Таблетки, архивное фото

"Дексаметезон": доруи зидди COVID - 19 барои кишварҳои фақир

675
(Таҷдидшуда 13:40 18.06.2020)
Таҳқиқот нишон додааст, ки аз ҳар 20 нафаре, ки мубталои COVID - 19 мешавад, бо истифодаи ин дору 19 нафарашон дармон меёбанд ва як нафар кораш ба бемористон мекашад

ДУШАНБЕ, 18 июн – Sputnik. Созмони ҷаҳонии беҳдоштӣ эълон карда, ки доруи дексаметезон метавонад барои бештари беморони мубтало ба коронавирус, ки ҳоли вазнин доранд, кумак кунад.

Кумитаи ҳолатҳои фавқуллодаи Тоҷикистон бо такя ба ин созмон мегӯяд, ин дору метавонад гирифторони COVID - 19-ро аз марг наҷот диҳад.

Созмони ҷаҳонии тандурустӣ ин хабарро баъди он эълон карда, ки донишмандони британиёӣ натиҷаи як озмоиши фарогири худро расонаӣ карданд. Тибқи ин таҳқиқот дексаметазон то 33% беморони дар ҳоли маргро аз чанголи коронавирус наҷот дода метавонад.

Ин дору яке аз доруҳои мавҷуд аст, ки  дар талош барои ёфтани дармони корона дар саросари дунё санҷида мешавад, то рушан гардад, ки оё метавонад ба КОВИД-19 таъсири чашмгир дошат бошад. Пажӯҳишгарони Британия гуфтаанд, ки агар ин дору аз оғози густариши коронавирус дар ин кишвар истифода мешуд, мумкин буд ҷони бештар аз 5 ҳазор нафар аз марг наҷот меёфт.

"Арзонӣ ва фаровонии ин дору бахусус барои кишварҳои фақир, ки бо корона дасту панҷа нарм мекунанд, хеле муфид аст", - омадааст дар хабарнома.

Таҳқиқот нишон додааст, ки аз ҳар 20 нафаре, ки мубтало ба корона мешаванд, бо истифодаи ин дору 19 нафарашон дармон меёбанд ва як нафар кораш ба бемористон мекашад. Аз онҳое, ки бистарӣ мешаванд, бештарашон беҳбуд меёбанд, аммо бархе ба дастгоҳи нафаси маснуъӣ эҳтиёҷ пайдо мекунанд.

Дексаметезон бештар ба касоне кумак мекунад, ки дар ҳоли вазнинанд ва метавонад вазъи ҳоли онҳоро беҳтар кунад ва тадриҷан саломатиашонро бозёбанд.

Тедрос Гебрейесус – сарвари Созмони ҷаҳонии беҳдошт гуфтааст, ки озмоиши клиникӣ ва натиҷаи бадастомада як пирӯзии илми тиб дар муолиҷаи вируси корона мебошад.

675
Барчаспҳо:
муассир, дору, Бритониё
Мавзуҳо:
Пайомадҳои COVID-19 дар Тоҷикистон ва ҷаҳон (612)
Невеста идет босиком по дороге

Шавҳар кардан мехоҳем: эътирози арӯсшавандаҳо барои манъи баргузории маросими тӯй

699
(Таҷдидшуда 15:07 09.07.2020)
Арӯсшавандаҳо аз ҳукумадорон талаб намудаанд, то қарори манъ намудани маросими баргузории тӯйро, ки дар пасманзари авҷи маризии коронавирус ҷорӣ гардида шуд, лағв намоянд

ДУШАНБЕ, 9 июл – Sputnik. Дасти кам 15 нафар арӯсшаванда дар Италия, ки маросими тӯйи онҳо ба хотири авҷи маризии коронавирус ба вақти дигар гузаронда шуд, даст ба эътироз заданд, хабар медиҳад The Daily Mail. 

Ба иттилои манбаъ, духтарон либоси арӯсиро ба бар намуда дар назди фаввораи Треви дар маркази Рим гирд омаданд то нигаронии худро дар робита ба манъ будани баргузории маросими арӯсӣ иброз кунанд.

Эрон: пас аз баргузории тӯй 50 кас ба коронавирус гирифтор шуданд

Зимнан, ба сафи арӯсшавандаҳо кормандони ташкилотҳое, ки маъракаи арӯсиро сомон медиҳанд пайвастанд ва то бинои парлумон роҳпаймоӣ намуданд.

Арӯсшавандаҳо дар даст шиорҳо бо навиштаҷоти "Тӯйҳо бидуни маҳдудият", "Шумо издивоҷи моро қатъ кардед", "Дари калисо барои баргузории тӯйро бастед", доштанд.

"Ман эътироз мекунам, зеро мехоҳам издивоҷ кунам! Тӯйи ман то соли оянда мавқуф гузошта шуд, дар ҳоле, ки ман аллакай ҳама чизро бо  рӯҳонӣ муҳокима карда будам. Аммо бо роҳбарияти тарабхона ва кошонаи ҳусн ба мувафиқа омада натавонистам", - афзудааст яке аз эътирозгарон.

Арӯсшавандаҳо дар сӯҳбат ба The Daily Mail изҳор доштаанд, "аз он ҳарос доранд, ки домодҳо то ин муддат фикри худро дар бораи издивоҷ намудан бо онҳо дигар мекунанд".

699
Мигранты у здания Управления Федеральной миграционной службы России

Дар Русия 40% муҳоҷирон бо сабаби коронавирус бекор мондаанд

95
(Таҷдидшуда 15:12 09.07.2020)
Як таҳқиқот муаян кардааст, ки бештар аз 50% муҳоҷирон дар Русия тамоми манбаҳои даромади худро аз даст додаанд

ДУШАНБЕ, 9 июл — Sputnik. Дар Русия, бар асари пандемияи коронавирус бештар аз ҳама муҳоҷирони меҳнатӣ азият кашиданд, хабар медиҳад рӯзномаи тиҷоратии "Ведомости" бо истинод ба як пурсиши РАНХиГС.

Аз рӯйи натиҷаҳои ба даст омада, 40%-и муҳоҷирон ҳангоми пандемия бекор шуданд.

Илова бар ин, 35%-и муҳоҷирон маҷбур буданд ба рухсатии бемузд раванд.

Бештари тағирот ба муҳоҷироне, ки дар Маскав зиндагӣ мекарданд, таъсир расонд. Ҳамин тавр, 76% хориҷиён ҷои кори худро аз даст доданд ё ба рухсатии маҷбурӣ рафтанд.

Дар уммум 51% муҳоҷирон дар Русия ва 54% шаҳрвандони хориҷӣ дар Маскав гуфтаанд "ҳамаи манбаҳои даромад"-ро аз даст додаанд. Ҳамзамон, болоравии даромадҳо ва ё дар як сатҳ боқӣ мондани он танҳо 19% боқӣ мондааст.

Ёдовар мешавем, ки аз аввали сол ҷараёни муҳоҷират ба Русия нисбат ба ҳамин давраи соли 2019 беш аз 2 маротиба кам шудааст.

95
Меҳмонхонаи 5 ситорадор дар кӯчаи Низоми Ганҷавии шаҳри Душанбе

Ҳукумат ба ширкати “Элит-Строй-Сервис”-и Иззатулло Давлатов сабукӣ дод

0
(Таҷдидшуда 17:09 09.07.2020)
Ҳукумати Тоҷикистон ба ширкати “Элит-Строй-Сервис”-и Иззатулло Давлатов, ки бояд дар Душанбе бинои баландошёнаи бисёрфунксионалӣ созад сабукӣ дод. Бинои бисёрфунксионалӣ меҳмонхонаи 20-ошёнаи 5-ситорадорро низ дар бар мегирад

ДУШАНБЕ, 9 июл – Sputnik. Эмомалӣ Раҳмон, раисиҷумҳури Тоҷикистон бо имзои қарори Ҳукумат феҳрасти таҷҳизоту маводеро, ки ширкати “Элит-Строй-Сервис” барои сохтмони меҳмонхонаи панҷситорадор дар Душанбе ворид мекунад, аз андоз аз арзиши иловашуда ва боҷи гумрукӣ озод намуд.

Хадамоти гумрук муваззаф шудааст, ки барасмиятдарорӣ ва истифодаи мақсадноки молу таҷҳизоти воридшавандаро назорат кунад.

Санги асоси бинои бисёрфунксионалӣ  дар кӯчаи Низомии Ганҷавии ноҳияи Сино моҳи сентябри соли гузашта аз ҷониби раисиҷумҳур гузошта шуда,  таъкид гардид, ки бино аз меҳмонхонаи 5 ситорадор ва маркази тиҷоратии бузург иборат аст.

Тибқи лоиҳа ин маркази бисёрфунксионалӣ аз ду бино иборат буда, дорои меҳмонхонаи 20-ошёна ва маркази тиҷоратии 17-ошёна мебошад.

Котиботи раисиҷумҳур иттилоъ дода буд, ки иншооти мазкур дар муҳлати 2 сол ба истиқболи ҷашни 30-солагии Истиқлолияти давлатии Ҷумҳурии Тоҷикистон бунёд ва ба истифода дода мешавад.

Президент мухолиф буду ахиран розӣ шуд: қарори Ҳукумат дар бораи кормандони андоз

Қаблан Давлатов Изаатулло Нусратуллоевич, муассиси ширкати “Элит-Строй-Сервис” ҳудуди 15 километр роҳ, аз ҷумла дар кӯчаи Муродулло Давлатовро таъмир карда, соли 2018 бо фармони раисиҷумҳур бо ордени Шараф дараҷаи 2 мукофотонида шуд.

Давлатовҳо аз хонаводаҳои маъруф дар Тоҷикистон буда, Нусратулло Давлатзода, раиси Кумитаи андози Тоҷикистон аз ҷумлаи чеҳраҳои шинохтаи ин хонавода мебошад.  

0
Барчаспҳо:
Ҳукумат, сохтмон, Нусратулло Давлатов, сохтмонӣ, меҳмонхона, Тоҷикистон