Пешеходы идут по Патриаршему мосту в Москве.

Дунёи пур аз корона: теъдоди гирифторони КОВИД-19 дар ҷаҳон ба 7 миллион расад

89
Шумораи зиёди сироятҳо дар ИМА ба қайд гирифта шуда, 1 965 912 нафарро ташкил медиҳад. Гузашта аз ин, 111 394 кас вафот карда, 738 729 нафар беморони гирифтори COVID-19 шифо ёфтаанд.

ДУШАНБЕ, 7 июн – Sputnik. Дар ҷаҳон шумораи беморони гирифтори коронавирус шабонарӯзи гузашта 130 529 нафар зиёд шуда, ба 6 852 818 нафар расид. Ҳамзамон, аз ин теъдод то имрӯз 3 миллиону 352 ҳазору 66 кас шифо ёфтаанд ва 398 ҳазору 282 тан вафот кардаанд. Дар ин бора Созмони ҷаҳонии тандурустӣ гузориш додааст.

Гуфта мешавад, шумораи зиёди сироятҳо дар ИМА ба қайд гирифта шуда, 1 965 912 нафарро ташкил медиҳад. Гузашта аз ин, 111 394 кас вафот  карда, 738 729 нафар беморони гирифтори COVID-19 шифо ёфтаанд. Дар ҷои дуюм Бразилия қарор дорад, ки дар он 646 006 нафар сиротя ёфта, 35 047 нафар вафот кардаанд ва 302 084 нафар табобат шудаанд.

Русия аз рӯи шумораи сироятёфтагони коронавирус дар ҷои сеюм буда, аз 449 834 нафар гирифторон 5 528 нафар вафот карданд ва 212 ҳазору 680 нафар шифо ёфтаанд.

Испания бо 288 ҳазору 58 бемор дар ҷои чорум буда, дар он 27 ҳазору 134 фавтидаанд ва беш аз 150 000 сиҳат шудаанд. Дар Британия 283 ҳазору 311 нафар гирифтори ин беморӣ шудаад. Аз рӯи теъдоди ҳолатҳои фавт Британия дар ҷои дуюм қарор дорад – 40 261 нафар.

Шумораи мубталоёни COVID-19 дар Ҳиндустон ба 236 ҳазору 954 нафар, фавтидагон ба 6 ҳазору 649 кас ва шифоёфтагон ба 114 ҳазору 73 нафар расид.

Дар Италия 234 ҳазору 531 нафар аз бемории мазкур сироят ёфта, 33 774 каси онҳо вафот кардаанд ва 163 781 нафар бар он пирӯз шудаанд. Дар Перу аллакай 187 400 нафар бемор шуда, 5 162 кас вафот кардаанд ва 79 214 нафар шифо ёфтаанд.

Дар Олмон 185 414      ҳолати сироятёбӣ ошкор гардида, аз онҳо 8 763 фавтидаанд ва 168 500 бемор сиҳат шудаанд.

Дар ҷойи даҳум Туркия қарор дошта, дар он 168 340 нафар ба коронавирус гирифтор шуда, 4 648 кас вафот кардаанд ва 133 400 бемор шифо ёфтаанд.

Ёдовар мешавем, ки пандемия охири моҳи декабри соли 2019 дар шаҳри Вуҳани музофоти Ҳубейи Чин бо ошкор гардидани аввалин ҳолатҳои илтиҳоби шуши пайдоишаш номаълум оғоз ёфт.

31 декабри соли 2019 мақомоти Чин дар бораи ин беморӣ СУТ-ро огоҳ кард.

30 январ СУТ хуруҷи коронавируси навро ҳамчун як ҳолати фавқулодаи тандурустии ҷомеаи байналмилалӣ эътироф намуд. 11 феврали соли 2020 ин маризӣ бемории нави коронавирус (COVID-19) номида шуд. 11 марти соли 2020 СУТ эълом кард, ки ин беморӣ пандемия гардид.

Ду донишҷӯи тоҷик мубталои коронавирус шуда, ба бемористон бистарӣ шуданд

Тоҷикистон нахуст аз гирифтории 15 сокини кишвар ба коронавирус 30 апрел хабар дод. Феълан ин шумора 4453 нафар расидааст. Ҳолати фавт 48 нафар ва шифоёбӣ 2583 кас гуфта мешавад.

89

Нигаронии СММ аз авҷи хушунатҳои бесобиқа дар Афғонистон

37
(Таҷдидшуда 19:28 22.09.2020)
Созмони Милали Муттаҳид аз ташдиди ҳамалот ва афзоиши кушторҳо дар Афғонистон ибрози нигаронӣ кард

ДУШАНБЕ, 22 сен — Sputnik. Миссияи кӯмаки Созмони Милал дар Афғонистон (UNAMA) ахиран дар як изҳорот гуфт, афзоиши куштор ва хушунат дар Афғонистон дар панҷ ҳафтаи охир дар панҷ соли охир бесобиқа буд, иттилоъ додааст хабаргузории “Парстудей”.

Афзоиши хушунатҳо дар Афғонистон дар ҳоле аст, ки гуфтугӯҳои сулҳи байни афғонҳо дар Қатар идома дорад.

Намояндагии Созмони Милал дар Афғонистон таъкид кардааст, ки бояд иқдомоти фаврӣ барои муҳофизат аз ғайринизомиён ва эҷоди фазои мусоид барои гуфтугӯҳои сулҳ дар Дуҳа фароҳам шавад.

Ин баёния аз тарафҳои дахил дар раванди сулҳи Афғонистон хостааст ба хушунатҳо ва ҷанг поён диҳанд ва барои барқарории оташбас талош кунанд.

Бо афзоиши хушунатҳо дар саросари Афғонистон ҳар рӯз даҳҳо нафар кушта ва захмӣ мешванд.

37
Барчаспҳо:
ҳамалоти террористӣ, афзоиш, нигаронӣ, куштор, СММ, хушунат, Афғонистон
Человек пишет в блокноте, архивное фото

Бори нахуст дар Колумбия шеъри тоҷикӣ садо дод

100
(Таҷдидшуда 18:03 22.09.2020)
Дар озмуне дар ин кишвар бори аввал аз Тоҷикистон шоири тоҷик, журналист ва мутарҷим Абдуқаҳҳори Қосим иштирок намуда, бо забони тоҷикӣ шеърҳои худро қироат намуд

ДУШАНБЕ, 22 сен — Sputnik. Бори нахуст дар Фестивали адабии байналмилалии Меделин шеъри тоҷикӣ садо дод, гузориш медиҳад Вазорати фарҳанги Тоҷикистон.

Бино бар иттилои манбаъ, дар 30-юмин солгарди Фестивали адабии байналмилалии Меделин, ки ба таври онлайн дар шаҳри Меделини Колумбия баргузор гардид ва дар он 40-умин солгарди таъсиси мукофоти алтернативии Нобел низ ҷашн гирифта мешавад, бори аввал аз Тоҷикистон шоири тоҷик, журналист ва мутарҷим Абдуқаҳҳори Қосим иштирок намуда, бо забони тоҷикӣ шеърҳои худро қироат намуд. 

Имсол дар Фестивал 180 нафар шоирону олимони маъруф ва 20 дорандаи мукофоти алтернативии Нобел аз 103 давлати дунё ширкат намуданд.

Фестивали мазкур соли 1991 аз ҷониби шоир, файласуф ва арбоби ҷамъиятӣ Фернандо Рендон таъсис дода шуда, соли 2006 ба Ҷоизаи алтернативии Нобел – “Барои ҳақиқат,  сулҳ ва адолати иҷтимоӣ” сазовор гаштааст.

Инчунин Фестивали адабии байналмилалии Меделин аз ҷониби ЮНЕСКО ҳамчун мероси фарҳангии Колумбия эътироф гардидааст.

Абдуқаҳҳори Қосим дар суҳбат бо "Ховар" иброз намуд, ки “фестивал аз  моҳи октябри соли 2019 оғоз гардида, шоирону нависандагон маҳсули эҷоди худро тавассути сабти видеоӣ пешниҳод намуданд. Ман 15 шеъри худро, ки тараннумгари сарзамини Тоҷикистон, модар, ишқу муҳаббат ва Ватан буданд, қироат намудам”.

Сабти қироати муаллиф бо забони тоҷикӣ ва бо тарҷума ба забони испанӣ тӯли як соат дар ин фестивал тариқи сомонаҳои Ютуб, Зум, Фейсбук ва ғайра намоиш дода шуд. Инчунин аз ҷониби тарҷумонҳо маълумот дар бораи сарзамини Тоҷикистон  ва аксҳои табиати дилрабои мамлакатамон бо забони испанӣ пешниҳод гардиданд.

Эрдуғон дар маросими кушоиши масҷиди Аёсофия ба забони форсӣ шеър хонд- видео

Хусусияти дигари ҳамоиш он аст, ки намояндаи ҳар миллат бо забони худ суханронӣ ва шеър қироат мекунад.

Фестивали адабии байналмилалии Меделин то 10 октябр идома меёбад. То имрӯз дар ин фестивал зиёда аз 1800 шоир аз 170 давлати панҷ қитъаи рӯи дунё ва 165 миллат ширкат варзидаанд. Имсол ҳамоишро дар сомонаҳои иҷтимоӣ зиёда аз 350 ҳазор нафар тамошо кардаанд.

100

Оғози машқҳои низомии “Қафқоз-2020”

0
(Таҷдидшуда 01:15 23.09.2020)
Машқҳои байналмилалии низомӣ “Қафқоз-2020” дар вилояти Астрахани Русия оғоз ёфтанд. Дар ин машқҳои низомӣ бе аз 80 ҳазор аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок хоҳанд кард

Машқҳои низомӣ санаи 21 сентябри соли равон оғоз ёфтанд. Таи ҳафтаи ахир  низомиён таҷҳихзоту аслиҳаро барои иштирок дар машқҳои низомӣ омода карданд. 

Аз ҷумла пеш аз оғози машқҳои байналмилалӣ тамоми низомиён аз санҷиши вируси корона гузаронида шуданд.

Дар машқҳо беш аз 80 ҳазор нафар аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок доранд.

Русия барои иштирок дар ин машқҳо ҳамчунин низомиёни Арманистон, Мянма, Покистон ва Эронро низ даъват кардааст.

Низомиёни Тоҷикистон ба ин машқҳои низомӣ ба ҳайси нозир даъват шудаанд.  

Ҳамчунин дар феҳристи кишварҳои даъватшуда Озарбойҷон ва Ҳиндустон низ буд, аммо мақомоти ин кишварҳо имсол аз иштирок дар ин машқҳои низомӣ “Қафқоз-2020”худдорӣ карданд.

0
Барчаспҳо:
Афсар, аскар, Астрахан, артиш, тамрин, машқи низомӣ, машқ, Русия