Ҳама ҷо хонаи ишқ аст, чӣ масҷид, чӣ куништ: тоҷикон ба намози дастаҷамъӣ ҳамроҳ мешаванд

2759
14 май мардуми тамоми сайёра, новобаста аз эътиқодашон тибқи дини худ даст ба дуо бардоштаву аз Худованд илтиҷо хоҳанд кард, ки мардумро аз коронавирус наҷот диҳад. Тоҷикистон низ ба ин намози дастаҷамъӣ ҳамроҳ мешавад

ДУШАНБЕ, 12 май – Sputnik. Ҷомеаи мусалмонони Тоҷикистон ба намози дастаҷамъие, ки мардуми тамоми сайёра рӯзи 14 май хоҳанд гузошт, ҳамроҳ мешавад, хабар додааст, Саидмукаррам Абдулқодирзода, раиси шӯрои уламо.

Комиссияи олии "Бародарии инсонӣ", ки қароргоҳаш дар Амороти Муттаҳидаи Араб воқеъ аст, аз тамоми мардуми ҷаҳон даъват ба амал овард, ки рӯзи панҷшанбе, 14 май тибқи оини дин, мазҳаб ва таълимоти худ даст ба дуо бардоранд, аз Худованд илтиҷо намоянд, ки   COVID-19-ро  бартараф созад, инсониятро аз ранҷу азобҳои имрӯза наҷот диҳад ва ба олимон кумак кунад, то табобати онро пайдо намоянд ва дунёро аз оқибатҳои тиббӣ, иқтисодӣ ва гуманитарии пандемияи коронавирус наҷот диҳанд.

"Ҳар яки мо, дар тамоми ҷаҳон, бояд мувофиқи қоидаҳои дин ё эътиқоди худ дуо гӯем ва аз Худованд хоҳиш кунем, ки дунёро аз мусибатҳои умумиҷаҳонӣ наҷот диҳад", — гуфта мешавад дар изҳороти кумита.

Муъминон инчунин бояд аз Худованд илтиҷо намоянд, ки ба олимон равшанӣ фиристад, то онҳо ваксина ё даворо бар зидди беморӣ пайдо кунанд, ки ҷаҳонро аз мушкилоти глобалӣ дар соҳаҳои гуманитарӣ, иқтисодӣ ва тиббӣ наҷот диҳад.

Кумита бо чунин муроҷиат ба пешвоёни мазҳабии саросари ҷаҳон муроҷиат карда, изҳор дошт, ки пас аз рафъи пандемия Замин беҳтарин макон барои зиндагии  инсонҳо хоҳад шуд.

Абдулқодирзода гуфт, киҳо бояд ба масҷид нараванд: "гунаҳкор мешаванд"

"Мо низ ин даъватро қабул кардем, онро тасдиқу дастгирӣ менамоем ва 14 май ҳатман дуо мекунем, ки инсоният аз ин беморӣ халос шавад", — гуфт роҳбари Шӯрои уламои Ҷумҳурии Тоҷикистон, муфтӣ Саидмукаррам Абдуқодирзода ба "Ховар".

 

 

2759
Тест-системы для диагностики нового коронавируса

Чин доруи зидди коронавирусро то авохири соли ҷорӣ вориди бозор мекунад

637
(Таҷдидшуда 14:19 31.05.2020)
Чин дар баробари талоши ҷаҳон барои ба даст овардани доруи зидди коронавирус эълон намудаст, ки ваксинро то авохири соли ҷорӣ вориди бозор мекунад

ДУШАНБЕ, 31 май — Sputnik.Чин рӯзи якшанбе эълом кардаст,  дар ҳоли ҳозир панҷ ваксинаи зидди коронавирус дар ин кишвар дар ҳоли гузарондани марҳалаҳои мухталиф аз ҷумла озмоишҳои клиникӣ ҳастанд.

Бар хабари шабакаи Алъолам, ваксинаи муштараки озмоишгоҳи биологики Ухан пешрафти бештаре дорад ва эҳтимолан то поёни соли ҷорӣ  равонаи бозор гардад.

Ин ваксина, ки акнун дар марҳалаи дуввуми озмоиш қарор дорад то кунун рӯи ду ҳазор нафар озмоиш шуда ва зарфияти тавлиди солона 100 миллиард  дозаро дорад.

Дар ҳамин ҳол, чанде қабл Вазорати тандурустии Русия аввалин доруи сохти ватании зидди коронавирусро барои истеҳсол иҷоза дод.

Замони озмоиши ваксин алайҳи коронавирус дақиқ шуд

Маводи доруворӣ бо тамғаи иҷоратии "Авифавир" аз ҷониби Фонди сармоягузории мустақими Русия (РФПИ) ва гурӯҳи ширкатҳои "Химрар" таҳия карда шудааст.

Гуфта мешавад, Авифавир нахустин доруи мустақими вирусии сохти  Русия аст, ки дар озмоишҳои клиникӣ самараи худро нишон додааст.

Дору ба паҳншавии коронавирус дар тамоми бадани инсон халал мерасонад.

Қаблан Созмони Ҷаҳонии Беҳдошт гуфта буд, ки бидуни ваксина пандемияро комилан мағлуб кардан имкон надорад.ead more: https://sputnik-tj.com/health/20200531/1031328665/Avifavir-nakhustin-dorui-ziddi-COVID-19-dar-Rusiya-az-sui-Vazorati-tandurusti-tasdiq-shud.html

637
Барчаспҳо:
бозор, дору, Чин
Мавзуҳо:
Пайомадҳои COVID-19 дар Тоҷикистон ва ҷаҳон
Город Медина в Саудовской Аравии, архивное фото

Бомдоди имрӯз дар Арабистон дари 90 ҳазор масҷид ба рӯйи намозгузорон боз шуд

667
Субҳи имрӯз дари беш аз 90 ҳазор масоҷид пас аз танаффуси тӯлонӣ ба рӯйи намозгузорон дар Арабистони Саудӣ боз шуд

ДУШАНБЕ, 31 май — Sputnik. Зиёда аз 90 ҳазо масҷидҳо ва ибодатгоҳҳо дар саросари Арабистони Саудӣ пас аз тавақуфи тӯлонӣ дар пайи паҳншавии коронавирус бомдоди имрӯз боз шуданд.

Дар бораи имрӯз кушодашавии ин рақам масоҷид Вазорати корҳои исломии Саудӣ дар сафҳаи Твиттерияш хабар дода буд.

"Омодагиҳои ниҳоӣ пеш аз оғози боз шудани беш аз 90 ҳазор масҷид ва ибодатхонаҳо  дар тамоми Арабистони Саудӣ барои намози бомдоди якшанбе идома доранд", - омадааст дар иттилоияи вазорат.

Вазорат ҳузури одамони пиронсол ва кӯдаконро ҳангоми намозҳо номатлуб номидааст.

Ҳамзамон гуфта мешавад, аз намозгузорон даъват шудааст ба намоз танҳо бо ниқоб омада, инчунин масофаи ду метрро нигоҳ доранд, ки барои ин дар қолинҳои масҷид аломатҳои махсус гузошта шудаанд.

 Ба иттилои манбаъ,  масҷидҳоро танҳо 20 дақиқа пеш аз оғози намоз боз мекунанд ва пас аз 20 дақиқаи адои намоз баста мешаванд.

Бар пояи оморҳои ахир теъдоди гирифторони коронавирус дар Арабистони  Саудӣ ба 83 384 нафар мерасад. Ҳамзамон аз ин беморӣ 58 883 нафар шифо ёфтаву 4 80 тани дигар фавтидаанд.

667
Барчаспҳо:
намоз, масоҷид, Арабистони Саудӣ

Ҷашнҳои рӯзи 1 июн дар Тоҷикистон ва ҷаҳон

0
(Таҷдидшуда 23:23 31.05.2020)
Рӯзи якуми июн ҳамчун Рӯзи умумиҷаҳонии муҳофизати кӯдакон қайд мешавад. Ҳамчуниндар Тунис Рӯзи Конститутсия ва дар Муғулистон Рӯзи модару кӯдак таҷлил мешавад

Рӯзи 1 июн дар ҷаҳон чӣ рух дод

Соли 1862 дар саросари ИМА ғуломдорӣ манъ карда шуд.

Насилие, архивное фото
© CC0 / Pixabay
Насилие, архивное фото

Соли 1869 бақайдгирандаи электронии  овоздиҳӣ ихтироъ карда шуд.

Соли 1935 дар Англия барои гирифтани шаҳодатномаи ронандагӣ ва рақами автомобил имтиҳон ҷорӣ карда шуд.

Соли 1858 дар Канада аввалин танга истеҳсол карда шуд.

Соли 1938 аввалин шумораи маҷаллаи ҳаҷвии "Action Comics" нашр шуд.

Рӯзи 1 июн дар Тоҷикистон чӣ рух дод

Соли 2009 раисҷумҳури Тоҷикистон Эмомалӣ Раҳмон "Дар бораи таҷлили зодрӯзи Мавлоно Ҷалолиддини Балхӣ" фармон имзо карданд, ки пас аз он дар Ҷумҳурии Тоҷикистон ҳар сол 30 сентябр чун Рӯзи Мавлоно таҷлил карда мешавад.

День 31 мая
© Sputnik / Стас Этвеш / Вишнякова Мария

Соли 2012 сафари Эмомалӣ Раҳмон ба Ҷумҳурии Мардумии Чин аз музофоти Фуҷиан, ки дар ҷанубу шарқи ин кишвар қарор дорад, оғоз ёфт. Cоли 2014 Сарвари давлат  Эмомалӣ Раҳмон ба  боғи "15-солагии истиқлоли Тоҷикистон", ки бунёдаш 8 сол пеш, 18 феврали соли 2006 бо иштироки бевоситаи Сарвари давлат оғоз ёфта буд, ташриф оварданд. Ин боғи 450-гектара пурра ба ҳосил омада, соли дуюм аст, ки аз он ҳазорон нафар ризқи фарох ҳосил мекунанд.

Соли 2010 маросими ботантанаи ба истифода додани бинои нави Муассисаи давлатии "Маркази миллии тавонбахшии кӯдакони маъюб "Чорбоғ" дар ноҳияи Варзоб"  баргузор гардид. Барои бунёди бинои мазкур аз ҷониби Ҳукумати Ҷумҳурии Тоҷикистон 800 ҳазор сомонӣ ҷудо гардида буд.

Ҷашнҳои рӯзи 30 май дар Тоҷикистон ва ҷаҳон

Соли 2010 дар қароргоҳи Конфедератсияи футболи Осиё дар шаҳри Куала Лумпури Малайзия  рӯйхати дастаҳои футболе, ки дар бозиҳои олимпии Лондон-2012 иштирок мекарданд, ба тасвиб расид. Ба он  34 дастаи футболбозон, аз ҷумла, дастаи миллии Тоҷикистон низ шомил шуд.

Соли 2011 Парлумони Тоҷикистон лоиҳаи Қонуни ҶТ "Дар бораи Палатаи ҳисоби Ҷумҳурии Тоҷикистон"-ро ба тасвиб расонид.

Моли 2016 дар Филармонияи давлатии Тоҷикистон ба номи Акашариф Ҷӯраев ба муносибати 25-солагии Истиқлолияти давлатии Ҷумҳурии Тоҷикистон даври ниҳоии фестивал-озмуни чумҳуриявии "Тараннуми истиқлол" баргузор гардид.

Соли 2018 дар шаҳри Душанбе таҳти раёсати Сарвазири мамлакат Қоҳир Расулзода ҷаласаи Шўрои сарони ҳукуматҳо-сарвазирони кишварҳои аъзои ИДМ доир гардид

Ҷашнҳои рӯзи 1 июн

  • Рӯзи  умумиҷаҳонии муҳофизати  кӯдакон.
  • Дар Самоа —  Рӯзи истиқлолият.
  • Дар Тунис- иди умумимиллӣ- Рӯзи Консититутсия.
  • Дар Муғулистон — Рӯзи модару кӯдак.
  • Дар Ҷумҳурии Палау — Рӯзи президент
0
Барчаспҳо:
ҷашн, ҷаҳон, Тоҷикистон