Препарат против коронавируса

Пешравии донишмандони Эрон: муҳаққиқони эронӣ геноми коронавирусро мушаххас карданд

1697
(Таҷдидшуда 14:32 18.04.2020)
Донишмадони эронӣ эълон карданд, ки барои аввалин бор дар кишвар тавонистанд геноми коронавирусро таъин ва рамзи генетикии онро мушаххас кунанд

ДУШАНБЕ, 18 апр – Sputnik. Сируси Зайналӣ, раиси Анҷумани биотехнологияи Эрон рӯзи ҷумъа бо баёни ин, ки то кунун наздик ба 4 000 таъини пайдарпаии коронавирус ба сабт расида, ки бахши умдаи он марбут ба Амрико аст, афзуд донишмандони эронӣ дар шароити таҳрим тавонистанд ба ин муваффақият даст ёбанд ва онро таъини пайдарпаӣ кунанд, иттилоъ додаас хабаргузории “Парстудей”.

Пирамарди 106 сола дар Эрон бар коронавирус пирӯз шуд

Зайналӣ бо ишора ба мавзӯи ҷаҳиши генетикии коронавирус дар ҷомеаҳои илмӣ ва умумӣ қайд кардааст, ки бархе мӯътақиданд, ки ин вирус дар Эрон ҷаҳиш ёфта ва доиман дар ҳоли тағйир аст, ки бар асоси таъинин пайдарпаӣ, навъи эронӣ ва дигар маворид, ин мавзӯъ сиҳат надорад.

Вай ҳамчунин афзуд, бо таъини пайдарпаӣ коронавирус мушаххас шуд, ки дар сурати тавлиди ваксина ё дору барои коронавирус, дар тамомии кишварҳо қобили истифода буда ва ниёзе ба тавлиди ваксинаи ихтисосии ҳар ҷамъият ё кишваре нест.

Эрон мувафақ шуд: донишманди эронӣ давои коронавирусро пайдо кард

Ёдрас мешавем, ки то имрӯз ба ин вирус дар Эрон 79 ҳазору 494 нафар гирифтор шудааст, ки аз ин шумор 4 ҳазору 958 нафар ҷони худро аз даст додааст.

1697
Барчаспҳо:
пешравӣ, рамз, вирус, донишмандон, Эрон
Абдул Рашид Дустум. Архивное фото

Дустум ба Толибон ҳушдор дод

174
Генерал Абдуррашид Дустум, ки ихтилофоти бисёре бо Ашрафғанӣ-раиси ҷумҳӯрии Афғонистон доштааст, пас аз ҳудуди ду сол рӯзи гузашта вориди Кобул шуд

ДУШАНБЕ, 28 фев – Sputnik. Генерал Абдуррашид Дустум аз фармондеҳони машҳeри ҷиҳодии Афғонистон ба Толибон (гурӯҳи террористӣ мамнӯъ дар Тоҷикистон) ҳушдор дод, ки ба хушунату қатли оми мардум поён диҳанд.

Бино бар иттилои "Парс тудей", раиси Ҷумбиши миллӣ-исломии Афғонистон, ки дар чаҳор даҳаи ҷанги ин кишвар аз ҷумла бо Шуравӣ ва Толибон таҷрибаи арзанда дорад хитоб ба Толибон гуфт: Ҳамла ба занон, кудакон, хабарнигорон ва кормандони расонаҳо, ки ҳеч гуна дифое аз худ надоранд, таҷовуз ба ҳуқуқи инсонҳо ва каромати инсонӣ аст .

Генерал Абдуррашид Дустум, ки ихтилофоти бисёре бо Ашрафғанӣ-раиси ҷумҳӯрии Афғонистон доштааст, пас аз ҳудуди ду сол рӯзи гузашта вориди Кобул шуд.

"Агар гуфтугуҳои сулҳ ба шикаст мунҷар шавад, дар ҷанг ширкат хоҳад кард ва ба яқин нерӯҳои тарафдори ӯ ин гурӯҳи ҷангталабро шикаст хоҳанд дод", - таъкид кард вай.

Дустум афзудааст, ки Афғонистон дар шароити ҳассосе қарор дорад ва бояд тамоми гурӯҳҳо бо давлати Ашрафғанӣ муттаҳид шаванд, то манотиқи таҳти тасарруфи Толибонро озод кунанду оромишро ба зиндагии мардум боз гардонанд.

Вазири корҳои хориҷа: Тоҷикистон иртиботе бо Толибон надорад ва гуфтушунид низ накардааст

Раиси Ҷумбиши миллӣ-исломии Афғонистон рӯзи шанбе пас аз вуруд ба шаҳри Кобул мавриди истиқболи Абдуллоҳ Абдуллоҳ-раиси Шӯроии олии мусолиҳаи миллии Афғонистон ва ҷамъи зиёде аз шаҳрвандону чеҳраҳои сиёсӣ қарор гирифт.

Дустум қарор аст бо Ашрафғанӣ-раиси ҷумҳӯрӣ ва шуморе аз шахсиятҳои сиёсӣ ва ҷиҳодии Афғонистон низ дидор ва дар бораи охирин таҳаввулоти ин кишвар гуфтугӯ кунад.

174
Принц Саудовской Аравии М. ибн Салман Аль Сауд

Амрико дар куштори Хошуқҷӣ шаҳзодаи арабро муттаҳам мекунад

213
(Таҷдидшуда 19:58 27.02.2021)
Дар гузориши истихбороти ИМА қайд карда мешавад, ки шоҳзодаи валиаҳд рӯзноманигор Хошуқҷиро ҳамчун таҳдид ба Арабистони Саудӣ мешуморад

ДУШАНБЕ, 27 фев — Sputnik. Амалиёти боздошт ё куштани рӯзноманигор Ҷамол Хошуқҷӣ дар Истамбул, дар соли 2018 аз ҷониби шахсан валиаҳди Арабистони Саудӣ Муҳаммад бин Салмон тасдиқ карда шуда буд. Дар ин бора дар гузориши дафтари мудири иктишофи миллии ИМА омадааст, менависад РИА Новости.

Масъулони иктишоф муътақиданд, ки сатҳи шоҳзода аз болои тасмимгирӣ дар кишвар ба ҳадде баланд аст, ки ин бидуни ризоияти ӯ ба вуқӯъ намеомад.

"Валиаҳд Хошуқҷиро таҳдид ба подшоҳӣ арзёбӣ кард ва дар сурати зарурат барои хомӯш кардани ӯ истифодаи чораҳои зӯровариро дастгирӣ кард", - омадааст дар гузориш.

Дар ин санад омадааст, ки мақомоти Арабистони Саудӣ ин амалиётро тарҳрезӣ кардаанд ва 21 нафареро номбар кардаанд, ки ИМА онҳоро "бо итминони баланд" гумонбарони қатли Хошуқҷӣ қарор додааст. Дар айни замон, иктишоф наметавонад иддао кунад, ки шахсони алоқаманд медонистанд, ки ниҳояти ин амалиёт чӣ мешавад.

Пас аз интишори гузориши иктишофӣ, Котиби давлатии ИМА Энтони Блинкен аз ҷорӣ кардани "Таҳримҳои Хошуқҷӣ" хабар дод.

"Ин имкон медиҳад, ки маҳдудиятҳои раводид алайҳи шахсоне ҷорӣ карда шаванд, ки ҳангоми намояндагӣ аз ҳукуматҳои хориҷӣ ба амалҳои ҷиддии экстерриториявӣ алайҳи дигарандешон, аз ҷумла саркӯб кардан, таъқиб, мушоҳида кардан, таҳдид ё зарар расонидан ба рӯзноманигорон, фаъолон ва дигар шахсон анҷом додаанд ", - гуфт вай.

Пас аз интишори гузориш, арӯсшавандаи рӯзноманигори кушташуда Хадиҷа Ҷенгиз хештеги #justiceforjamal ("адолат барои Ҷамол") -ро дар Twitter нашр кард.

Гузоришгари вижаи СММ оид ба қатлҳои ғайриҳуқуқӣ Агнес Калламард аз Иёлоти Муттаҳида даъват кард, ки алайҳи валиаҳди Арабистони Саудӣ Муҳаммад бин Салмон таҳримот ҷорӣ кунанд.

"Ҳукумати Иёлоти Муттаҳида бояд алайҳи валиаҳд, тавре ки бо дигар ҷинояткорон кардааст, нисбати дороиҳои шахсии ӯ ва инчунин ӯҳдадориҳои байналмилалии худ таҳримот ҷорӣ кунад" гуфт ӯ дар изҳорот.

Дар навбати худ, мақомоти Арабистони Саудӣ хулосаҳои гузориши иктишофии ИМА дар бораи иштироки валиаҳд дар куштори Хошуқҷиро рад карданд.

"Ҳукумати Шоҳигарии Арабистони Саудӣ баҳои манфӣ, дурӯғин ва ғайри қобили қабул дар бораи ҳисоботи роҳбарияти Салтанатро, ки дар гузориш омадааст, комилан рад мекунад ва қайд мекунад, ки дар ин гузориш иттилоот ва хулосаҳои носаҳеҳ мавҷуд аст", - омадааст дар изҳороти Вазорати корҳои хориҷӣ.

Вазорати корҳои хориҷии салтанати Ховари Миёна инчунин қайд кард, ки байни ИМА ва салтанат "шарикии қавӣ" вуҷуд дорад.

Бернӣ Сандерс аз Трамп хост муколамаи телефониашро бо Муҳаммад бин Салмон ифшо намояд

Рӯзноманигори маъруфи саудӣ Ҷамол Хошуқҷӣ аз соли 2017 дар Иёлоти Муттаҳида зиндагӣ мекард ва дар Washington Post кор мекард. Вай моҳи октябри соли 2018 дар Истамбул кушта шуд.

Дар ибтидо мақомоти Арабистони Саудӣ нопадид шудани ӯро дар консулгарии Арабистон рад карданд, аммо пас аз муддате пас аз пайдо шудани сабтҳои видео ва аудио, онҳо эътироф карданд, ки Хошуқҷӣ "дар натиҷаи муноқиша бо масъулони консулгарӣ" кушта шудааст. Полиси Туркия ҳеҷ гоҳ натавонистааст ҷасади ӯро пайдо кунад.

Расонаҳои арабӣ версияҳоеро пешниҳод карданд, ки фармони куштори Хошуқҷӣ, ки амалҳои мақомоти Арабистони Саудиро танқид мекунад, метавонист ба довталаби тахти салтанат - шоҳзодаи валиаҳд дода шавад. Аммо, Вазорати корҳои хориҷии Салтанат изҳор дошт, ки валиаҳд бо ин ҷиноят ҳеҷ иртибот надорад.

213
Овощи на сельскохозяйственной выставке в Худжанде

Дар хонаи ҳама ҳаст: маълум шуд, ки кадом сабзавот хатари маргро кам мекунад

0
Олимон аз хусусияти ғайриоддии маҳсулоте, ки дар яхдон ҳама ҳаст, дар тааҷҷуб афтодаанд: он хавфи маргро кам мекунад

ДУШАНБЕ, 28 фев — Sputnik. Олимони Иёлоти Муттаҳида маҳсулотеро номбар карданд, ки истифодаи он дар хӯроки ҳамарӯза ба кам кардани хавфи марг то чоряк мусоидат мекунад, менависад Express.

Ҳамин тавр, мутахассисони Ассотсиатсияи қалби амрикоӣ чунин хосиятҳои ғайриоддиро дар қаламфури чили пайдо карданд. Ин сабзавот метавонад хатари мурдан аз бемориҳои дил ва саратонро коҳиш диҳад.

Барои тасдиқи ин далел, олимон таҳқиқоти васеъ анҷом доданд, ки дар ҷараёни он маълумот дар бораи саломатии беш аз 570 ҳазор нафарро санҷиданд.

Ҳангоми таҳлил коршиносон хусусияти аҷиберо муайян карданд: онҳое, ки  дар хӯроки ҳамарӯзаи қаламфур истеъмол мекунанд, хавфи марг дар онҳо аз патологияи дилу рагҳо 26% ва аз саратон - 23% коҳиш меёбад.

Тибқи гуфтаи олимон, ин хусусияти сабзаҷотро бо мавҷудияти моддае бо номи капсатсин шарҳ додан мумкин аст. Он як қатор таъсири судманд дорад.

Капсатсин дорои хосиятҳои зидди илтиҳобӣ, антиоксидант ва зидди саратон мебошад. Ғайр аз он, он сатҳи глюкозаи хунро танзим мекунад.

Қаблан, олимон дар бораи хосиятҳои судманди чормағз барои занони аз 50-сола боло маълумот доштанд. Онҳо сафедаи сабзавот доранд, ки метавонанд ба марги бармаҳал аз бемориҳои дилу раг ва бемории заъиф таъсир расонанд.

Топ - 5 ғизо, ки инсонро ҷавон нигоҳ медоранд

Ва ғизое, ки хавфи маргро аз сабаби бемории девонагӣ то 20% зиёд мекунад, истеъмоли пайвастаи гӯшти сурх номида мешуд.

Қаблан, олимон дар бораи хосиятҳои судманди чормағз барои занони аз 50-сола боло гуфта буданд.

Чормағз дорои сафедаи растанӣ аст, ки метавонанд марги бармаҳалро аз бемориҳои дилу раг пешгирӣ кунад.

Истеъмоли зиёди гӯшти сурх бошад, хатарнок арзёбӣ мешавад.

0