Вакцинация, архивное фото

Дар Русия эмкунии оммавӣ бар зидди коронавирус тирамоҳ баргузор мешавад

502
(Таҷдидшуда 19:43 02.06.2020)
Агар коркарди ваксин бомуваффақият анҷомад, дар тирамоҳ аллакай эмкунии оммавӣ шурӯъ мешавад, аммо ҳоло ҳамагон бояд бо назардошти хатарҳои сироят шудан ба ин вирус чӣ гуна зиндагӣ карданро омӯзанд

ДУШАНБЕ, 2 июн - Sputnik. Дар Русия аллакай сар аз тирамоҳ эмкунии оммавӣ алайҳи коронавирус оғоз меёбад, изҳор дошт муовини сарвазир Дмитрий Чернишенко дар ҷараёни як брифинг.

"Тавре шумо медонед, кор дар самти истеҳсоли ваксин босуръат идома дорад. Мо интизори натиҷаҳо мебошем ва коршиносон мегӯянд, ки агар  самаранокии ваксин дақиқ шавад, аллакай сар аз тирамоҳ эмкунии оммавӣ оғоз мешавад. Вале ҳоло мо бояд дар шароити хуруҷи ин вирус зиндагӣ карданро ёд гирем", - тавзеҳ додааст муовини сарвазир.

Зимнан, ба изҳори ноиби президенти Академияи илмҳои Русия, роҳбари бахши илмҳои биомедикии Академияи илмҳои Русия, академик Владимир Чехонин, ҳоло  олимони рус ваксинаҳои ғайриоддии зидди сирояти коронавирусро таҳия карда истодаанд, ки онро ба организм дар шакли йогурт ворид кардан мумкин аст. 

Ёдовар мешавем, ки Вазорати тандурустии Русия аввалин доруи сохти ватании зидди коронавирусро барои истеҳсол иҷоза дод.

Маводи доруворӣ бо тамғаи иҷоратии "Авифавир" аз ҷониби Фонди сармоягузории мустақими Русия (РФПИ) ва гурӯҳи ширкатҳои "Химрар" таҳия карда шудааст.

"Роспотребнадзор": мавҷи дуюми коронавирус ва зуком дар тирамоҳ шадидтар мешавад

Гуфта мешавад, Авифавир нахустин доруи мустақими вирусии сохти  Русия аст, ки дар озмоишҳои клиникӣ самараи худро нишон додааст.

Дору ба паҳншавии коронавирус дар тамоми бадани инсон халал мерасонад.

Қаблан Созмони Ҷаҳонии Беҳдошт гуфта буд, ки бидуни ваксина пандемияро комилан мағлуб имкон надорад.

502
Барчаспҳо:
эмгузаронӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон (605)
Хабиб Нурмагомедов

Ҳузури Рамазон Қодиров дар маросими дафни Абдулманап ва сипосгузории Ҳабиб аз ӯ - навор

664
Маросими дафни Абдулманап Нурмуҳаммадов дар Доғистон бо ҳузури садҳо нафар ва иштироки раисҷумҳур Рамазон Қодиров доир гардида буд

ДУШАНБЕ, 5 июл — Sputnik. Ҳабиб Нурмуҳаммадов қаҳрамони UFC дар вазни сабук ба Рамазон Қодиров раисҷумҳури Чеченистон барои иштироки ӯ дар маросими дафни падараш изҳори миннатдорӣ кард.

Посмотреть эту публикацию в Instagram

Глава ЧР Рамзан Кадыров вчера ночью, в сопровождении своих ближайших соратников посетил Кироваул РД, что бы почтить память и выразить соболезнования родным и близким Абдулманапа Нурмагомедова. Кадыров отметил, всеобщее уважение, которое имел Абдулманап и его большие заслуги в развитии спорта. Он сказал, что с первых дней были на связи с родственниками и очень надеялись на его скорейшее выздоровление. Хабиб Нурмагомедов поблагодарил Кадырова, за визит и почтение к своему отцу. Также он выразил благодарность за помощь, которую Кадыров оказал в переводе его отца в Московскую клинику и дальнейшее лечении. «Предначертанное Всевышним не изменить, на все его воля! Хвала Аллаху» сказал Хабиб Нурмагомедов. Пусть Аллах простит все его грехи и обрадует раем! #абдулманапнурмагомедов #хабибнурмагомедов #кадыров #кироваул #похороны #соболезнование

Публикация от 🌐НОВОСТНОЙ ПОРТАЛ🌐 (@news095)

Навор аз маросими дафн ва сӯҳбати Ҳабиб бо Қодиров дар Instagram нашр гардидааст.

"Барои ҳамаи кумакҳоятон ба Шумо сипосгузорам. Ташаккури зиёд... Ҳар коре, ки аз дасти мо омад, анҷом додем.... Инро дар хотир нигоҳ доштан бисёр муҳим аст. Бигзор ин як амале бошад, ки халқи моро муттаҳид кунад", - афзудаст Нурмуҳаммадов.

Зимнан, Ҳабиб ба раисҷумҳури Чеченистон барои интиқол додани падараш аз Доғистон ба шаҳри Маскав низ изҳори сипосгузорӣ кард.

Ёдова мешавем, ки падари 58 - солаи Ҳабиб, Абдулманап Нурмуҳаммадов бо гузашти беш аз 2 моҳи маризӣ дар яке аз дармонгоҳҳои шаҳри Маскав фавтид.

Путин ба Ҳабиб Нурмуҳаммадов занг зад ва изҳори ҳамдардӣ кард

Абдулманап Нурмуҳаммадов ҳанӯз моҳи май ба маризии сироятии коронавирус мубтало гардид. Нахуст табобатро дар Доғистон гирифт, аммо пас аз бад шудани аҳволаш ӯро фавран ба яке аз дармонгоҳҳои шаҳри Маскав интиқол доданд.

664
Барчаспҳо:
навор, Маросими дафн ва видоъ, Ҳабиб Нурмуҳаммадов, Рамазон Қодиров
Молодожены держатся за руки

Домод дар тӯяш беш аз 100 нафарро олудаи коронавирус кард ва ду рӯз пас фавтид

2659
Домод чанд рӯз қабл аз тӯй худро нохуб ҳис кард ва хост маросими арӯсиро ба вақти дигар гузорад. Аммо пайвандони ӯ ва ҷониби арӯс ин дархосташро ба далели сарфи маблағи зиёд напазируфтанд

ДУШАНБЕ, 5 июл — Sputnik. Дар Ҳиндустон дар як маросими арӯсӣ домод беш аз 100 меҳмонашро олудаи коронавирус кард ва худ бо гузашти ду рӯз аз ин маросим дар роҳ ба беморхона ҷон бохт, хабар медиҳад The Indian Express.

Зикр мегардад, маросими тӯй 14 - уми июн дар иёлати Бихар баргузор гардид ва пас аз ин маърака авҷи маризии коронавирус якбора боло ҷаст.

Домод ба ҳайси муҳандис дар шаҳр кор мекард ва моҳи май ба хотири баргузор намудани тӯйи домодияш ба деҳа омад.

"Чанд рӯз пеш аз тӯй вазъи домод бад шуд ва ӯ хост тӯйро ба вақти дигар гузорад. Аммо тӯйдорон аз ҳар ду ҷониб ба далели сарфи бисёри маблағ дархосташро рад намуданд", - изҳор доштааст яке аз пайвандони домод.

Хонаводаи арӯсу домод бар ин бовар буданд, ки дар деҳаи онҳо маризии коронавирус роҳ наёфтааст аз ин рӯ даъватномаро унвонии 350 меҳмон ирсол карданд.

Домод бошад дар рӯзи тӯяш барои поён овардани ҳарорати бадан, дору хӯрд ва озими маърака шуд.

Манбаъ меафзояд, бо гузашти ду рӯз вазъи домод ниҳоят вазнин шуд ва ӯ дар роҳ ба беморхона ҷон бохт.

Арӯсу домод ҳам бояд ниқоб банданд: туйи хонадоршавӣ дар замони COVID -19

Ташхиси 113 меҳмони ин маърака аз коронавирус мусбат баромад ва онҳо давоми ду рӯз боз чандин нафари дигарро ба ин маризӣ олуда карданд.

Қаблан чунин ҳолат дар шаҳри Тошканди Ӯзбекистон низ иттифоқ афтода буд. Хонаводае дар Ӯзбекистон давоми чаҳор рӯз ду маросими арӯсӣ баргузор намуданд, ки дар натиҷа яке аз арӯсон ва 12 меҳмон мубталои коронавирус шуданд.

2659
Барчаспҳо:
Ҳиндустон, маризӣ, домод, тӯй
Мавзуҳо:
Пайомадҳои COVID-19 дар Тоҷикистон ва ҷаҳон (605)
Рустам Эмомали председатель города Душанбе

Қарори Рустами Эмомалӣ: баррасии усули нави барқрасонӣ аз сӯи "Авесто гуруҳ" дар Душанбе

29
(Таҷдидшуда 17:20 05.07.2020)
Рустами Эмомалӣ, шаҳрдори Душанбе, бо имзои як қарор рӯзи 15 июл дар пойтахт ҷаласаи вакилони шаҳрро даъват кардааст, ки дар он роҳандозии низоми нави таъминоти барқ баррасӣ мешавад

ДУШАНБЕ, 5 июл — Sputnik. Тибқи иттилои котиботи шаҳрдорӣ, гузаштан ба низоми биллингӣ аз мавзӯъҳои меҳварии ҷаласа дар Душанбе хоҳад буд.

“Яке аз масъалаҳо дар бораи рушди соҳаи энергетика, бахусус ба низоми замонавии билингӣ гузаштани хизмат, таъмини боэътимоди барқ ба сокинон, таҷдиду барқарорсозии зеристгоҳҳои барқӣ ва барқарорсозии қисмати шабака мебошад”, - хабар дод манбаъ.

Низоми биллингӣ  дар Душанбе, ки дар назар барқ тариқи пешпардохт таъмин шавад, бо харҷи наздики 900 миллион сомонӣ дар пойтахт амалӣ мегардад.

Зафар Бурҳонзода, мудири иҷроияи “Авесто гуруҳ”, ки роҳандозии низоми автоматии назорат ва ҳисоби неруи барқ дар шаҳри Душанбе бо харҷи наздики 880 миллион сомониро ба уҳда гирифтаст, қаблан гуфт, насби ҳисобкунакҳо ройгон сурат хоҳад гирифт.

Дар доираи низоми биллингии таҳиякардаи ширкати “Авесто гуруҳ” танҳо дар ноҳияи Сино насби 95 ҳазор дона ҳисобкунак бо харҷи умумии 340 миллион сомонӣ дар назар аст. Дар маҷмуъ дар Душанбе насби 250 ҳазор ҳисобкунак пешбинӣ шуда, арзиши умумии лоиҳа 880 миллион сомонӣ арзёбӣ шуд.

Қаллобӣ: худро коргари идораи барқ гуфта, аз сокинон пул гирифтааст

Барои татбиқи низоми биллингӣ, ки барқ тариқи пешпардохт ироа мешавад, Ҳукумат созишнома бо Консорсиуми сармоягузорон дар ҳайати корхонаҳои “Авесто Гурӯҳ”, “Тоҷикгидроэлектромонтаж” ва ташкилоти қарзии хурди “Душанбе Сити”-ро имзо карда, Маҷлиси намояндагон аввали соли равон ба тасвиб расонд.

Дилрабо Мансурӣ, вакили парлумони Тоҷикистон, зимни муаррифии лоиҳа дар парлумон изҳор дошта буд, ки “Авесто Гурӯҳ” вазъи низоми энергетикии Душанберо дар ҳамкорӣ бо сохторҳои давлатӣ омӯхта, барои татбиқи низоми биллингии миллӣ иқдом гирифтааст.  

Ӯ иттилоъ  дод, “Авесто гуруҳ” азм дорад, бо ҷалби 88 миллион доллари худӣ низоми назорату ҳисоби пули барқро дар Душанбе пурра автоматӣ кунад.

Қаблан иттилоъ дода шуд, ки дар модели пешгирифтаи “Авесто гуруҳ” дар назар гирифта шудааст, ки ҳар сол муштариёни барқ се дарсад ва нархи барқ 5 дарсад афзоиш меёбад. Ин ширкат ният дорад, талафоти неруи барқро дар шабакаҳои пойтахт то 12 дарсад коҳиш диҳаду ҷамъоварии пули барқи истифодашударо дар сатҳи 99 дарсад таъмин созад.

29
Барчаспҳо:
барқ, Тоҷикистон