Тест-системы для диагностики нового коронавируса

СҶБ бо профессори тоҷик розӣ аст ва БСЖ-ро алайҳи коронавирус тавсия намедиҳад

904
(Таҷдидшуда 18:44 14.04.2020)
Созмони ҷаҳонии беҳдошт ваксинаи зидди бемории сил - БСЖ-ро дар мубориза алайҳи коронавирус тавсия намедиҳад

ДУШАНБЕ, 14 апр - Sputnik. Созмони ҷаҳонии беҳдошт бо профессори тоҷик Саидбек Сатторов, дар робита бо тавсия нашудани ваксинаи БСЖ алайҳи коронавирус розӣ аст. Ин созмон мегӯяд, ваксинаи зидди сил -  БСЖ наметавонад хавфи гирифторӣ ба коронавирусро коҳиш диҳад ва ин хабар ягон далели қатъӣ надорад.

Дар сурати мавҷуд набудани чунин далелҳо  СҶБ онро барои пешгирии COVID-19 тавсия намедиҳад, гуфтааст созмони мазкур.

"Ҳеҷ гуна далел вуҷуд надорад, ки ваксинаи  Басилла Калмета — Герена (БСЖ) одамонро аз хавфи сирояти коронавирус ҳифз карда метавонад», омадааст дар шарҳи  ҳаррӯзаи иттилоотии СУТ. Зикр гардид, ки «аллакай озмоишҳо дар ин самт амалӣ гаштаанд, СУТ баъди ба даст овардани натиҷаҳо онҳоро арзёбӣ хоҳад кард".

Ёдрас менамоем, ки роҳбари Агентии биотиббии Русия, собиқ вазири тандурустии ин кишвар Вероника Скворсова бовар дорад, ки ваксинаи зидди сил метавонад дар мубориза бо коронавирус нақшгузор бошад. Бархе аз олимон ин ақидаро дастгирӣ кардаанд.

Дар ин робита, мудири кафедраи микробиология, иммунология ва вирусологияи Донишгоҳи давлатии тиббии Тоҷикистон ба номи Абӯалӣ ибни Сино  Саидбек Сатторов дар мусоҳиба бо АМИТ "Ховар" иброз намуд, ки чун мутахассиси соҳаи тандурустӣ наметавонад бо ин фикр розӣ бошад, зеро аз нуқтаи назари илмӣ он ҳеҷ гуна  асоси воқеӣ надорад.

"Он ки миёни афроди ваксинаи зидди сил гирифта беморон камтаранд, инро танҳо тасодуф метавон номид. Зеро вирусҳои  ин бемориҳо гуногунанд, яке ба оилаи бактериявӣ, дигаре ба оилаи вирус мутааллиқ аст, байни онҳо ҳеҷ умумияте мавҷуд буда наметавонад.  Аз ин рӯ, ман бо чунин ақида розӣ буда наметавонам", — гуфт Саидбек Сатторов.

Хурӯҷи бемории коронавирус охири соли 2019 дар Чин ба қайд гирифта шуда, баъдан ба аксари кишварҳо паҳн гаштааст. 11 март СУТ онро чун пандемия эътироф намуд.

904
Барчаспҳо:
тавсия, мубориза, СҶБ, вируси нав
Мавзуҳо:
Пайомадҳои COVID-19 дар Тоҷикистон ва ҷаҳон (469)
Хабиб Нурмагомедов и Конор Макгрегор

Конор имкони набард бо Ҳабибро ба даст овард

626
(Таҷдидшуда 13:01 02.06.2020)
Конор Макгрегори ирландӣ бо ғолиби муҳорибае, ки моҳи сентябри соли ҷорӣ миёни Ҳабиб Нурмуҳаммадов ва Ҷастин Гэтҷи баргузор мешавад, мубориза мебарад

ДУШАНБЕ, 2  июн — Sputnik. Президенти UFC Дана Уайт гуфтааст, ки қаҳрамони собиқи ду вазн Конор Макгрегор бори дигар шонси ба даст овардани унвон дорад, хабар медиҳад ESPN.

Уайт гуфт, варзишкори ирландӣ бо ғолиби муҳорибае, ки моҳи сентябри соли ҷорӣ миёни қаҳрамони UFC  Ҳабиб Нурмуҳаммадо ва Ҷастин Гэтҷи баргузор мешавад, мубориза мебарад.

“Ман интизори набарди Гэтҷи ва Ҳабиб ҳастам. Мехоҳам бинам, ки он чӣ гуна ба поён мерасад. Пас аз он мунтазири муҳорибаи Конор бо ғолиби ин зӯрозмоӣ хоҳам буд",-гуфтааст ӯ.

Ҳамин тариқ, агар Нурмуҳаммадов  Ҷастин Гэтҷиро мағлуб кунад, ӯ боз дубора бо Конор вориди майдон мешавад.

Ёдовар мешавем, ки моҳи октябри соли 2018, варзишгарон дар Лас Вегас миёни ҳам зӯрозмоӣ доштанд. Дар ин набард Ҳабиб дар даври чорум конорро бо усули буғи кардан, шикаст дода буд.

Падар гуфту писар нахост: Ҳабиб дар бораи реванш бо Конор бар ивази 100 миллион

Пас аз шикаст, Конор такроран ба Нурмуҳаммадов таклифи рақобати ҷавобӣ ва ё реванш кард, аммо размикори доғистонӣ инро рад карда гуфт, ки варзишкори ирландӣ барои ӯ рақиби қавӣ нест.

626
Барчаспҳо:
қаҳрамони UFC, майдон, ғолиб, зӯрозмоии размикорон, рақобат, Ҳабиб Нурмуҳаммадов
День 2 июня

Ҷашнҳои рӯзи 2 июн дар Тоҷикистон ва ҷаҳон

63
(Таҷдидшуда 20:40 01.06.2020)
Рӯзи дуюми июн дар Русия – Рӯзи ғизои солим ва даст кашидан аз исрофкорӣ буда дар Озарбойҷон — Рӯзи кормандони авиатсияи шаҳрвандӣ мебошад

Рӯзи 2 июн дар ҷаҳон чӣ рух дод

Соли 1896 Гулелмо Маркони итолиявӣ дар ИМА оид ба ихтирои радио аввалин патент ба даст овард.

Соли 1946 дар Италия оид ба сохти давлатдории ояндаи  ин мамлакат раъйпурсии умумихалқӣ баргузор гардида буд, ки дар он қариб ҳамаи шаҳрвандони кишвар иштирок намуданд.

Соли 1963  дар Тоҷикистон шумораи нахустини  ҳафтаномаи "Ин ҷо Душанбе" (ҳоло "Ҷаҳони паём") нашр шудааст.

Соли 1975 аввалин маротиба дар таърихи Лондон дар моҳи июн барф боридааст.

Снег в Воркуте
© Sputnik / Алексей Резниченко
Снег в Воркуте

Соли 1981 рӯзномаи «Правда» (нашрияи марказии КМ КПСС) ҳукумати Полшаро дар беамалӣ нисбат ба коммунизм душман эълон кард.

Рӯзи 2 июн дар Тоҷикистон чӣ рух дод

Соли 2004  Парлумони Тоҷикистон Қонуни Ҷумҳурии Тоҷикистон «Оид ба бекор намудани ҳукми қатл дар Ҷумҳурии Тоҷикистон»-ро қабул кард.

© Sputnik / Стас Этвеш / Вишнякова Мария

Соли 2009 аввалин намояндагии бонки Русия дар Тоҷикистон «Росселхозбанк» ба фаъолият шурӯъ намуд.

Соли 2009 миёни Душанбе ва Рига (пойтахти Латвия) хатсайри нави ҳавоӣ роҳандозӣ гардид.

Соли 2012 Президенти Ҷумҳурии Тоҷикистон Эмомалӣ Раҳмон дар ҷараёни сафари давлатӣ ба Чин ба Маркази байналмилалии намоишгоҳҳо ва конфронсҳои шаҳри Сямэн ташриф оварда, дар форуми «Тоҷикистон: имконоти сармоягузорӣ» иштирок ва суханронӣ намуданд. Барои иштирок дар ин ҳамоиш шумораи зиёди соҳибкорону тоҷирон ва сармоягузорони Тоҷикистону Чин ҷамъ омада буданд.

Соли 2012 дар ҷараёни сафари давлатӣ  ба Чин Эмомалӣ Раҳмон аз  Донишгоҳи Сямэни музофоти Фуҷиан дидан намуд. Бо қарори Шӯрои илмӣ  ба Раҳмон барои хизматҳои шоён дар таҳким ва густариши муносибатҳои дӯстона ва ҳамкории пурсамар бо Ҷумҳурии Мардумии Чин, аз ҷумла, дар соҳаи илму маориф унвони профессори фахрии илмҳои иқтисодии Донишгоҳи Сямэн дода шуд.

Соли 2014 дар мулоқоти Эмомалӣ Раҳмон бо Ёвари котиби давлатии Иёлоти Муттаҳидаи Амрико доир ба масоили Осиёи Марказӣ ва Ҷанубӣ Ниша Десай Бисвалро, ки барои иштирок дар машваратҳои сиёсии солона миёни Тоҷикистону Амрико ба шаҳри Душанбе омада буд, масоили вобаста ба рушди муносиботи ҳасана ва густариши ҳамкории судманди ду кишвар дар бахшҳои сиёсат, амнияти минтақавӣ, иқтисод ва тиҷорат, сармоягузорӣ ва илму техника баррасӣ шуданд.

Соли 2014 дар шаҳри Душанбе масъалаҳои ҳамкории дуҷонибаи иқтисодӣ-тиҷоратии Тоҷикистон ва Гурҷистон баррасӣ гардида, барои  мустаҳкам намудани ҳамкории мутақобилан судманди ду кишвар таваҷҷуҳи махсус зоҳир карда шуд.

Ҷашнҳои рӯзи 2 июн

  • Дар Русия – Рӯзи ғизои солим ва даст кашидан аз исрофкорӣ.
  • Дар Озарбойҷон — Рӯзи кормандони авиатсияи шаҳрвандӣ.
63
Барчаспҳо:
Тоҷикистон, Ҷаҳон, ҷашн
Мавзуъ
Ҷашнҳои рӯзи 1 июн дар Тоҷикистон ва ҷаҳон
ДТП, архивное фото

Мақомот ҳалокати сардори шуъбаи КҲФ дар Ванҷ ва писарашро зимни садамаи нақлиётӣ шарҳ дод

0
Кумитаи ҳолатҳои фавқулодаи Тоҷикистон садамаи маргбори рӯзи 31 майро ки дар пайи он Худоиев Асланшоҳ, сардори шуъбаи ин ниҳод дар ноҳияи Ванҷ бо писараш фавтид, шарҳ дод

ДУШАНБЕ, 2 июн – Sputnik. Бино ба иттилои сомонаи расмии ин ниҳод, ҳодиса баъд аз зуҳри рӯзи  31-уми майи соли равон  дар километри 109 шоҳроҳи Душанбе – Дарвоз - Хоруғ, мавзеъи  Шаҳидони ҷамоати деҳоти Қалъаи Хумб рух дод.

Ба иттилои манбаъ, автомашинаи тамғаи “Опел Астра”, ки аз ҷониби сокини 51-солаи деҳаи Рохарви ҷамоати деҳоти М.Абдуллоеви ноҳияи Ванҷ Озод Қадамов идора мешуд, дучори садама шуд.

“Ин мошин аз ноҳияи Сангвор ба самти ноҳияи Дарвоз дар ҳоли ҳаракат буд ва сабаби садама маълум нест. Бино ба нақли шоҳидон он ба умқи тақрибан 80 метр ба дарёи Хумбов сарозер мешавад”,-афзудааст манбаъ.

Манбаъ мегӯяд, бар асари ин садамаи мудҳиш корманди ин ниҳод бо писараш ба ҳалокат расида, ду нафари дигар бо ҷароҳатҳои вазнин дар бемористони ноҳияи Дарвоз бистарӣ шуданд

Гуфта мешавад, ҷасади Худоиев Умари 9-сола – писари Худоиев Аслншоҳ дирӯз тақрибан 300 метр поёнтар аз ҷойи ҳодиса, дар соҳили дарё пайдо шуд.

0
Барчаспҳо:
фавт, КҲФ Тоҷикистон, Ванҷ, Тоҷикистон