Гӯсфанди алмосӣ: дар Шотландия як гӯсфандро 490 ҳазор доллар фурӯхтанд - акс

1056
(Таҷдидшуда 15:04 30.08.2020)
Ин навъи гӯсфанди тексел буда, аз даврони империяи Рум машҳур аст. Чунин навъи гӯсфандон то 160 кило вазн доранд

ДУШАНБЕ, 30 авг — Sputnik. Дар музоядаи Scottish National Texel Sale дар Шотландия гаронтарин гӯсфанд дар ҷаҳонро ба фурӯш бароварданд, хабар медиҳад, нашриёти бритонии Independent. 

Гӯсфандро 367,5 ҳазор фунт (наздики 490,6 ҳазор доллар) нарх карданд.

​Сухан дар бораи гӯсфанди навъи тексел бо лақаби Double Diamond (Алмоси дукарата) меравад, ки чунин навъи гӯсфандон аз даврони империяи Рум машҳур ҳастанд. Баҳои аввалаи гӯсфанд дар музояда 10,5 ҳазор фунт (наздики 14 ҳазор  доллар) гуфта шуд. Нархи ниҳоӣ, ки аз ҷониби се харидор пешниҳод шуд, дар Бритониё ва саросари ҷаҳон рекордӣ шуд.

Рекорди пешин дар фурӯши гӯсфанд соли 2009 дар Ланаркаи Шотландия гузошта шуда буд. Он замон меҳрубонтарин гӯсфанди дунёро 231 ҳазор фунт нарх карда буданд.

Гӯсфанди калонтарин дар ОМ ва баҳси тоҷикону қирғизҳо: зоти ҳисорӣ аст ё нав - Видео

Тексел - яке аз машҳуртарин зоти гӯсфандони серпашм ва сергӯшт мебошад, ки ҳанӯз аз даврони Рими қадим маъруф ҳаст. Зоти ин навъи гӯсфандон аз номи макони пайдоиши онҳо - ҷазирае дар ҷануби Нидерланд гирифта шудааст. Ин навъи гӯсфандон то 160 кило вазн доранд. Ҳамчунин ин зот аз серҳосилтарин ба шумор рафта ба 100 гӯсфанд 180 барра рост меояд, ки қариб 75 дарсади онҳо дугоник ба дунё меоянд.

Ёдрас мешавем, ки соли 2019 дар Осиёи Марказӣ калонтарин гӯсфанд шиносоӣ гардид - он Гулливер аз Қирғизистон буд, ки вазнаш 188 кг ва қадаш бештар аз 1 метрро ташкил дод.

Албай Махманов, гӯсфандапарвари рақами яки Қирғизистон дар мусоҳиба бо рӯзноманигорон гуфт, ки намехоҳад Гулливерро ба ҳеҷ арзише фурӯшад. Ӯ гуфтааст, ки нақша дорад, аз ин гӯсфанди ҳисорӣ наслҳои зиёде ба даст орад.

"Агар 1 миллион пешниҳод кунанд ҳам, ман ӯро ба касе намефурӯхтам. Гулливер ба худи Қирғизистон лозим аст, мо бояд ин зотро дар кишвар рушд диҳем", - изҳор дошт вай.

Ба гуфтаи вай, дар як сол аз ин гӯсфанд то 120 барра тавлид мешаванд.

1056
Барчаспҳо:
алмос, нарх, гӯсфанд, Дар ҷаҳон
День 30 сентября

Ҷашнҳои рӯзи 30 сентябр дар Тоҷикистон ва ҷаҳон

68
(Таҷдидшуда 19:00 29.09.2020)
Рӯзи 30 сентябр, дар Тоҷикистон – Рӯзи Мавлоно Ҷалолиддини Балхӣ буда, ҳамчунин Рӯзи байналмилалии тарҷумонҳо мебошад

Рӯзи 30 сентябр дар ҷаҳон чӣ рух дод

Соли 1890 дар Олмон қонунҳои зиддисотсиалистӣ бекор карда шуданд.

День 29 сентября
© Sputnik / Стас Этвеш / Вишнякова Мария

Соли 1901 дар Фаронса бақайдгирии ҳатмии мошинҳое, ки суръаташон аз 36 км/соат баланд аст,  ҷорӣ карда шуд.

Соли 1902 абрешими сунъӣ соҳиби патент гардид.

Соли 1929 бахши англисии "Би-би-си" аввалин маротиба ба пахши барномаҳои телевизионӣ шурӯъ кард.

Рӯзи 30 сентябр дар Тоҷикистон чӣ рух дод

Соли 1994 Эмомалӣ Раҳмон дар 49-умин Ассамблеяи генералии СММ суханронӣ намуд.

Эмомали Рахмон в ООН. Архивное фото
© Официальная страница пресс-службы президента РТ в Facebook.
Эмомали Рахмон в ООН. Архивное фото

Соли 1997 раванди бозгашти гурезаҳои тоҷик аз Афғонистон хотима ёфт.

Соли 1997 роҳи оҳани Қӯрғонтеппа-Кӯлоб кушода шуд.

Участок железнодорожного пути, архивное фото
© Sputnik / Юрий Лашов
Участок железнодорожного пути, архивное фото

Соли 2004 дар маҷлиси навбатии Ҳукумати Ҷумҳурии Тоҷикистон вобаста ба масъалаи танзими ҷараёни таҳия ва интишори иттилооти расмӣ Агентии миллии иттилоотии Тоҷикистон «Ховар» — и назди Ҳукумати Ҷумҳурии Тоҷикистон вазифадор гардид, ки ба Ҳукумати Ҷумҳурии Тоҷикистон оид ба таъсиси бунгоҳҳои хабарнигории худ дар кишварҳои хориҷӣ таклифҳои мушаххас пешниҳод намояд.

День 28 сентября
© Sputnik / Стас Этвеш / Вишнякова Мария

Соли 2010 Ҳукумати Тоҷикистон нақшаҳои генералии шаҳри Хуҷанд ва шаҳраки Сомониён — маркази ноҳияи Рӯдакиро тасдиқ кард.

Соли 2012 бо ширкати Эмомалӣ Раҳмон дар Варзишгоҳи марказии ҷумҳуриявии шаҳри Душанбе бозии ниҳоии Ҷоми Президенти Конфедератсияи футболи Осиё – 2012 миёни дастаҳои "Истиқлол"-и Тоҷикистон ва "Ал-Аммарӣ"-и Фаластин баргузор гардид. Бозӣ бо иштирок ва дастгирии беш аз 19 ҳазор мухлисони футбол ҷараён гирифта, бо ҳисоби 2:1 ба фоидаи дастаи футболи "Истиқлол"-и Тоҷикистон анҷом ёфт.

Бозии тими Истиқлол бо дастаи филиппинӣ
Бозии тими "Истиқлол" бо дастаи филиппинӣ

Соли 2015 дар ИМА  Президент Эмомалӣ Раҳмон дар чорабинии сатҳи баланди "Аз Ҳадафҳои Рушди Ҳазорсола то Ҳадафҳои Рушди Устувор дар минтақаи Осиёву Уқёнуси Ором" суханронӣ кард.

Соли 2016 лоиҳаи Стратегияи миллии рушди Ҷумҳурии Тоҷикистон барои давраи то соли 2030 қабул гардид.

Соли 2018 Эмомалӣ Раҳмон дар робита ба хабари заминларза ва сунами дар шаҳри Палуи Ҷумҳурии Индонезия ва ноҳияҳои атрофи он ба Президенти ин мамлакат Ҷоко Видодо барқияи тасаллият ирсол намуд.

Ҷашнҳои рӯзи 30 сентябр

  • Дар Тоҷикистон – Рӯзи Мавлоно Ҷалолиддини Балхӣ.
  • Рӯзи байналмилалии тарҷумонҳо.
  • Дар Қазоқистон- Рӯзи кормандони мақомоти адлия.
  • Дар Ҷумҳурии Абхазия – Рӯзи истиқлолият.

Рӯзи 30 сентябр дар Тоҷикистон кӣ ба дунё омадааст

Ҷалолиддини Румӣ (1207–1273) – шоири форс – тоҷик.

Абдулфаттоҳ Шафиев (1981) - журналист.

Абдуқодир Xомеъи Самарқандӣ (1890-1986)- шоир.

Баҳоваддин Зуҳуриддинов (1946) – меъмор, Ходими шоистаи ҳунари Тоҷикистон, дорандаи Ҷойизаи давлатии ба номи Рўдакӣ.

Борис Кимёгаров (1920 – 1979) – коргардони кино, Ҳунарпешаи мардумии Тоҷикистон, дорандаи Ҷойизаи давлатии ба номи Рўдакӣ.

Исматулло Мадалиев (1950) –доктори илми тиб, профессор.

Юрий Маслюков (1937-2010)- арбоби ҳизбию давлатии шўравӣ, (зодаи ш. Хуҷанд)

Нуриддин Набиев (1932)- арбоби ҷамъиятӣ, Корманди шоистаи маданияти Тоҷикистон.

Илария Райкова (1896 – 1979) – доктори илми биологӣ, профессор.

Тоҷирҷон Сатторов (1947) – доктори илми биологӣ, профессоАҳмадшо Улфатшоев (1945)- актёри театру кино, Ҳунарпешаи мардумии Тоҷикистон.

Баҳриддин Ҳомидов (1908-1978)- актёри театр.

Нисон Шоулов (1925-2000) – найнавоз, Ҳунарпешаи мардумии Тоҷикистон.

68
Барчаспҳо:
Ҷаҳон, ҷашн, Тоҷикистон
Мавзуъ
Ҷашнҳои рӯзи 22 сентябр дар Тоҷикистон ва ҷаҳон
Ҷашнҳои рӯзи 24 сентябр дар Тоҷикистон ва ҷаҳон
Ҷашнҳои рӯзи 25 сентябр дар Тоҷикистон ва ҷаҳон
Ҷашнҳои рӯзи 26 сентябр дар Тоҷикистон ва ҷаҳон
Ҷашнҳои рӯзи 27 сентябр дар Тоҷикистон ва ҷаҳон
Ҷашнҳои рӯзи 28 сентябр дар Тоҷикистон ва ҷаҳон
Ҷашнҳои рӯзи 29 сентябр дар Тоҷикистон ва ҷаҳон
Шайх Сабоҳ ал- Аҳмад ал-Ҷобир ас-Сабоҳ, амири Давлати Қувайт

Даргузашти амири Қувайт дар синни 92-солагӣ

408
Шайх Сабоҳ ал- Аҳмад ал-Ҷобир ас-Сабоҳ, амири Давлати Қувайт дар сини 92-солагӣ  аз олам даргузашт

ДУШАНБЕ, 30 сен — Sputnik. Дар Иёлоти Муттаҳидаи Амрико куҳансолтарин ҳокими араб, амири Кувайт Сабоҳи IV дар синни 92-солагӣ даргузашт, хабар медиҳад РИА Новости.

Ба иттилои манбаъ, амир сар аз моҳи июл дар яке аз беморхонаҳои иёлати Миннесота бистарӣ шуда, ҷарроҳӣ шудааст.

Аз он вақт инҷониб, мақомоти Кувайт борҳо гузориш додаанд, ки саломатии Сабоҳи IV мӯътадил буда дар ҳоли беҳбуд аст.

Ҳамзамон, бародари хурди Сабоҳи IV ва шоҳзодаи валиаҳд Навоф ал-Аҳмад ал-Ҷобир ас-Сабоҳ ба ҳайси иҷрокунандаи амир таъин гардида буд.

Тибқи иттилои ҳукумат, амири нав валиаҳд Наваф ал-Аҳмад ас-Сабоҳ ҷойгузини Сабоҳи IV шудааст.

Сабоҳ ал-Аҳмад ал-Ҷобир ас-Сабоҳ сар аз моҳи январи соли 2006 дар Қувайт ҳукмронӣ мекард.

Қабл аз он, ӯ ба ҳайси сарвазир кор мекард ва пештар аз он тӯли даҳсолаҳо раёсати сиёсати хориҷии кишварро ба зима дошт.

408
Барчаспҳо:
шайх Сабоҳ ал-Аҳмад ал-Ҷаббор ас-Сабоҳ, даргузашт, Қувайт
Руки в наручниках.

Боздошти зани 20-сола, ки гӯшворҳои тиллоиро аз гӯши кӯдакон медуздид

0
(Таҷдидшуда 11:04 30.09.2020)
Вазорати умури дохилаи Тоҷикистон аз боздошт шудани зани ҷавон, сокини шаҳри Ваҳдат ба гумони ғоратгарӣ хабар медиҳад

ДУШАНБЕ, 30 сен — Sputnik. Тибқи иттилои Вазорати корҳои дохилӣ дар ин бора ба ШВКД дар шаҳри Ваҳдат бо ариза зани 48-солаи сокини шаҳри мазкур муроҷиат намудааст.

Ӯ шикоят кардааст, ки рӯзи 24-уми августи соли 2020, тахминан соатҳои 16:00, шахси номаълум бо роҳи зӯроварӣ аз гӯшҳои духтарчаи 7-солааш 1-ҷуфт гӯшвори тиллоиро тасарруф намуда, аз ҷойи ҳодиса ғайб задааст.

"Зарари расонидашуда 750-сомониро ташкил медиҳад", -  омадаст дар хабарнома.

Ҳамин тавр, дар паи баргузори чорабиниҳои оперативӣ-ҷустуҷӯӣ аз ҷониби кормандони милитсия ҷавондухтари 20-солаи сокини ҷамоати деҳоти Б. Бурунови ҳамин шаҳр ҳамчун гумонбар дар содир намудани ҷинояти ғоратгарӣ дастгир карда шуд.

Инчунин дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки номбурда санаи 28-уми сентябри соли 2020, тахминан соатҳои 17:30-дақиқа, бо роҳи зӯроварӣ аз гӯшҳои духтарчаи 8-солаи сокини ҳамин шаҳр 1-ҷуфт гӯшвори тиллоиро тасарруф намуда, аз ҷойи ҳодиса ғайб задааст.

Зарари расонидашуда 1 ҳазору 300-сомониро ташкил медиҳад.

Манбаъ афзуда ки аз рӯи ин ҳодисаҳо тафтишот идома дорад.

0
Барчаспҳо:
Вазорати корҳои хориҷии ҶТ, тилло, зани ҷавон, боздошт