Сабти 58 ҳолати нав: шумораи гирифторони коронавирус дар Афғонистон ба 665 нафар расид

337
Ҳолатҳои нави сироятшавӣ ба коронавирус дар Афғонистон дар Қандаҳор, Кобул, Ҳилманд, Нимрӯз, Таҳор ва Қундуз ошкор шуданд

ДУШАНБЕ, 13 апр — Sputnik. Дар Афғонистон, дар як рӯз 58 мавриди нави сироятёбӣ ба коронавирус кашф шудааст, ки дар натиҷа шумораи умумии дардмандон ба 665 ҳолат баробар шудааст, хабар медиҳад Tolo News.

Ба иттилои манбаъ, то ҳол 38 нафар аз ин беморӣ ҷон ба саломат бурданд ва 21 маризи дигар ҷон бохтанд.

Намояндаи Вазорати тандурустии Афгонистон Ваҳидулла Маҳёр гуфт, ки ҳолатҳои нав дар Қандаҳор (28), Кобул (13), Ҳилманд (7), Нимрӯз (6), Тахар (3) ва Кундуз (1) ба қайд гирифта шудаанд.

“Ҳама зиндаем”: овозаву ҳақиқати хонаводаи Шодиевҳо дар Ҷаббор Расулов

Ҳамин тариқ шумораи умумии мубталоён дар Ҳирот имрӯз ба 280 нафар расид.

Ёдовар мешавем, ки қаблан Вазорати тандурустии Афғонистон пешгӯӣ намуд, ки 80 дарсади аҳолии ин кишвар ба маризии коронавирус мубтало мегардадн.

Гузашта аз ин, вазорат тахмин зад, ки эҳтимолияти ҷон бохтани 110 ҳазор нафар бар асари сар задани беморӣ мавҷуд аст.

Қобили зикр аст, ки аввал вирус ба Эрон ворид шуда, баъдан сироят ба Афғонистон паҳн шуд. Аввалин ҳолати сироятшавӣ дар Афғонистн дар вилояти Ҳирот ба қайд гирифта шуд.

337
Барчаспҳо:
афзоиш, маризӣ, Афғонистон
Хабиб Нурмагомедов и Конор Макгрегор

Конор имкони набард бо Ҳабибро ба даст овард

527
(Таҷдидшуда 10:52 02.06.2020)
Конор Макгрегори ирландӣ бо ғолиби муҳорибае, ки моҳи сентябри соли ҷорӣ миёни Ҳабиб Нурмуҳаммадов ва Ҷастин Гэтҷи баргузор мешавад, мубориза мебарад

ДУШАНБЕ, 2  июн — Sputnik. Президенти UFC Дана Уайт гуфтааси, ки қаҳрамони собиқи ду вазн Конор Макгрегор бори дигар шонси ба даст овардани унвон дорад, хабар медиҳад ESPN.

Уайт гуфт, варзишкори ирландӣ бо ғолиби муҳорибае, ки моҳи сентябри соли ҷорӣ миёни қаҳрамони UFC  Ҳабиб Нурмуҳаммадо ва Ҷастин Гэтҷи баргузор мешавад, мубориза мебарад.

“Ман интизори набарди Гэтҷи ва Ҳабиб ҳастам. Мехоҳам бинам, ки он чӣ гуна ба поён мерасад. Пас аз он мунтазири муҳорибаи Конор бо ғолиби ин зӯрозмоӣ хоҳам буд",-гуфтааст ӯ.

Ҳамин тариқ, агар Нурмуҳаммадов  Ҷастин Гэтҷиро мағлуб кунад, ӯ боз дубора бо Конор вориди майдон мешавад.

Ёдовар мешавем, ки моҳи октябри соли 2018, варзишгарон дар Лас Вегас миёни ҳам зӯрозмоӣ доштанд. Дар ин набард Ҳабиб дар даври чорум конорро бо усули буғи кардан, шикаст дода буд.

Падар гуфту писар нахост: Ҳабиб дар бораи реванш бо Конор бар ивази 100 миллион

Пас аз шикаст, Конор такроран ба Нурмуҳаммадов таклифи рақобати ҷавобӣ ва ё реванш кард, аммо размикори доғистонӣ инро рад карда гуфт, ки варзишкори ирландӣ барои ӯ рақиби қавӣ нест.

527
Барчаспҳо:
қаҳрамони UFC, майдон, ғолиб, зӯрозмоии размикорон, рақобат, Ҳабиб Нурмуҳаммадов
День 2 июня

Ҷашнҳои рӯзи 2 июн дар Тоҷикистон ва ҷаҳон

61
(Таҷдидшуда 20:40 01.06.2020)
Рӯзи дуюми июн дар Русия – Рӯзи ғизои солим ва даст кашидан аз исрофкорӣ буда дар Озарбойҷон — Рӯзи кормандони авиатсияи шаҳрвандӣ мебошад

Рӯзи 2 июн дар ҷаҳон чӣ рух дод

Соли 1896 Гулелмо Маркони итолиявӣ дар ИМА оид ба ихтирои радио аввалин патент ба даст овард.

Соли 1946 дар Италия оид ба сохти давлатдории ояндаи  ин мамлакат раъйпурсии умумихалқӣ баргузор гардида буд, ки дар он қариб ҳамаи шаҳрвандони кишвар иштирок намуданд.

Соли 1963  дар Тоҷикистон шумораи нахустини  ҳафтаномаи "Ин ҷо Душанбе" (ҳоло "Ҷаҳони паём") нашр шудааст.

Соли 1975 аввалин маротиба дар таърихи Лондон дар моҳи июн барф боридааст.

Снег в Воркуте
© Sputnik / Алексей Резниченко
Снег в Воркуте

Соли 1981 рӯзномаи «Правда» (нашрияи марказии КМ КПСС) ҳукумати Полшаро дар беамалӣ нисбат ба коммунизм душман эълон кард.

Рӯзи 2 июн дар Тоҷикистон чӣ рух дод

Соли 2004  Парлумони Тоҷикистон Қонуни Ҷумҳурии Тоҷикистон «Оид ба бекор намудани ҳукми қатл дар Ҷумҳурии Тоҷикистон»-ро қабул кард.

© Sputnik / Стас Этвеш / Вишнякова Мария

Соли 2009 аввалин намояндагии бонки Русия дар Тоҷикистон «Росселхозбанк» ба фаъолият шурӯъ намуд.

Соли 2009 миёни Душанбе ва Рига (пойтахти Латвия) хатсайри нави ҳавоӣ роҳандозӣ гардид.

Соли 2012 Президенти Ҷумҳурии Тоҷикистон Эмомалӣ Раҳмон дар ҷараёни сафари давлатӣ ба Чин ба Маркази байналмилалии намоишгоҳҳо ва конфронсҳои шаҳри Сямэн ташриф оварда, дар форуми «Тоҷикистон: имконоти сармоягузорӣ» иштирок ва суханронӣ намуданд. Барои иштирок дар ин ҳамоиш шумораи зиёди соҳибкорону тоҷирон ва сармоягузорони Тоҷикистону Чин ҷамъ омада буданд.

Соли 2012 дар ҷараёни сафари давлатӣ  ба Чин Эмомалӣ Раҳмон аз  Донишгоҳи Сямэни музофоти Фуҷиан дидан намуд. Бо қарори Шӯрои илмӣ  ба Раҳмон барои хизматҳои шоён дар таҳким ва густариши муносибатҳои дӯстона ва ҳамкории пурсамар бо Ҷумҳурии Мардумии Чин, аз ҷумла, дар соҳаи илму маориф унвони профессори фахрии илмҳои иқтисодии Донишгоҳи Сямэн дода шуд.

Соли 2014 дар мулоқоти Эмомалӣ Раҳмон бо Ёвари котиби давлатии Иёлоти Муттаҳидаи Амрико доир ба масоили Осиёи Марказӣ ва Ҷанубӣ Ниша Десай Бисвалро, ки барои иштирок дар машваратҳои сиёсии солона миёни Тоҷикистону Амрико ба шаҳри Душанбе омада буд, масоили вобаста ба рушди муносиботи ҳасана ва густариши ҳамкории судманди ду кишвар дар бахшҳои сиёсат, амнияти минтақавӣ, иқтисод ва тиҷорат, сармоягузорӣ ва илму техника баррасӣ шуданд.

Соли 2014 дар шаҳри Душанбе масъалаҳои ҳамкории дуҷонибаи иқтисодӣ-тиҷоратии Тоҷикистон ва Гурҷистон баррасӣ гардида, барои  мустаҳкам намудани ҳамкории мутақобилан судманди ду кишвар таваҷҷуҳи махсус зоҳир карда шуд.

Ҷашнҳои рӯзи 2 июн

  • Дар Русия – Рӯзи ғизои солим ва даст кашидан аз исрофкорӣ.
  • Дар Озарбойҷон — Рӯзи кормандони авиатсияи шаҳрвандӣ.
61
Барчаспҳо:
Тоҷикистон, Ҷаҳон, ҷашн
Мавзуъ
Ҷашнҳои рӯзи 1 июн дар Тоҷикистон ва ҷаҳон
Военный билет. Архивное фото

Боздошти ронандаи Комиссариати ҳарбӣ барои фурӯши билети ҳарбӣ

0
(Таҷдидшуда 12:09 02.06.2020)
Ожонси мубориза бо фасод дар Тоҷикистон аз боздошти Зубайдулло Ҳабибуллоев хабар медиҳад, ки дар фурӯши билети ҳарбӣ муттаҳам мешавад

ДУШАНБЕ, 2 июн – Sputnik. Бино ба иттилои дафтари матбуотии ин ниҳод, Зубайдулло Ҳабибуллоев ронандаи Комиссариати ҳарбии ноҳияи Бобоҷон Ғафурови вилояти Суғд дар фурӯши билети ҳарбӣ муттаҳам мешавад.

Солдат пограничник ГКНБ погранслужба
© Официальная страница пресс-службы президента РТ в Facebook.

Ба иттилои манбаъ, номбурда санаи 14 апрели соли 2020 бо роҳи фиреб ва суиистифодаи боварӣ аз шаҳрванд Матазимов А.С. барои ба номи писараш-Матазимов Р.А. омода карда додани билети ҳарбии номуносиб ба хизмати ҳарбӣ, маблағи 10000 сомонӣ талаб кардааст.

Манбаъ мегӯяд, Ҳабибуллоев ин маблағро дар ду маврид гирифта тасарруф намудааст.

Гуфта мешавад, дар ин асос нисбати Ҳабибуллоев З.С. бо моддаи 247 қисми 3 банди “а”  Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакӣ он идома дорад.

Қаблан ҳолатҳои фурӯши билети ҳарбӣ аз сӯи кормандони комиссариятҳои ҳарбӣ ошкор шуда буд, аммо ин нахустин ҳолат аст, ки аз ҷониби ронандаи комсарият сурат мегирад. 

 

0
Барчаспҳо:
боздошт, Оҷонсии мубориза зидди коррупсия, билети ҳарбӣ, Комиссариати ҳарбӣ, ноҳияи Бобоҷон Ғафуров, Тоҷикистон