Российский боец MMA Хабиб Нурмагомедов (справа) и его отец Абдулманап Нурмагомедов

"Падарам маро мешиносад, аммо ҳарф намезанад": Ҳабиб вазъи Абдулманапро шарҳ дод

1092
Абдулманап Нурмуҳаммедов падари қаҳрамони ҷаҳон оид ба муҳорибаҳои омехта дар вазни сабук то ҳол дар бемористони шаҳри Маскав ба дастгоҳи нафасдиҳии сунъӣ пайваст аст

ДУШАНБЕ, 23 июн — Sputnik. Қаҳрамони UFC дар вазни сабук Ҳабиб  Нурмуҳаммедов чанде қабл дар мусоҳиба бо Шабакаи аввали Русия вазъи падар ва ҳамзамон мураббии худро шарҳ дод.

"Вазъи саломатии падарам ҳамоно вазнин аст. Ӯ дар шӯъбаи эҳёгарӣ тариқи дастгоҳи нафасдиҳии сунъӣ нафас мекашад. Ман ҳамарӯза ба хабаргирияш меравам ва давоми яку ним соат дар наздаш меистам. Вақте мепурсам:"падар маро мешиносӣ, - дар ҷавоб сар меҷунбонад". Чун ба дастгоҳ пайваст аст ҳарфе гуфта наметавонад, - афзудааст Ҳабиб.

Бидуни беҳбудӣ: вазъи падари Ҳабиб Нурмуҳаммадов ҳамоно вазнин аст

Абдулманап Нурмуҳаммедов ҳанӯз моҳи май ба маризии сироятии коронавирус мубтало гардид. Нахуст табобатро дар Доғистон гирифт, аммо пас аз бад шудани аҳволат ӯро фавран ба яке аз дармонгоҳҳои шаҳри Маскав интиқол доданд.

Гуфта мешавад, вируси COVID - 19 ҳудуди 75 дарсади шушҳояшро сироят намудааст.

Қаблан Рабаданов дӯсти ин хонавода хабар дода буд, ки аз ҳисоби илтиҳоби шадиди шуш, мураббии номӣ ба сактаи мағзӣ гирифтор шудааст. 

"Табибон худ ӯро вориди "ком" (беҳушӣ) намуданд ва аз ин вазъият ҳам худашон ӯро берун оварданд. Аммо вазъияти ӯ ҳамоно вазнин аст ва мо аз шифо ёфтани ӯ умедворем", - афзуда буд дӯсти хонаводаи Нурмуҳаммедовҳо.
1092
Барчаспҳо:
шарҳ, падар, вазъ, Ҳабиб Нурмуҳаммадов
Мавзуҳо:
Пайомадҳои COVID-19 дар Тоҷикистон ва ҷаҳон (616)

Омори ҷадиди як рӯз: фавти 5 000 ва сироятшавии 237 ҳазор нафар ба коронавирус дар ҷаҳон

246
(Таҷдидшуда 13:57 11.07.2020)
Созмони ҷаҳонии беҳдошт тозатарин гузориш дар мавриди фавт, сироят ва шифоёбӣ аз маризии коронавирусро мунташир кард

ДУШАНБЕ, 11 июл – Sputnik. Созмони ҷаҳонии беҳдошт мегӯяд, шумораи умумии гирифторони маризии коронавирус дар ҷаҳон ба беш аз 12 миллион нафар расид.

Ба иттилои манбаъ, дар ҷаҳон 12 631 067 ҳолати сироятёбӣ ва 562 889 фавт ба қайд гирифта шудааст. Танҳо шабонарӯзи гузашта  236 918 нафар тоза ба ин маризӣ гирифтор шуда, ҳамзамон 5 416 бемор ҷони худро аз даст доданд.

Омори СҶБ танҳо маълумоти расмӣ тасдиқшудаи ҳолатҳои сироят ва фавтро, ки аз ҷониби давлатҳо пешниҳод шудаанд, ба назар мегирад. Як рӯз пеш дар як шабонарӯз 223 640 ҳолати сироятёбӣ ва 5 400 фавт ошкор гардида буд.

Дар Русия 40% муҳоҷирон бо сабаби коронавирус бекор мондаанд

Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, ИМА (3 291 786 нафар), Бразилия (1 804 338), Ҳиндустон (822 603), Русия (13 936), Перу (319 646), Чили (309 274), Испания (300 988), Мексика (289 174), Британияи Кабир (288 133) ва Эрон (252 720) дохил мешаванд.

246
Барчаспҳо:
маризӣ, омор, СҶБ
Мавзуҳо:
Пайомадҳои COVID-19 дар Тоҷикистон ва ҷаҳон (616)
Пассажирский самолет вылетает из аэропорта города Красноярска

Санаи барқароршавии парвозҳои байналмилалӣ дар Русия дақиқ шуд

1560
(Таҷдидшуда 09:24 11.07.2020)
Муовини сарвазири Русия Татяна Голикова дубора барқарор шудани парвозҳои байналмилалии ҳавоӣ дар Русияро эълом кард

ДУШАНБЕ, 11 июл – Sputnik. Иҷозати парвозҳои байнулмилалӣ дар Русия 15 июл оғоз хоҳад шуд, гуфт муовини сарвазири ин кишвар Татяна Голикова.

Барои барқарор кардани парвозҳо бо кишвар се омил муҳим аст: бемории COVID-19 бояд ба 100 ҳазор нафар аҳолӣ тақрибан 40 нафар бошад, афзоиши миёнаи шабонарӯзии сироятҳо набояд аз 1% зиёд бошад ва паҳншавии вирус набояд аз 1 зиёд бошад.

Фаврӣ: 13 парвози дигар аз Русия ба Тоҷикистон дар моҳи июл - ҷадвали парвозҳо

Ин меъёрҳоро гурӯҳи машваратии эпидемиологҳо таҳия намуданд.

Фаъолияти дубора ба роҳ мондани парвозҳои байналмилалии ҳавоӣ ба туфайли коҳиши дарозмуддати бемории коронавирус дар Русия имконпазир гардид, гуфт муовини сарвазир.

Русия омода аст парвозҳоро ба 13 кишвар барқарор кунад 

Ёдовар мешавем, ки бар асари пандемияи коронавирус, Русия парвозҳои байналмилалии нақшавӣ ва чартериро 27 март ба таъхир андохт.

 

1560

Дар Тоҷикистон шумораи ширкатҳои сохтмонӣ 14% кам шудааст

0
(Таҷдидшуда 16:36 11.07.2020)
Бо вуҷуди кам шудани шумораи ширкатҳои сохтмонӣ, дар Тоҷикистон ҳаҷми манзилҳои сохта ба истифода додашуда 24 фоиз зиёд шудааст

 

ДУШАНБЕ, 11 июл – Sputnik. Дар Тоҷикистон шумораи ширкатҳои сохтмонӣ аз аввали сол кам шудааст, мегӯяд  Агентии омори назди Президенти ҷумҳурӣ.

Тибқи маълумоти расмӣ, дар панҷ моҳи соли 2020 шумораи ширкатҳои сохтмонӣ дар Тоҷикистон 14,2% кам шудааст. Ҳамин тариқ, дар аввали моҳи июн дар кишвар 638 корхона фаъол мондааст.

Ҳамзамон, аз моҳи январ то моҳи майи соли 2020, ташкилотҳои пудратӣ ба маблағи зиёда аз 214 миллион доллар корро ба сомон расонидаанд, ки ин нишондиҳанда дар муқоиса бо давраи давраи соли 2019 555 ҳазор доллар бештар мебошад.

Тибқи маълумотҳои оморӣ, корҳои асосии пудратӣ аз ҳисоби ширкатҳо ба маблағи 136,4 ҳазор доллар иҷро карда шуданд (62,2% аз ҳаҷми умумии). Ғайр аз ин, пули саҳмияҳо - 81,7 ҳазор доллар ва фондҳои давлатӣ - 2,7 ҳазор доллар ҷалб карда шуданд.

Аз андоз сарпечӣ кард: Ожонси зидди фасод намояндаи "Озод сохтмон"-ро дастгир кард

Аз аввали сол, ширкатҳои сохтмонӣ зиёда аз 20 муассисаи таълимӣ ва тиббӣ, инчунин 365,2 ҳазор метри мураббаъ манзилро ба истифода доданд, ки ин нисбат ба соли 2019 24,6% зиёд аст.

0