Эрон: шумори фавтидагон аз коронавирус коҳиш ёфт

404
(Таҷдидшуда 03:23 26.04.2020)
Вазорати беҳдошт, дармон ва омӯзиши пизишкии Эрон аз коҳиши шумори мубталоён ба бемории КОВИД-19 ва мавридҳои фавти бархоста аз ин беморӣ хабар дод

ДУШАНБЕ, 26 апр — Sputnik. Киёнуши Ҷаҳонпур, раиси маркази равобитумумӣ ва иттилоърасонии Вазорати беҳдошти Эрон ахиран дар гуфтугӯ бо хабарнигорон гуфт, дар Эрон дар 24 соати ахир 1134  бемори ҷадид ба қайд гирифта шуд, иттилоъ додааст Садои Хуросон.

Тибқи иттилои манбаъ, то кунун бар асоси меъёрҳои қатъии ташхисӣ, 89 ҳазору 328 нафар дар Эрон ба вируси корона олуда шудаанд.

Ҷаҳонпур ҳамчунин бо ишора ба фавти 76 нафар дар 24 соати гузашта афзуд, фавти ноши аз коронавирус  дар Эрон ба панҷ ҳазору  650 нафар расидааст.

Раиси Маркази равобитумумӣ ва иттилоърасонии Вазорати беҳдошти Эрон гуфт, раванди коҳишии мавориди фавти бархоста аз корона дар кишвар ҳамчунон идома дорад.

Теъдоди афроди мубтало ба вируси корона дар ҷаҳон низ ба беш аз ду миллиону  800 ҳазор нафар расидааст, ки аз ин теъдод камаш 197 ҳазор нафар ҷони худро аз даст додаанд ва беш аз 809 ҳазор нафар низ беҳбуд ёфта ва аз бемористонҳо рухсат ёфтаанд.

404
Барчаспҳо:
коҳиш, вазорат, беморӣ, пизишк, фавт, Эрон
Мавзуҳо:
Пайомадҳои COVID-19 дар Тоҷикистон ва ҷаҳон (494)
Актер Михаил Кокшенов.

Даргузашти ҳунарманди советӣ - Михаил Кокшенов

8
(Таҷдидшуда 18:13 05.06.2020)
Сабаби вафоти ҳунарманд то кунун муайян нашудааст. Кокшеновро мардум бо нақшҳои муассираш дар филмҳо мешиносанд

ДУШАНБЕ, 5 июн – Sputnik. Михаил Кокшенов - ҳунарманди шӯравӣ аз олам даргузашт. Дар ин бора Russia Today хабар медиҳад.

Даргузашти писари хурдии қаҳрамони Тоҷикистон аз коронавирус ва бемории писарбузургаш-ак

Аз даргузашти ҳунарманд шоира Любов Воропаева хабар додааст. Михаил Кокшенов дар синни 83-солагӣ даргузашт. Сабаби фавти ҳунарманд то ҳол маълум нест.

Кокшенов бо нақшҳояш дар филмҳои "Спортлото - 82", "Самая обаятельная и привлекательная", Ширли-мырли" ва дигарҳо машҳур аст.

8
Барчаспҳо:
ҳунарманд, даргузашт, Русия
Жители Узбекистана в защитных масках

Афзоиши мубталоёни коронавирус дар Ӯзбекистон: ба чор ҳазор наздик шуд

88
(Таҷдидшуда 17:09 05.06.2020)
Айни замон дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

ДУШАНБЕ, 5  июн — Sputnik. Дар ин кишвар давоми шабонарӯзи гузашта боз 26 ҳолати ҷадиди мубталошавӣ ба ин маризӣ сабт гардид, хабар медиҳад ситоди фаврии назди ҳукумати Ӯзбекистон.

Бо илова шудани 26 мавориди ҷадид, шумораи умуми дардмандон ба 3 965 нафар баробар шуд.

Гуфта  мешавад, ба қарибӣ дар ҷумҳурӣ 96 ҳолати нави COVID-19 ва снаи 3 июн - 83 нафар бо нишонаҳои ин беморӣ ба қайд гирифта шудааст.

Тибқи иттилои вазорати тандурустӣ, ҳоло дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

Ёдовар мешавем, ки аввалин ҳолати сироятёбӣ дар Узбакистон 15 март дар зане, ки аз Фаронса ба ватанаш баргашт, расман сабт шуд.

Ҳукумати Ӯзбекистон сар аз пайдоиши ин беморӣ дар ин кишвар чораҳи қатъӣ аз ҷумла қарантинаро роҳандозӣ кард.

Мубориза бо КОВИД-19: дар Бӯстон маҳлули хлор тақсим мекунанд

Ба наздикӣ мақомоти Узбакистон қарантинро дар ҷумҳурӣ то 15 июн тамдид карданд, аммо дар минтақаҳое шуюи коронавирус паст гаштанд аз 1 июн ба нуқтаҳои маишӣ ва гузаронидани тую маъракаҳо иҷозат дода шуд.

Ҳамчунин, аз 18 май инҷониб равуои нақлиёти мусофирбар байни Тошканд ва дигар минтақаҳои Узбакистон барқарор карда шуданд.

Аз 8 июн, дари мосоҷид ва дигар ибодатгоҳҳо ба рӯйи сокинон кушода хоҳад шуд.

88