Работа автомобильного завода Nissan в Санкт-Петербурге

Мошинҳоеро, ки Интерпол мекофт, ба Тоҷикистон интиқол доданӣ буданд

280
(Таҷдидшуда 16:08 04.09.2020)
Се худравро дар намуди қисмҳои эҳтиётӣ аз Литва ба Белорус ва сипас ба Тоҷикистон интиқол доданӣ буданд. Аммо мақомоти гумрукии марзӣ аз ин амал пешгирӣ кардаанд

ДУШАНБЕ, 4 сен – Sputnik. Мақомоти гумруки Белорус якҷо бо кормандони мақомоти корҳои дохилии Литва як пойгоҳи ғайриқонунии интиқоли автомобил ба Тоҷикистонро ошкор карданд. Дар ин бора Sputnik Литва гузориш медиҳад.

Ҳамин тавр, бино бар иттилои Кумитаи давлатии гумруки Белорус, се худрави гуногунро кӯшиш карданд, ки аз Литва дар намуди қисмҳои эҳтиётӣ интиқол диҳанд.

Дар ҳамин ҳол, ду худрави сабукрав Lexus XR 450H, соли бароришаш 2017 ва Range Rover соли бароришаш 2018 дар пайгарди байналмилалӣ қарор доштанд. 

Кузувҳои мошинро тариқи гузаргоҳи "Шалчининкай" дар боркашони DAF, ки ба ширкати тоҷикӣ тааллуқ дошт, интиқол доданӣ будаанд.

Моли мазкурро, ки гумрукчиёни Белорус дастгир карданд, ба ташхиси судӣ ирсол карданд.

 

Дар натиҷа муайян шудааст, ки қисмҳо ранг карда шуда, маълумоти дар онҳо навишташуда тағйир дода шудаанд.

Воридоти мошин ба Тоҷикистон коҳиш ёфт

Ҳамчунин, маҳз тавассути VIN-рамзҳои аввалаи кузовҳо муайян гардидааст, ки худравҳо дар ҷустуҷӯи Интерпол қарор доранд, қисмҳои дигари автомобилҳои мазкур аллакай моҳи июл дар дигар гузаргоҳи марзии Белорус ва Литва ошкор ва мусодира гардиданд.

 

280

Пешниҳоди Жириновский: Қарабоғи Кӯҳӣ ба ҳайъати Русия ворид шавад

125
(Таҷдидшуда 17:39 29.09.2020)
Раҳбари Ҳизби либерал - демократи Русия Владимир Жириновский ташдиди даргириҳо дар Қарабоғи Кӯҳиро шарҳ дод

ДУШАНБЕ, 29 сен — Sputnik. Қарабоғи Кӯҳиро баргашта ба ҳайъати Русия ворид кардан лозим, изҳор дошт, раҳбари Ҳизби либерал - демократи Русия Владимир Жириновский дар нишасти Думаи давлатӣ.

Раиси ҳизб чанд роҳи ҳаллии ин қазия ва манъи даргириҳои миёни Озарбойҷон ва Арманистонро пешниҳод кард. Аз ҷумла ӯ пешниҳод кард, ки ин минтақа ба ҳайъати Русия ворид шавад.

"Ман дарҳол мегӯям, чӣ кор бояд кард. Роҳи аввал - ворид шудани Қарабоғи Кӯҳӣ ба ҳайъати Русия чун воҳиди мустақили маъмурӣ. Яъне 86-ум. Он замон ҳам озарбойҷониҳо ва ҳам арманиҳо ором мешаванд - на ба инҳо ва на ба онҳо. Розӣ нестед? Он замон ҳама якҷо ба ҳайъати Русия - ҳам Арманистон ва Озарбойҷон ва ҳам Қарабоғи Кӯҳӣ", - гуфт Жириновский.

Ҳамчунин раҳбари ҲЛДР роҳи шоҳӣ пешниҳод кард, вақте подшоҳ ба тарафҳо силоҳ тақсим мекунад ва пас аз хотимаи ҷанг зиндагии осоишта оғоз мешавад.

Идомаи даргириҳо дар Қаробоғи Кӯҳӣ

Жириновский варианти ба Қарабоғи Кӯҳӣ додани мақоми байналмилалиро низ баррасӣ мекунад.

Жириновский варианти ба Қарабоғи Кӯҳӣ додани мақоми байналмилалиро низ баррасӣ дорад.

Дар акси ҳол, ҷанги абадӣ хоҳад шуд ва метавонад бо фалокат хотима ёбад. Сарбандро тарконда, шаҳрҳоро зери об хоҳанд гузошт. Дар ҷое нерӯгоҳи ҳастаӣ - Чернобил месозанд. Ин хеле душвор аст!" - хулоса кард ӯ.

125
Барчаспҳо:
Қарабоғи Кӯҳӣ, пешниҳод, Владимир Жириновский, Русия

Дар Чин дояи боғчаро барои заҳролуд кардани кӯдакон эъдом карданд

106
(Таҷдидшуда 15:59 29.09.2020)
Додгоҳи халқии музофоти Хенан, тарбиятдиҳандаи яке аз боғчаҳои кӯдакона дар шаҳри Сзяосзоро ба қатл маҳкур кард

ДУШАНБЕ, 29 сен – Sputnik. Ван Юн сокини музофоти Хенан мебошад, ки дар яке аз боғчаҳои кӯдакона ба ҳайси муррабӣ кор мекард.

Ӯро бо ҷурми заҳролудкардани як гурӯҳ тарбиятгирандаҳои боғҷа ба қатл маҳкум намуданд, хабар медиҳад РИА Новости.

Миёни Ван Юн ва Сун ном мурабии дигари боғча нофаҳмие сар зад ва якумӣ баро қасд гирифтан аз ҳамтои худ кӯдакони гурӯҳи ӯро заҳролуд кард.

Парвиз Мушарраф ба ҳукми қатл маҳкум шуд

Юн дар хӯроки кӯдакон нитрити натрийро илова кард, ки дар натиҷа ҳамаи 25 тарбиятгиранда заҳролуд шуда, фавран ба бемористон интиқол ёфтанд.

Манбаъ менависад, пизишкон ҷони як кӯдакро наҷот дода натавонистанд.

Дар робита ба ҳамин қазия, додгоҳ Юнро бо роҳи маҳрум намудан аз зиндагӣ ҷазо дод.

106
Барчаспҳо:
эъдом, боғча, Чин
Министр экономического развития и торговли Таджикистана Завки Завкизода

"Соҳибкор бо соҳибкор": Форуми сармоягузории Тоҷикистону Ӯзбекистон доир гардид

10
(Таҷдидшуда 18:26 29.09.2020)
Беш аз 300 нафар дар ҳамоиши сармоягузории Тоҷикистону Ӯзбекистон ширкта карда, бо фазои сармоягузорӣ дар соҳаҳои сайёҳӣ, саноат, энергетика ошно шуданд

ДУШАНБЕ, 29 сен – Sputnik. Дар доираи сафари сарвазири Ӯзбекистон ба Тоҷикистон дар шаҳри Душанбе, Форуми сармоягузории Тоҷикистону Ӯзбекистон бо роҳбарии вазири рушди иқтисод ва савдо Завқизода Завқӣ Амин баргузор гардид.

Бино ба гузориши Вазорати рушди иқтисод, Завқизода дар ин нишаст қайд карда, ки тайи солҳои охир бо ташаббусҳои созандаи Президенти Тоҷикистон Эмомалӣ Раҳмон ва Президенти Ӯзбекистон Шавкат Мирзиёев ҳамкориҳои гуногунҷанбаи байни ду кишвар ба сатҳи сифатан нав баромад.

Манбаъ қайд карда, ки бо дастгирии ду кишвардор, баргузории чунин чорабиниҳо, ки ба рушди ҳамкориҳои иқтисодиву тиҷоратӣ, баланд бардоштани нерӯи содиротӣ, ҷалби сармояву воридоти технологияҳои муосир ва тақвияти ҳамкориҳои дуҷонибаи иқтисодию сармоягузорӣ мусоидат менамояд, ба ҳукми анъана даромадааст.

Дар Форуми мазкур беш аз 300 нафар иштирокчӣ аз ҳарду ҷониб, аз ҷумла роҳбарони мақомоти давлатӣ, корхонаву ташкилотҳои давлатӣ, сармоягузорон ва намояндагони бахши хусусии ду давлат иштирок намудаанд.

Дар доираи Форум ба иштирокчиён фазо ва имкониятҳои сармоягузорӣ дар соҳаҳои сайёҳӣ, саноат, энергетика, хизматрасонӣ ва дигар соҳаҳо муаррифӣ шуда, лоиҳаҳои муштараки ҳамкорӣ мавриди баррасӣ қарор гирифтааст.

"Пас аз анҷоми қисмати расмии Форум вохӯрии ду ҷониба - соҳибкорони ду давлат дар сиғаи "Соҳибкор бо Соҳибкор" (B2B) баргузор гардида, аз натиҷаи он санадҳои нави ҳамкорӣ мувофиқа ва ба имзо расонида шудааст", - омадааст дар хабарнома.

Иштирокчиёни Форуми сармоягузории Тоҷикистону Ӯзбекистон ба рушди муносибатҳои дуҷониба ва баимзорасонии созишномаю шартномаҳои мутақобилан судманд, ки фарогири ҳамаи соҳаҳои ҳамкориҳои иқтисодӣ мебошанд, баҳои баланд додаанд.

Манбаъ афзуда, ки тарафҳо ба мувофиқа расидаанд, ки чунин ҳамоишҳои соҳибкоронро мунтазам баргузор менамоянд.

10
Барчаспҳо:
пешниҳодот ба ҷониби Ӯзбекистон, Тоҷикистон, Форум, иқтисод, Душанбе