Капур Риши индийский актёр

Даргузашти Риши Капур - ситораи синамои Ҳинд

621
(Таҷдидшуда 15:32 30.04.2020)
Ситораи синамои Ҳинд Риши Капур дар синни 68 солагӣ дар Ҳиндустон дар паи бемории саратон аз олам даргузашт

ДУШАНБЕ, 30 апр — Sputnik. Ситораи синамои Ҳинд писари яке аз ҳунармандон ва коргардони машҳури Ҳиндустон Раҷ Капур - Риши Капур аз олам чашм пӯшид.

Риши Капур, рӯзи чоршанбе дар синни 68-солагӣ аз олам даргузашт.

Риши Капур дар даҳҳо филм нақш офаридааст. Ҳамчунин ӯ чун коргардон ва продюсер машҳур аст. 

Риши Капур пас аз табобати саратон дар ИМА моҳи сентябри соли гузашта ба Ҳиндустон бозгашт.

Моҳи феврал ӯро ду маротиба барои табобат бистарӣ карданд.

Фарҳангиёни Ҳиндустон, сиёсатмадорон ва раҳбарияти кишвар дар ротиба ба даргузашти ситораи синамо ба аҳли хонаводаи ӯ изҳори таслият карданд.

Ёдрас мешавем, ки рӯзи чоршанбе ҳамчунин, ситораи дигари синамои Ҳинд Соҳибзода Ирфон дар синни 54-солагӣ даргузашт.

Ирфон Алихон бар асари бемории рӯда дар бемористоне дар шаҳри Бомбей ҷаҳонро падрӯд гуфт.

Ҳунарманд рӯзи гузашта ба далели уфунат дар ноҳияи рӯдаи бузург дар бахши муроқибатҳои вижаи бемористони дар Бамбей бистарӣ шуда буд.

Соҳибзода Ирфон Алихон байни мухотабони байналмилаллӣ барои бозӣ дар нақши пулис дар филми Миллионери зоғанишин шинохта мебошад.

Ин филми синамоӣ бисёр муваффақ буд ва тавонист дар ҳашт бахш барои ҷоизаи Оскар  номзад шавад,

Ирфон дар филмҳои Марди анкабудии шигифтангез (2012 ), Зиндагии Пи ( 2012 ) ва Дунёи Журосик (2015 ) нақшофаринӣ кардааст.

621
Барчаспҳо:
"Ситораи Шарқ", ситораҳо, даргузашт, Ҳиндустон
Логотип программы Skype на экране смартфона

Сӯҳбати сафири тоҷик бо намояндаи Бонки Исломии Рушд: аз ҳамкорӣ то коронавирус

48
Ҳарду ҷониб омодагии худро ҷиҳати тақвияти ҳамкорӣ барои дастгирии иқтисоди Тоҷикистон ва кумакҳои фаврӣ ба соҳаи тандурустӣ дар шароити ҳамагирии вируси нави COVID-19 таъкид доштанд

ДУШАНБЕ, 5 июн – Sputnik. Сафири Фавқулода ва Мухтори Ҷумҳурии Тоҷикистон дар Шоҳигарии Арабистони Саудӣ Заробиддин Қосимӣ 2 июн бо Иҷрокунандаи вазифаи мудири амалиёти асосии Бонки Исломии Рушд Жан Мишел Ҳеппӣ  суҳбати видеоӣ анҷом дод, гузориш медиҳад хабаргузории "Ховар" дар истинод ба Сафорати Тоҷикистон дар Арабистони Саудӣ.

"Дар вохӯрӣ масоили тақвияти ҳамкорӣ байни Ҷумҳурии Тоҷикистон ва бонки мазкур мавриди баррасӣ қарор гирифт", - тавзеҳ медиҳад манбаъ.

Ҳарду ҷониб омодагии худро ҷиҳати тақвияти ҳамкорӣ барои дастгирии иқтисоди Тоҷикистон ва кумакҳои фаврӣ ба соҳаи тандурустӣ дар шароити ҳамагирии вируси нави COVID-19 таъкид доштанд.

Охирҳои моҳи сентябри соли 2019 Бонки миллии Тоҷикистон эълон намудааст, ки ба аввалин бонки исломӣ дар Тоҷикистон “Тавҳидбонк” иҷозатномаи фаъолият додааст.

Ба иттилои масъулини бонки миллӣ таъсиси ин бонк барои ҷалби сармояи хориҷӣ ва кушодани бонкҳои нав бо принсипи бонкдории исломӣ дар Тоҷикистон мусоидат хоҳад кард.

 

48
Актер Михаил Кокшенов.

Даргузашти ҳунарманди советӣ - Михаил Кокшенов

101
(Таҷдидшуда 18:13 05.06.2020)
Сабаби вафоти ҳунарманд то кунун муайян нашудааст. Кокшеновро мардум бо нақшҳои муассираш дар филмҳо мешиносанд

ДУШАНБЕ, 5 июн – Sputnik. Михаил Кокшенов - ҳунарманди шӯравӣ аз олам даргузашт. Дар ин бора Russia Today хабар медиҳад.

Даргузашти писари хурдии қаҳрамони Тоҷикистон аз коронавирус ва бемории писарбузургаш-ак

Аз даргузашти ҳунарманд шоира Любов Воропаева хабар додааст. Михаил Кокшенов дар синни 83-солагӣ даргузашт. Сабаби фавти ҳунарманд то ҳол маълум нест.

Кокшенов бо нақшҳояш дар филмҳои "Спортлото - 82", "Самая обаятельная и привлекательная", Ширли-мырли" ва дигарҳо машҳур аст.

101
Барчаспҳо:
ҳунарманд, даргузашт, Русия
Руководитель отдела экономики Института стран СНГ Аза Мигранян

Коршинос: барномаи зиддибӯҳронии Тоҷикистон ду моҳ дер тасвиб шуд

0
Тоҷикистон аз ҳисоби кадом маблағҳо соҳибкоронро дастгирӣ хоҳад кард ва оё ин иқдомҳоро буҷаи кишвар мебардорад ё не - ба ин саволҳо коршинос, иқтисодшиноси Пажӯҳишгоҳи ИДМ Аза Мигранян посух гуфт

Ҳукумати Тоҷикистон барномаи зиддибӯҳронии замони пандемияи коронавирусро қабул кард, ки ба дастгирии соҳибкорон ва аҳолӣ равона гардидааст.

Имрӯз, 5 июн чанд фармони раисҷумҳури Тоҷикистон Эмомалӣ Раҳмон ба имзо расид, ки мувофиқи он чанд гурӯҳ соҳибкорон аз андоз озод карда шуда, ба қишри осебпазир кӯмакпулӣ таъин ва боло бурдани арзиши барқу хизматрасониҳои коммуналӣ мавқуф карда шуд.

Мигранян о том, за счёт чего в Таджикистане будут поддерживать бизнес

"Дар ҳар як кишвар захираи муайяне ҳаст, ки ба истилоҳ захираҳои ғайрибуҷавӣ гуфта мешавад. Ин гуна буҷа дар Тоҷикистон низ ҳаст", - гуфт Миграниян дар сӯҳбат бо Sputnik Тоҷикистон.

Ба гуфтаи коршинос, таҳлили он ки иқдомҳои зиддибӯҳронии Ҳукуматро буҷаи Тоҷикистон мебардорад ё не, ғайриминтақист, зеро феълан маълум нест, ки барои ин иқдоми Ҳукумат чӣ қадар маблағ лозим аст.
"Фаҳмиши норасоии буҷа нисбӣ аст. Ҳама гуна кишвар бо норасоии буҷа метавонад то дер  арзи вуҷуд дошта бошад", - таъкид мекунад коршинос.

 

Ба гуфтаи ӯ, ин ҷо гап дар бораи дастгирии аҳолӣ ва тиҷорати хурд меравад.

"Ҳамааш аз он вобаста аст, ки то кай дар Тоҷикистон маҳудиятҳои фаъолияти иқтисодӣ амалӣ мешавад. Агар маҳдудиятҳо фарогир бошанд, пас ин ҳамагӣ дастгирии хурдест. Агар маҳдудиятҳо кутоҳмуддат ва маҳдуд бошанд, ҳамин тавре ки ҳоло дар Тоҷикистон рӯи кор меоянд, ин дастгирӣ ба аҳолӣ ва тиҷорати хурд назаррас хоҳад шуд".

Вай афзуд, ки вақте ҷараёни даромад нест, ихтисори андоз, пардохтҳои ҳатмӣ ва харҷҳои гуногун метавонад ба қисми рақобатпазир дар кам шудани талабот ба маводи онҳо дар мӯҳлати муайян кӯмак кунад. Аммо ин истеҳсолоти заифро наҷот намедиҳад.

"Сухан дар бораи дастгириҳои иҷтимоӣ бо мақсади тавонмандии харидории аҳолӣ меравад. Ин чораҷӯиҳо барои бештари кишварҳои ҷаҳон стандартӣ мебошанд", - тавзеҳ медиҳад ӯ.

 

Ин иқдомҳои Тоҷикистон ду моҳ дер қабул шуданд, гуфт дар анҷом Мигранян.

0