Женщина несет своего ребенка

Туркия беш аз як миллион шаҳрвандони Сурияро аз дастрасӣ ба об маҳрум кард

310
Амалкарди Туркия бобати маҳрум намудани беш аз 1 миллион сокинони шаҳри Хасака дар Сурия ҷомеаи ҷаҳониро ба даҳшат овард

ДУШАНБЕ, 22 авг — Sputnik. Беш аз як миллион сокинони шаҳри Хасакаи Сурия ба муддати беш аз 10 рӯз дастрасӣ ба оби ошомиданӣ надоранд, хабар медиҳад Ал - Олам.

Ба иттилои манбаъ, чанд рӯз пеш гурӯҳҳои мусаллаҳи Туркия истгоҳи обкаширо, ки манбаи ягонаи оби ошомиданӣ дар шаҳри Ҳасака ва минтақаҳои атрофи вилояти Идлиби Сурия буд, бастатанд.

Башшор Ал- Ҷаъфарӣ намояндаи доими Сурия дар Созмони Милал, мудохилаи ин созмонро барои поён додан ба ранҷи аҳолии ин шаҳр ва таваққуфи иқдоми Туркия дар қатъи оби ошомидании мардумро хостор шудааст. 
Корбарони Твиттер ҳам ин ҳодисаро "куштори ҷамъии" ҳама мавҷудоти зинда дониста ва наҷоти беш аз як миллион шаҳрванди суриягии сокини ин шаҳрро хостор шудаанд. 

Янки, гоу ҳоум: дар Сурия боз чӣ мегузарад?

Корбарон бо шиорҳои "Хасакаро наҷот диҳед", "Хасака об надорад" ва "Хасака ташна аст" аз СММ дархости мудохила кардан ба мушкили шаҳрвандони Сурияро намуданд. 

Бархе корбарон ҳам мӯътақиданд, ки дарди аҳолии Хасака бадтар ва хатарноктар аз вируси корона аст ва касоне, ки обро ба рӯйи як миллион инсон қатъ мекунад, ҳадафшон фақат куштор аст ва ин ҷиноят, ҷинояти террористӣ ва ғайриинсонӣ аст. 

Давлати Сурия дар чанд рӯзи ахир дар ҳадди имкон чандин танкери оби ошомиданӣ барои аҳолии Хасака ирсол кардааст.

310
Барчаспҳо:
дастрасӣ, об, Сурия
Задержанный, архивное фото

ВКД: онҳое, ки аз маҳбаси Доғистон гурехтанд, нақша доштанд ба Тоҷикистон раванд

347
(Таҷдидшуда 10:38 01.10.2020)
Сардори Раёсати кофтукови ҷиноии ВКД-и Доғистон гуфт, чӣ гуна кормандони мақомоти ҳифзи ҳуқуқ тавонистанд маҳбусони фироркардаро пайдо ва дастгир кунанд

ДУШАНБЕ, 1 окт – Sputnik. Сардори Раёсати кофтукови ҷиноии Вазорати корҳои дохилии Доғистон, полковники милитсия Магомеднаби Одилхонов дар бораи чӣ гуна дастгир шудани шаш маҳбуси аз зиндон фироркарда гуфт.

Ёдовар мешавем, ки ду ҷинояткори фирорӣ, зодагони Тоҷикистон - Шамил Бойматови 29-сола ва Маҳмадрасул Машрабови 30-сола ҳастанд.

"Мо тахмин мезанем, ки ҷинояткорон мехостанд Федератсияи Русияро тарк кунанд, ба Қазоқистон ва бо назардошти он, ки дар ин гурӯҳ ду шаҳрванди Тоҷикистон низ ҳастанд - минбаъд ба Тоҷикистон бираванд. Онҳо нақша доштанд, ки бо кадом роҳ шиносномаҳо ва ҳуҷҷатҳои қалбакӣ ба даст оранд, аммо нақшаҳояшон пешбинӣ амалӣ нашуд ", - гуфт Одилхонов.

Ҷустуҷӯйи маҳбусони фирорӣ душвор буд, аммо ба ҳадаф расонд.

Фирори маҳбусон аз зиндоне дар Доғистон: миёнашон зодаи Тоҷикистон низ будааст

Ба иттилои манбаъ, пас аз гурехтани маҳбусон санаи 22 сентябр, кинологҳо бо сагҳо аз колония пайи изи онҳо рафтанд. Рӯзи дигар як мошини партофташудаи ВАЗ 2109 ёфт шуд, ки эҳтимолан ҷинояткорон барои фирор ва тарки ҷумҳурӣ истифода мекарданд.

Ӯ гуфт, осори фирориён боз дар минтақаи ҳамсоя дар қаламрави Калмикия пайдо шуд ва шоҳидоне ёфт шуданд, ки ҷинояткоронро дида ва бо онҳо сӯҳбат кардаанд.

Номбурда гуфт, маҳбусони фирорӣ дар наздикии маҳаллаи Улан-Хол дар Калмикия боздошт шуданд.

347
Барчаспҳо:
Тоҷикистон, фирориён, маҳбас, Доғистон
Бывший президент СССР Михаил Горбачев, архивное фото

"Мо инро намехостем": Горбачёв дар бораи пошхӯрии Иттиҳоди Шӯравӣ

626
(Таҷдидшуда 16:09 01.10.2020)
Президенти собиқи Иттиҳоди Шӯравӣ Михаил Горбачёв гуфт, ки агар СССР пойдор мемонд, чӣ мешуд

ДУШАНБЕ, 1 окт — Sputnik. Агар Иттиҳоди Шӯравиро аз фурӯпошӣ наҷот меёфт, ҷаҳон дигар хел мешуд, гуфт президенти собиқи Иттиҳоди Шӯравӣ Михаил Горбачёв дар мусоҳиба бо рӯзномаи бритониёии The Times.

Ба гуфтаи Горбачёв, агар СССР ҳифз мешуд, олам беҳтар мешуд.

Горбачёв гунаҳкорони аслии пошхӯрии ИҶШС - ро гуфт

"Ҷаҳон чӣ гуна менамуд, агар Иттиход ҳифз мешуд, -таърих агару магарро намедонад. Аммо ман фикр мекунам, ки ҷаҳон беҳтар мешуд. Ин устувортар, бехатартар ва одилтар мебуд "гуфт раҳбари собиқи ИҶШС.

Горбачёв таъкид кардааст, ки  суқути Иттиҳоди Шӯравӣ "натиҷаи ниҳоӣ" -и бозсозӣ набуд.

"Дар ҳеҷ сурат. Ва, албатта, мо инро намехостем",- гуфт ӯ.

Номбурда, таъхир дар ислоҳоти ҳизб, ғайримарказикунонии Иттиҳоди Шӯравӣ ва ислоҳоти нокифояи беҷуръатонаи иқтисодиро ба ин кор марбут донист.

Вай созишномаҳоро оид ба халъи силоҳи ҳастаӣ, хотима ёфтани ҷанги сард, озодии сухан ва дин, баромади ошкоро аз кишвар, интихоботи алтернативӣ ва низоми бисёрҳизбӣ ба натиҷаҳои мусбӣ марбут донист.

"Ва муҳимтар аз ҳама, мо раванди тағиротро ба дараҷае расонидем, ки баргардонидани он ғайриимкон гашт. Аз ин рӯ, табаддулот дар моҳи августи соли 1991 ноком шуд. Гарчанде зарари он азим буд - ин зарба ба президент ва Иттиҳод буд.  Сипас радикалҳо ва ҷудоихоҳон бидуни андеша дар бораи оқибатҳо Иттиҳодро тамом карданд",-хулоса кард Горбачёв.

626
Барчаспҳо:
Михаил Горбачёв, пошхӯрӣ, Иттиҳоди Шӯравӣ
Спичка, архивное фото

Пулро гирифту хонаро оташ зад: боздошти хонандаи синфи 10 дар Истаравшан

0
Мақомоти милитсия аз боздошти як ноболиғи 16 - сола, хонандаи синфи 10, сокини шаҳри Истаравшан хабар медиҳад, ки ба содир намудани ҷинояти дуздӣ ва сӯзонидани хона даст задааст

ДУШАНБЕ, 1 окт – Sputnik. Акбар Шарифӣ, сухангӯи РВКД дар вилояти Суғд рухдоди ин ҳодисаро ба Sputnik Тоҷикистон шарҳ дод.

"Сокини 16 - солаи шаҳри Истаравшан, хонандаи синфи 10, ки ҳоло танҳо аз вай Д. Б. ном бурда мешавад, санаи 10 - уми сентябр, соати 07: 30 ба манзили соҳибкор, марди 38 - солаи сокини ин шаҳр воқеъ дар кӯчаи Ҳакимова дохил шуда, 4 ҳазору 400 доллари амрикоиро тасарруф намуд", - шарщ дод Шарифӣ.

Ба изҳори ӯ, ноболиғ барои рӯйпуш кардани изи ҷинояти содиркардааш, хонаи соҳибкорро оташ зад.

Дар асоси муроҷиатномаи соҳибкор, кормандони милитсия хонандаи синфи 10 - и яке аз макотиби Истаравшанро боздошт намуданд, ки дар содир намудани ҷинояти мазкур муттаҳам дониста мешавад.

Боздошти сокини Вахш барои дуздӣ дар даҳ масҷиди ду ноҳия-видео

Гуфта мешавад, навраси 16 - сола, ба ҷузъ аз дузди маблағ, аз ҳисоби оташ задани манзили истиқоматӣ ба соҳибхона боз 30 ҳазор сомонӣ зарар расонидааст.

Ҳоло аз рӯи ин ҳодиса бо моддаи 244 (дуздӣ) ва 255 (қасдан несту нобуд кардани молу амвол) - и Кодекси ҷиноятӣ парванда оғоз карда шуда, ноболиғ ба ҳабс гирифта шудааст.

0
Барчаспҳо:
боздошт, ноболиғ, дуздӣ, Истаравшан