Махмадтоир Зокирзода

Ширкати Зокирзода дар ҷаласаи СААД: ин ҷо ҳам баҳси коронавирус

174
Дар ҷаласаие, ки дар доираи СААД баргузор шуд, иштирокдорон аз ҳамкории кишваҳои аъзо дар роҳи мубориза бо коронавирус гуфтанд

ДУШАНБЕ, 16 июн — Sputnik. Ҷаласаи Шӯрои Ассамблеяи Парлумонии Созмони Аҳдномаи Амнияти Дастаҷамъӣ (СААД) таҳти раёсати Раиси Думаи давлатии Русия Вячеслав Володин, ки феълан раисии Ассамблеяи Парлумонии СААД-ро низ бар ӯҳда дорад, дар реҷаи фосилавӣ (видеоконференсия) баргузор гардид, хабар медиҳад котиботи Маҷлиси намояндагон.

Дар кори он Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода иштирок ва суханронӣ намуд.

Иштирокчиёни ҷаласа нахуст рӯзномаи корӣ, аз ҷумла "Дар бораи афзалиятҳои Русия дар давраи раисӣ",  "Дар бораи натиҷаҳои ҷаласаи ноябрии (2019) Шӯрои амнияти дастаҷамъии СААД, вазъ дар соҳаи масъулияти Созмон, чораҳо оид ба муқовимати таҳдидҳо ба амнияти дастаҷамъӣ ва тасдиқи аҳдномаҳои байналмилалии дар доираи СААД қабулшуда", "Дар бораи тасдиқи раиси Комиссияи доимии Ассамблеяи Парлумонии СААД оид ба масъалаҳои иҷтимоӣ-иқтисодӣ ва ҳуқуқӣ" ва ғайраҳоро баррасӣ карданд.

 Маҳмадтоир Зокирзода иброз намудаст, ки Тоҷикистон кӯшишҳои муштараки кишварҳои узвро, ки ба таҳкими минбаъдаи ҳамкорӣ дар доираи Ассамблеяи Парлумонии СААД нигаронида шудаанд, ҳамаҷониба дастгирӣ менамояд.

 

Инчунин дар ҷараёни ҷаласаи фосилавии Шӯро иштирокчиёни чорабинӣ инчунин таҷрибаи парлумонҳои давлатҳои аъзои СААД-ро дар самти дастгирии қонунии тадбирҳои андешидашуда, дар мавриди паҳншавии COVID-19 ва масъалаҳои ҳамкорӣ дар шароити нав муҳокима намуданд.

 

Таъкид менамоем, ки Шӯрои Ассамблеяи Парлумонии Созмони Аҳдномаи Амнияти Дастаҷамъӣ фаъолияти Созмони мазкурро ба роҳ монда, ба ин ниҳод роҳбарони парлумонҳои Арманистон, Беларус, Қазоқистон, Қирғизистон, Русия ва Тоҷикистон шомиланд. Дар айни замон Раиси Думаи давлатии Федератсияи Руссия Вячеслав Володин раисии Ассамблеяи Парлумонии СААД-ро бар ӯҳда дорад.

174

Дарёфти қабристони ғайрирасмии муҳоҷирон дар Якутия  

85
(Таҷдидшуда 09:58 07.07.2020)
Мақомоти тафтишоти ҷумҳурии Саха аз дафрёфти як қабристони ғайрирасмии мқҳоҷирин дар наздикии шаҳри Якутия иттилоъ додаанд

ДУШАНБЕ, 7 июл — Sputnik. Бино ба иттилои дафтари матбуотии мақомоти тафтишотии Саха қабристони ғайрирасмии муҳоҷирин рӯзи 5 июл дар ҳудуди маҳаллаи Птицефабрика шаҳри Якутск, пойтахти ҷумҳурии Саха -и Русия ёфт шудааст.

Ба иттилои манбаъ,  ин қабристонро 300 метр дуртар аз қабристони расмӣ дар даруни ҷангал бо 5 қабр ёфтаанд.

"Ҳувияти ду нафари дафншуда муайян карда шуд ва барои муайян кардани се нафари дигар чораҳо андешида мешаванд",-омадааст дар иттилоияи мақомоти тафтишотӣ.

Қабрҳоро сокинони маҳаллӣ пайдо карданд, хабар медиҳад SakhaNews. Гуфта мешавад, ки ҳама қабрҳо наванд.

Парфирий Шестаков, директори корхонаи давлатии “Ритуал” гуфтааст, ду қабр ба шаҳрвандони Тоҷикистон ва Қирғизистон тааллуқ дорад ва барои муаян кардани боқимонда дафншудаҳо ҷамъиятҳои муҳоҷирони Якутск ҷалб хоҳанд кард.

85
Cотрудники, проводящие дезинфекцию на северном железнодорожном вокзале Интан в Наньчане

Дар 24 соат мекушад: Чин аз таҳдиди нави бемории тоун ҳушдор дод

992
(Таҷдидшуда 17:51 06.07.2020)
Тоуни бубуникӣ ё хиёрикӣ метавонад бузургсолро, агар саривақт муолиҷа шурӯъ нашавад, дар камтар аз 24 соат бикушад

ДУШАНБЕ, 6 июл — Sputnik. Дар шимоли Чин хатари дараҷаи севуми тоуни бубуникӣ эълон шуд, хабар медиҳад расонаҳои чинӣ дар истинод ба Вазорати тандурустии кишвар.

Бино бар иттилои манобеъ, режими эпидемиологӣ бо далели таҳдиди шуюи маҳалли тоуни бубуникӣ ҷорӣ гардидаст.

Таъкид карда мешавад, ки назорати шадид дар шимоли Чин то авали соли 2021 идома меёбад.

Аз сокинон хоҳиш карда мешавад, ки тозагиро риоя кунанд ва ҷойҳое ки хояндагон ҳастанд, худро канор гиранд.

Мақомот пас аз тасдиқ шудани маризии тоун дар як сокини шимоли Чин бонги хатар задаанд.
Афзун бар ин, ду нафари дигар бо гумони ин беморӣ бистарӣ шуданд.

Сабаби олудашавӣ ба беморӣ хӯрдани гӯшти хоми мормут будааст. Пас аз сироятёбӣ як бемор бо 500 нафар иртибот доштааст.

Тоун бемории бактериологиест, ки дар дараҷаи аввал ба хояндагони ваҳшӣ таъсир мекунад. Он байни ҳайвонҳо ба воситаи кайкҳои заминӣ паҳн мешавад. Одамонеро, ки кайкҳои сироятёфта мегазанд, одатан ба бемории тоуни бубуникӣ гирифтор мешаванд.

Чин доруи зидди коронавирусро то авохири соли ҷорӣ вориди бозор мекунад

Бино бар иттилои Созмони ҷаҳонии беҳдошт, ин беморӣ одамро метавонад, агар сари вақт ёрии тиббӣ нарасад, дар 24 соат ба ҳалокат расонад. Нишонаҳои ин маризиро тасби баланд ва заифӣ гуфтаанд.

992
Нож в руке

Ба қафаси синаи бародараш корд зад: боздошти марди 40 сола дар Конибодом

0
Вазорати умури дохилии Тоҷикистон аз боздошти як мардт 40 сола хабар медиҳад, ки бародарашро бо корд задааст

ДУШАНБЕ, 7 июл — Sputnik. Тибқи иттилои дафтари матбуотии ин ниҳод, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 40-солаи сокини шаҳри Конибодом бо гумони қасдан расонидани зарари миёна ба саломатӣ дастгир карда шуд.

Ба иттилои манбаъ, номбурда, санаи 6-уми июли соли 2020, тахминан соати 07:00-дақиқа дар хонаи истиқоматиашон бо бародари 38-солааш, ҷангу ҷанҷол карда, бо корди хоҷагии дар дасташ буда, як маротиба ба қафаси синааш задааст.
“Дар натиҷа ҷабрдида ҷарохати вазнини ҷисмонӣ бардошта, дар беморхона бистарӣ гардидааст”,-афзудааст манбаъ.

Гуфта мешавад, нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Тоҷикистон оғоз карда шуда тафтишот идома дорад.

Ин нахустин ҳолати кордкашӣ аз сӯи бародар ба додар набуда, қаблан ин ниҳод як марди 42 сола, сокини шаҳри Истаравшанро боздошт кард, ки пас аз майнӯшӣ бо бародари 41 солааш ҷангу ҷанҷол намуда, як маротиба ба гарданаш корд задааст.

0