Школьная ярмарка в Душанбе

Китоби Абдуқаҳҳори Қосим ба забони сербӣ нашр шуд

96
(Таҷдидшуда 13:18 28.04.2020)
Китоби шоир ва нависандаи тоҷик Абдуқаҳҳори Қосим таҳти унвони "Плес на киши" - "Рақс дар зери борон" бо забони сербӣ нашр гардид

ДУШАНБЕ, 28 апр — Sputnik. Дар нашрияи "Алма"-и шаҳри Белгради Сербия маҷмуаи ашъори шоири тоҷик, ҳамраиси Шӯрои адабии Ассамблеяи халқҳои УрОсиё Абдуқаҳҳори Қосим дар тарҷумаи шоира ва журналисти белградӣ Даяна Лазаревич таҳти унвони "Плес на киши" - "Рақс дар зери борон" бо забони сербӣ рӯи чоп омад.

Боиси тазаккур аст, ки ашъори шоири Турсунзодагӣ то имрӯз ба забонҳои англисӣ, немисӣ, испанӣ, чинӣ, португлӣ, озарӣ ва ӯзбекӣ тарҷума шуда, мавриди таваҷҷӯҳи шоирону мунаққидон ва шеърдӯстони бисёр кишварҳои дунё гаштааст.

Бино ба гузориши Вазорати фарҳанг, пешгуфтори ин китобро, ки аз шеърҳои ватандӯстӣ, ишқу поку беолоиш, зиндагӣ, табиат ва ҷавонмардӣ иборат мебошад, нависанда, шоир ва публитсисти машҳури сербӣ, доктори илмҳои фалсафа Милутин Ҷуричкович навишта, аз ҷумла гуфтааст:

"Бо идома додани таҷрибаи шинохташудаи тарҷумаҳои нав ва баландсифати адабиёти хориҷӣ, ин дафъа мо шоири муосир ва машҳури тоҷик, муаллифи даҳҳо китобҳои шеърӣ ва ғолиби бисёр ҷоизаҳои миллиро барои асарҳои пурифтихори худ, пешниҳод менамоем. Ин муаллиф – шоир Абдуқаҳҳори Қосим мебошад, ки бо забонҳои тоҷикӣ ва русӣ менависад.

Ашъори ў аввалин бор бо забони сербӣ дар китоби "Плес на киши" "Рақс дар зери борон" интишор мешавад ва ин як имконияти хеле хубест барои омӯхтани тамоюлҳои рушд, шоирӣ ва фарогирии бадеии шеъри муосири тоҷик.

Абдуқаҳҳор лирики нозуктабъ ва мустақим аст, ки дар бораи атрофиён, зиндагӣ ва муҳаббат, ифтихори ватандорӣ, табиат, ватандӯстӣ ва дигар мавзӯъҳо эҷод менамояд. Дар баробари милллатдӯст ва меҳанпараст буданаш ў то дараҷае инсонгаро ва якдил бо мардумон аст, ки муҳаббат ва садоқати худро на фақат ба халқи худ ва рус, балкӣ ба дигар миллату халқиятҳо ва муҳити атроф ошкоро изҳор менамояд".

96
Барчаспҳо:
шоир, китоб, нашри китоб, Сербия
Вспышка коронавируса в Китае

Associated Press:: Чин додани маълумот оид ба коронавирусро ба СҶБ рад кард

62
(Таҷдидшуда 01:10 04.06.2020)
Созмони ҷаҳонии беҳдошт дар нахустин лаҳазот аз мақомоти Чин дар бораи паҳншавии коронавирус ва ҳолати беморон маълумот гирифта натавонист

ДУШАНБЕ, 4  июн — Sputnik. Дар оғози авҷи шиддати нави коронавирус, Чин пешниҳоди иттилооти муҳимро дар бораи ин беморӣ ба Созмони Умумиҷаҳонии Тандурустӣ қасдан таъхир кард, хабар додаастхабар медиҳад Associated Press бо истинод ба сабти гуфтугӯҳои дохилии ТУТ.

Мушкилот бахусус дар ҳафтаи аввали моҳи январ шадид буд.

"Онҳо (мақомоти Чин - таҳрир.) онро (маълумот - таҳрир) ба мо 15 дақиқа пеш аз он ки он дар (телевизиони чинӣ – таҳрири) CCTV пайдо шавад, доданд",- гуфт Годен Галеа намояндаи ТУТ дар Чин, дар як маҷлиси дохилӣ.

Дар ҷаласаи дигари ТУТ, эпидемиолог Мария ван Керчов қайд кард, ки ин ташкилот ҳадди аққали маълумот дар бораи коронавирус ва сар задани беморӣ дорад. Аз ҷумла, дар бораи шумораи мубталоён ва ҳолати онҳо маълумоте набуд.

Вобаста ба вазъ дар миёнаи моҳ, намояндаи СҶТ оид ба ҳолатҳои фавқулода  Майкл Райан пешниҳод намуд, ки ба Чин фишор оварда шавад, то такрори вазъияти соли 2002 ҳангоми сар задани синдроми шадиди роҳи нафаскашӣ (SARS) пешгирӣ карда шавад.

"Дақиқ  ҳамон сенарияи пешина, талошҳои бепоён барои дарёфти иттилоъ аз Чин, ки чи рух дода итсиодааст", гуфт ӯ.

Associated Press ҳамчунин қайд мекунад, ки дар аввал, Чин ба Созмони Умумиҷаҳонии Тандурустӣ маълумот дар бораи геноми коронавирус, ки аз ҷониби якчанд лабораторияҳои ҳукумат рамзкушоӣ  карда шудаанд, пешниҳод накардааст.

Қаблан низ Доналд Тарам, президенти Амрико Чинро дар маҳфуз нигоҳ доштани иттилоъ дар бораи коронавирус муттаҳам карда, гуфт, агар маълум шавад, ки Пекин "дидаю дониста" маълумоти марбут ба коронавирусро пинҳон кардааст, Чин "ба ҷавобгарӣ кашида мешавад".

Раҳбари Амрико таъкид кард, ки ин вируси хатарнокро пеш аз пандемия дар Чин метавонист қатъ кард, аммо ҳоло тамоми ҷаҳон аз он дар азоб аст.

Нахустин мубталоёни ин вируси навро дар шаҳри Ухани Чин пайдо карданд.

Охирҳои моҳи декабр пизишкони шаҳри мазкур аз зуҳури бемории илтиҳоби шуши шубҳанок хабар доданд, ки пештар ба қайд гирифта нашуда буд.

Дертар маълум гардид, ки манбаи бемории мазкур вируси нави навъи 2019-nCoV будааст, ки сирояткунанда мебошад.

Вирус зуд берун аз шаҳр ва кишвар паҳн гардид. Феълан гирифторони короноврус қариб  дар саросари ҷаҳон ба қайд гирифта шудаанд.

Бар пояи оморҳо ахир, дар саросари ҷаҳон зиёда аз 6,46 миллион нафар ба коронавирус гирифтор шудаанд ва 382 ҳазор бемор аз сироят вафот карданд.

62
В ночном клубе, архивное фото

Шабнишинии блогери тоҷикистонӣ бо ситораҳои Русия дар замони авҷи COVID - 19 - видео

1027
(Таҷдидшуда 16:28 03.06.2020)
Блогери тоҷикистонӣ Мадина Басаева ба маҳдудиятҳои замони авҷи коронавирус нигоҳ накарда шабнишинӣ доир кард

ДУШАНБЕ, 3 июн - Sputnik. Блоги машҳури Русия Мадина Басаева (Дина Исаева) қоидаҳои ҷоришудаи карантиниро нақз карда шабнишинӣ доир кардааст ва ситораҳои санъати Русияро ба он даъват намудааст, хабар медиҳад шабакаи "360".

Дискотекаро блогер ба муносибати рӯзи барояш бисёр муҳим - бештар шудани шумораи ҳамвандонаш дар TikTok, ки аз 10 миллион нафар гузаштааст, барпо намуд.

Ӯ ба қоиҳаои карантинӣ дар кишвар нигоҳ накарда ин шабнишиниро барпо кардааст.

Аз наворе, ки Мадина дар саҳифааш дар инстаграм нашр кардааст, дида мешавад, ки барои муборакбодии ӯ Дима Билан ва Клава Кока омадаанд.

Дар шабнишинии блогер ҳамчунин ҳамкори дигараш блогери тоҷикистонӣ - Sasha Masskva низ ҳузур дошт.

Аз афташ дар ин шабнишинӣ касе хавфи гирифторӣ ба коронавирусро надоштааст, чун аз видео дида мешавад, чигуна меҳмонон биидуни ниқоб, дастпӯш ва риояи масофаи иҷтимоӣ ҳамдигарро ба оғӯш мекашанд ва рақс мекунанд.

Бояд гуфт, Мадина дар пойтахти Тоҷикистон шаҳри Душанбе ба дунё омадааст. Ӯ ҳамроҳи хонаводааш аввал ба шаҳри Екатеринбург ва баъдтар ба Маскав кӯчиданд.

Дар аввал ӯ бо фонаграмма суруд мехонд ва ҳаргуна видеоҳоро дар саҳифааш нашр мекард. Баъдтар ӯ ба TikTok гуфзашту акнун Мадинаро маликаи TikTok дар Русия унвон кардаанд.

Ахиран ӯ дар намоҳанги сарояндаи рус Егор Крид нақш офарид ва бо ширкатҳои бонуфузи Coca-Cola ва Dolce & Gabbana шартномаи ҳамкорӣ баст.

1027
Барчаспҳо:
шабнишинӣ, тоҷикистонӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Юношеская сборная Таджикистана  (U-16)

Қуръакашии чемпионати футболи Осиё-2020: рақиби мунтахаби кишвар ки хоҳад буд?

22
(Таҷдидшуда 09:13 04.06.2020)
Қуръакашии чемпионати Осиё-2020, ки дар он дастаҳои ҷавонони (U-16) ва ҷавонони (U-19) Тоҷикистон рақибони худро хоҳанд шинохт, рӯзи 18 июн дар қароргоҳи Конфедератсияи футболи Осиё дар Куала-Лумпур баргузор мешавад

ДУШАНБЕ, 4  июн — Sputnik. Тибқи иттилои сомонаи ФФТ, қуръакашии чемпионати Осиё-2020 миёни наврасон соати 17:00 ба вақти Душанбе шуруъ мешавад ва қуръакашӣ барои чемпионати Осиё барои мунтахабҳои ҷавонон соати 19:30 баргузор мешавад.

Конфедератсияи футболи Осиё таркиби сабади  қуръакашӣ барои финали Чемпионати Осиё-2020-ро эълон кард.

Дастаи мунтахаби наврасони Тоҷикистон (U-16) бо тимҳои Баҳрайн, Ҷопон ва Кореяи Ҷанубӣ дар сабади аввал қарор гирифт.

ФФТ мегӯяд,  ин маънои онро дорад, ки мунтахаби мо бешубҳа бо ин дастаҳо дар марҳилаи гурӯҳии чемпионат бозӣ намекунад.

Тибқи тақвими АФК, чемпионати Осиё байни наврасони зери 16-сола аз 16 сентябр то 3 октябр дар Баҳрайн баргузор мешавад.

Манбаъ мегӯяд, дастаи мунтахаби ҷавонони Тоҷикистон (U-19) дар сабқати Чемпионати Осиё-2020 дар якҷоягӣ бо дастаҳои Япония, Австралия ва Индонезия, ки бо онҳо, бешубҳа, дар ин мусобиқот дар ҳамон гурӯҳ бозӣ намекунанд, дар сабади дуввум ҷойгир шуданд.

Зепп Блаттер, собиқ президенти ФИФА гуфт, бо фишори ИМА аз мақомаш рафт

Чемпионати Осиё байни ҷавонон 2020 бояд аз 14 то 31 октябр дар Ӯзбекистон баргузор шавад.

Бояд қайд кард, ки чаҳор дастаи беҳтарини чемпионатҳои наврасон ва ҷавонони Осиё- 2020 ба мусобиқоти  ҷаҳонии соли 2021 роҳхат мегиранд, ки мутаносибан дар Перу (U-17) ва Индонезия (U-20) баргузор мешаванд.

22