодиса рафтанд ва то бегоҳ ҷасадро кофтанд. Вале ҷустуҷӯҳои рӯзи аввал натиҷа надод ва имрӯз, 4-уми июн корҳои кофтуков аз сар гирифта шуданд", - таъкид мешавад дар хабар.

Манбаъ аз ғарқшавии як ҷавони 18 - солаи дигар дар ноҳияи Ҳисор хабар медиҳад, ки баъди аз зуҳри рӯз 3 - уми май иттифоқ афтодааст.

Гуфта мешавад, сокини 18 - солаи деҳаи Мирзочӯли ноҳияи Рӯдакӣ ҳангоми оббозӣ дар канали калони Ҳисор ғарқ шуд.

Боқимондаҳои ҷасади сайёҳи рус, ки дар рӯди Хингоб ғарқ шуда буд, пайдо гардид

"Корҳои ҷустуҷӯи ҷасади ғарқшуда дирӯз то соати 20:05 дақиқа идома дошт, вале он бенатиҷа анҷомид", - омадааст дар хабар.

Зимнан, субҳи имрӯз, соати 03:00 сокинони деҳа ҷасадро тақрибан 70 метр поёнтар аз ҷойи ҳодиса мушоҳида карданд ва он аз об берун оварда шуда, ба пайвандонаш супурда шуд.

0