ДУШАНБЕ, 6 сен — Sputnik. Козими Ҷалолӣ, сафири Эрон дар Маскав дар гуфтугӯи тасвирӣ бо Кирил Димитриев, раиси Сандуқи сармоягузории мустақими Русия, бо ишора ба натоиҷи ду нишасти коргурӯҳи ваксина ва дору миёни институти “Постур” –и Эрон ва маркази миллии Гамалеяи Русия ибрози умедворӣ кард, ҳарчӣ зудтар фароянди тавлиди муштараки ваксинаи Ковид -19 байни ду кишвар оғоз шавад, иттилоъ додааст хабаргузории садо ва симои Эрон.
Русия ва Эрон кортҳои бонкии худро ба ҳам мепайванданд
Бино бар иттилои манбаъ, раиси Сандуқи сармоягузории мустақими Русия низ бо ибрози хурсандӣ аз ҳамкориҳои амиқи Теҳрон ва Маскав, бавижа дар заминаи ваксинаи Ковид -19 гуфт, тавлиди анбӯҳи ваксина бо мушорикату ҳамкории Эрон ба зудӣ дар дастури кори ин сандуқ қарор хоҳад гирифт.
Таҳрим ҳам монеа нашуд: Эрон ҳаҷми содироташро ба Русия ба маротиб афзоиш додааст
Ёдрас мешавем, ки теъдоди афроди мубтало ба вируси корона дар ҷаҳон ба ҳудуди 27 миллион нафар расидааст, ки аз ин теъдод дастикам 873 ҳазор нафар ҷони худро аз даст доданд ва беш аз 18 миллион нафар ҳам беҳбуд ёфтаанд.
