Боевики движения Талибан

Амрико тасмим дорад Толибонро ба поёни ҳамлаҳо ва оташбас ташвиқ кунад

140
(Таҷдидшуда 14:23 22.05.2020)
Намояндаи вижаи Амрико дар умури Афғонистон бо мақомоти ин кишвар дидор ва дар бораи эҳёи тавофуқномаи шикастхӯрдаи Қатар гуфтугӯ кард

ДУШАНБЕ, 22 май — Sputnik. Залмай Халилзод, ки аз Қаттар ба Кобул сафар кардааст, чоршанбе шаб бо раиси ҷумҳур ва раиси Шурои олии мусолиҳаи миллии Афғонистон дидор ва изҳори умедворӣ кард, ки битавонад Толибонро ба поёни ҳамлаҳо ва оташбас ташвиқ кунад, иттилоъ додааст Садои Хуросон.

Озодии зиндониёни Толибон ва нирӯҳои давлатии Афғонистон ва музокироти сулҳ миёни гуруҳҳои афғон ва Толибон аз муҳимтарин мавзӯоти мавриди баҳси ин дипломати амрикоӣ бо Ашраф Ғанӣ ва Абдуллоҳ Абдуллоҳ буд.

Дар ҳафтаи гузашта низ Залмай Халилзод барои фиреби афкори умумӣ ба пойбандии Амрико ба тавофуқномаи Қатар, ба кишварҳои Қатар, Ҳинд ва Покистон сафар карда буд, ки бенатиҷа ба Вашингтон бозгашт.

Пас аз имзои тавофуқномаи ба истилоҳ сулҳ миёни Толибон ва Амрико дар Қаттар дар санаи 29 моҳи феврал, ҳамлаҳо ва даргириҳои ин гуруҳ ва неруҳои давлатии Афғонистон афзоиш ёфтааст ва ба кушта ва захмӣ шудани садҳо нафар аз тарафайн сабаб шудааст.

140
Барчаспҳо:
Амрико, Қатар, тавофуқнома, мақомот, Афғонистон
Врач Фазила Файзмамадова

"Иродаи қавӣ": пизишки ҷавони тоҷик худ ва фарзандашро аз коронавирус дар Маскав наҷот дод

468
(Таҷдидшуда 12:51 04.06.2020)
Фазила мегӯяд иродаи қавӣ ва рӯҳан афтода нашудан дар пирӯз шудан бар ин маризӣ бисёр нақши муассир дорад. Некбин будан бисёр зарур аст  ва ба сиҳат шудани худ бояд боварӣ дошт

ДУШАНБЕ, 4  июн — Sputnik. Фазила Файзмамадова худ пизишки гушу бинӣ буда дар яке аз муассисаҳои тиббиӣ ғайридавлатӣ дар Русия аз рӯи ихтисоси худ фаъолият мекунад. Замоне, ки маризии сироятии коронавирус ба ин кишвар расид, Фазила ҳамарӯза ба қабули беморон машғул буд. Фаъолияти муассисаи онҳо пас аз баромади кишвардори Русия Владимир Путин бобати эълони рӯзҳои ғайрикорӣ мутафаққиф шуд.

Ин пизишки тоҷик дар қатори садҳо шаҳрвандони Русия ва ҳамзамон даҳҳо муҳоҷирони корӣ гирифтори вируси COVID – 19 шуд. 

Фазила дар сӯҳбат ба Sputnik Тоҷикистон аз рӯзҳои аввали гирифторшавӣ ба ин маризӣ ва то пирӯз шудан бар беморӣ қисса кард.

Маризӣ

Пизишки тоҷик мегӯяд, ба эҳтимоли зиёд ба ин маризӣ на дар ҷойи кори худ, балки дар манзили иқоматаш  мубтало шуд.

Ӯ ба мисли даҳҳо муҳоҷирон ҳамроҳ бо пайвандони ҳамсари худ дар минтақаи "Булвар Ракосовская"  дар хонаи иҷора мешинад.

Таъсири коронавирус ба ҳамкориҳои  Маскав, Вашингтон ва Пекин

"Яке аз пайвандони ҳамсари ман дар мағозае ба ҳайси фаррош кор мекунад ва ба фикри ман ин маризиро маҳз ӯ ба хонаводаи мо ворид кард. Тасб дошт ва аҳволаш вазнин буд. Ман ҳар бегох ба ӯ чак - чак ва сӯзандору мегузарондам. Як рӯз вақти сӯзандорӯ гузарондан нӯги сӯзан нохост ба дасти ман халид ва вазъи ман аз рӯзи баъдӣ бад шудан гирифт", - ба ёд овард Фазила аз гирифтор шудани худ ба ин маризӣ.

Ӯ мегӯяд, шояд ин вирус тавассути сӯзан ба баданаш  ворид шуд ва ҷараёни паси сар кардани маризӣ дарозу вазнин тӯл кашидаст.

"Се рӯзи аввал тасб мекардам, сулфаи хушк доштам, аммо вазнин набуд".

Фазиларо аз ҳама беш бемадорӣ ва дарди устухонҳои дасту пой азият додааст. Ҳамчунин сӯзиши қафаси сина ва пушти гарданаш низ ҳафтаҳо давом мекард.

Ӯ мегӯяд, аз рӯзи аввали гирифтор шудан ба беморӣ даррав ба табобати худ шурӯъ кард, аммо на духтур рафту на пизишконро назди худ хонд.

"Шояд гузарондани сӯзандору ва истеҳмоли доруҳои зиддӣ вирусӣ то ҳадде роҳи паҳншавии ин маризиро дар бадани ман боз дошт" - мегӯяд ӯ.

Фазила мегӯяд, аҳволи беморонро бештар хабару маълумотҳое, ки бобати ин маризӣ дар шабакаҳои иҷтимоӣ паҳн мекунанд, вазнинтару бадтар мегардонад.

“Ман пас аз тамошои як навор, ки дар он маризи вируси COVID – 19 аломатҳои бемории худ ва то пайваст шудан ба  дастгоҳи нафасдиҳии сунъӣ нақл мекард, якбора бемадор шудам. Зеро ҳамаи аломатҳое, ки ӯ номбар мекард ман ҳам аз онҳо ранҷ мебурдам. Маро даҳшате фаро гирифт”.

Аммо ба хотири кӯдаки 7 – солаи худ, набардашро аз ҳуҷуми вируси COVID – 19 идома медод.

Супоридани ташхис

Нафастангиро Фазила дар ҳафтаи дуюм ҳис кард ва пас аз ин даррав пеши духтур шитофт.

"Аз танг шудани нафасам дар ҳарос мондам. Агар қаблан ба гирифтор будани худ ба маризии сироятии коронавирус шиква медоштам, пас аз мушкил шудани нафаскашиям боварӣ ҳосил кардам, ки дар ҳақиқат ман ҳам ба доми ин вирус афтодам".

Дар муолиҷахона (поликлиника), пизишки навбатдор аввал тасби ӯро санҷида, фаъолияти шушҳояшро гӯш кард.

Ба дархости Фазила барои гузаштан аз ташхиси компютерӣ табиб ҷавоби рад додаст. Танҳо пешниҳод намудаст, ки метавонад ташхис аз бинӣ ва гулӯи ӯро барои гирифтор будан ва ё набуданаш ба коронавирус бигарад.

Пас аз як ҳафта ба ин табиби тоҷик натиҷаи ташхисашро тариқи занги телефонӣ расонданд ва гуфтанд, ки ӯ гирифтори вируси COVID – 19 мебошад.

Власова дар бораи боз кардани сарҳади Русия: бе муҳоҷирон намешавад

Дар ин асно кӯдаки 7 – солаи ӯ низ тасб кард ва нишонаҳои бемадорӣ дар ӯ зуҳур мекарданд. Пас аз ташхиси табибон маълум гардид, ки духтарчаи ӯ низ гирифтори ин вирус аст.

"Кӯдакам хушбахтона бо сабукӣ ин бемориро паси сар кард", - мегӯяд ӯ.

Бо дақиқ шудани ташхиси ӯ аз Маркази COVID – 19 дар Маскав ҳамарӯза ба телефони Фазила занг зада, аз вазъи саломатии ӯ пурсон мешуданд.

"Ин маризӣ бо гузашти як моҳ маро ба ҳолам гузошт. Дигар хастагӣ ва сӯзиши қафаси сина ва пуштамро эҳсос намекардам. Ба хулоса омадам, ки иродаи қавӣ ва рӯҳан афтода нашудан дар пирӯз шудан бар ин маризӣ бисёр нақши муассир дорад. Некбин будан бисёр зарур аст  ва ба сиҳат шудани худ бояд боварӣ дошт".

Дар Русия ба мисли Фазила даҳҳо шаҳрвандони Тоҷикистон ба ин маризӣ гирифтор шуданд. Хушбахтона қисмати зиёди беморон ин вирусро бо сабукӣ паси сар карданд, аммо сафи тоҷикистониёне, ки бар  асари гирифтор шудан ба ин беморӣ ҷон аз даст додаанд, мутаасифона кам нест.

Бар хабари Вазорати умури хориҷии Тоҷикистон танҳо аз санаи 19 то 30 – юми май аз Федератсияи Русия 58 тобути шаҳрвандони кишвар ба ватан интиқол дода шуд.

Ин ҳам дар ҳолест, ки муддати беш аз 1 моҳ равобити ҳавоӣ миёни Тоҷикистону Русия баста буд. Ҷасади аксар шаҳрвандони Тоҷикистон, ки бар асари ин маризӣ дар Русия ҷон бохтанд, имкони ба ватан мунтақил намудан мавҷуд набуд. Аз ин рӯ, онҳоро дар қаламрави Русия ба хок супурданд.

468
Барчаспҳо:
маризӣ, тоҷик, пизишк, Маскав
Мавзуҳо:
Пайомадҳои COVID-19 дар Тоҷикистон ва ҷаҳон
Верующий на намазе в мечети, архивное фото

Масоҷид ва марказҳои мусалмонӣ дар вилояти Маскав дубора ба кор даромаданд

168
(Таҷдидшуда 10:53 04.06.2020)
Ҳоло масҷидҳо танҳо барои ташрифи инфиродӣ дастрасанд ва бо риояи қатъии қоидаҳои санитарӣ ба роҳ монда шуданд

ДУШАНБЕ, 4  июн — Sputnik. Дар вилояти Маскав  пас аз сабукгардонии чораҳои маҳдудсозӣ вобаста ба пандемия масҷидҳо ва марказҳои мусалмонӣ боз шуданд, хабар медиҳад хадамоти матбуоти Шӯрои Муфтиёни Русия.

Аммо, ҳоло онҳо танҳо барои боздидҳои инфиродӣ дастрасанд ва бо риояи қатъии қоидаҳои санитарӣ амалӣ карда мешаванд.

Қайд карда мешавад, ки намози ҷумъа танҳо дар ҳавои кушод дар Ногинск, Старая Купавна, Орехово-Зуево, Шелково, Солнечногорск, Наро-Фоминск, Звенигород, Родники, Коломна, Яхрома, Зарайск, Домодедово, Тучково ва Шаховский баргузор мешавад.

Дар ҷамоаҳои боқимондаи мусулмонони вилояти Маскав намози ҷумъа баргузор нахоҳад шуд.

То беҳтар шудани вазъи эпидемиологӣ онҳо онлайнӣ баргузор карда мешаванд.

Гуфта мешавад, ҳамзамон риояи қатъии меъёрҳои санитарӣ ҳатмӣ мебошад. Мӯъминон бояд бо худ ниқобҳои тиббӣ ва дастпӯшак дошта бошанд ва инчунин пешниҳод мешавад, ки бояд масофаи иҷтимоӣ риоя шавад.

Ёдрас мешавем, қаблан маълум шуда буд, ки аз 6 июн дар Маскав масҷидҳо боз хоҳанд шуд. Ва ду рӯз пеш  1 июн, дар пойтахти Русия, дар реҷаи озмоишӣ, Масҷиди марказӣ дарҳои худро барои намозгузорон боз кард.

168
Барчаспҳо:
макони ибодати мусулмонон, мусалмонон, кушодашавӣ, масоҷид, Русия
Эмомалӣ Раҳмон, раисиҷумҳури Тоҷикистон ҳангоми додани мукофот ба соҳибкор Муҳиб Бобоҷонов

Бобоҷонов боз 1 миллион сомониро барои мубориза бо COVID - 19 дод

89
Соҳибкор Муҳиб Бобоҷонов барои мубориза бо COVID - 19 дар Тоҷикистон боз як миллион сомонӣ хайр кардааст

ДУШАНБЕ, 4 июн — Sputnik. Муҳиб Бобоҷонов нимаи моҳи май ба табибони Рашт 200 ҳазор сомонӣ ҳадя карда,  баъдтар боз  барои пешгирии бемории коронавирус 1 миллион сомонӣ тақдим кард, хабар дод нашрияи “Садои мардум”.

Пештар Бобоҷонов барои 400 табиби ноҳияи Рашт дар ҳаҷми 500 сомонӣ ба ҳар кадомашон тақсим карда буд.

Президенти кишвар Эмомалӣ Раҳмон  зимни ироаи паёми ахираш  ба Маҷлиси Олӣ аз корномаи ин соҳибкор  тавсиф намуда, гуфт, Муҳиб Бобоҷонов — сокини 80-солаи ноҳияи Рашт якҷо бо фарзандонаш соли гузашта 42 километр ва имсол 16 километр роҳро азнавсозӣ карда, толори варзиш, пул, чоҳҳои обкашӣ ва чор хонаи истиқоматӣ барои маъюбон ва оилаҳои камбизоат сохта, ҳоло ба масофаи 10 километр хатти оби нӯшокӣ кашида истодааст ва мақсад дорад, ки дар шаҳри Душанбе як корхонаи бузурги нассоҷӣ бунёд намояд.

Таъкид мешавад, Муҳиб Бобоҷонов ва писарони саховатпешааш Раҳимҷон, Шарафҷон ва Бегиҷон дар ҳалли мушкилоти мардуми ноҳия ва минтақаи Рашт пайваста кумак мекунанд.

Ахиран Раҳимҷон Бобоҷонов,  тоҷири тоҷики  муқими Русия ва писари Муҳиб Бобоҷонов  се миллион рублро ба муҳоҷирине, ки дар шароити пандемия бекор монда буданд, тақсим кард.

89
Барчаспҳо:
кумак, сомонӣ, миллион, Тоҷикистон