Беременность, архивное фото

Коронавируси сархур: омори таваллуди тифли мурда 50 дар сад афзуд

533
Бо далели пандемия, мушкилоти ҳомиладорӣ сари вақт ташхис муайян карда намешаванд, ки ин оқибатҳои ғамангезро ба бор меорад

ДУШАНБЕ, 18 сен — Sputnik. Дар дафраи ҳамагирӣ омори таваллуди тифли мурда дар ҷаҳон 50 дар сад зиёд шуд, гузориш медиҳад Кумитаи ҳолатҳои фавқуллодаи Тоҷикистон дар истинод ба расонаҳои ҷаҳонӣ.

Манбаъ менависад, таҳқиқоти ахири як гурӯҳи олимони байналмилалӣ нишон дод, ки ҳангоми пандемия фоизи ҳомиладории номуваффақ якбора афзудааст.

"Аз ҷумла, омори кӯдакони мурда таваллудшуда зиёд шудааст. Олимон инро ба он рабт медиҳанд, ки бинобар маҳдудиятҳои мухталиф дар муассисаҳои тиббӣ ва ба таври куллӣ бекор кардани ташхисҳои барномарезишуда аз баҳори соли равон, занони ҳомила дар аксари кишварҳо тавре бояд назорат намешаванд", - тавзеҳ медиҳад КҲФ Тоҷикистон.

Мушкилоти ҳомиладорӣ сари вақт ташхис муайян карда намешаванд, ки ин оқибатҳои ғамангезро ба бор меорад. Муҳаққиқон мегӯянд аксар вақт муроҷиати зани ҳомила ба далели ҳимояи вай аз сироят ба КОВИД-19 дар бемористонҳо рад карда мешавад ва ин амал баръакс мушкилро бештар мекунад.  

Дар аввали моҳи август, нашрияи мӯътабари илмии The Lancet Global Health бо истифода аз далелҳои бадастомада аз Непал чунин таҳқиқотро нашр кард.

Дар он зиёда аз 20 ҳазор заноне, ки дар нӯҳ беморхонаҳои гуногуни кишвар таваллуд мекунанд, ширкат варзиданд. Таҳқиқот нишон дод, ки омори таваллуди тифли мурда танҳо дар ду моҳ 50% зиёд шудааст. Дар ин кишвар моҳи март аз 1000 тифл 14 тифл мурда ба дунё омадааст ва моҳи май бошад аз 1000 тифл 21 тифл мурда таваллуд шудааст. 

Карантин дар таваллудхонаи Суғд хатм шуд: COVID-19 дар ягон зани ҳомила дарёфт нагардид

Дар ҷараёни таҳқиқоти охирин олимон ба хулосае омаданд, ки вазъ дар бисёр кишварҳои ҷаҳон тақрибан яксон аст.

533
Скорая помощь около отделения банка Грузии, где вооруженный мужчина захватил заложников в Зугдиди

Дар Гурҷистон силоҳбадаст 19 нафарро гаравгон гирифт: 500 000 доллар талаб дорад - навор

412
(Таҷдидшуда 19:25 21.10.2020)
Силоҳбадаст, ки ба биноги яке аз бонкҳои Гурҷистон ворид шуда, 19 нафарро гарав гирифт, акнун бар ивази раҳо кардани онҳо 500 ҳазор доллар талаб дорад

ДУШАНБЕ, 21 окт — Sputnik. Дар Зугдиди Гурҷистон марди мусаллаҳ дар бинои бонк 19 нафарро гарав гирифт, хабар медиҳад Sputnik Гурҷистон.

Ба иттилои манбаъ, миёни гаравгонон ҳам кормандони бонк ва ҳам муштариёни бонк қарор доранд.

Гуфта мешавад, аксари кормандони бонк, ки утоқи корияшон дар ошёнаи сеюм буд, тавонистанд тавассути боми бино ба берун бароянд. Силоҳбадаст 19 нафарро дар ошёнаи якум банд намудаст.

Анна Шония, яке аз кормандони бонк, ки тавонистааст аз бино берун равад, ба Sputnik Гурҷистон қазияро чунин шарҳ дод:

"Вақте ки ғоратгар ворид шуд, ман ба мизоҷ хидмат мекардам. Ӯ чанд маротиба тир холӣ кард ва дод зад, ки ин дуздӣ аст ва мо бояд рӯи фарш рост шавем. Дар ёд надорам, ки чӣ гуна ба берун баромадам. Зоҳиран, касе маро берун овард ... Меҳмононе буданд, ки интизори хидмат буданд, аммо, то ҷое ки ман медонам, шаҳрвандони калонсол озод карда шуданд. Кормандони филиал 58 нафарро ташкил медиҳанд", - гуфт ин намояндаи бонк.

Бар ивази раҳо кардани гаравгонҳо, силоҳбадаст 500 ҳазор долларро талаб мекунад. Ӯ автомату норинҷак мусаллаҳ аст.

412
Денежные купюры, архивное фото

Пулҳои “дуздида”-ро баргардонед: як моҳ муҳлат ба мансабдорони порахӯр дар Қирғизистон

511
(Таҷдидшуда 16:49 21.10.2020)
Дар Қирғизистон дар доираи афви иқтисодӣ аз фасодкорон хоҳиш карда шуд, ки маблағҳои бидуни меҳнати ҳалол ба даст овардаашонро дар муддати 30 рӯз ба хазина баргардонанд

ДУШАНБЕ, 21 окт - Sputnik. Иҷрокунандаи вазифаи президенти Қирғизистон Содир Жапаров авфи иқтисодиро эълон кард, хабар медиҳад хадамоти матбуоти ҳукумати ҷумҳурӣ.

Дар доираи авф аз фасодкорон хоҳиш карда шудааст, ки маблағҳои дар натиҷаи бидуни меҳнати ҳалол ба даст овардашудаашонро дар муддати 30 рӯз ба хазина баргардонанд.

Аз ҷумла, Жапаров ба мансабдорони собиқ, рейдерҳо, ширкатҳои саркаш аз андоз, роҳбарони вазорату идораҳо, инчунин кормандони гумрук ва молия муроҷиат кардааст.

"Дар тӯли 30 соли охир, нақшаҳои коррупсионии системавӣ дар соҳаҳои саноат, аз қабили энергетика, хадамоти гумрук ва андоз, дорусозӣ, иҷозатномадиҳӣ, истифодаи сарватҳои зеризаминӣ ва ғайра рушд карданд. Мехоҳам, ҳама чизро худи шумо дар бораи дороиҳоятон воқеӣ пешниҳод кунед. Ҳар як диноре, ки ғайриқонунӣ аз давлат гирифтаед, ихтиёран баргардонед", - гуфт ӯ.

Иҷрокунандаи мансаби президенти Қирғизистон таъкид кард, ки пас аз як моҳ онҳое, ки афви иқтисодиро сарфи назар кардаанд, тибқи қонун чораҳои шадидтаринро хоҳанд гирифт.

Баъди истеъфои президент: санаи нави интихоботи парлумонӣ дар Қирғизистон дақиқ шуд

Вай афзуд, ки ҳадафи афв пур кардани буҷаи давлат, баргардонидани сармояи қаблан ғайриқонунӣ содиршуда аз кишвар ва аз соя берун кашидани тиҷорат мебошад.

511
Барчаспҳо:
муҳлат, фасодкорӣ, президент, Қирғизистон
Кулябский Равшан выиграл золото первенства первой лиги Таджикистана

"Равшан" пеш аз мӯҳлат дар Лигаи футболи Тоҷикистон пирӯз шуд

0
(Таҷдидшуда 11:45 22.10.2020)
Дастаи футболи "Равшан"-и шаҳри Кӯлоб дар майдони худ дастаи "Ҳулбук"-и ноҳияи Восеъро мағлуб кард

ДУШАНБЕ, 22 окт — Sputnik. Шоми  дирӯз дар Варзишгоҳи марказии  шаҳри Кӯлоб  бозии даври 21-уми Лигаи аввали футболи Тоҷикистон байни  дастаҳои   футболи   "Равшан"-и шаҳри  Кӯлоб ва "Ҳулбук"-и ноҳияи  Восеъ хеле ҷолиб баргузор гардида, бо ҳисоби 4:2 бар нафъи  дастаи  футболи   "Равшан" хотима ёфт. 

Дар ин бора АМИТ "Ховар" гузориш медиҳад.

Дастаи футболи  "Равшан"-и шаҳри Кӯлоб  дар майдони худ дастаи  "Ҳулбук"-и ноҳияи  Восеъро  мағлуб кард ва  як давр пеш аз анҷоми мусобиқаи Лигаи аввали футболи Тоҷикистон соҳиби медалҳои тилло гардид.

Қаблан футболбозони шаҳри Кӯлоб дар мавсими соли 2021 ба Лигаи олӣ роҳхат гирифта буданд. Голҳои Наврӯз Рустамов, Ҳасан Рустамов, Умед Бадалов ва Сафаралӣ Каримов ба дастаи  "Равшан" пирӯзӣ оварданд. Дастаи футболи  "Равшан"-и шаҳри Кӯлоб   дар 21 бозӣ 51 имтиёз гирифта, дар ҷадвали мусобиқа дар зинаи аввал қарор дорад.

Баъди 26 сол: “Равшан”-и Кӯлоб Ҷоми Тоҷикистонро соҳиб шуд

Дастаи  футболи "Эсхата"-и шаҳри  Хуҷанд, ки 46 имтиёз дорад ва дар ҷадвали мусобиқа мақоми дуюмро касб намудааст, бо медалҳои нуқра мукофотонида мешавад. Дастаи  футболи  "Эсхата"-и шаҳри Хуҷанд  низ соҳиби роҳхат ба Лигаи олӣ гардидааст.

Дастаи футболи  "Панҷшер"-и ноҳияи Ҷалолиддини Балхӣ бо касби 38 имтиёз дар ҷадвали мусобиқа мақоми сеюмро ишғол мекунад. Тақдири медалҳои биринҷӣ дар даври охирини мусобиқа маълум хоҳад шуд. Барои ҷойи сеюм дастаҳои футболи  "Панҷшер"-и ноҳияи Ҷалолиддини Балхӣ  ва "Равшан"-и  ноҳияи  Зафаробод байни  ҳам талош доранд.

Баъди 17 сол: “Равшан” ва “Хатлон” дар финали Ҷоми Тоҷикистон

Ёдовар  мешавем, ки бозиҳои даври 22-юм ва охирини мусобиқаи Лигаи аввали футболи Тоҷикистон 25  октябр баргузор мешаванд.

 

0