Пробирка с кровью анализа на антитела к коронавирусу COVID-19

Русия ба озмоиши ваксин алайҳи коронавирус оғоз кард

604
(Таҷдидшуда 17:16 17.06.2020)
Вазорати тандурустии Русия эълом намуд, ки озмоиши ваксин алайҳи маризии коронавирус дар кишвар оғоз ёфт

ДУШАНБЕ, 17 июн — Sputnik. Дар Русия озмоиши клиникии ваксин алайҳи вируси  SARS-CoV-2 оғоз ёфтааст, иттилоъ медиҳад Вазорати тандурустии ин кишвар.

Бар хабари манбаъ, алъон мутахассисон самаранокӣ ва бехатарии шаклҳои моеъ ва лофилизатсияшудаи ваксинаҳои коронавирусро таҳқиқ мекунанд.

"Левилимаб": дуюмин доруи зидди COVID - 19 дар Русия аз сӯи Вазорати беҳдошт тасдиқ шуд

Дар озмоиш ду гурӯҳи ихтиёриён иборат аз 38 - нафарӣ иштирок мекунанд.

"Ваксинаи дар шакли маҳлул, ки тариқи сӯзандору гузаронда мешавад дар госпитали ҳарбии Бурденко озмуда мешавад. Дигаре, ки дар шакли хока барои тайёр кардани маҳлул аст дар Донишгоҳи Сеченовский мавриди озмоиш қарор мегирад", - таъкид гардидааст дар хабар.

Ҳар ду ваксина аз ҷониби мутахассисони Маркази миллии илмии эпидемиология ва микробиологияи ба номи Н.Ф.Гамалей таҳия шуда, иҷозат барои гузаронидани санҷишро як рӯз қабл, санаи 16 - уми июн дарёфт намуданд.

Зикр мегардад, ки пас аз эмкунӣ, ду гурӯҳ ихтиёриёнро ба муддати 28 рӯз дар бемористон хобонда мешаванд.

Зимнан, пизишкон вазъи саломатии онҳо ва раванди ташаккул ёфтани масуният дар бадани онҳо алайҳи ин вирусро тариқи тестҳои хун назорат мекунанд. Инчунин пас аз анҷоми озмоиш, ҳамаи ихтиёриён ба муддати якуним сол таҳти назорати табибон қарор мегиранд.

604
Мавзуҳо:
Пайомадҳои COVID-19 дар Тоҷикистон ва ҷаҳон (616)

Омори ҷадиди як рӯз: фавти 5 000 ва сироятшавии 237 ҳазор нафар ба коронавирус дар ҷаҳон

225
(Таҷдидшуда 13:57 11.07.2020)
Созмони ҷаҳонии беҳдошт тозатарин гузориш дар мавриди фавт, сироят ва шифоёбӣ аз маризии коронавирусро мунташир кард

ДУШАНБЕ, 11 июл – Sputnik. Созмони ҷаҳонии беҳдошт мегӯяд, шумораи умумии гирифторони маризии коронавирус дар ҷаҳон ба беш аз 12 миллион нафар расид.

Ба иттилои манбаъ, дар ҷаҳон 12 631 067 ҳолати сироятёбӣ ва 562 889 фавт ба қайд гирифта шудааст. Танҳо шабонарӯзи гузашта  236 918 нафар тоза ба ин маризӣ гирифтор шуда, ҳамзамон 5 416 бемор ҷони худро аз даст доданд.

Омори СҶБ танҳо маълумоти расмӣ тасдиқшудаи ҳолатҳои сироят ва фавтро, ки аз ҷониби давлатҳо пешниҳод шудаанд, ба назар мегирад. Як рӯз пеш дар як шабонарӯз 223 640 ҳолати сироятёбӣ ва 5 400 фавт ошкор гардида буд.

Дар Русия 40% муҳоҷирон бо сабаби коронавирус бекор мондаанд

Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, ИМА (3 291 786 нафар), Бразилия (1 804 338), Ҳиндустон (822 603), Русия (13 936), Перу (319 646), Чили (309 274), Испания (300 988), Мексика (289 174), Британияи Кабир (288 133) ва Эрон (252 720) дохил мешаванд.

225
Барчаспҳо:
маризӣ, омор, СҶБ
Мавзуҳо:
Пайомадҳои COVID-19 дар Тоҷикистон ва ҷаҳон (616)
Пассажирский самолет вылетает из аэропорта города Красноярска

Санаи барқароршавии парвозҳои байналмилалӣ дар Русия дақиқ шуд

1459
(Таҷдидшуда 09:24 11.07.2020)
Муовини сарвазири Русия Татяна Голикова дубора барқарор шудани парвозҳои байналмилалии ҳавоӣ дар Русияро эълом кард

ДУШАНБЕ, 11 июл – Sputnik. Иҷозати парвозҳои байнулмилалӣ дар Русия 15 июл оғоз хоҳад шуд, гуфт муовини сарвазири ин кишвар Татяна Голикова.

Барои барқарор кардани парвозҳо бо кишвар се омил муҳим аст: бемории COVID-19 бояд ба 100 ҳазор нафар аҳолӣ тақрибан 40 нафар бошад, афзоиши миёнаи шабонарӯзии сироятҳо набояд аз 1% зиёд бошад ва паҳншавии вирус набояд аз 1 зиёд бошад.

Фаврӣ: 13 парвози дигар аз Русия ба Тоҷикистон дар моҳи июл - ҷадвали парвозҳо

Ин меъёрҳоро гурӯҳи машваратии эпидемиологҳо таҳия намуданд.

Фаъолияти дубора ба роҳ мондани парвозҳои байналмилалии ҳавоӣ ба туфайли коҳиши дарозмуддати бемории коронавирус дар Русия имконпазир гардид, гуфт муовини сарвазир.

Русия омода аст парвозҳоро ба 13 кишвар барқарор кунад 

Ёдовар мешавем, ки бар асари пандемияи коронавирус, Русия парвозҳои байналмилалии нақшавӣ ва чартериро 27 март ба таъхир андохт.

 

1459
Намози таровеҳ дар моҳи Рамазон

Ӯзбекистон дигарбора дари масоҷидро ба рӯи намозгузорон баст

0
Ӯзбекистон дар робита ба авҷи маризии сироятии коронавирус то авоили моҳи август дари масҷидҳоро ба рӯи намозгузорон мебандад

ДУШАНБЕ, 11 июл – Sputnik. Идораи динии мусалмонони Ӯзбекистон аз баста шудани тамоми масоҷиди ин кишвар то авоили август хабар дод, хабар медиҳад "Парс тудей".

Бар хабари манбаъ, идораи динии мусалмонони Ӯзбекистон дар сайти худ афзуд: Манӯият аз таърихи 10 июл сарфи назар аз ин, ки устон дар минтақаи "сабз" ва ё "қирмиз" қарор дорад, иҷроӣ мешавад.

Бомдоди имрӯз дар Арабистон дари 90 ҳазор масҷид ба рӯйи намозгузорон боз шуд

Пештар комиссияи вижаи мубориза бо коронавирус тасмим гирифта буд, маҳдудиятҳои карантин дар ин кишварро дар бурҳаи замони ёдшуда ташдид кунад.

Гуфтанӣ аст, ниҳодҳои динии Ӯзбекитсон 8 июни соли 2020 мелодӣ дар манотиқи "сабз"-и ин кишвар бо риояти муқаррароти беҳдоштӣ-эпидемиологӣ (пӯшидани иҷбории ниқоб) ва ҳамчунин доштани фосилаи иҷтимоӣ муҷаддадан оғоз ба фаъолият карда буданд.

0
Барчаспҳо:
намоз, баста, масҷид, Узбакистон
Мавзуҳо:
Пайомадҳои COVID-19 дар Тоҷикистон ва ҷаҳон (616)