Врачи - Sputnik Тоҷикистон
Коронавирус дар Русия ва ҷаҳон: охирин хабару гузоришҳо
Созмони ҷаҳонии беҳдошт моҳи марти соли 2020 пандемияи коронавирус эълон кард

Охирин омори ҷаҳонии гирифторони коронавирус: фавти 40 ҳазор нафар дар ИМА

© AFP 2023 / ARUN SANKARМедицинский персонал в одной из больниц Индии
Медицинский персонал в одной из больниц Индии - Sputnik Тоҷикистон
Обуна шудан
Созмони ҷаҳонии беҳдошт омори охирини гирифторони коронавирус дар миқёси ҷаҳонро нашр кард. Шумораи умумии гирифторони коронавирус дар ҷаҳон ба 2,5 миллион нафар расид

ДУШАНБЕ, 20 апр — Sputnik. То субҳи 20 апрел дар ҷаҳон шумораи гирифторони коронавируси COVID-19 ба 2 миллиону 407 ҳазору 339 нафар расида, теъдоди шифоёфтагон 625 ҳазору 127 кас ва фавтидагон 165 ҳазору 69 танро ташкил дод.

Дар Иёлоти Муттаҳида, ки аз рӯи шумораи гирифторони ин вирус дар ҷои аввал қарор дорад, 764 ҳазору 265 ҳолат тасдиқ шудааст. Теъдоди фавтидагон 40 ҳазору 565 нафар ва шумораи шифоёфтагон 71 ҳазору 12 касро ташкил медиҳад.

Медицинский работник в аэропорту в защитном костюме - Sputnik Тоҷикистон
Исботи набуди “вируси тоҷдор”: оилаи Шодиевҳо аз қарантина баромад

Дар Испания шумораи сироятёфтагон 198 ҳазору 974 нафар буда, давоми шабонарӯзи гузашта 4 258 ҳолати нав тасдиқ гардид. Дар он 20 ҳазору 453 нафар беморони ба ин вирус гирифтор фавтида, 77 ҳазору 357 кас шифо ёфтаанд, хабар медиҳад АМИТ "Ховар" бо такя ба гузориши Созмони ҷаҳонии беҳдошт.

Дар Италия шумораи мубталоён 178 ҳазору 972 нафар ва теъдоди фавтидагон 23 ҳазору 660 нафар мебошад. Дар Франсия 152 ҳазору 894 ҳолати сироятёбӣ аз коронавирус тасдиқ гардида, 19 718 ҳолати фавт ба қайд гирифта шудааст.

Дар Олмон теъдоди мубталоён 145 ҳазору 742 нафарро ташкил дода, шумораи ҳолатҳои фавт 4 642 мебошад. Шумораи ҳолатҳои гирифторӣ ба коронавирус дар Британияи Кабир 120 ҳазору 67 нафар ва теъдоди ҳолатҳои фавт 16 ҳазору 60 нафар мебошад.

Теъдоди ҳолатҳои гирифторӣ ба коронавирус дар Туркия, ки аз Чин пеш гузашт, ба 86 ҳазору 306 нафар расида, шумораи ҳолатҳои фавт ва шифоёбӣ мутаносибан 2 017 ва 11 976 нафар мебошад.

Дар Чин 82 ҳазору 747 ҳолати сироятёбӣ ба қайд гирифта шуда, давоми рӯз ҳамагӣ 12 ҳолати нав ошкор гардид. Ҳамчунин дар он 4 632 нафар вафот кардаанд.

В Узбекистане выздоровели еще пятеро заболевших коронавирусом - Sputnik Тоҷикистон
Кӯмаки Чин ба Ӯзбекистон: пизишкони чинӣ барои мубориза бо коронавирус ба Тошканд расиданд

Шумораи умумии ҳолатҳои тасдиқшудаи сироятёбӣ дар Эрон 82 ҳазору 211 нафарро ташкил дода, аз онҳо 5 ҳазору 118 нафар вафот кардаанд.

Дар Русия, ки охири ҳафтаи гузашта аз рӯи теъдоди ҳолатҳои тасдиқшудаи беморӣ аз Белгия пеш гузашт ва дар ҷаҳон дар ҷои 10-ум қарор гирифт, дирӯз 6 060 мавриди нав ошкор шуда, шумораи сироятёфтагон ба 42 853 кас расид. Аз ин шумора 3 291 нафар табобат шуда, 361 кас фавтидаанд.

Дар дигар давлатҳои аъзои Иттиҳоди Давлатҳои Мутақил (ИДМ), аз ҷумла дар Украина – 5 449 ҳолат, Беларус – 4 779, Молдова – 2 472, Қазоқистон – 1 735, Ӯзбекистон – 1 565, Озарбойҷон – 1 398, Арманистон – 1 291 ва Қирғизистон — 568 ҳолати сироятёбӣ ошкор гардид.

То имрӯз дар Озарбойҷон 712 нафар, Арманистон  – 545, Беларус – 494, Молдова – 457, Қазоқистон – 401, Украина — 347, Ӯзбекистон – 225 ва Қирғизистон – 133 нафар шифо ёфта, ба манзили зист баргаштанд.

Ҳамзамон то ин дам дар Украина 141 ҳолат, Молдова – 67, Беларус – 47, Арманистон – 20, Қазоқистон – 19, Озарбойҷон – 19, Қирғизистон – 7 ва Ӯзбекистон 5 ҳолати фавти беморони гирифтори коронавирус ба қайд гирифта шуд.

Миёни давлатҳои ИДМ то имрӯз танҳо дар Тоҷикистон ва Туркманистон ягон ҳолати сирояти коронавирус ба қайд гирифта нашудааст.

Дар Афғонистони ҳамсоя шумораи мубталоён ба коронавирус 996 нафар буда, 131 нафари онҳо шифо ёфтаанд ва 33 тани дигар вафот кардаанд.

Дар давлатҳои арабӣ теъдоди зиёди мубталоён дар Арабистони Саудӣ ба қайд гирфита шуда, 9 362 нафарро ташкил медиҳад, ки миёни онҳо 97 ҳолати фавт ба қайд гирифта шудааст.

Прохожие в защитных масках и перчатках - Sputnik Тоҷикистон
Афзоиши якбораи гирифторони коронавирус дар Русия тайи шабонарӯзи гузашта

Дар Амороти Муттаҳидаи Араб (АМА) 6 781 ҳолати сиротяёбӣ ошкор гардида, миёни онҳо 41 нафар фавтидаанд. Дар Қатар 5 448 нафар мубталои коронавирус шуда, дар он шумораи фавт нисбат ба АМА камтар аст — 8 ҳолат.

Дар муқоиса бо дигар давлатҳои арабӣ сатҳи фавт дар Миср баландтар аст — 239 нафар. Аммо шумораи сироятёфтагон кам буда, 3 144 нафарро ташкил медиҳад. Теъдоди мубталоён дар Ироқ 1 539 нафар ва шумораи фавтидагон 82 нафар мебошад.

Дар Баҳрайн низ фавти кам, яъне 7 ҳолат мушоҳида шуда, шумораи умумии ҳолатҳои тасдиқшудаи сироят 1 881 нафарро ташкил медиҳад. Дар Кувайт 7 ҳолати фавт ба қайд гирифта шуда, 1 915 нафар сироят ёфтаанд.

Аз миёни давлатҳои арабӣ шумораи камтари мубталоён дар Сурия (39 ҳолати сироятёбӣ ва 3 ҳолати фавт) ва Лубнон (51 ҳолати сиротяёбӣ ва 1 ҳолати фавт) мушоҳида мешавад.

Ҳафтаи гузашта аввалин ҳолати сироятёбӣ аз коронавирус дар Яман низ ба қайд гирифта шуд. Бемор аз АМА омадааст.

11 март СУТ хуруҷи COVID-19-ро пандемия эълон карда,  имрӯз дар бораи 210 давлату ҳудуд ва ду киштии саёҳатии байналмилалии «Diamond Princess» ва «MS Zaandam», ки дар онҳо ҳолатҳои сироятёбӣ ба қайд гирифта шудаанд, гузориш медиҳад.

Коронавирус аслан тавассути қатраҳои ҳавоӣ гузашта, метавонад ҳангоми сулфидан ва атса задан, инчунин тавассути қатраҳои оби даҳон ё бинӣ паҳн шавад. Ғайр аз он, имкони сироят ёфтан тавассути тамос низ вуҷуд дорад.

Ҳамчунин ин вируси марговар аз як шахс ба шахси дигар тавассути қатраҳои ҳавоӣ интиқол ёфта, аломатҳои он таби баланд, дарди гулӯ, сулфа, нафастангӣ ва дарунравӣ мебошанд. Баъдан бар асари он илтиҳоби шуш ва заъфи гурда ривоҷ меёбанд, ки сабаби марг мегардад.

Лентаи хабарҳо
0