Гирифтории як хонаводаи тоҷик дар ИМА ба COVID - 19 ва маслиҳат ба мардуми Тоҷикистон

1989
(Таҷдидшуда 14:05 24.04.2020)
Парвина Зуҳурова як зани тоҷики муқими Амрико дар наворе дар бораи гирифторӣ бо бемории кронавирус нақл кард

ДУШАНБЕ, 24 апр – Sputnik. Дар навор, ки дар фейсбук нашр кардааст, Парвина дар бораи таҷрибаи аз сар гузаронидаи худ нақл карда ба мардум маслиҳат медиҳад, ки ҳини пайдо шудани нишонаҳои коронавирус худро аз дигарон дур гиранд.

Ӯ мегӯяд, дар мублриза бо коронавирус нақши муҳимро иммунитети инсон мебозад ва агар масъунияти бадани одам мустаҳкам бошад, боке нест.

"Ман ва чор фарзандам масунияти боқувват дорем ва аз ин рӯ коронаро ба хубӣ паси сар кардем. Ман хастагиро эҳсос кардам, пушти сарам ва шикамам дард мекард. Нишонаҳояш дар ман ба зуком монанд буд. Фарзандонам ягон нишона надоштанд. Хушбахтона ба мо ин беморӣ онқатар таъсир накард. Вале, шавҳарам аз ин маризӣ хеле азият кашид", - гуфт Парвина.

Ба нақли ин зани тоҷик COVID -19 ба шушҳои ҳамсараш манфӣ таъсир кард ва шавҳараш наздик ба марг буд.

"Хушбахтона мо дар назди бемористон ба сар мебарем ва шавҳарам 14 рӯз дар бемористон табобат гирифт. Худоро шукр оло дар хона аст".

Парвина нишонаҳои коронавирус - таби баланд, хастагӣ, гулӯдард, сулфаи хушк, эҳсос накардани бӯй в маззаро номбар карда, ҳушдор дод, ки 80 дарсади гирифторони маризӣ ягон нишонае надоранд.

Ин зани тоҷик ба мардуми Тоҷикистон муроҷиат карда мегӯяд, гарчанде дар кишвар то ҳол ягон ҳолати гирифторӣ ба коронавирус ба қайд гирифта нашудааст, мардум бояд ҳушёр бошанд ва чораҳои пешгиркунандаро фаромӯш насозанд.

"Бе зурарат аз хона набароед. Ба ҷойҳои ҷамъиятӣ наравед. Зимни аз берун бозгаштан, дастонатонро дар давоми 30 сония бо собун ва оби гарм бишуед", - гуфт Парвина ва афзуд, ки зимни ташхиси такрорӣ на дар бадани ӯ ва на дар бадани шавҳараш коронавирус пайдо нашуд.

1989
Барчаспҳо:
сиҳатӣ, гирифторони беморӣ, вируси нав, Лос-Анҷелес
Мавзуҳо:
Пайомадҳои COVID-19 дар Тоҷикистон ва ҷаҳон (743)
Президент Узбекистана Шавкат Мирзиёев

Раисҷумҳур: ҳоқимони шаҳру вилоятҳоро бояд халқ интихоб кунад

562
(Таҷдидшуда 21:03 26.09.2020)
Шавкат Мирзиёев, раисҷумҳури Ӯзбекистон пешниҳод кард, ки ҳоқимони шаҳру вилоятҳоро халқ интихоб кунад

ДУШАНБЕ, 26 сен - Sputnik. Шавкат Мирзиёев, президенти Ӯзбекистон бори дигар хостори он шуд, ки ҳоқимони шаҳру вилоятҳоро халқ интихоб кунад, хабар медиҳанд расонаҳои ин кишвар.

“Ҳокимонро бояд халқ интихоб кунад. Мо ҳатман ин корро мекунем”, — таъкид дошт раисҷумҳури Ӯзбекистон.

Манбаъ қайд кард, ки Шавкат Мирзиёев ҳануз моҳи декабри соли 2016 пешниҳод карда буд, ки ҳокимон дар кишвар бояд интихобӣ шаванд.

“Агар ҳар минтақа роҳбари худро интихоб кунад, афзоиши якбораи масъулияти роҳбарон дар назди мардум ва ҷомеаро чашмдор шудан мумкин аст”, — гуфт президенти Ӯзбекистон.

Бояд қайд кард, ки айни замон, ҳокимони вилоятҳо ва шаҳри Тошкандро президент таъйин ва озод мекунад.

Номзадҳои ҳоким барои тасдиқ аз ҷониби маҷлисҳои вакилони халқи вилоят ва шаҳри Тошканд пас аз машварат бо ҳар кадоме аз гурӯҳҳои ҳизбии маҷлиси дахлдор пешниҳод карда мешаванд.

 Дар айни замон, ҳокими ноҳия ва шаҳрҳоро ҳокимони вилоятҳо, ҳокими шаҳри Тошканд таъйин ва озод мекунанд ва аз ҷониби кенгаши (маҷлис) дахлдор тасдиқ карда мешаванд.

562
Барчаспҳо:
Раисҷумҳур, шаҳр, интихоб, вилоят, Шавкат Мирзиёев, Ӯзбекистон
Боец смешанных единоборств, бывший чемпион турнира UFC Конор Макгрегор

Конор Макгрегор мехоҳад бо Мэнни Пакяо ба ринг барояд

146
(Таҷдидшуда 21:06 26.09.2020)
Мэнни Пакяои 41-сола 62 бор дар рақобати касбӣ пирӯз шуда ва ҳафт маротиба мағлуб гардидааст. Дар муҳорибаҳои омехта ӯ 26 маротиба вориди "октагон" шуда ва 22 бор пирӯзу чаҳор маротиба мағлуб шудааст

ДУШАНБЕ, 26 сен - Sputnik. Собиқ қаҳрамони UFC Конор Макгрегор изҳор дошт, ки бо қаҳрамони ҷаҳон аз рӯи WBA Мэнни Пакяо ба майдон мебарояд.

Варзишкори ирландӣ рӯзи рақобатро дақиқ нагуфт.

"Ман бо Мэнни Пакяо дар Ховари Миёна муштзанӣ мекунам. Барои ман вохӯрӣ бо беҳтарин муштзанҳои замони муосир шарафи бузург аст", - навиштааст Макгрегор.

Рақибе, ки рафтори инсонӣ кард: Конор ба Ҳабиб ҳамдардӣ баён кард

Соли 2017 Макгрегор бар зидди собиқ қаҳрамони ҷаҳонӣ оид ба бокс Флойд Мейвезер ба ринг баромада буд. Он замон варзишкори ирландӣ дар бахши 10-ум бо усули нокаути техникӣ мағлуб шуда буд. Баъдтар Майвезер ва Конор пешниҳоди реванш карда буд.

"Ин бозӣ бароям камаҳамият шуд": Макгрегор сабаби қатъи фаъолияти варзишияшро шарҳ дод

Мэнни Пакяои 41-сола 62 бор дар муштзании касбӣ пирӯз шуда ва ҳафт маротиба мағлуб гардидааст. Дар муҳорибаҳои омехта ӯ 26 маротиба вориди октагон шуда ва 22 бор пирӯзу чаҳор маротиба мағлуб шудааст.

146
Барчаспҳо:
Макгрегор, ринг, муштзанӣ, Ховари Миёна
День 27 сентября

Ҷашнҳои рӯзи 27 сентябр дар Тоҷикистон ва ҷаҳон

0
(Таҷдидшуда 18:07 26.09.2020)
Рӯзи 27 сентябр Рӯзи байналмилалии туризм буда, дар Муғулистон – Рӯзи телевизион ва дар Русия  — Рӯзи кормандони муассисаҳои томактабӣ мебошад

Рӯзи 27 сентябр дар ҷаҳон чӣ рух дод

Соли 1791 ба яҳудиёни Фаронса шаҳрвандӣ дода шуд.

Соли 1821 Мексика аз Испания ҷудо шуда, истиқлолият ба даст овард.

День 26 сентября
© Sputnik / Стас Этвеш / Вишнякова Мария

Соли 1905  дар Ню-Йорк занеро барои дар дохили автомобил кашидани тамоку ҳабс карданд.

Соли 1941 Сурия давлати мустақил эълон шуд.

Соли 1953 Ҷопон қувваҳои миллии худмуҳофизатиашро таъсис дод.

Соли 1977  аввалин неругоҳи атомии Украина нахустин бор  ҷараёни барқ ҳосил кард.

Соли 1990 ИҶШС ба Интерпол ҳамроҳ шуд.

Рӯзи 27 сентябр дар Тоҷикистон чӣ рух дод

Cоли 2013 шаҳрдори Душанбе мусиқии баландро дар автобус ва дигар нақлиёти мусофиркаш манъ кард.

День 25 сентября
© Sputnik / Стас Этвеш / Вишнякова Мария

Соли 2013 дар шаҳри Душанбе бо ибтикори Иттифоқи журналистони Тоҷикистон ва Хадамоти муҳоҷирати назди Ҳукумати Ҷумҳурии Тоҷикистон дар мавзӯи «ВАО ва муҳоҷират» ҷамъомад баргузор гардид.

Соли 2013 дар Маҷмааи давлатии «Кохи Борбад» маросими ифтитоҳи намоиши серӯзаи молҳои содиротии ноҳияи мухтори Синзян-Уйғури Ҷумҳурии Мардумии Чин баргузор гардид.

Соли 2015 дар шаҳри Ню-Йорки ИМА Президенти Ҷумҳурии Тоҷикистон Эмомалӣ Раҳмон дар чорабинии сатҳи баланд дар ҳошияи саммити СММ оид ба мавзӯи «Ҳавасмандгардонии раванди татбиқи амалӣ ва дастёбӣ ба Ҳадафҳои рушди устувор дар соҳаи об», ки бо ибтикори Тоҷикистон ҷамъ омада буданд, суханронӣ карданд.

Соли 2013 дар маркази ноҳияи Тавилдара бинои муҳташами «Кохи фарҳанг» расман ба истифода дода шуд.

Соли 2018 Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Ӯзбекистон муҳтарам Шавкат Мирзиёев дар шаҳри Душанбе Боғи «Низомиддин Алишер Навоӣ»-ро мавриди баҳрабардорӣ қарор доданд.

Ҷашнҳои рӯзи 27 сентябр

  • Рӯзи байналмилалии туризм.
  • Дар Муғулистон – Рӯзи телевизион.
  • Дар Русия  — Рӯзи кормандони муассисаҳои томактабӣ.

Рӯзи 27 сентябр дар Тоҷикистон кӣ ба дунё омадааст

Таисия Иванова (1932) – доктори илми биолог.

Мавҷигули Зардодхон (1963-2011) – шоира.

Равшан Махсумзод (1963) – нависанда.

Боймуҳаммад Ниёзов (1927 – 2009) – сароянда, Ҳунарпешаи мардумии Тоҷикистон.

Людмила Никулина (1934) – журналист, Корманди шоистаи маданияти Тоҷикистон.

Зоя Румянсева (1916-2001) – доктори илми химия, профессор, Ходими шоистаи илми Тоҷикистон.

Хуршеда (Обидова ) (1974)- шоира.

0
Барчаспҳо:
Тоҷикистон, Ҷаҳон, ҷашн
Мавзуъ
Ҷашнҳои рӯзи 20 сентябр дар Тоҷикистон ва ҷаҳон
Ҷашнҳои рӯзи 22 сентябр дар Тоҷикистон ва ҷаҳон
Ҷашнҳои рӯзи 24 сентябр дар Тоҷикистон ва ҷаҳон
Ҷашнҳои рӯзи 25 сентябр дар Тоҷикистон ва ҷаҳон
Ҷашнҳои рӯзи 26 сентябр дар Тоҷикистон ва ҷаҳон