ДУШАНБЕ, 25 апр — Sputnik. Мудири хадамоти матбуотии вазорати тандурустии Эрон зимни ҷамъбасти натиҷаҳои эпидемияи коронавирус қайд кард, ки дар давоми 24 соат дар кишвар 1134 ҳолати нави сироятшавӣ ба коронавирус ташхис шудааст.
Ҳамчунин ба ишораи мудири хадамот, дар Эрон 89 328 беморони коронавирус ба қайд гирифта шудаанд.
Ҳамзамон, доктор Киёнуш Ҷаҳонпур илова кард, ки дар як шабонарӯз 76 нафар маризи коронавирус дар Эрон фавтиданд. Ба ин минвол, талафоти умумӣ аз эпидемия дар ин кишвар ба 5650 нафар баробар шудааст.
Эрон: наздик ба 60 ҳазор нафар аз коронавирус беҳбуд ёфт
Ёдовар мешавем, ки шумораи беморони гирифтори коронавирус дар ҷаҳон аз 2,8 миллион нафар зиёд аст. Ҳадди аққал 197 ҳазор мариз фавтида, беш аз 809 ҳазор нафар шифо ёфтанд ва аз беморхонаҳо бароварда шуданд.
